Kinson Burger & Bar (Closed)

星期六收左工去食飯本來想食嗰間冇開門行左好耐就去左奧海城嗰邊食飯因為我唔食牛 所以叫左呢個雞扒車打芝士包 $65本來覺得burger 係應該跟汽水 但所有非酒精飲品半價都要其實要加20蚊咁我不如叫特飲啦哈哈 所以我就飲左蜂蜜蘆薈茶出黎個樣都比較頹 一隻白色碟就咁放個包同粗薯條比得一細包茄汁 其實唔係好夠點個包既料就係雞扒 芝士 生菜 我冇諗過會冇蕃茄片所以有少少失望不過個味道其實幾好 個雞扒燒得幾香又多汁都夠熱整熔少少芝士片塊生菜都新鮮 唔會黃啊有窿啊個包都軟熟 一大啖咬落去 唔會有種熱氣既感覺個包都好大個 做lunch 其實都真係夠飽總括黎講 其實唔差 個包只論味道合格有餘嫁啦 係伴碟 或者係隻碟 可以改善一下如果夜晚去應該就變左做bar 我見都好多款酒同個酒精menu都幾詳盡

同女友在旺角行街街，不知不覺行到奧海城！其實頗喜歡這邊的環境，近海邊又有涼風陣陣，又不會像旺角鬧市中人來人往，十分擁擠！😖😖行著找到一間可以坐路邊，環境優雅的餐廳呢！既是酒吧，不少食客坐在外面吸煙喝酒暢談一番；既是西餐廳，餐廳又有不少西餐、小吃供應👍🏻👍🏻餐廳主打漢堡包，有不少款式推介！不過我們未見肚餓，點了其他小吃和拼盤，過過口癮😆😆扭扭薯條，說穿了其實就是炸薯圈啦，新鮮即叫即炸，香脆好味，忍唔住不停口地食呢！😝😝芝士焗長通粉，但其實一半是芝士一半是茄汁呢，好像茶餐廳的鴛鴦炒飯呢！感覺既特別，賣相又吸引！而且份量不少，兩個人吃也很飽肚！小弟最推介就是這個香腸拼盤啦，三款不同的德國香腸，味道和口感各有不同，其中有一款是辣肉腸，吃入口香辣惹味，好食👍👍再加上面層的芝士薯條，也是愈食愈滋味呢！其實吃那個香腸拼盤，送酒絕對一流，十分合適三五知己暢所欲言！不過女朋友不好酒精，唯有點了餐廳自家制的乳酪特飲和沙冰，甜甜的，味道也不會太濃，夏天消暑解渴一飲也不錯吧！（大杯到滿瀉呢😵😵）

朋友喺奧海城商場有一間小小的時裝店，我久不久都會去shopping, 成日都會迷路, 因為我成日搞錯第二期同第三期。今晚好開心因為有戰利品，行到攰就一於叫老公喺附近接我，順便食個浪漫的晚餐。原來商場出面都有好多食店，老公鍾意半open嘅area啊！空氣流通又好feel！尤其是可以叫啲小食飲下啤酒，而且價錢好抵食。我叫左一份芝士焗蝦多士 $35直情好似Pizza一樣，你鍾意鋪滿芝士，仲有拉絲嘅效果蝦肉爽口彈牙，多士夠晒趣然後有叫咗個好 American 既 熱狗餐。$48 已經可以食到一隻 Hot chili Dog ，加$4 有煙肉薯蓉仲有得送汽水，果然抵食過商場裏面啲店舖多多聲老公就鍾意飲啤酒，所以 order 魚手指 $26 俾佢做小食，熱辣辣脆卜卜一邊食一邊傾計，佢開始話肚餓，所以就叫蘑菇白汁焗龍利柳意粉 $60, 兩大塊魚柳， 白汁味道濃郁，意粉彈牙不過始終最近天氣都仲係熱，我就忍唔住加$14 enjoy 了一杯青蘋果檸檬沙冰，爽下次shopping之後我識路搵食啦

朋友去了奧海城買東西，於是相約這裡搵食，雖然有唔同期數都有得吃，可能係食飯時間周圍都係人，行行吓去了三期，相對較多選擇，以為只有商場內先有得吃，外面原來都有，而個氣氛反而比商場內好！今晚就選了這裡，餐廳大部份位置都係露天位置，但加了大風扇，怕熱嘅話都唔怕，而晚上有時重有啲風吹，所以這裡有冰凍嘅啤酒就係首選！有意粉，有漢堡，有熱狗，加埋不同小食，確實選擇好多！我就點了個推介嘅經典雙層芝士豬漢堡$88，製作需時，上枱見到厚厚嘅漢堡包，裡面用料絕對十足，個漢堡香味撲鼻，中間切開就見到兩塊厚厚嘅豬漢堡，除此之外重有已容化嘅芝士，同埋香脆嘅煙肉，真係好難一啖入口，豬漢堡肉質軟熟重充滿肉汁，配上香脆粗薯條，真係十分滿意，另加多$14配埋個夏日特飲，凍特濃黑朱古力，喺炎熱嘅夏日降溫，朱古力味道濃郁，如果有朱古力沙冰就更加正！當然愛吃肉嘅我就加埋個黑椒牛仔粒$52，啖啖肉，入口肥美，送酒就更加一流！另一個蜜糖雞翼$48，雞翼燒得好香，入口時感覺帶少少辣，夠晒刺激，而雞肉質嫩滑加上蜜糖汁，真係好十分香口！雖然天氣熱嘅日子缺少冷氣嘅感覺就差少少，但座下後又唔係想像中咁熱，而且都好多人選擇這裡！証明我嘅選擇

好多推介都著眼於店內的漢堡事實上，除了漢堡，店內的熱狗也是重點哈迪斯，是我兒時的回憶，每逢假日，爸爸媽媽總會帶我到這快餐店吃美味熱狗，隨著這快餐店在港結業，那滋味也成為我的回憶今日，和爸爸媽媽的散步，走到此店，氣氛相當不錯，坐在室外享受清風，抬頭望見燈飾猶如繁星店內的價錢相當大眾化，還有set可以選擇的確，店內的漢堡相當吸引，只是賣相已抓住你的胃但我鍾情於熱狗，便點了原味熱狗腸仔大條不在話下，滿滿芝士，青瓜粒，酸瓜和醬汁等配料，一口咬下去，豐富的配料已滿瀉，份量不少的熱狗滋味和美味令我懷念昔日快餐店的滋味，也找回兒時的美味回憶的確，這店熱狗也不能忽略，我喜歡它配上扭紋薯條，口感十足，薯味豐富，新鮮炸起，脆卜卜令人更愛不釋手滿滿新鮮即製的士多啤梨奶昔，士多啤梨香濃，帶點酸甜，開胃之餘，凍飲更為炎熱天氣增加多一點的涼快

去咗奧海城睇戲，夜晚就喺附近搵嘢食，俾我哋搵到係三期嗰度有一間漢堡包食，價錢又唔貴，所以入咗去試。烤雞漢堡＄58本身以為係烤一整塊雞扒，點知原來係切件雞塊，最貼心嘅係去理雞皮，烤得好香，肉好滑，配埋芝士，味道不錯，如果薯條份量再多啲會更好。吉列豬扒漢堡＄58份量都好大件，無骨吉列豬扒剛炸起，熱辣辣，醬汁係唔同款既白醬，配上番茄同生菜，都幾好食。厚切薯條一向係我最愛，而且調味唔會太鹹。青蘋果檸檬沙冰（套餐加＄14 )味道酸酸甜甜，配埋個漢堡包好開胃，啱晒咁熱嘅夏天度飲，消暑解渴。士多啤梨乳酪（套餐加＄14 )用士多啤梨和乳酪混合而成，飲落好重嘅乳酪味，食完漢堡包再飲埋呢杯飲品其實都已經好飽。焗西蘭花雜菇＄40因為想食個菜，所以點左呢個小食，入面有西蘭花同蘑菇，上面鋪滿芝士焗制而成，味道都不錯。

女友人今日急call, 話要大吃特吃 (因為今日朋友給他的同事氣得放冒三丈, 話要發洩發洩一下喎), 那就去了她公司附近的Kinson Burger & Bar , 一邊吃一邊聽她說, 發洩一下 本身這個Kinson Burger & Bar可以坐在露天, 但是今日實在太熱, 我還是說不如坐在室內, 最少起碼有一點冷氣, 好我就叫了個Burger Set, 我再HKD5 叫了杯凍檸茶 先叫個小吃, 原味洋蔥圈 (HKD26), 份量比我想像中少一點, 不過炸到熱辣辣, 就當少吃多滋味吧. 與朋友就叫了這個 魚柳堡 (HKD58), 有魚手指, 蕃茄沙律醬等 , 再配上又粗又大條的炸薯條, 我就最喜愛這種美式薯條, 外脆之餘都有啖啖薯仔, 口感十足~ 而這個魚柳堡就中規中矩, 魚手指不算多, 但勝在配上番茄沙律菜等配料就口感十足 但講到分量十足就一定要介紹我這個經典雙層豬漢堡(HKD88), 分量十足的雙層豬漢堡, 都有半把刀的高度, 而且豬漢堡非常厚及多肉汁 , 加上芝士蕃茄沙律菜等配料, 我食了半個已經投降了~ 我見我朋友咬牙切齒的咬著這個漢堡包, 大啖大啖的去飲啤

是日又出咗來食飯，今次就去咗大角咀澳海城開餐，不過呢度都有好多食肆係度而且非常集中口味都有好多種類，至於呢次食乜係食漢堡同埋其他特色小食，餐廳位於商場3期地下外圍而且仲半開放式露天座位。坐低咗梗係要看看有乜嘢食，呢度除咗漢堡&熱狗&意粉&伴酒小食同焗物，當然唔小得飲品有特色飲品同各種啤酒。未食前先點番杯椰汁紅豆沙冰解解渴先，係食漢堡前先點咗伴酒小食有粗紋薯條，熱辣辣薯條入口香脆，而薯條本身粗厚所以食落外脆內軟，炸得時間啱啱好唔會太乾身再來係焗物有芝士蝦多士，多士表面舖滿香滑之士，而蝦肉又大隻爽口，多士焗得金黃鬆脆非常可囗另一款係蜜糖雞翼（辣），未食已聞到香濃嘅蜜糖味，未食已知雞翼相當嘢味，雞翼表層香脆肉質嫩滑，至於味道香甜之中帶出微微香辣，食落又幾嘢味好啦終於到主角出場點咗香辣肉醬漢堡，材料有漢堡扒&秘製辣醬同芝士，將漢堡扒攪碎變成肉醬再加埋秘製辣醬而成，厚厚肉醬係包與包之間份量十足，咬一口肉醬香濃軟滑加上辣醬配合，食得相當滋味又飽滿又估唔到可以食到咁抵食漢堡同埋有水準嘅小食

如果你問我食漢堡包之選，我會講「burger king」，以前做機場時去burger king食野會有9折，就係因為咁所我成日食，麥XX唔入流啦，今日我就為大家介紹一間burger，我自己食完就唔會再去burger king啦，唔知你呢？某日行過奧海城，因為有澳門旅遊展，所以就去睇下有無平野，結果空手而回，企左咁餓好肚餓就一個人去搵野食，睇水牌見到間係食漢堡包，包既價錢一d都唔貴，手掌咁大個包都只係$58，仲有人Serve！我叫左磨菇芝士漢堡，黎到都嚇一嚇，「咁大個既！」估唔到仲有薯條跟，長過我隻手指！薯條岩岩炸好，仲熱辣辣架！薯條上面有少少胡椒粉同鹽，食起上黎好惹味！漢堡無任何醬，只有漢堡扒、磨菇、芝士，芝士已經融左一半，漢堡包同豬柳漢堡d簡直係兩回事！呢塊又厚又多肉，d肉堆埋晒一齊，切開時有爆開既感覺，漢堡扒味道不錯，無肥豬肉，仲有dd胡椒調味，磨菇都好多，仲有汁架，Juicy！飲品另外叫的，加$8就有凍既特飲～我叫左凍蘋果檸檬茶。賣相似係普通凍檸茶咁，初初飲時有好重蘋果汁味，係一種鮮甜味，慢慢飲落就會feel到鮮檸檬味，呢$8抵加啦！其實只係貴快餐店少少，你識揀啦？

放工行厭左MK, 見好耐都冇行過奧海呢邊既商場, 以前多數行1及2期, 估唔到第3期呢邊既食肆, 搞左條小酒吧街, 揀左KINSON BURGER & BAR蘑菇芝士漢堡黎試下, 坐落幾恬靜舒服, 同朋友傾計最岩不過！點了個羊架COMBO SET 配GUINNESS黑啤試下, 當然唔少得試埋個BURGER啦, 朋友揀左蘑菇芝士, 之後慢慢坐飲返杯。羊架夠JUICY好嫩腍又惹味, 亦都唔太蘇, 配粗薯條及蔬菜岩好佐酒良伴, 份量也夠多好滿足, 配黑麥啤就夾返重味配重味既 (個人認為), 啤酒同是大大杯抵飲。蘑菇芝士BURGER$58, 材料十足, 包身雖然冇烘焗過, 但厚身鬆軟且有彈性, 牛肉扒鬆化不易散,  咬落爆多肉汁, 加上剛溶既芝士同蘑菇, 整個感覺有別於平時快餐店食既漢堡, 或者由呢條小酒吧街比到我全新既環境同感覺！ 今次食左7分環境,3分味道, 嘻嘻!  如果一d鐘意小清新既酒吧朋友可以黎試下喎！

去開奧海城接媽咪收工， 順便比佢休息下唔洗返屋企煮飯，😏 就隨佢去附近的小店吃頓輕食晚餐。🙊🙈 媽咪曾經到過「Kinson Burger & Bar 」（下稱Kinson）吃過外賣burger，感覺不錯， 所以便帶我來。 「Kinson」主要以露天座位為主， 並有少量堂食座位在裡面， 為的大概是因為歡迎寵物🐕🐈🐩到來。 依媽咪的說法，平日午前午後都有不少附近住客來這裡吃東西，溜溜狗🐕。 「Kinson」主打美國菜， 有意粉🍝、熱狗🌭、漢堡飽🍔和一系列的串燒小食， 價錢都幾便宜， 意粉、熱狗、漢堡飽等飽肚食物$50-$69就有交易，串燒小食都是$10-20左右。😏 由於我們當日不太肚餓， 所以便叫了串燒Family BBQ Set（$138）， 可以在Skewers snacks任揀兩款， Meat任揀一款，Vegetable and fruit任揀兩款， 而且份量係X2，即有十串串燒，好抵食呀！😳 食物質素也比我想像中好得多， 有串燒店的質素！😎 Skewers snacks我們選了燒墨魚丸和串燒雞肉， 燒墨魚丸爽口彈牙，串燒雞肉都算嫩滑， Meat我們選了香草燒紐

每次經過奧海城三期這邊露天的餐廳總以為價錢是很貴的，因為在奧海城的黃金地段，但是他的價錢合理，真的是抵食夾大件。魚柳包，就是魚手指包， 才五十八蚊，連飲品都是加8-14蚊。横切面， 包有點過多，但其實食下去是剛剛好。雙層豬柳芝士漢堡，第一次聽到用豬肉做的雙層漢堡， 88蚊。橫切面比魚柳飽震撼， 豬柳一擁而出， 差點一手都找不住它。豬肉醃得比較咸，可能美式都喜歡較咸。洋蔥圈，洋蔥好鮮甜，香脆可口。天氣還是很熱，所以還是坐在室來吹風扇，下次再來要等天氣涼一點，這兒也不失為一個談天說地的好地方。滿分為10分(1分最低，10分最高)食物：9環境：8衛生：8服務：8價錢：9舒適度：8總分：8

今晚係outdoor一邊嘆啤酒，一邊嘆美食。與友人係露天酒吧，飲住冰凍啤酒，嘆美食，的確幾舒服，加上環境不會嘈，難得可以傾計的好地方。呢度有combo set $138-228，較大份量的小食，配啤酒一流，如果唔飲啤酒都有其他選擇，也可以單選小食。另外，呢度仲出名burger，價錢$58-88，漢堡大大個好抵食。我同友人點了2 個combo set，配自選draught beer嘆返一晚。我就飲hoegaarden Rosee，女仔都喜歡香氣重、微甜的飲品，呢個酒味較又易入口，飲完仲透心涼既啤酒，少飲酒既女仕都飲到，而且大大杯有500ml，夠飲成晚。朋友就飲Guinness 黑啤，同樣都是500ml，雖然睇落黑麻麻，但啤酒不會太甘苦，反而柔和醇美，都很易入口。羊架Combo $158，包一杯啤酒。伴爽脆新鮮的沙律菜，微酸油醋汁正好中和肉類的油膩感，粗薯條飽肚又炸得香見熱辣辣。一客有3件羊架，睇落好吸引。羊肉一點也不羶，肉質超嫩且多肉汁，有如bb羊般，蘸醬汁更惹味。的確做的好好，我用手拎住來食，更豪爽滋味，必點菜式之一。德國腸combo $148，包一杯啤酒。總共有3款腸，切片排在鐵板上

今晚OT完，咁晏無謂返屋企煮麵啦，諗住沿路行出旺角站，經過見到餐廳是吃burger，除了麥當勞我都很久沒有食burger，就試一試。餐廳分開入面和外面，本來想坐外面，但有很多外國人已在外面飲返杯，只好坐入面。一個人叫了一個魚柳堡，配料包括魚手指，蕃茄和沙律醬，全部都是我喜歡的。本來以為只有漢堡包，原來還有薯條！薯條好像以前burger king那麼粗，配上茄汁，味道不錯。主角魚柳堡Size很大，我特意叫廚師幫我切開一部，方便食，包內共有四條魚柳，蕃茄生菜沙律醬都很多，十分邪惡！魚柳好淋，雖然是炸的，但是沒有太大的香脆熱氣感，皮內是滿滿的魚肉，香軟彈牙，沙律醬也不錯，甜味好夠，至於漢堡包當然是十分軟熟，而且還夠大呢！飲品方面，我叫了兩款（沒辦法，實在太熱了），先叫了咸檸檬梳打，我覺得咸味一般，但勝在夠凍又解渴！另一杯是香蕉鮮奶，不知道奶為何會那麼滑，香蕉味重，滑又香滑，仲有一層奶泡呢！雖然是大商場，但都有著平民的餐廳，平民的價錢，平民的burger。

在公司附近找到一間漢堡包店, 有很多人坐在室外吃晚餐, 但由於天氣太熱, 所以我和朋友選擇了在室內進食 。我們點了兩個漢堡包和兩杯飲品, 這兒的套餐也蠻抵吃的。我們每人點了一個漢堡包, 另加$14便可以加一杯夏日凍飲。我點了一個素漢堡包, 裏面有薯餅、蕃茄和生菜, 漢堡包的份量比我想像中大, 餐廳選用的麵包很大塊和很厚身, 咬下去, 麵包也挺鬆軟的, 我亦加了蘑菇片放進漢堡包裏, 蘑菇很入味, 和漢堡包很夾。飲品方面, 我點了一杯香蕉奶, 它是用新鮮香蕉和牛奶混合而成的, 我猜香蕉還是未熟透, 所以喝下去有點兒酸。