棋哥燒鵝餐室

Open Now

Now Closed

六七十蚊食個燒味飯 跟埋嘢飲成八十蚊味道還可以 但唔值咁嘅價錢最反感係 成間鋪都係烏蠅飛黎飛去 偷襲珍珠港咁張檯油淋淋 望住個環境真係唔開胃衞生惡劣如此 夠膽收咁嘅價錢最後食左一半頂唔順走人

份量少 服務差 下就叫碟燒味雙拼 燒腩油雞 燒腩仔肥到 然後比油雞翼 肉都無 我問佢係咁少 佢用d大佬廣東話同我講一輪 聽都聽唔到 結論係係師傅比既講左兩次 即係唔關你事？！ ok 第二個就話：唔要翼呀係咪 咁你講呀麻～ 推都算數 咁講即係我要知你哩無度翼係咁少份量然後你都知係咁少 然後我要知道你地係會比無肉的翼??? 然後買62湯野飲都無～即係唔係要咩服務態度 都唔係咁囉唔怪得lunch都無咩人食我樓下up w街市買$22都好過你多多聲～真係唔好食~

今天去完中央圖書館，太肚餓啦！行落電器道搵食，睇到棋個好似D 燒鵝幾好，下午茶又有燒鵝瀨，就食哩間。鋪頭吾大，裝修簡單，乾乾淨淨，坐低就馬上叫兩碗燒鵝瀨，坐低一分鐘就有，-燒鵝皮脆有焦香味，話系荔枝木喔，一碗肉比較瘦，另一碗有肥羔，瘦的比較靱，肥的是比較甘香。-瀨粉幾滑幾彈口。-酸梅醬就吾多夠酸梅味啦！- 湯底就普通啦！-檸檬水正常- 咖啡非常吾掂，吾香無咖啡味改善點- 如果燒鵝甚至其他燒臘湯粉麵，有可能把肉分開碟上，咁就吾會上檯D 皮好快吾脆，肉味會滲走，只會影響自己出品。另外防疫方面，基本都做到，員工亦戴整齊口罩，但有兩檯客入來，- 一個未坐低就除曬口罩，經過其他客人- 另一個就跟本無遮鼻。但員工都無理

燒鵝嘅份量太少，佢俾咗燒鵝髀嘅下面燒鵝位置，燒鵝明顯夜晚黑啦收工明顯乾哂，皮已經脫離肉冇黐住，冇晒肉汁。最離譜飯係生米骨，伴菜菜心完全唔識食，凍冰冰及黃哂😭仲特登千里迢迢走過來幫襯😤，俾錢時有向店員反映燒鵝質素實在太差😖五件燒肉四件燒鵝雙拼飯$72,這個份量少得驚人。隔籬枱齋燒鵝飯可以係成碟燒鵝㗎⋯⋯我話使唔使咁大細超💔一年幾前食過燒鵝瀨味道都是不錯的，看見其他人給予的負評也不太相信，今次親身證明其他人同我一樣，差真的要講出來，質素真係大不如前了。

呢間分店剛開張時食過一次印象唔錯, 估唔到今時今日可以退步至止。繁忙時間都可以直入有位, 果然事有蹺蹊。諗住耐冇食燒鵝所以食好少少, 叫咗$112燒鵝髀飯, 鵝髀微暖嘅, 有少少所謂嘅荔枝柴香味, 但咬落去啲皮竟然係極級勁韌, 完全無辦法咬得開（見第一張相）最後唯有Lur返哂出嚟, 攪到我狼狽非常。從來未食過啲咁韌嘅食物, 隻燒鵝唔知放咗幾耐先有咁嘅效果。咁都夠膽上俾客人, QC完全不知所謂。以後都唔會再俾機會棋哥嘅所有分店。

上次響銅鑼灣分店食過下午茶，覺得都係麻麻地。呢次經過天后分店，唔信邪，再入去試吓，睇吓係咪間間分店都有所不同。睇吓個餐牌， 叉燒瀨粉個賣相都唔錯，所以就叫佢喇。义瀬到，同個餐牌，爭一大決。$43到算數啦，味道都係普普通通叉瀬一碗。至於飲品方便，真係奇怪，話明係下午茶餐，但係凍熱飲品要加$5，特別飲品要加$8，咁即係唔係套餐啦。咁飲乜嘢唔使加錢呀？水囉或者係咪唔凍唔熱嘅飲品，就唔使加錢。特別飲品要加錢唔怪你。上一次幫襯佢哋， 冇乜留意就踩咗呢個雷。咁樣不如大大方方，下午茶餐$48 ，乾手淨腳。

今日中午咁啱去天后,1點幾經過棋哥,順便去買外賣,買咗兩個兩個下莊,個外賣阿姐很黑面咁行過來包裝,見佢睇都唔睇單拿咗兩包酸梅酱摆落袋,跟住問佢可否俾多點,佢話唔得。問佢一份下莊可以俾幾多包酸梅酱,佢話3包,咁就問佢我買兩個下莊,咁係咪6包酸梅酱,見佢塊面更加黑,好晦氣咁掉多幾包落去袋度。睇來下次都唔好偷懶行多幾步路去銅鑼太興買。雖然大家價錢同味道都差唔多,起碼服務態度好過佢好多。今次順便都買咗薰蹄同牛肚,明明之前提佢俾芥辣醬,返到屋企竟然一包都冇,冇下次了。

都預咗平時啲平民餐廳侍應未必好有禮貌，以往都唔會因為服務態度問題留言。但今日真係不吐不快。平時搵食除咗正評我都會睇埋負評，而家完全明白之前負評既巴絲，非常認同「服務九流」冇形容錯（最尾係冇食到任何野）。今日特登同老婆嚟天后呢間餐廳食下午茶試吓佢啲燒鵝，諗住呢個時間會少啲人坐得舒服啲，點知一入到間餐廳諗住坐低，個侍應已經好唔好態度咁叫我哋「喂，量體溫先！」，就算唔記得都唔使咁差態度⋯咁我哋之後諗住舉手落單（冇出過聲淨係舉手），點知個樓面阿姐喺遠距離話「放底手啦唔好催，樓面唔夠人手呀！」（態度真係差）其實係下午茶時間樓面坐到一半人都冇，鋪面又唔係大又有三個阿姐落單，佢竟然話唔夠人手，重點係其實我只係舉手冇催過佢，所以我哋就回佢一句「我舉手咋喎冇催過你」，跟住佢就行曬成個鋪面同其他客落單（包括遲過我哋嚟坐低嗰啲）都唔同我哋落單，咁嘅環境仲叫我點樣食？免得一陣叫佢過嚟攞單又話我催佢，所以我哋都係決定起身走，我最終都冇食過，所以真係唔知道啲嘢好唔好食。

平日一星期都有過嚟一次，每次都 有飲 例湯 ，今次 也不例外， 我和我先生除了各人点了一碟飯外，也點了 兩個例湯 ，但失望的是今次的例湯畀我們之前飲過的鹹了十倍，於是通知一位紮馬尾的女服務員 ， 通她並要求她親自試一試 ，好讓她不要 繼續賣給其他客人， 又或者最低限度再調教一下才賣 ，但跟她 說了兩次她也 沒有任何行動， 只是 回應了一句 “哦“， 希望老闆能看到這則 訊息好好改善一下員工們對客人的意見，亦不希望因為員工的 這個服務態度而失客

燒味正常味道，但服務就很差。1.收銀永遠不會說多謝，態度傲慢2.點了燒肉切雞飯外賣，問她有沒有放薑蓉，她反問你：你買左嘜野？然後就很晦氣地回答：放左喇！3.燒味正常味道，飯量也不少。回頭指數：0味道：10/5受氣指數：10/10

我喜歡到天后店吃下午茶，燒鵝，叉燒，燒腩仔飯都喜愛。唯最近多了一名男侍，每當坐下即時走過來問你食咩？今日又係咁，一坐底便問：食咩？我因要嘟安心出行，便說等等，嘟完後繼續看手機（都係1，2分鐘）他又走來，2隻手分別按著1張櫈背問：食咩？感覺是被兇！再說等等，他十分不滿便行開了。其實我都唔想叫佢落單，但其他人總是有其工作，他似是一個專業落單打手！莫非這是新政策，客人一坐下便要即時落單？然後食完快D走？咁就應該寫明啦！還有叫他攞杯水就永遠係1／4杯，相信這也是完全配合新政策飲完／食完好快D走，唔好阻住個位做生意！

以前細細哥跟親戚去左深井食燒鵝那是童年唯一一次食燒鵝其餘食既好大機會係燒鴨😂😂😂😂😂😂😂到近年，燒鵝common左好多唔使下下入深井現在開到周圍都係其中一個原因就係呢間棋哥燒鵝之前開到差不多一區一間😂😂😂😂😂撞正呢年疫情都無話唔傷但講真，呢間野質素係唔錯，又穩定今次下午茶 簡單鵝瀨件件鵝都有荔枝木味真心唔錯配瀨粉真係好夾都唔知邊個唸出嚟😂😂😂😂奶茶又係有手準盛惠38都抵食

叉燒一 很淋，很不錯燒鵝一 有陣陣荔枝柴的香味，正！食物質素不錯的，但很可惜，最近去了幾次買外賣不再收電子貨幣，八達通和AlliPay 也暫停使用~同一個姐姐又收錢又包裝食物咁，不太衛生😨 下次如果還是不收電子貨幣，會考慮買附近另一間新開的燒味店

“ Affordable with Good Quality of Meat “Char Siu & Siu Ngo Combination with Rice.Siu Ngo have the right balance of meat and fat. The skin still have the crispness with a little bit of charring.Char Siu are tender and juicy with the same charring on the skin.

今日經過天后，見啲燒鵝甘靚仔就買番隻番去食😋😋😋.棋哥燒鵝 $528一隻 燒鵝真係佢地既招牌菜！燒烤過程中加入左煙燻技術，令燒鵝食落有陣陣荔枝柴煙燻香味，好唔好食就好睇你中唔中意呢陣煙燻味，我個人黎講就幾中意，覺得陣味好特別，而且腌得好入味，用既鵝係五斤四両既黑棕母鴨，肉質鮮嫩！.一隻鵝，可以分到兩盒，一打開盒可以見到好整齊咁舖好，色澤好光令，呢度只係其中一碟！份量十足！外表棗紅色既燒鵝，係燈光下更顯光澤，一咬落去就食到鵝皮好脆，皮脆肉嫩！特別中意個陣陣既煙燻味，然後油脂係口入面散發！鵝肉厚而不肥，又有肉味，肉汁豐腴又無鵝膻味，點小小自家製既梅醬，酸酸甜甜，解油膩，同燒鵝真係Perfect Match 正👍🏾