棋哥燒鵝餐室

Open Now

Now Closed

呢晚突然之間想食下燒味飯，反正行完維園咪去天后揾下有無啱心水。 呢間野未黎之前都聽過下大名，入到去舖面唔算大但都坐左唔少人。間野出名食燒鵝，入到黎無理由唔試，所以叫個燒鵝拼油雞飯。白飯唔算多，鵝同油雞都各切四件，先講隻鵝，望落塊皮燒得均匀，食落有陣炭香味，食落唔會太硬，肉味幾重。 油雞件就不過不失，師傅切左雞胸位俾我，食落唔算太油膩，都食得出有雞味。整體都合水準，咁樣兩個餸收六十幾都算合理，唔怪得知keep住都有客入黎食。

夜晚係銅鑼灣做完野已經好攰，緊係要食返餐好架啦，男朋友話不如去天后，貪佢多選擇。最後揀左棋哥，我記得剛剛開既時候都幾多人排隊，終於可以一試啦。格局係一般燒味既荼餐廳咁，唔算太闊落，不過都OK。餐牌有中有英，方便遊客。的確，食既途中都有不少外國人。棋哥出名食燒鵝，當然要叫啦，不過心大心細既我，就叫左個燒鵝五寶飯(我轉左賴粉，有D後悔，原來燒味都係配飯好味D)，有雞有叉燒紅腸仲有咸蛋。個燒鵝真係幾好食，燒得好靚，個皮又唔厚，仲有一陣陣既木薰既味。叉燒帶點少肥，蜜味唔會太甜啱啱好。雞唔鞋都幾JUICY。男朋友叫多個飯之餘加左個湯，花生眉豆雞腳湯，係住家湯既味道，飲落先發現原來有好多湯渣，好抵。臨走既時候見到格黎叫左兩個例牌，分量都唔少，燒鵝例牌好似仲叫下裝勁吸引，如果鐘意食既都係唔錯既選擇。

來到最近名聲四起的燒鵝店來吃飯，果然沒有令我失望。一個好的燒鵝最重要是皮脆鵝香，聽說餐廳燒燒鵝時是用柴木燒的，吃下去時真的有陣香木味，而且燒鵝亦有很香的鵝味，兩者混合出來便造成了很香很美味的燒鵝。叫燒味飯可以加8蚊飲到無味精花生眉豆雞腳湯，試後果真無味精，真正。老火湯。湯中有雞腳一隻，排骨兩舊，眉豆跟花生，用料十足。另外仲包埋飲品，真係無得輸。健康既我加15蚊要埋碟油菜，唔記得走蠔油，飽到嘔的一餐。

今個星期超級忙，要趕兩份Proposal。好似今日咁，就做到不知時間過，霋一抬頭就是午飯時間了😲。朋友話灣仔實在人太多，反正我地自由身冇限制，倒不如坐叮叮到天后搵食😅。咁都得？原來真係得架🤭，嚟到電器道第一時間係同陳豪撞個正著，佢真人又幾高大靚仔喎😍。一街都係美食都唔知揀咩好，忽然見到呢間燒臘茶餐廳有人係門口排隊，羊群心理作祟即刻行埋去，又唔使等好耐咋喎。門口見到啲燒鵝好似好正咁，當然要點啦，仲加拼乳豬添🤭。睇下我碟乳豬拼燒鵝飯個樣幾靚？！😝乳豬皮好鬼脆肉好軟熟，燒鵝就多汁，肉質鮮美又唔肥，而且難得唔會太鹹👍👍👍，果然係燒鵝專店。到底我地係咪要考慮逢星期二都要嚟天后搵食呢？

港式燒味遠近馳名，就算在外地亦見有分店，燒味飯更是每星期都會食到，尤其是外出午餐，唔知食咩好，就一定會揀燒味飯，真係香港人至愛。這間位於天后電氣道的棋哥燒鵝，以燒鵝為聞名，門口一隻隻新鮮出爐的燒鵝，表面油水充足且有光澤，油雞及燒腩等都是全天即做。燒腩仔要了半斤燒腩仔今晚加料，外皮鬆脆，腩肉肥瘦均勻，肉質嫩腍且有肉味，而且不會醃得過鹹。油雞半隻雞皮油脂不厚，外皮有豉油味香味，肉質嫩滑，不會有雪藏雞味。

同阿媽在天后食完午餐，經過這間棋哥燒臘店，門口掛著很多燒鵝、叉燒及雞等，外貌吸引，所以買了些外賣作今夜的晚餐。燒味價錢同外面差不多，百多元一斤燒腩仔及叉燒。燒腩仔：外皮鬆脆而且不會燒得過火，師傅每舊切到大小差不多，一層肥一層瘦，不會太多肥膏，而且有肉汁，肉質不乾不鞋。叉燒：肥瘦均勻，表面的蜜汁不會太甜，肉質鬆化，越咬越有味，而且沒有雪豬味道。其實這裏的燒鵝應該是剛燒起，我見很多人都叫下午茶的燒鵝粉，下次可以一試。

天后一直以來都有唔錯嘅燒味店，當中一間棋哥燒鵝餐室亦相當有名氣，所以我都試吓佢嘅燒味啦。燒味店門外掛了燒味嘅價錢表，可以方便知道外買嘅價錢，燒味種類包括有燒鵝、叉燒、燒肉、油雞等等，今次我就試吓佢嘅燒味叉燒配燒肉。燒味師傅刀工乾淨俐落，話咁快已經將成盒燒味切好，而且擺盆亦相當乾淨美觀，睇見都想食。味道方面，相當有水準燒肉皮脆肉嫩，肉質唔會乾身，叉燒亦相當好食，蜜汁將叉燒融合，咬落非常軟淋送飯一流。

今日好口福😁門口櫥窗， 掛了賣相吸引的燒鵝，一隻隻排列整齊 賣相吸引即刻，行入去坐低，我們早餐還沒吃，實在餓了今日去天后開工， 順路經過去到棋哥食燒味，天后地鐵站一出， 行三分鐘就到，行過對面馬路就到，轉角位就到 店內燈光通明， 舒適雅座燒鵝併燒腩仔飯，上臺跟甜酸醬芥辣醬， 燒腩仔皮脆嫩，肉嫩滑，半肥瘦， 有種入口即溶嘅感覺， 乳豬皮香脆，真系卜卜脆， 好耐未食過咁好食嘅脆皮 燒肉皮。好味呀～燒鵝髀啖啖肉，沾少少甜酸醬，入口肉質嫩滑，食落口， 真係幾享受㗎燒味拼盤叫咗油雞髀及叉燒， 凍奶茶， 半肥瘦叉燒真係入口香又林，大大條青菜，上枱都幾吸睛，色澤 鮮明，入口唔會又老又硬 食完棋哥出門口，仲有好多人嗌外賣， 女士們自己企在門口，打牙骹，證明好多街坊都會去幫襯， 下午茶咁抵，真是性價比高之選座位寬敞，裝修新淨，環境幾舒適，好多射燈，所以光線充足下午茶咁抵食，真係三心兩意，揸唔定主意，好想試聞名已久嘅棋哥燒鵝髀飯 ，先試試😚 下午茶還是留返下次啦。

天后我基本我次次黎都整係食甜品，住係天后既朋友就同我講其實好多正野食，佢就話佢成日幫襯呢間，話呢間既燒鵝好得，今次我經開呢頭，就黎食下係咪真係好似我朋友咁講到咁好食！我就叫左叉燒燒鵝飯加個咸蛋，黎到賣相已經好吸引，叉燒肥瘦度剛好，蜜汁滿滿，咬落嫩滑，而燒鵝的確好唔錯，燒到好均勻，鵝肉juicy 又嫩滑，皮又唔會厚，果然我朋友無fake我！下次黎天后又多一個好食堂啦！中意食燒鵝既朋友呢度一定唔會令你失望

其實屋企附近賣燒味的飯店都有兩三間，但近來開咗一間棋哥燒鵝餐室，聽聞話啲燒味好出名，尤其打出名堂的就係燒鵝，所以今日決定要試一試，不過由於是大出名的關係吧⋯⋯人太多了，沒有枱了，所以今次我只好買外賣返屋企食了。燒鵝、叉燒、油鷄⋯⋯一整排掛在店面玻璃後，色澤鮮美，有的還滴著油水肉汁，實在令人垂涎三尺！先望下餐牌有咩選擇，order馳名燒鵝飯一定冇走雞啦，另外一盒就order淨叉燒拼油雞。叉燒肥、瘦肉圴衡，香軟可口，加上陣陣炭火香氣，在嘴裡多嚼幾下就能感受肉香和蜜汁的結合燒鵝，皮脆而且帶有光凙，肉質細嫩、油分適中，入口甘香而不膩，肉汁豐富，調味不會太鹹，鵝汁一咬就流入嘴𥚃，鵝肉相當入味，果然名不虛傳油雞，滑嫰肉質，有鷄味！

去完中央圖書館，喺天后搵嘢食，港鐵A2出口的電氣道兩邊林立不同食店，每間都是小型餐館，有些更是只做外賣。見棋哥門外有些顧客等外賣，相信食物質素應該不錯。店內環境就如其他茶記擺設差不多，餐牌上全都是燒味，就算常餐都包括叉燒粉面，加十蚊可以轉燒鵝粉麵。同老公兩個人點了燒鵝瀨粉及乳豬五寶飯。燒鵝份量好足夠，味道香濃但不會太鹹，皮脆肉香。乳豬五寶飯包括乳豬、叉燒、油雞、鹹蛋及紅腸，還有榨菜及幾條油菜。乳豬皮香脆可口，可惜有兩件較為肥，叉燒半肥瘦好入味，油雞表現ok呀，鹹蛋要趁仲有飯嘅時候快啲食。另外叫咗碟油菜，唔要飲品加錢要咗碗花生眉豆雞腳湯，只見花生未見雞腳，好彩唔覺有落味精，尚算好飲。

最近同朋友傾開計，話「棋哥」除咗有木炭味嘅燒鵝一流之外，其他燒味都好有水準。今晚約咗一大班親戚喺天后附近聚聚，於是走去「棋哥」買個燒味雙拼斬料試試。燒味雙拼我哋今次選擇了半斤「棋哥叉燒」半斤 及 半隻「桂香切雞」。「棋哥叉燒」半斤 $59冇諗過咁好食，完全冇喳，肉質鬆軟而且燒得剛剛好。叉燒半肥瘦，分佈均勻。秘制叉燒蜜汁份量適中好味，唔會勁甜或者燒到勁燶。十分滿意！雖然今次只係外賣，不過眼見餐廳內環境都舒適、光線充足。服務員服務態度十分殷勤、有禮。

這天晚上放工後還在考慮晚上吃什麼好呢!? 正好路過棋哥燒鵝餐室，被那陣傳來的氣味所吸引，馬上就決定買外賣回家開餐。 棋哥叉燒 (半斤) $59叉燒肉質嫰滑，味道鮮甜，配上獨特的棋哥叉燒醬汁，將叉燒昇華至另一境界，令人一試難忘，的確很久沒有吃過這麼美味的叉燒了！ 脆皮燒腩仔 (一斤) $118燒腩仔肉質鮮明，咬起來外皮香脆可口，油脂分佈均勻，吃來很不錯。

朋友見我喜歡吃燒鵝瀨粉便介紹我去試試這店，週末午飯時間，座無虛席，門外還有大概十人在等候，心想這店必是高水準之作。由於我一人用膳，等了大概五分鐘便有一個搭枱的座位，坐下來後，想也不想便叫了招牌的燒鵝瀨粉，再加一碟油菜和一杯凍檸檬茶。十分鐘後，食物到，看上去燒鵝燒得不錯，鵝皮脹卜卜的，而且有光澤，咬一口，皮仍脆，但肉質卻有點韌，而且皮下脂肪略嫌多，湯底亦淡而無味。對今次的燒鵝瀨粉有少許失望，下次有機會再來時，要試試它的燒鵝脾和燒鵝胸，看看是燒的問題還是鵝不同部位的問題？

好多人話棋哥燒鵝好食，食過之後，我覺得都幾好食，外皮燒得香脆，有光澤，鵝肉飽滿，啖啖肉，唔靭，食落都有鵝味，不過價錢偏貴，餐廳空間唔夠，座位偏窄，坐得唔係咁舒服，而且服務好麻麻，試過就算。