棋子燒鵝 (Closed)

呢間真係不可一不可再 買左燒鵝瀨粉 翻到屋企一開先見到俾左叉燒瀨粉 都算啦 反正都買左 一食勁大陣蠟味 啲湯又小得可憐 係見啲人話呢間燒鵝真係有煙熏味先去買 買唔到不得止仲要劣食咁款 中哂伏

棋子燒鵝賣相一流，多肉同埋夠滑。肉汁分明。值得一食 一食就會不停回味。燒鵝配瀨粉一流，平靚正。附近沒有任何一間燒鵝鋪係性價比高。唯有棋子燒鵝。一人份量好足料，最緊要多汁，

又係下午茶搵食既時候！今次試下棋子燒鵝！$38 好抵食！飲品另加$3！燒鵝真係煙薰香味！個look幾好不過皮唔算脆了～但都算不俗！瀨粉正常～條皮巧似肶。實情唔係肶！

呢個food court都有幾多野食，今日一心就想食燒味，就揀咗呢間。本身想食乳豬既，可惜去到已經冇晒。雙拼燒鵝燒腩仔瀨粉 ($58)飯或者瀨粉同價，唔想食咁滯就揀咗轉瀨粉。睇相可以見到燒腩仔同燒鵝都好靚，燒腩仔燒得好脆，不過覺得佢切薄咗小小，如果冇切咁薄口感會更加正。燒鵝就好香，皮脆肉嫩，唔會太肥，加上咬落好香煙燻過既味，我覺得好好食。呢間既燒味性價比幾高，好食得黎唔會好貴，我覺得除咗堂食之外，係附近放工既都可以過黎斬料番屋企加餸。

之前聽人地講棋子係棋哥既姊妹店，係九龍灣見到價錢又唔貴就外賣番去加下料，我係order左燒鵝下莊外賣⋯外賣燒鵝個盒剪開一小角透氣，細節上很細心！燒鵝真係好好味皮脆肉嫩，有淡淡木香味～對上一次食皮脆肉嫩燒鵝仲係好多年前深井裕記燒鵝啦，宜家九龍灣有咁高質既棋子燒鵝，會係我外賣list其中一個選擇！正！（下次試下燒鵝飯先）最後不得不講，出餐好快手，購買到拎貨，全程5分鐘唔洗😂真係好快手！（今日仲係星期六來tim）犀利

。今日，同爸爸行經九龍灣，見到哩檔燒味好靚🤪即時就吾諗要入去嗌啦😍😍，尤其是而家限制令，六點後冇得堂食，爸爸話煮餸煮到唔知煮咩好🙈，今晚一於試吓佢啦😋。我地叫左燒鵝下莊😋，油光飽滿，陣陣煙燻鵝味，又唔會太肥，薄薄既皮，帶小小脆💕，平時唔食皮嘅我，都忍唔住一舊接一舊😋😋，配上甜酸醬，正呀。我哋仲叫咗半斤燒腩仔，外賣返到屋企已經過咗兩個鐘，我哋開嚟食嘅時候個皮依然脆身，肥瘦適中，配上黃芥末👍🏻🙈，爸爸話超好食呀🤪。地址:棋子燒鵝 (九龍灣)九龍灣偉業街33號德福廣場二期5樓501B號舖Foodeli#hkfood#hkfoodie#hkfoodbloggger#hkfoodblog#hkrestaurant#foodpotography#openricehk#foodpic#foodporn#picoftheday#instafood#topcitybiteshk#hkig#hkiger#hkigers#foodie#foodgasm食評#相機食先#棋子燒肉

上星期放工去左九龍灣德褔行，臨走前見到有Food Court就決定買埋外賣先走。見到有間－棋子燒鵝，之前聽過幾出名就試下依間味道如何先！棋子燒鵝(上莊)：上莊部位果然啖啖肉，每件燒鵝大小適中；燒鵝肉口感吾算太過乾身，加上燒鵝滲出燒鵝既油份令整體味道幾juicy。燒鵝味道有點帶煙燻味一樣，感覺幾香口。如果中意食鵝既朋友可以叫黎試下啊！棋子雙拼飯(叉燒&燒腩仔)：見到叉燒燒得剛好，叉燒甜甜地帶少少咸味，配合白飯一同食用，味道好岩；叉燒冇特別講明要半肥瘦，但食落口感吾太硬，反而仲有啲爽口。另外，燒腩仔外皮幾香脆，每舊燒腩細細舊易入口；燒腩仔帶有一定既肥膏，食落同樣地爽口。

呢個FOODCOURT新開無耐成日話想黎試下見呢間燒味望落唔錯咁今日先試呢間啦點左~油雞薰蹄瀨粉不得不講個瀨粉真係好大碗好似大過平時食既一半咁而且個湯底都唔會好淡油雞同薰蹄就正常呀略嫌油雞個位比較多骨少肉~燒腩仔瀨粉呢個賣相幾好而且好大份咬落個皮係好脆肉質唔會好多肥肉我覺得份量叫適中(可能我好怕有好厚層肥肉)

相信2020 係我人生中食得最多外賣嘅一年～ 估唔到踏入2021年都要繼續外賣生涯😬 今日放工去咗九龍灣德福買嘢， 就順道外賣晚餐。Food court選擇唔算多， 特別鍾情『棋子燒鵝』， 因為係棋哥姊妹店， 燒味質素有保證！燒味粉麵飯下午茶$35蚊有交易， 品牌燒味嚟講算幾抵食！👍鵝頭每個$18叫咗脆皮燒腩仔半斤$68， 叉燒例牌$88睇嚟 半斤同例牌嘅份量好似差唔多～燒腩仔返到屋企個皮仲脆！ 切得工整又細細件， 賣相 整齊增添食慾。 燒腩仔肉質唔算多肥膏和肥瘦相間， 好啱我而且肉夠香。叉燒醃得好入味， 蜜味唔會過甜，雖未至於肥叉，但部位軟淋鬆化， 非常高水準👍😋， 超美味， 飯都吃多幾口！其他係加料，這個算是自私食～😁棋子燒鵝飯$53入盒熱辣辣返到屋企仲微暖。 返到屋企燒鵝唔好翻蒸或翻叮，否則錯曬。 夾起燒鵝只係叮返個飯就ok。 重點係佢食燒鵝皮， 有好濃郁嘅煙燻柴火味， 皮夠脆，鵝肉芳香， 醃得入味又唔會過鹹。燒味整體出色， 返到屋企都冇走樣， 平時放工交通時間返到屋企 都唔需要特別處理，快靚正之選！👍👍

上次去深水埗棋子燒鵝斬料返屋企食，阿爸試過都話好，今日經過九龍灣德福廣場見到有分店，一於斬啲燒味返屋企做晚餐。樣樣都燒味都想食。今晚只有我和阿爸食，一於買五寶飯，有燒鵝、叉燒、切雞、紅腸、咸旦，燒鵝煙熏味真係越食越香。叉燒肉質鬆軟。切雞皮爽口，肉質鮮嫩。紅腸味道醇厚、 鮮美。白飯軟硬適中，咸旦鹹度適中，蛋黃起沙，最好伴飯食。另外斬多斤叉燒，叉燒外層蜜汁甜絲絲，肥瘦適中，肉質軟稔唔會靱。又香又甜的味道在口中久久不散。

lunch去左九龍灣德福foodcourt食, 順路見到有間燒味店, 就順便斬料今晚屋企晚飯加餸。外賣餐單上, 有淨餸, 仲有燒味飯盒,見燒鵝係招牌菜，吸引左我order試試，最後揀左燒鵝上莊, 同埋棋子叉燒燒鵝上莊: 有唔少胸肉, 咬落啖啖肉, 鵝皮下沒有多餘厚脂肪, 皮上有光澤, 有陣陣煙燻鵝油香, 肉質厚實。棋子叉燒: 叉燒夠瘦, 但肉質keep得好林又有juicy肉汁, 容易咬開, 就連媽媽牙力唔夠都食到，邊位仲掃上甜甜叉燒汁, 送飯一流!

今日和家人去九龍灣逛街，看看裝修公司和看看家居設計。因為家人買了新屋，準備要搬新家。我們知道九龍灣的大型商場有大量這些店舖，便去格下價，預算一下要用多少錢啦。走了三個多小時，差不多是時候回家了。由於現在還禁晚市堂食，我們決定買外賣回家吃，因為也趕不切回家慢慢煮啦。來到德福的Food Court，被一陣香噴噴的燒鵝味所吸引，即時決定要買這個回家加料啦。棋子燒鵝 $148/例牌餐廳的招牌菜棋子燒鵝，超級香超級吸引。燒鵝的外皮呈完美的色澤，油亮油亮，散發肉香，口水要流啦。肉質好腍，肉味香濃，招牌果然是招牌，好好吃。棋子叉燒飯 $48燒鵝出色，叉燒同樣唔錯。叉燒的肉質又腍又嫩，色香味全，難怪客似雲來。

去九龍灣見客，忙到趕唔切在6點前食飯，唯有去買外賣返屋企食，在德福廣場二期有唔少食店，最吸睛的是棋子燒鵝，見到啲燒鵝一隻隻掛係度，色澤鮮艷，個肚當堂打曬鼓，即刻斬料回家吃飯。燒腩仔一層肥一層瘦好均勻，外皮鬆化，肉質又嫩又Juicy！點些芥茉醬更加好味！叉燒醃得夠入味，肉質鬆軟，蜜汁甜美。燒鵝片飯，滷水鵝片食得多，燒鵝片就好少燒臘舖有，梗係要試吓，棋子燒鵝係用煙熏烹製，所以全隻鵝都充滿煙熏香味，鵝肉鮮嫩啖啖肉，鵝皮因含鵝油，味道特別濃郁，鵝油和煙熏味在口腔持久不散，回味無窮！

德福廣場2期5樓,入面有個食堂,入面有幾間唔同既餐廳其中一間係燒味鋪,斬料又或者買燒味飯都抵食而家優惠買半隻燒鵝,可以加10蚊換一隻切雞,人多開飯呢個抵食另外仲有1+1燒味組合優惠$115 可選叉燒或脆皮燒腩仔,另配半隻切雞或油雞!半斤叉燒夠2個人食!加埋半隻雞超豐富!2-3人家庭返去煮個白飯同油菜已經非常夠食 另外再貪心試埋個燒鵝五寶飯$73 包飲品!叉燒每件都切得相同厚度,食到淡淡甜味,肉質鬆化,帶少少肥更加甘香,仲有焦邊叉燒都相當唔錯五寶有叉燒,鵝,咸蛋,切雞,紅腸每都有4-5件,夾埋都相當豐富,另有咸蛋半隻同油菜一條鵝肉皮身好薄肉偏瘦身,食起黎幾香口,外賣就始終係爭D,下次堂食一定要試過骨薄肉厚皮薄,燒鵝外賣都食到呢種水準相當唔錯油雞浸得入味而且好嫩滑,浸得剛剛熟,肉好嫩好香滑同樣都係骨細肉厚,啖啖肉

疫情限制堂食關係，全家人都會回家吃晚飯，今日阿女就去九龍灣德福廣場的棋子燒鵝買燒味加餸，唔洗我煮得咁辛苦，佢話同事食過燒鵝好好味，而且棋子燒鵝和出名的棋哥燒鵝是姊妹品牌，當然要試試！棋子燒鵝上庒，燒鵝係用炭燒，煙燻味香濃，皮脆肉嫩，鵝皮入口重有鵝油甘香的味道。口腔都充滿油香， 令人回味無窮。棋子叉燒半斤：叉燒質素上佳，肥、瘦肉比例均衡，肉質軟嫩多汁、色澤鮮明、香味四溢。女兒說本來諗住買埋乳豬，但係當日冇得賣，唯有下次先試啦！