吉祥日本料理 (Closed)

再嚟又係食至愛壽司，呢次嚟到紅磡黃埔。餐廳門面金色大招牌，入面左邊係L型大bar 枱 ，提供有十多個bar 頭座位。另外有多張4人枱。木系裝飾佈置，掛有大量串旗及鯉魚旗，甚有日本風情。星期日六點左右時間尚早，所以可以包埸，選擇了坐bar 枱。餐廳主打各款剌生、壽司，亦有小食、串燒及烏冬等各式熱食。呢間餐廳除單點壽司之外，亦有供應 Omakase （$880）。或者可考慮自選壽司套餐，「10件自選壽」（$248）、「12件自選壽司」（$278）。今次試左「自選12件壽司」（$278）選了三款時令魚 ：伊佐木：魚肉身爽口；金線鯛：經火炙味更甘香；魴 （魚弗）：口感微似肥豬肉爽彈彈的，但完全不油膩。兩款軍艦 ：必食至愛三文魚子、海膽。火炙壽司：帆立貝 ；左口 魚邊：魚油脂最豐富、最夠魚油香。吞拿魚腩：較肥部位，入口即溶化；油甘魚，獨特魚甘香 ；真鯛 ：魚肉軟；深海池魚：有彈性有口感；赤蝦：夠鮮甜。整體質素不差，食材用料十分新鮮。壽司飯選用日本產米，調味及軟硬亦適中。埋單連加一，合共HK$306，以堂食嚟講，價錢及質素合理，值得一試。

KISSHO JAPANESE RESTAURANTLocation conveniently near Whampoa station, their lunch menu is both reasonable in price and outstanding in quality, making it an ideal spot for both quick bites and leisurely meals!I ordered the Hokkaido rice bowl, the bowl was generously topped with fresh salmon, toro, scallops, grilled and raw white fish, sea urchin, and salmon roe, creating a harmonious blend of flavors and textures. Their sashimi is remarkably fresh, with a comforting bowl of miso soup and a crisp

呢間餐廳有好多壽司選擇，但唔知點揀就揀咗特選壽司10件 ($248)。壽司師傅會安排自己安排俾你。今次呢個set就有金木雕、深海池魚、伊左木、真鯛、帆立貝、火炙左口魚邊、三文魚子、海膽、吞拿魚、吞拿魚腩，每件魚生都好鮮味。自己最鍾意就係個海膽壽司，呢個價食到咁高質嘅海膽，食落好鮮甜、Creamy，仲要份量唔細，cp值勁高。另外好抵讚嘅一個位係雖然舖頭唔大，但係都唔會將啲枱擺得好迫，所以去到坐低都覺得好舒服。

今日去咗黃埔嗰邊覓食，發現咗呢間日本嘢，lunch set都有幾多選擇，內在環境幾乾淨，我揀咗個師傅發辦便當，有刺身壽司同丼飯，師傅揀咗三文魚同油甘魚俾我，啱晒我口味油甘魚油脂豐富幾新鮮，壽司有燒鰭邊、鯛魚、熟蝦仲有個汁燒牛肉丼，女仔食份量啱啱好見到佢哋刺身櫃都有好多唔同種類，下次嚟要試埋佢其他魚種！餐前會有個麻醬沙律同麵豉湯，見到師傅切魚生手勢都好純熟，呢間就喺黃埔奇趣天地對面，平時如果會去黃埔搵嘢食都可以試吓

呢間日本餐廳有好多選擇，呢日黎食午餐，有好多款午市套餐可以揀，想再flexible啲，今次就揀左12件自選壽司，$278就可以食盡各款高質壽司！今次點左三文魚腩、吞拿魚腩、鮫鰈、深海池魚、帆立貝、甜蝦、火炙左口魚邊、魴鮄、三文魚子、北海道海膽、蔥吞拿魚腩同金線鯛，除左常見既魚生，仲有好多好特別既魚生。魚生非常新鮮，我最鍾意就係北海道海膽，味道鮮甜，口感好Creamy。三文魚子軍艦都唔錯，粒粒魚子都好飽滿仲有肥美嘅吞拿魚腩，超正。

我最近有幸造訪了位於紅磡的「吉祥日本餐廳」,這無疑是一次非常愉快的用餐體驗。首先,餐廳的環境頗有日式風情,整潔乾淨,裝潢簡約雅致,給人一種寧靜祥和的感覺。值得一提的是,餐廳內部空間雖然不大,卻巧妙地運用了各種設計元素,營造出一種舒適隱逸的氛圍,讓人有種置身於日本小館的錯覺。至於食物,我點了10件自選壽司,包括吞拿魚腩、三文魚腩以及各種火炙壽司和深海鮮魚壽司。整體來說,每一件壽司都新鮮可口,料理手法精湛,呈現出最佳的口感和風味。尤其是那些火炙壽司,表面微焦,內裏卻保持著原汁原味,可謂是融合了日式傳統與現代元素的絕佳創新。值得一提的是,這10件壽司大約200多元,性價比極高。作為一個追求性價比的食客,我實在是愛不釋手。「吉祥日本餐廳」無疑是一家隱藏在紅磡的日式料理寶庫,不僅環境優雅,菜品也足夠出色,性價比更是相當誘人。對於熱愛日本料理的朋友來說,這裡絕對是不容錯過的好去處。我相信只要你來一次,定能被它的魅力所征服。

黎左黃埔買野，之後到左吉祥食晚飯，好耐無食日本野啦🤤揀左一張二人枱坐，店員好快送上熱茶同餐牌，好多野揀慢慢睇先，勁多野想食，最後決定點晚市精選三款$298，22款入面選3樣，有主食有小食🤤⭐蟹肉牛油果沙律先來個沙律，牛油果同蟹肉都下得多，沙律菜新鮮爽口，加上沙律醋酸酸甜甜好開胃，正👍⭐燒銀鱈魚銀鱈魚好香呀，皮燒得香脆，魚肉嫩滑無骨，勁好味！⭐火炙魚生飯最後揀魚生飯做主食，有三文魚、帶子、鯛魚、左口魚，全部厚切大大片，火炙過啲魚油漏左落飯到勁甘香🤤加上魚生超鮮甜，好食到停唔到口。食物好高質，介紹朋友黎食先😋小插曲～食到一半突然狂風暴雨，有幾個人企左吉祥前面嘅簷篷到避一避，店員好好人話可以入餐廳坐低等，仲斟左幾杯熱茶出黎，好貼心呀🥰

原本想點是日便當，但可惜太晏去無曬便當。最後揀左$88的蒲燒鰻魚飯～ 午餐套餐有麵豉湯、沙律及主食鰻魚飯。 可能太耐冇吃鰻魚，特別覺得佢好多骨，同埋煎得有啲少少濃 🤏🏼 要好小心咬碎啲骨先吞

呢間野係黃埔個頭，店面不算太鋪張，冇好大既落地玻璃。有機會行過會Miss咗呢間舖頭。 或者睇唔到店舖內裝 而選擇唔食。 今日的起心肝同friend 去試吓，本身以為好貴，點知一個是日便當可以$8x 蚊咁便！ 野飲仲係買一送一（原價$38一杯）。 仲有呢排人氣好高既「鴨屎香檸檬茶」！ 真係滿足曬我兩個願望～ 侍應幾nice～ 啲刺身好有心咁𠝹左花～ 有沙律前菜& 麵豉湯。 成個set唔hea, 以咁既價錢好過同區店舖。

天氣熱，唔想食熱嘢，刺身就最啱。呢間餐廳開咗幾個月，今日終於有機會試吓佢啦。佈置好日式，清明企理。叫咗三款我鍾意食嘅刺身，新鮮、超正😋🌟三文魚腩：肉質較淋，食完滿口油香🥰🌟油甘魚腩：同樣有油香，但肉實淨啲、爽口啲😍🌟大吞拿魚腩：入口即化，好有魚味，幸福感爆燈💗廚師告知，通常越大既魚條白色筋會越大，但他們特登起左筋上碟，咁食嘅時候就食得爽啲啦👍🏻👍🏻夠細心❤️特別欣賞餐廳嘅服務，廚師特登話我知食刺身嘅次序：三文魚腩>油甘魚腩>大吞拿魚腩👍🏻所以都好期待有機會試佢嘅廚師發辦，以廚師發辦來說，他們的價錢唔算貴，都好合理。餐牌上面仲有好多不同款式的食物都好吸引，下次再試🤩#紅磡 #日本菜 #吉祥日本料理 #刺身

假期睡到自然醒 在附近吃個飯再出去逛逛天氣熱最想吃日本菜 選了吉祥日本料理假期都有set lunch 包括沙律和麵豉湯點了一客自選三色丼 158就可以選三款刺身當中不乏一些貴價刺身選擇我就選了海膽 三文魚籽 蔥吞拿魚腩這個不敗組合刺身鋪得滿滿的 三文魚籽口感夠脆北海道海膽又大片又鮮甜加上三文魚腩的魚油 每一口都好香好好吃壽司飯酸度剛好 加了醃蘿蔔碎增加清爽口感再單點了炙燒左口魚邊壽司炙燒過的魚油真的好香 每次去壽司點都必點整體來說我覺得這家的出品有質素 性價比也很高 在這區是不錯的選擇

位於黃埔地鐵站附近的日本菜小店，開放式廚房，環境乾淨企理，重點是壽司新鮮質素好，不到二百元就可以自選壽司拼盤！套餐分別有$168/10件壽司$198/12件壽司個人對三文魚沒有很愛，餐牌撇除三文魚之外仍然有很多選擇，例如我最愛的深海池魚和鯛魚系列😍🍣 火炙金線鯛魚：有嚼勁，花紋切成格格增加口感🍣 真鯛：淡淡魚香，舒服口味。🍣 深海池魚：配搭薑蓉，不敗的組合🍣 鲂鮄：比較少見的魚類🍣 赤蝦·甜蝦：鮮甜彈牙🍣 火炙帆立貝：火炙更香濃🍣 蔥吞拿魚腩：吞拿魚蓉份量慷慨！🍣 火炙左口魚邊 花紋 油脂爆發🍣 池魚·魷魚：新鮮，正常發揮！

呢間新開既日本料理真係幾抵食所有食物都係即叫即整除左壽司 刺身 除有串燒等熱食更加有唔同價位既Omakase12件自選壽司 $278呢度既自選壽司都十分有誠意都有啲比較特別同時令既魚類當日就見到有伊佐木 金線鯛 魴鮄 鯖魚拖羅 三文魚籽同海膽都有得揀食材全部都夠新鮮 性價比好高自選串燒 $168/6串大約有二十款串燒可以揀 每款只可選一串即叫即燒 真係好惹味白鱔燒到外脆內軟 勁出色牛舌好大塊 五花腩同牛小排都肉汁滿滿免治雞肉棒搭配蛋汁 味道更突出雞腎爽口 唔會燒到過熟日本生蠔 $78生蠔都幾肥美 咬落除左好Creamy仲有海水味師傅已經處理好哂 一夾起就食得 加拿大牡丹蝦刺身 $40牡丹蝦肉質鮮甜 蝦頭入面既膏仲好香

出左去黃埔買嘢，任務完成之後就係食嘢之時。行經黃埔天地見到日式居酒屋嘅午餐都好抵食，所以就入去歎個靚Lunch。餐廳以日系木色裝潢，有種舒服感覺。午餐種類選擇都好多，既有燒物、定食、串燒當然唔少得刺身同壽司餐，最後就揀左特選十二件自選壽司餐。每份午餐都會附送沙律同埋麵豉湯。我嘅十二件壽司嚟啦，我就揀咗拖羅、深海池魚、油甘魚、魴鮄、池魚、赤蝦帆、立貝、八爪魚、金線鯛、火炙左口魚邊、海膽同蔥吞拿魚腩。每件壽司都好新鮮，魚生嘅厚薄適中，幾款魚肉嘅魚身肉質紮實，而魚油香味非常豐富。另外帆立貝、赤蝦、八爪魚亦都非常鮮甜彈牙。最吸引我嘅都係海膽同蔥吞拿魚腩軍艦，入口甘香之餘材料足到仲好似成座山，真係超正呀！

今日行完aeon後突然超大雨，好彩附近搵到間日本餐廳，午市價錢算合理，同埋好多野食添！每個午市套餐都跟一個沙律同麵豉湯✅牛肉烏冬牛肉好嫩滑，上菜時呈半熟狀態，撈埋熱辣辣湯汁就啱啱好，烏冬彈牙有嚼勁，配上嫩滑的牛肉，每一口都充滿著牛肉的鮮香味。湯底醇厚，入口即化，帶點淡淡的牛肉味，幾唔錯👍🏻✅雞軟骨串燒雞軟骨都烤得外脆內嫩，咬落去有嚼勁同濃郁的炭燒味道。外層微微焦香，內裡多汁，真係令人食指大動！✅中吞拿魚刺身魚肉鮮嫩細緻，無根，融化喺舌尖，帶出濃郁的海洋味道。每一片刺身都切得均勻，入口即化，好新鮮