轉角‧見

Open Now

Now Closed

呢間野我經常食，但成日都好多人等，好食既食物係值得等待⌛️。成日食佢個水準一貫不變，而且價錢仲唔貴，burger勁高質，一定要試。個型男漢堡必推，裹面有紅菜頭同流心蛋係入面，個包好似成塊面咁大，食完一個就飽哂，一口咬落個包到d肉汁必哂出黎，個包仲要勁鬆完，個漢堡包仲可以揀配沙律定薯條，個薯條勁好味，又粗又又炸得脆，超正。個蝦多士都係必食，又平又抵死，價錢又唔貴，d野又好，呢個係值得朝聖既地方，必食

之前有一排成日聽到人講話荃豐商場嗰邊有間小店，係專食漢堡嘅，仲要個名好鬼死型仔添，又叫型男漢堡。所以之前就特登走去試下係咪真係咁型仔喇。間鋪頭有小小難搵，真係轉咗兩個圈先見到，鋪頭都係走休閒同簡單嘅路線。由於型男漢堡分量比較多，所以我哋都係揀咗啲輕型啲嘅，包括全日早餐同埋經典牛堡。早晨全餐都幾抵食嘅，額外加錢就可以升級做招牌早餐，應該多咗條腸同埋煙三文魚。炒蛋非常嫩滑，好好食，蒜蓉包都烘得香脆，煙肉同腸仔都唔錯嘅。經典牛堡分量都幾大，真係有少少嚇親，午餐嚟講都真係幾heavy，不過都好有肉汁，食起上嚟好好食，再加上配返個沙律，成件事就light返曬。Latte都有心機幫你拉下花，咖啡味道香濃。總結就係，食物質素唔錯，而且價錢抵食，同埋下次要試型男漢堡。

係荃灣睇完中醫，就同朋友去食個下午茶，朋友介紹左尼一間餐廳，她推介話味道相當唔錯。由於係假日，所以好多人，我地被安排坐係門口位置，但冷氣欠奉，所以變左蒸氣tea time因為我唔太肚餓，所以叫左香草魚柳意粉share, 意粉另外有兩塊蒜蓉包，如果唔係太肚餓，兩個人食一碟都好飽。意粉好有口感，而且味道剛剛好，很香，魚柳亦無雪藏味。可以一試。飲品方面叫左涷檸水同柚子梳打，不過不失，亦合水準。食完野，飲杯冰凍既野飲，滿足

同朋友行街行到攰，所以想搵間餐廳坐低慢慢食傾下計、抖下。但礙於商場的食肆太多人又難搵位，所以我地打開openrice ，決定行遠啲，試下哩間漢堡包店：轉角。見呢間餐廳的位置真係好偏僻，不過好彩荃灣有條連住十幾個商場的天橋，所以仲唔算太難搵嘅！入到去，客人唔算多，座位都算幾舒服。我嗌左個芝士蘑菇漢堡配薯條芝士味好濃漢堡手扒好多汁，蔬菜好新鮮爽脆👍🏼薯條就用左粗薯條，好香薯仔味，炸到外脆內軟👍🏼朋友叫左個型男漢堡配薯條一啖咬落去，個蛋黃就流出黎👍🏼😍仲加左紅菜頭，好特別仲好好味添！野飲方面，朋友叫左凍檸茶，茶底都算濃（以美式餐廳黎講都算做得唔錯）我就叫左杯金牛（忌廉配雲哩那雪糕）雪糕有淡淡嘅雲哩那味，同香濃嘅奶味，好creamy。雖然唔係新野，但值得一試！

本身朋友叫我去荃灣食漢堡飽我都唔係好想，畢竟我住黄大仙，去荃灣起碼要半個鍾。但係我可以話你聽，絕對冇點錯你。我就嗌左型男漢堡，入面有漢堡牛扒，紅菜頭，蕃茄，芝士，煙肉，流心蛋同沙律菜。食既時候小心流心蛋既蛋液會爆出黎，我就係唔為意，浪費左個流心蛋。漢堡好正，唔鞋，好嫩同好厚，啖啖肉。我個人就唔太鐘意紅菜頭。整體黎講個漢堡包係好厚，要壓扁佢先放到入口，每一啖都好充實。薯條都好好食，好厚，佢連薯皮炸，我自己食到啲麥皮味，口感幾特別，値得一試。我嗌左杯抹茶奶昔，對比薯條同漢堡包有少少遜色，抹茶味道唔係好濃。但係呢間漢堡係値得番黎再食既

沒有飯吃的日子，找來飯腳荃灣揾食，上openrice 揾了幾間cafe, 呢間環境唔錯企理，又有位坐。menu 的選擇不多，有意粉小食同埋推介的牛肉漢堡，點了芝士磨菇牛堡，炸魚薯條，芝麻蝦多士，混醬雞翼，全部都是炸物，亦很脆口！牛堡的味道最豐富，是必食之選，炸魚薯條不過不失，混醬雞翼衹是炸雞翼加醬汁，芝麻蝦多士是有點失望，就是除了脆便沒什麼味道。但整體是合格，價錢亦合理，3個人衹花$270,都是不錯的選擇。

成日聽講呢間小店用心經營, 仲要好文青感覺, 值得去試下同慢活一下.Fish and Chip ~即叫即整, 魚同薯條都係熱騰騰, 但炸粉比較多, 感覺炸粉同魚的比例係1:1, 完全唔似外國食開的感覺, 不過味道都算可以, 但上菜的時間真心耐, 由叫到真正上枱等左15分鐘至有主菜, 不過都明白, 因為佢地係即叫即整同眼見廚房唔多人, 而且11點幾, 應該都多order.凍朱古力 ~~凍朱古力, 等左35分鐘至上枱, PS:係同一時間落單, 不過店內的待應都算細心, 佢叫我差唔多食完, 連枱面的水都飲晒, 就問我飲品係唔係未嚟...  最後真正上枱要45分鐘, 至於杯朱古力我覺得唔甜, 冇朱古力味, 唔好飲~PS: 眼見好多人排隊, 如果佢送餐的效率快些, 咁一來佢可以做多幾單生意, 二來顧客也不需要排隊排咁耐.

荃灣真係好多好多美食，其中好多小食都好有名氣，真係唔錯，但今日就選擇左食一間cafe，地點位置唔算近地鐵站同西鐵站，揸車既話，商場下面都有個停車場，揸車都算方便既。呢個cafe隔離左右都係cafe，都算容易搵到，同埋地方都算大，都有幾張抬選擇。廚房都俾客人睇到既左邊係 oreo奶昔 味道都好普通，無咩oreo味，唔算特別，但唔會好*流*右邊係 特濃花生醬奶昔 中意食花生既人一定唔可以錯過 因為真係好濃 好似食緊一啖一啖醬咁沙嗲雞扒包 好好味！包脆既 沙嗲味濃 好正呢個一定會再點薯條都好熱好脆！蒜香藍鱈魚意粉有點失望 無味的。下次食漢堡都夠啦 哈哈

一直有留意呢間burger,終於同約左朋友黎試Burger選擇唔多有4款,原先想試下佢個special menu 牛油果塔可牛堡, 點知暫停供應, 於是我同朋友叫左型男漢堡同磨菇牛堡配薯條share食因為即叫即整所以等嘅時間長D兩款堡包都好食好足料..要讚下型男漢堡加左紅菜頭,真係好等特別但我覺得薯條炸耐左偏硬最後係杯oreo朱古力奶昔, 我諗為甜左少少, 但整體ok...最重要價錢又平又好味

放假先黎落大雨，出唔到街玩，最好梗係搵間café chill下啦。呢間café都幾隱世下，係一個唔太起眼既舊式商場入面，我同朋友唔熟路，都搵左一陣路先到。兩點鐘黎到，坐無虛席。上網見到話佢到最出名係burger，我地當然要叫返個啦，叫左是日推介既牛油果塔可牛堡，另外再叫左個fish&chip，飲品方面就飲左杯latte 同flat white。呢到環境唔算超級正，因為地方比較細，所以台同台之間既距離好近，我絕對相信隔離台係會聽晒我同朋友講乜。不過就算地方細，呢到都唔會話食完就趕人走，任坐唔嬲，所以都岩同朋友叫杯飲品傾下計坐下。講返野食先，牛油果塔可牛堡，size都幾大下，好厚既一層。本身就咁睇，我唔係好見到有牛油果，反而最搶鏡係有一層墨西哥薯片。一食落口，ｄ牛油果就爆晒出黎啦，而且墨西哥薯片令漢堡有種好香辣既感覺，加埋芥末醬，好開胃！配菜仲可以揀薯條或沙律，薯條份量都幾多下，一個人食晒應該會好飽。另外既炸魚薯條，上台叫己經見到炸魚非常大碌，以為炸炒會好多，點知又唔會喎。反炸皮好薄，食落係啖啖肉！而且對女仔黎講，個炸魚又係超巨型，一定要share呀！唔小心發現叫左好多薯條，但薯條同樣出色

這間餐廳位置比較偏僻，不大起眼，很難搵到，有次没意中俾我睇到，就入去試下，竟然有惊喜，叫咗個煙肉蘑菇漢堡扒餐，配即炸薯條，加叫一杯玫瑰咖啡，全部都即叫即做，新鮮熱辣，好好味，俾我感覺他們的用心製作。值得推薦！

今日放假  係同屋企人過黎呢頭拜神~   拜完我就自己過黎試下食呢間 因為聽同事講好好食的~  特登走過黎架 仲行到有d迷失添 XD  呢間位置有小小偏僻，如果第1次黎最好問下人 型男漢堡$60好吸引眼球呀!!超大舊，一黎到的時候 ，見到格黎枱已經流曬口水 好急不及待 ，終於等到我個份到  一咬落去覺得成個嘴都好豐富~  個汁好match呀~  60$蚊真係一d都唔貴呀~ 如果公司樓下都有就好啦，佢地仲加左紅菜頭，感覺好食得黎又健康左 正   xd   不枉我真係1個女仔特登走過黎試 haha   期待下次~ 

鮮奶抹茶🍵（$28）拉花好靚 但佢重奶味 抹茶控要失望了... 個牛肝菌意粉🍝（$58）偏乾身 係炒意粉 菇都幾香 但因為冇咩汁 香味帶唔到落意粉 特別推薦炸魚薯條🐟（$76）魚柳香脆 嫩滑多汁 配上沙律醬令小編停唔到口 轉角特選早餐🍳（$79）材料豐富但味道偏淡 oreo奶昔🍪（$37） 唔會好杰 飲完唔會口渴 味道係cookie and cream~-The matcha latte（$28）has a delicate barista. As the milk flavour outcompetes that of matcha, matcha addicts may feel disappointed...The cooking method of the Boletus Edulius Pasta ($58) is stir-frying. The mushrooms taste pretty delicious. However, the mushroom fragrance cannot be delivered to the spaghetti due to lack

試了芝士蘑菇漢堡配薯條+Matcha Milkshake.芝士蘑菇漢堡，肉質juicy好食Matcha Milkshake 茶味不夠濃，如果可以再濃多少少，會更好飲薯條好似比較硬身，不知道是什麼原因呢?朋友試了經典牛堡配薯條+Oreo Milkshake.經典牛堡跟我的芝士蘑菇漢堡，分別在於選擇要食酸瓜還是要食蘑菇……我試了友人1條酸瓜，因為我不喜好食酸瓜，所以就……友人說Oreo Milkshake 堅好飲!!整體總結*真希望下次再光顧時，不要坐位於洗手間門口位置!!由於侍應生不足，所以算是半自助形式落order。另外店舖小，所以等位的等候時間較長，但食物質素整體都不錯，所以下次會再光顧

返完教會，朋友極力介紹小店－轉角．見的型男漢堡和花生奶昔，所以試試～漢堡即叫即製，新鮮，肉汁豐富，配菜中特別喜歡酸瓜，中和了肉中的油膩感，絕配！至於花生奶昔，香滑有飽肚感，喜歡花生人士不要錯過呢！