KITCHEN

Open Now

Now Closed

酒店自助餐食得多 諗住喺icc個位置嘅酒店會有一定嘅水準啦點知係非常非常之失望 唔怪得每一次打電話嚟都有位 唔使排😪 未試過喺酒店啲碗碟係好污糟冇一款甜品係特別出眾， 除咗雪糕， 只可以講呢間係食環景，景觀靚， 在冇特別之處不過我試咗呢個老火湯 係人蔘雞 算係我最幾滿意嘅。 嘢食平平無奇冇驚喜 冇一度特別嘅主題菜式， 今次我係用infinitive 嘅會籍 送咗呢支酒 最奇怪嘅係個侍應 話係因為送所以 支酒 唔可以擺喺枱面😮 我就好奇怪

侄兒住在西九龍W Hotel，請我們一家人去酒店餐廳吃自助晚餐，我們非常雀躍。記得三年前也曾到那裏吃自助晚餐，食物種類繁多，質素又好。但這次吃完有些失望。雖然種類也是應有盡有，但質素明顯下降。沒了一些如焗蟹蓋、煎鵝肝多士、墨魚子、麵包蟹、靚松葉蟹腳等較優質的貨色。先說沙律及生果吧，種類很少，普普通通，沒有我喜歡吃的Arugula, Spinach及菠蘿。冷盤只有蝦、沒肉沒味的長腳蟹件、青口仔、蜆仔和翡翠螺。龍蝦再不是任食，而是每位配給半隻，幸好還有生蠔供應，尚算肥美鮮香。熱食方面，燒牛肉太韌，反而燒豬胺肉不錯。熱盆有七、八款，雞肉串燒、三杯雞、酥炸雞翼、炒帶子、樱花蝦炒飯，鹽燒三文魚都很好，值得吃完再吃。日式食物方面，沒有我喜歡吃的北寄貝、赤貝及海膽，但雜錦魚生飯卻特別好味，吃了兩碗，還意猶未盡。喇沙麵吃了一碗，還可以，中式鹵味，只有油雞和燒鴨，沒有乳豬、叉燒及燒鵝，有些不足。甜品很多，一大枱，但非我所好，只是淺嘗。最後吃盒雪糕，飲杯Earl Grey，結束了這頓吃得開心但不太滿意的一餐，或許期望愈大，失望愈大吧！

懷著對w hotel 作為一間高級五星酒店的期望去食lunch buffet, 打算食下凍海鮮，燒牛肉，熱食之類。我地12點10分去到，現場已經8成滿座，估唔到星期五都咁多人，可能好多香港人已經上哂岸🥲。一入場轉個圈，覺得叫做每款都有點，賣相幾靚仔吸引的。去到角落有部pancakes機，不過我就唔想浪費quota。另外有movenpick雪糕櫃，都係必食之選開始試左燒牛肉，肉味正常，唔會難咬，合格。冷盤都係普通，惟吞拿魚都係過凍而且冇味，但呢個係大部buffet出現。個冷麵d麵食到成口粉, 唔似麵條咁煙韌。之後試冷盤海鮮，開始失色，長腳蟹有鮮味但冇水份，似脫水蟹肉，螺肉太多沙，唔係好放心咬，之後唔想再試其他了。之後用熱盤食飽自己。。都算正常，係個炒飯太咸，同埋點心太重味精。蟹肉湯正常，南瓜湯燈味太濃，怪怪地。甜品印象中朱古力cake有水準，其他一般，movenpick就唔使講啦，正常表現。另外，個場坐滿之後嘈到不得了，唔知以為去左旅行團。

There's not too many options compared to other buffet, but everything is very good quality especially the crab legs. We went for lunch buffet on a Monday and it was nearly full. Really liked their dessert table! Just that the seating is a bit crowded, dining tables are a bit close to each other

Bad Experience with the Dinner Buffet. They don't serve lobster in abundance like J.W. Marriott, Ritz Carlton or Grand Hyatt. They only gave you one small piece (one side) of a poor looking lobster on a paper dish, and restricted on only one piece of lobster that all you can get, which is really really cheap, and not providing the excellent value for money like other top quality hotel buffets in HK. After all, it is ironic that they charged $748 per person on Friday night, yet being so cheap and

嚟staycation唔少得要食早餐！之前都食過kitchen嘅buffet印象中都係應有嘅嘢食都有估唔到早餐buffet都幾有驚喜～蛋嘅種類好多！！最好食嘅燉蛋pastries都有啲誇張一定食得飽男朋友話蝦餃燒賣都好食（早餐buffet嚟講）well比大家睇埋間房景，就係因為呢個浴缸先book W（Marvelous suite）食物同房間都比想像中好總括而言w性價比好高！！

私心推薦 ♥️ 一黎到Kitchen 就會見到一望無際大海景！ book 位時不坊試試 request 窗口位啊～係另一番享受😎 呢間buffet 淨係食凍海鮮都已經值回票價啦～🥢海鮮🦞有生蠔🦪、原隻龍蝦、龍蝦鉗、麵包蟹、阿拉斯加蟹腳、翡翠螺、熟蝦。基本上全部都好新鮮,一直都有refill! 最推薦係生蠔同龍蝦, 每次都食到唔停口😋🥢刺身剌身主要都係有三文魚、油甘魚、吞拿魚。亦有卷物、螺肉等等。🥢熟食餐廳每段時間會有唔同主題 而今次主題係蟹～菜式都係圍繞住蟹： 包括有最愛嘅焗釀蟹鉗、芝味蟹肉長法包、香🌶炒蟹等等。 另外亦有好多其他美食～ 特別推薦 串燒♥️ 配埋串燒醬係好食到唔停口嫁～ 另外燒乳豬亦係私心推介！乳豬皮酥脆，豬味濃🤪🥢 肉類、Cold cuts餐廳亦有2 款燒牛肉，分別係巴西牛柳同USD Prime。 Cold cuts 當晚亦有3 款選擇😋🥢 甜品甜品款式都好多～大路甜品、蛋糕都有！大家一定要試creme brulee ♥️ 一晚應該食左3-4 個🤣 另外比較小人留意到仲有蝴蝶酥，酥脆而且甜度適中！當晚介紹左全枱人食都有讚無彈啊！😋 雪糕方面係movenpick 😎 瑞士朱古

Kitchen @ W Hotel午餐自助餐 我哋今次一行四個海鮮殺手，走左去九龍站上蓋嘅W Hotel 入邊間 Kitchen食午餐自助餐😆🤣🤣，好開心，佢應該係香港少有午餐時間仍然有大量海鮮食嘅酒店自助餐😆😆👍🏻。一開始頭兩 round走吾甩梗係海鮮啦，除卻一般刺身外，嘩嘩嘩佢d龍蝦鉗、長腳蟹、翡翠螺、青口、大隻蝦… 款款都充滿左海水鮮味😋😋 完全吾想停手食其他野😙😙👍🏻。自助餐尤其午餐時段的，一般只有一款湯，但佢哋有蟹肉粟米湯和南瓜忌廉湯兩款，材料豐富之餘還起沙的🤣👍🏻👍🏻👍🏻👍🏻，小編嘆左足足兩大碗。喺熱食方面，小編覺得佢嘅焦糖蒜香蝦和豆腐粉絲蒸魚柳最好味，舊魚滑到一個點，超入味。最勁嘅係，佢各款芝士同煙燻火腿多到你食吾曬，你睇住佢哋但自己又要留肚食甜品嘅時候，簡直痛苦過單戀🤤🤤！甜品小編食左兩個round… 大家如果去嘆呢個自助餐的話，一定要食佢嘅又脆又香嘅焦糖布甸、酸到你震但又超想食多一個嘅熱情果忌廉杯，仲有超煙韌嘅芒果麻曙波波😋😋😋😋👍🏻👍🏻。

一早黎到Kitchen食早餐，拎咗最後一個窗邊卡位。前一日3點checkin即掃QR code，已經每一個time slot都已經滿晒，再排隊問職員佢都唔知點處理(房package包早餐)。最後直接去餐廳問，原來幾個timeslot都仲有位，應該係系統有問題。如果大家用QR code book唔到，可以直接去餐廳問凍盤有沙律有cold cut。比較開心係有多款芝士，可以配餅乾食。日式食物有壽司、冷麵、日式蒸蛋。冷麵啲麵冇咬口，咬落去好mushy。日式蒸蛋好食，雖然佢放喺熱盤上面，但只係隻碗熱，蛋就唔太熱。可能係怕太熱啲蛋會變「鞋」，但係熱啲會好食啲。熱食中西式早餐都應有盡有。去counter可以請廚師煮蛋，我地要咗一份芝士蘑菇奄列，一份半熟太陽蛋。熱食之中蝦餃燒賣都好好食。佢仲有一個counter係自選配菜嘅粉麵，有四款湯底可以揀。最多人揀黑蒜湯底。我就冇要粉麵，揀蕃茄湯底要咗一份全素菜。佢應該係我見過最多烘焙食品款式嘅酒店早餐。小朋友見到各種冬甩都好興奮。我地試咗牛角包同葡撻。雖然熱，但係兩款都冇酥皮又薄又脆嘅口感，反而吸咗好多水氣，口感黏糊，好似隔夜酥皮包咁。雪櫃有各式水果同乳酪，

今次入住W hotel,房價包埋早餐，早餐種類非常之多，一定試唔哂咁多款，但一定會有你啱食的東西，坐在窗邊，夠開陽，至於食物質素，就一般的早餐吧！不會好好食，但又唔難食的早餐

去W Hong Kong staycation，當然要食埋酒店6/F的 "KITCHEN" buffet dinner啦！這裡中日韓印巴西菜式，食物種類包羅萬有，更以海鮮為主題，有我最愛蟹腳、龍蝦、凍蝦、麵包蟹、翡翠螺等等。蟹腳好鮮甜多汁，龍蝦厚肉又多膏，每樣都好新鮮👍🏻。另外還有美國生蠔，又鮮甜又肥美，完全冇腥味，好正呀😋！ 好多人認為自助餐食物質素會差，但這裡的食物絕對有一定水準。最令我深刻是焦糖燉蛋，整得好滑好creamy，甜度適中，我地人家4口每人分別吃了3個😛，真的好好味。威靈頓牛柳movenpick雪糕兒童天地芝士焗龍蝦Parma ham另外還有焗蟹蓋、煎帶子、芝士配脆餅、刺身壽司、各式蛋糕等等，都是我喜愛的食物😍，我心目中又多一間高質buffet選擇了😏。

網上對W Hotel的自助餐評價不是很高，去前都覺得有啲不安，但因為我經klook 訂咗冇得取消，所以感覺有啲焗去。。但去到個感覺就唔同了，因為W Hotel對於我來講有啲難搵，所以其實都打咗三次電話俾reception叫佢教我點樣行，員工都10分耐心地教導。可能因為人太多嘅關係所以門口嘅waiter態度都不算太好，而且因為我比較遲，所以都冇乜點理佢我就衝左入去攞嘢食，食物種類不算太多，但食物非常非常非常的新鮮，但生蠔就比較遜色。因為我訂係假日嘅，所以只有兩小時進餐時間，我仲要遲咗半小時，所以其實都唔係好夠時間食。但食物方面真係好好食，^_^係我食過咁多間自助餐以來，最好食嘅一間酒店自助餐。

真係因為w hotel以為應有5星酒店的質素….連3星都俾多…..見食評好壞參半，都打算來試吓，真係伏左…仲話蟹主題，凍海鮮有麵包蟹，蟹蓋係多膏嘅，味道就正常，但拎左一轉已經冇哂蟹蓋，有蟹身。其他凍海鮮有龍蝦鉗，一般。螺，有沙…蝦同藍青口冇食。熱食有焗釀蟹蓋，細細隻但唔覺有乜蟹肉。蟹鉗芝士法包，隻蟹鉗細到呢。仲有蟹肉奄列，見到都唔想拎…其他熱食有牛柳ok，有個黑椒龍蝦鉗，極度懷疑係用放耐左既凍海鮮個邊啲龍蝦鉗再用重味炒返，啲肉勁硬…冷盤都唔吸引，鐘意食芝士所以拎左啲芝士配cracker,但啲餅係淋嘅😱啲中式野食真係唔想拎：燒鴨、豉油雞、雞包仔…刺身係算最ok, 有三文魚、吞拿魚、八爪魚、甜蝦、中華沙律、螺肉、迷你魚生丼。甜品一般，唔及酒店級數，最好食算係焦糖燉蛋、雜果芝士蛋糕最滑，同埋movenpick雪糕最好食囉😂有expresso, chocolate同vanilla味。最後個景係靚嘅如果你坐到窗口位，但枱同枱之間係窄嘅，感覺好多人同嘈。總之就係唔值呢個價…..勸大家睇多啲食評先🤦🏻‍♀️

經酒店官網訂有折仲有任飲幾款果汁。食物款式唔多，都係啲大路食物。冷盤食物新鮮，唯一魚生類吞拿魚唔太新鮮。熟食最好食就係新鮮炒出嚟嘅避風塘炒蟹。牛扒有兩款，攞左美國個隻，無乜肉味。 甜品都係好普通，無特別出色嘅甜品。因為慶祝生日，所以送左個蛋白餅甜品，手字寫得幾靚，不過個蛋白餅又甜又硬😆。

今期蟹主題，鍾意食蟹加海鮮既我一定唔可以錯過啦用左官網優惠，晚餐紅白酒任飲，5：30-9：00pm任食，每位加一後745。食得海鮮，梗係配白酒啦（其實因為我本身唔係咁鍾意飲紅酒）白酒味道ok，微酸。朋友起碼飲左半支原諒我唔係一個品酒員無咩好既措詞去形容。海鮮值得一讚係大部分都好好味，特別係龍蝦同蟹腳肉唔柴唔霉，淡淡海水味。海螺都唔錯。刺身切好曬自己夾，可以一次過夾曬要食既量。唔洗等廚師「發板」每款得兩三舊，食完又要排隊拿三文魚好肥美，八爪魚好爽口彈牙。不過款式比較少，常見既貝類都無。有卷物但我無食。生蠔係壽司隔離，都係任夾。唔係top既水準，無即開即食既鮮，但味道Size比急凍鋪賣12蚊一隻既出色。熟食方面唔算好多，基本粉麵，點心（兩三款）,牛肉，串燒都有。蟹熟食有多士版，奄列版，黑椒版，魔鬼蛋版，湯料理，我最鍾意個多士香脆好味。芝士有三款，車打，Blue chesse同一款白色皮芝士（唔記得咩名，淡味，易入口）。搭配食既有parma ham，salami同普通火腿。甜品方面，movenpick雪糕只有三個味道，雲呢拿，士多啤梨同朱古力，唔吸引。Cake種類都係唔多，榛子朱古力個款好味