高流灣海鮮火鍋 (Moved) New Location

久聞高流灣火鍋海鮮知名，終於在這星期二晚與友人嚐試到。當晚點了以下火鍋配料：1. 高流灣海鮮鍋(內有蟹﹑蠔﹑魚﹑蝦及蚌)2. 三文魚刺身3. 牛脊肉4. 四色丸（鎮店九嬸墨丸﹑牛丸﹑海蝦丸及鯪魚丸）5. 水上飄飄（即魚肚釀海蝦滑）6. 鮮瑤柱7. 雜菰拼盤8. 黃帝菜9. 娃娃菜10. 青荀三文魚刺身厚身味鮮，價錢亦算合理(HK$38 六塊)；牛脊肉牛味濃，滑；四色丸及水上飄飄彈牙，味道亦很好；菰及蔬菜，一般正常新鮮蔬菜那樣。要一提那個鮮瑤柱(HK$88 八隻)，不算貴。店員極力推介說很好吃，又難得（因為不是每晚都會有）所以便試試。吃過後覺得沒有甚麼特別，本人認為不試也沒有損失。整體來說，食物新鮮，小女子認為吃火鍋，配料新鮮已經成功了一大半，所以不會覺得不好吃。但當晚火鍋內的蝦卻是霉的，有點失望。配料新意度一般，勝在新鮮，但以那裡的價錢來說，配料新鮮是應該的。小女子認為偶爾光顧還可以，還有其他火鍋店更值得我成為常客。

食物新鮮定期推出創意時令新菜式招乎不錯但價錢略貴樓底矮 人客太多時很糟

今日同埋個表弟兩個去食下, 食物係ok架(起碼同價錢成正比啦). 所以我肯比4分, 埋單都$601, 點知... 點知果几個西裝經理d態度就真係"招呼唔到"果隻喇, 見我0地兩個人去食, 但我0地已經6點去到, 三台客都冇. 仲要比張門口位比我0地. 連開壺水最基本都冇問又唔q比, 食到咁上下飲晒d茅根水, 再叫個戴眼鏡的西裝經理比壺水我0地, 佢又叫個冇交帶0既去跟, 我都係做酒樓廚房出生, 係一路睇住佢冇跟進. 最後等我又叫亞姐去比我. 最弊係成個場30張台都冇... 呢d經理真係"經過唔理".食到尾, 7點45分就好似趕收工滾水淥腳收晒台面d0野, 我睇下將單d0野齊未唔夠, 佢條友兩秒唔夠即刻申手埋黎問係唔係埋單 (又係果個四眼), 呢d就咁快, 講態度小菜王大排檔真係好過呢間0野多多聲.初時以為下面好人多等? 事實係到8點仲有張6人空台, 走到落樓下都冇人等.

今次同2個女仔fd去食食d較平淡既野~~四寶丸-- 蝦丸再多d原隻蝦就好啦四色餃-- 蝦餃幾好, 魚餃水餃都可以牛粒-- 冇邊間d牛粒唔好食啦脆肉鯇- 真係好鮮好脆其他唔記得依間野d海鮮真係幾得怕熱氣, 叫咗海底棷湯底ok啦, 唔覺特別好飲

前幾日同老公去高流灣打邊爐，10點後入座有7折添!!叫左好多野食：墨魚鬚：新鮮口感好，夠大條魚：兩吃，魚生很鮮甜雪花肥牛：軟熟好味魚三角：好滑好肉好好味大蜆：真係好大隻，味道鮮甜海鮮湯底：好多料，料新鮮，有好大隻既蝦，蝦肉爽脆；一隻蟹；青口；九肚魚；超甜粟米.....多到唔係好記得。不過湯底超鹹，飲左一啖已發覺味精極重，夜晚訓覺時超口乾，足足起左2次身飲水先攪得掂，所以呢度要扣分!!之前睇過網友評分服務唔好，今次我去我覺得服務有改善但也不十分熱情，不知是否當晚客人不太多關係；另外值得一讚是那個男店長，他的招待很殷勤，態度很好^^

i just dinner here last nite..food is quiet fresh...but the service is not so good...especially a little bit fat girl server...and the price is oksix ppl...below 1000...will be there next time for sure

本身我都係高流灣常客經過星期五晚之後我永遠都不會再去

海鮮呃秤, 1斤當斤半, 令人嘆為觀止, 如此做生意, 簡直當人係水魚, 一句講晒, 以後唔會再幫襯!

我地叫左聖子, 青口, 墨魚丸, 墨魚so, 仲有其它唔係好記得係冇嘞...聖子好味鮮甜青口個樣就衰d, 但食落口都新鮮墨魚so 出色墨魚丸反而麻麻齊體食物ok, 但係偏貴. 但服務唔得, 冇人等位但食飽就好似想趕我地走咁, 未叫埋單就自己拎張單比我地. 糖水都要問先有. 仲有d 侍應唔係好識禮貌.去一次就夠嘞. 同埋真係好凍好凍,

同事問我因咩事唔食午餐，我回答說因為要去高流灣打邊爐。一行6人，大家熱熱鬧鬧的。雪花肥牛：滑本地牛展：嘩，五豐行新鮮牛展油炸鬼釀魚肉：超越想象的美味，應是用隔夜的油炸鬼做的，放進熱水後數分鐘，待魚肉熟了放進咀裡，嘩油炸鬼都有質感，加上小小的蟹籽，看出了食店花了不少心思選擇菜式墨魚丸：新鮮彈牙聖子：第一次試火聖子，唔調味都下得太多，為免影響聖子鮮味，好大抽的聖子火真的比黑椒炒更勝一籌，最要緊的是吃鮮味麻，鮮甜象拔螃刺身：到魚缸選料時摸到象拔螃被雪凍了，這樣真的會新鮮美味嗎，心中有個問號。事實原來是。。。真係好味的不得了，先吃了一塊沒有點醬油，那種甜由薄薄、爽脆的刺身片中溢出，不吃生的人原來少了這麼點點的幸福已列為打邊爐的最佳選擇。彼貴，因為新鮮。冷氣過大，吃得七七八八之時個身凍到震，震到去洗手間，再由洗手間震出店門口，環境因而扣分。

忘記了為這店留下一點文字。某個下雨的晚上，一起不會浪漫的六個人叫了:海鮮鍋-材料多，雖然不是什麼貴貨，但有鮮味勝過一切。牛脊-不馬虎的牛肉，七八十分，切得太薄，但不是最好的牛頸脊。雪花肥牛-脂肪均勻，賣相討好，與一般雪花肥牛一樣，軟滑。但太肥，肉味不夠重。墨魚鬚-鮮甜，不特出。青口-可能不當造，味道不怎樣。蝦丸-一般墨魚丸-很好味，質地彈牙。覺得是用大尾魷做，烈推介。但之後又去過一次，只是用墨魚來做，味道略差一點，但依然值得推介。魚旦狗-其實是炸魚角，彈牙有魚味，六人都覺得好吃。但不是必食的選擇。魚三角-極滑魚三角，不可不吃，又一烈推介。魚肚-雖然不是什麼特別食物，但喜歡此食物者，不要錯過。水上飄飄-無得食，賣光了。酸梅湯-我無飲，友人話酸。蔗水-我都無飲，友人話可以。醬料有幾種可自行調配，不是普普通通。但不用任何醬料都已經很好吃。各有優點。不知有否遺漏，但當晚非常滿足，簡直樂極了。可惜的是有些朋友，各有不同不可預測的原因缺席。

我奶奶話, 佢聽人講E間嘢打邊爐好食, 咁星期日我哋一行6大1小去試吓, 我奶奶訂咗6點半, 當時得一兩枱客, 後來就坐滿.我哋叫咗牛脊(好味),黑牛栢業(好爽),帶子(OK),蝦膠壤油炸鬼,面頭有蟹子(要滾透D, 但都好味),魷魚鬚(好爽),四寶丸(牛丸好彈牙),雪花肥牛(真係好肥, 一般),四寶水餃(皮好厚, 麻麻地),章紅魚刺身半條(夠新鮮, 好味),免費甜品(凍芋頭西米露,都好味),結賬共$1430, 東亞信用卡重有95折呀.

食品質素頗高, 海鮮非常新鮮. 十點左右去到, 不過全場都係得坐了三台客, 好冷清咁. 冷氣頗凍, 不過侍應幾細心, 主動問我們是否需要調高溫度.立魚刺身: 刀功唔錯, 切得好薄. 魚骨放埋湯, 一o的都唔浪費.元茜皮蛋湯底: 好多皮蛋魚三角: 肉質好嫩滑, 必食!鵝腸: 多肥膏唔韌, 正宗貨式.帶子片: 食到鮮甜味, 讚!墨魚麵: 普通左o的o的腐竹鵪鶉蛋糖水: 送既都好好味. 好滑好多腐竹, 好夠凍.十點後才入座有7折, 折後既價錢都要$200 一位.

今日有個朋友話有個朋友話呢度好正,仲特別介紹個墨魚丸同魚下巴,話一定要食咁話,所以就慕名來一試,點知一食真係不得了先係點個海底椰湯底,再點個雪花肥牛,肥瘦剛剛好,咬落好嫩,好有牛既鮮味,一食難忘.然後來個魚下巴,食落真係新鮮好味,而且好滑.再來一個四寶丸,四寶丸乃墨魚丸,蝦丸,鯪魚球同豬肉丸既混合.先講墨魚丸,我係一個打邊爐永遠唔會掂丸類食物既人,但係神推鬼擁之下食左個墨魚丸,發覺此丸確實不同凡响,一食之下幾乎入定,因為佢1) 無肥膏無馬蹄; 2)有墨魚粒; 3) 彈牙; 4) 有鮮味之後再食蝦丸,發現此丸居然更上一層樓,丸內居然有鮮蝦,而且非常彈牙及有鮮味但係其他丸就略為遜色,鯪魚球有魚骨同唔彈牙,而豬肉丸就比較平庸其他食物包括有珊瑚蚌,冬瓜,白菜仔同菠菜麵,在湯底襯托下亦不俗最後想一提係醬料,共七種之多,居然連XO醬亦有,不過食物已有鮮味,蘸醬料只會壤事,浪費此優質食物,所以我並未有使用總括來說食物質素真的不錯,可惜比較昂貴,若果可以經濟一點,想必是我出街吃必然之選

27-4-2007(五) 3人10:45pm開頭比左張好嘈ge位置我地,晌洗手間果邊,可能樓底踒,隔離大枱講野好嘈,頂唔順,叫侍應轉枱,10點後7折。海鮮湯底$128.. 兩隻花竹蝦(比上次黎食細隻左d),3隻蠔,兩隻小蟹,9肚魚,蜆,花蛤,不過勁多味精,不停想飲野,口喝得好緊要(做生意技倆)。雪花肥牛(大)$138 有牛味,夠滑,算唔錯 蝦滑$58 ..比上次黎食較好,都幾爽,有蝦肉。椒鹽鮮尤$32 一般三文魚刺身(5片) $38 唔夠新鮮東星斑一份$188 一般什菇$58 竹蔗水@ $28 x 2 = $56 醬料(每位$15) x 3 = $45 都係覺得7折就食得過