高流灣海鮮火鍋 (Moved) New Location

今晚12 月31 號，黎同屋企人一齊打個邊爐恰恰下，實在係一個好活動完結2017。之前食過冬陰公湯，非常美味因為遷就家母不吃辣，今次叫左個鴛鴦鍋菜單上面有個花膠同埋醉雞都勁想食在座有人不食牛，大好機會比我地又食牛又食海鮮過2018！本來就是衝著手切牛而來的，打邊爐點可以無靚牛呢？另外我地叫左個 $788 既海鮮盤隻蝦仲識得郁架！ 店員仲教我地要成隻落，驚佢跳出黎咁話喎！全部都係新鮮既，隻龍蝦蝦肉係爽的！ $788 5 人食超抵，鮑魚帶子蟶子乜都有，連泥猛都有！為左母親大人，我地仲叫埋阿拉斯加長腳蟹, 凍食既，需要等小小時間解凍。最衰我地臨時叫，否則訂位時可以留定隻蟹打邊爐！席間仲叫左不同火鍋料，最鐘意係桂花蚌，屋企人鐘意玩嘩鬼蝦條，貪好玩快熟又脆卜卜，不過有個餃就唔係咁岩口味，但除此之外全部都不錯。肉係爽既，又有海水咸味，後來長輩們將d腳放落湯整熱，我地後生既就直接食！好有派頭！鱔都好有肉地連魚卜都有，雖然唔係咩名貴野但唔係度度有新鮮魚卜！不過無肚食，留返下次喇！最後埋單3 千幾，加埋其他火鍋料，5 個人食到超飽開開心心去倒數，連我屋企長輩都好滿意。

小弟基本上極少寫OpenRice review，但今次真係逼到我一定要寫！高流灣大大話話去過廿數次，因為食物水準唔錯，都會間唔鐘去下。今晚同屋企人提早做冬 訂左檯 6:30 四位。 大家都早到左所以大概6:10就上去攞位。上到去個帶位叫我地坐門口走廊第一張，個場基本上係吉既，眼見兩張檯有人 十張檯係吉既，我客氣問可否坐埋邊靠牆果張四人檯？因為呢張走廊檯非常逼，兩張凳頂住後面既凳，另外兩張凳直頭係門口走廊上，我有兩位係長者，坐得唔方便。個經理走埋黎好寸咁問我有咩可以幫到我。我再問 我地可否坐埋便靠牆果張四人檯？因為呢張走廊檯非常逼，有兩位老人家。呢位經理露出一副不屑又嫌麻煩既表情 把整張檯暴力地往門口走廊再拉出一點，然後露出一副 “咁依家滿意啦？”既表情。我心諗 你無嘢啊？因為老人家在，所以沈住左氣。結果我同我老婆坐入面靠住後面檯因為非常逼，老人家根本坐唔入去。佢兩老要坐走廊位食風。搞到佢地要著番外套因為好凍。我想問有邊個會咁樣對待客人，重要係有老人家！重點係我地佢既時候係6:10，當時兩張有人 十張無人，大把埋便靠牆四人檯，咁都唔可以幫我地調一調？一張都唔可以？最好笑係原本我想調去既四

原來打邊爐都有正刺身食!😀來到尖沙咀“高流灣”打邊爐，當然唔少得手切牛肉啦，新鮮、色澤鮮嫩、牛味十足，見到都即刻想生吞。😋雖然唔係日本專門店但刺身拼盤好先甜。

一到冬天，約飯局就只想到打邊爐原本打算食另一間，但那間太串，又不是任食郤要分兩段時間18:30/21:00，打邊爐又叫人如何可以趕著吃呢？！於是就跟朋友的建議來了位於山林道的「高流灣」，起碼無限時限刻！！可以慢慢吹水同欣賞下食物的味道！！這兒醬料很齊全一打開餐牌，當然要先選湯底嘩！！～～～但咁多款，真令人選擇困難症又發作但由於我們三個都是愛美的女子，所以就選了有花膠、海參、螺片的「極品招牌鍋」湯來了，不過未淥野食之前，先飲下個湯先！！嘩～～～真係好鮮甜打邊爐食材必點第一位當然是牛肉。我們就試了「本地手切雪花肥牛（小）」牛肉片雪花豐富，口感軟滑，食落又有牛味，好食！！「手打丸」亦是我打邊邊的至愛！！這個「四色手打丸」上枱已覺得好新鮮，滾起亦沒有棚脹得很大，證明沒有落得太多「粉」，真材實料！！食落亦很彈牙！！好味！！「四寶餃」都做得很出色！！皮薄餡又多又新鮮！！「省魚皮」都很脆，但略微油佐少少由於近期盛行「金菇減肥法」，大家都忍不住點了「金菇」「油麥菜」是我打邊爐必點list 之一這兒的油麥菜都好新鮮我們三女子的胃口真的太少，只吃了這少少就飽了！！埋單都係HK$814不過小食多滋味，這兒吃

好耐冇嚟高流灣打邊邊啦, 今日慶祝朋友生日所以一班好友嚟, 太餓所以叫咗小食...椒鹽九肚魚, 即整, 好熱辣辣又香口, 味道啱啱好~又唔會好咸!正!仲叫咗碟窩筍, 味都唔錯但覺得佢淋咗D唔夠爽口~今次個湯底揀左海底椰夠滋補, 叫咗鬼馬油炸鬼, 有蝦膠同蟹子, 放落湯時記得要蟹子向底, 仲叫咗筒蠔, 鮮蝦餃, 超大粒~仲要入面勁多蝦勁好食呀!!鱔片厭佢薄身得制唔夠厚~佢既手切肥牛必食, 厚度適中~入口又滑又嫰, 仲有牛味~YUMMY!!!雞件嚟講普普通通~份量都OK~仲有豬潤都好大碟好爽口~唔會有味~黑豬肉比起其他店佢厚身D肉味濃, 唔食牛既朋友下次可以試吓~響鈴...新鮮炸仲配埋甜酸汁要快快食~海鮮因為佢地今日冇花中蝦所以揀咗基圍蝦, 比想像中大隻喎~都好新鮮又彈牙!!!聖子皇好鮮甜~唔錯~食飽飽同主角切生日蛋糕仲要唔收切餅費~服務比之前好咗好多~仲冇限時(可能係平日關係)~

高流灣真係比同類型的火鍋店做得出色，員工個個都好友善㗎，見你叫得多，佢又會溫馨提示下你，睇下洗唔洗食住先，唔夠再叫，食物質素真係好，真係好掛住佢，所以我地又再去過，今次叫半隻醉雞鍋，個煲一上枱，真係香味四溢，跟住就係指定野食，間舖頭最出色既牛呀，淥幾秒即刻食，個種淋滑感真係好正，仲有叫左半斤蝦，d蝦唔細隻㗎，隻隻都好甜好彈牙跟住仲有叫左午餐肉啦，淮山啦，娃娃菜啦，仲有冰鎮瀨尿蝦，依個冰鎮瀨尿蝦真係好正，入口彈牙，一d都唔梅，本來仲想叫鑽石蜆，可惜仲未返貨，仲有叫左水餃拼雲吞，個人認為麻麻地，但另外個位話好好食最後埋單前仲有甜品雪米糍食，今日真係大滿足呀。

朋友生日話想打邊爐，但唔要食任食既，咁啱又比我諗到佢之前提過下高流灣，所以就訂左位去試下。。。😂😂大前提係兩個女仔，究竟我地食得d咩，而最後我地又叫左咩呢？一陣你就知😂😂😂過去之前就梗係上黎依度做下功課睇下有咩好介紹啦。🤔去到果日，我地坐樓下，原來間舖都幾大，有三層咁多😳我地一坐低當然比主角揀下食咩先啦。。最後我地揀左豬骨湯底，個湯比一般的豬骨湯唔同，有好勁胡椒味，似胡椒豬肚湯咁，不過其實又幾正既😋跟住又叫左牛啦，鮑魚啦，冰鎮瀨尿蝦啦，淮山。。。等等。。。叫到店員都話夠呀，你地叫左好多，食唔曬呀😂😂😂高流灣每樣野食都真係好新鮮，好甜，唯一美中不足既係環境太嘈，佢地簡直糟蹋食物呀，d野咁好食，應該好好享受，吱吱喳喳的🤦🏻‍♀️🤦🏻‍♀️總結。我地最後真係食得哂所有野，店員哥哥都呆左話，嘩，勁，咁都食得哂🤷🏻‍♀️😂😂😂

話說公司為紀念成立30周年關係，所以就去咗"高流灣"刷餐勁去到就叫咗條游水油甘魚刺身!刺身師傅手細唔錯條魚上台嘅時候都仲好生猛!唔客氣啦魚肉爽口新鮮勁正!再加埋隻刺身象拔蚌無耐我哋已經變咗一亂叫嘅模式，經理見到我哋開始叫到迷失嘅時候就推介咗個海鮮拼盤畀我哋試下，雖然有啲貴但入面有嘅海鮮真係值回票價！龍蝦/大聖子/托托蜆/ 青口 /鮑魚/白鱔片 /大海蝦/ 白蟹/巨型瀨尿蝦所有嘢都好新鮮~滾落個鍋度連個湯都甜埋，好味到個個反晒白眼如果俾評價只可以講:貴但係真係值得

已經不是第一次來光顧了~來了這麼多次但食物仍然有水準夠新鮮~當然有其他邊爐店的食材都很新鮮~但偏偏暫時只有高流灣令我一來再來~但可惜近幾次想食既墨魚咀沒有來貨很久了~每次例牌都會叫豬骨鍋~ 裡面有椰子.粟米.豬骨.. 夠足料不是只有二至四舊料給你~~湯濃~說實在每次都會飲3,4碗湯今日叫了~鬼馬油條(只需一分鍾就可以食了)表面還是脆的~而上面是有蝦膠.夠彈牙~手切牛 - 夠嫩..有牛味.(二個人叫例牌份糧已足夠)雲吞 - 裡面材料足三拼既手打膠- 有墨魚, 蝦同魚 海鮮- 蠔 , 珊瑚蚌同聖子 (個人認為夠抵食, 份糧多又新鮮)

味道还行，但也没有特别无敌好吃，然而服务水平奇差只会说粤语，普通话不会，英语只会说okay okay, 然后就走了 既听不懂也不会说 我在国外说英语都没这么费劲！建议没事不要去，没有好吃到让你能忍受这样的服务态度

一行5人黎到高流灣👍🏻叫左椰子雞湯底同埋冬蔭公湯底個湯一嚟到 就已經聞到好香嘅冬蔭公味我哋仲好急不及待咁一人飲咗一碗湯佢兩邊嘅湯底都可以就咁飲👍🏻 好好味同埋佢兩邊嘅湯底用料都非常十足（抵讚）我個人比較鍾意冬蔭公湯底嗰邊因為放咩落去都有佢酸酸辣辣嘅味 好開胃😆而且呢度嘅材料都好新鮮價錢又合理（今次冇食海鮮，不過上次個象拔蚌海鮮真係好鮮甜但係價錢有啲啲貴）最印象深刻就係右下角嗰個荀佢放左落個冬蔭公湯底度簡直索晒啲味好正😍😍😍😍😍同埋你可以睇到圖片上面嘅牛 你隻牛嘅牛味好重 好正啊其他配料就不過不失😊仲想食嗰個鮑魚覺但係已經冇再出喇😭而家打返呢篇食評令我又好想再食佢嘅冬蔭公湯底另外另外 呢度嘅服務人員態度都幾好 佢會主動過嚟問你要唔要加湯👍🏻仲會教你大概滾幾耐就食得👍🏻

作為打邊爐既熱衷者，應該都知曉高流灣閨蜜懷孕已達9個月產假已放但行動仍然十分自如吹雞爆咪扭哂計話要我地陪佢食高流灣因為之後坐月/坐監就有排都無得食啦大肚婆講到咁加埋我岩岩去完旅行，係時候約出黎派下手信所以我地即刻做野訂位（高流灣唔訂位，應該真係會等到地老天荒）混醬派緊手信吹哂水，好多相唔記得影呀😂先黎個海鮮拼盤先再加叫既冰鎮墨魚，次次黎都要叫必食，墨魚超彈牙鮮甜，夾埋個wasbi 同鼓油食真係此物只應天上有蟶子王高流灣既海鮮一向good good good呢次都唔例外肉質鮮甜，肥瘦分佈平均呢個油炸鬼都係必食之選上面鋪左墨魚滑+蟹籽，灼一分鐘就食得味道好夾，我既最愛其實仲叫左象拔蛑刺身同一堆海鮮不過高流灣應該唔使點介紹除左貴同難訂位，食物一貫無得輸

今晚朋友聚會係尖沙咀高流灣海鮮火鍋酒家打邊爐，一入座位就見到九宮格嘅醬料，可惜欠缺芝麻醬，我地先點左個海底耶湯底，奶白色湯，有耶肉雞腳粟米同紅棗，湯料都幾足，之後同叫左響鈴，手切牛肉，羊肉同九菜餃。響鈴唔係即刻炸，但都好翠，點埋個羅宋汁都几好食，牛肉夠厚啖啖肉，羊同餃都就一般般。總體都好好食，又有人不時識自動加湯!!可惜今次2人食唔叫得咁多野，下次多人食可以叫埋海鮮。掛住食，整係影左開頭幾張相渣

昨天跟7、8個朋友去食火煱,選中了這間火煱店,食物質素無咎無譽,朋友带了幾支酒來飲慶祝生日,頭兩支消費滿一千免開瓶費,問吓男服務員消費滿兩千係唔係可以免4支酒的開瓶費,他說這裏有酒賣,只兔頭兩支,這個規定可以理解,但他最後加一句"規矩我定嘅",係都使咁吋掛?咁無計傾啦！諗住食完餐飯走人無下次囉！吃完叫服務員收埋枱面D碗碟,準備切生日蛋糕,點知個女服務員話唔會收,仲語去驚人話"怕倒捨豉油整到我哋",咁妳有無諗過攞湯底嚟會淥親我呢?佢仲叫經理嚟撑佢,經理都諗唔到好理由去拒絕執枱啦！果個女服務員唯有死死地氣咁執,真係何必呢！呢一間永無下次啦！

提早預約4月16日8點，一行6人連同台灣朋友抱期待心情試高流灣。坐低無耐，一個著黑衫侍應落單。唔知係咪聽到普通話，態度差到不得了，對眼好似生係額頭，串過碼頭咕喱，原因可能係我地叫嘅野比較平民(太平)。叫都未叫完，個侍應一手拎走個餐牌，問都唔問就咁走埋，本身想拎個餐牌繼續睇下仲有咩食，攪到要叫另外一個侍應再拎餐牌黎睇過。總括黎講，呢間野服務態度同客人消費係正比，尤其是個位黑衫侍應(其實都唔好得去邊)。如果有外國朋友想試打邊爐，千祈唔好去，一定後悔。可以嘅話服務想俾負分。