高流灣海鮮火鍋 (Moved) New Location

本來是往同區的海宴樓食海鮮邊爐，竟然烏燈黑火，貼上裝修告示！唉！又一間平靚正食肆結業，很可惜！7點先拿拿淋找第二間，慶幸山林道高流灣肯收留我們7人！被安排於巷仔上三樓，樓底矮、地方狹窄、容納三枱客人，非常嘈吵，非必要也不要坐這些位置！留給未到的朋友，全是少半少半份量，響鈴是即炸的，熱辣辣黑柏頁，本地手切牛，有牛味，肉嫩，OK喎！雜菜籃及一小束皇帝菜，很喜歡吃菜，款款也新鮮又是半份半份的，一份豆腐有兩磚，雜餃大大粒，尚有兩隻魚餃已送入胃了！整碟凍豆腐，份量都OK多麻辣牛丸，可以一試；可以不叫再來勁份量雜菜！大雪花肥牛，有點過靱！還是本地手切比較好！沒有一款頂呱呱的好味，普遍合理水平!！

經朋友介紹話高流灣火鍋好好味，為食嘅我當然即刻訂位試下究竟有幾好味啦！果然冇令我失望！真係可以稱為我目前食過最好食嘅火鍋！海底椰湯底，超鮮甜！我同朋友們不斷忍唔住飲個湯底，哈哈哈蟹子墨魚丸+蟹子油炸鬼鍾意食蟹子嘅朋友真係唔可以錯過！同埋油炸鬼好脆，好香口！其他食物都好新鮮，選擇亦都好多呢餐雖然唔算平，但我會俾100分

高流灣不嬲係我打邊爐首選今次母親節就緊係要早d book定位留間房啦因為唔坐堂會比較嘈 不過佢有最低消費 記得留意次次都一定叫果幾樣 海鮮湯底一人一碗湯 飲左食埋入面既海鮮先開始打邊爐膽拖食物嘩鬼油炸鬼 魚三角 自家墨魚丸 黑豚肉韭菜餃 蝦餃 大大粒 好足料當然 海鮮一定要叫 刺身拼盤唔記得影

這夜朋友幫我們壽星慶生，選了高流灣位置算是便利，不過要不是身邊的老妹提醒，我也猜不到它的位置原來在樓梯下這7月見面相聚得特別多，生日就是要找藉口見見面吃飯啦開餐前，不少的"前菜"同時看到桌上的醬料就準備要混醬了啦，擺放得齊整款式也不少每款都貼上清晰的標籤，一定不會弄錯啦這晚有2個鍋底，都是普通湯底，先嚐了口湯頭，濃厚的甜味很喜歡，用來下火鍋料也適合，整晚我都主力把料放到這邊來這邊也有在賣不同的刺生跟海鮮，點了份 三文魚刺身肉質肥美入口微微冰涼的，而且還是厚切來得更滿足嘛像座小山丘的極上牛肉刺身，牛肉片可單吃也可以捲些辛香的洋蔥絲沾點醬油，兩者我都喜歡不過肉味較為淡薄了，可幸的是質感嫩滑牛脷粒切成丁狀，每件都有一定的厚度需要煮比較長的時間，扎實爽脆的質感看著友人寫他著重的是牛肉，而我也同樣嘛我們都是牛魔王來著，之不過當吃這碟 本地手切肥牛 時我就不用飛象過河，因為它就在我附近啊，肉味較濃質感柔軟不柴最後還有一道 安格斯牛頸脊，賣相也都很美只是到它上桌時，我已飽到不能動彈了鵝肝墨魚丸 跟 芝士墨魚丸 的樣子太像了芝士的有爆漿的效果，成品不錯 墨魚打得夠扎實爽爽的而鵝肝豐腴味濃，兩款都是滿意

又到左Happy friday既晚上，突如其來一個邊爐局，二話不說便起行高流灣聽就聽得多，今晚終於可以一試究竟。和朋友9時多來到walk in, 非常幸運不用等位Menu厚厚的，圖文並茂慢慢睇。一如以往，甫坐下又系混醬時間。因最近吃太多肉類了，我們點了招牌湯底和海鮮丸類配料。招牌湯底以鮮雞淆制，內裡有魚肚、海參、螺頭、花膠等，非常足料未落火鍋料前先喝一碗湯，雞味濃郁，配上花膠等養顔保生湯料，不知不覺喝了三四碗桶蠔，$1xx的價錢只有4隻，偏貴。而且4隻裡面有3隻有沙，劣雜菌拼盤，價錢合理，份量大。魚皮炸得脆卜卜，不錯這裡的貴妃蚌相比起外間的大，而且非常爽口，對蚌類麻麻的我也吃了半碟，必食推介手打墨丸，咬下彈牙嫩口，有淡淡的墨魚鮮味，不俗高流灣價錢稍貴，但勝在食物質素高。如果大家也想在旺區打個靚邊爐。高流灣是個不錯選擇

年幾前已經被介紹食高流灣，但之前訂左幾次位都訂唔到，今日終於有即日訂位啦炸魚蛋頭好彈牙，魚味亦好香，絕對係烚吓烚吓前醫肚小食豬骨煲就唔太突出，烚到最後嘅豬骨嘅肉都幾鞋口，唔係果d啜骨髓食膠質咁手切牛，稔身，但牛味唔太出眾，同其他食物比下去了豬黃喉，好爽口，但唔好烚咁耐，會變左橡膠咁咬唔開魚肚墨魚卷（水上飄飄），要煮5分鐘食，外層魚肚吸哂湯嘅味，裡面墨魚膠彈牙，側面蟹子爆口鱔片（半條），鮮甜、爽口、真係食到停唔到口，必食呢度嘅海鮮非常新鮮，三五知己好去處

係山林道呢邊真係好多嘢食，而且大部分都唔會令人失望，高流灣更係其中佼佼者，牛肉真係令人流曬口水，一份係覺得唔夠過癮加，一定打孖上先至得！牛肉紅白相間，肥瘦相宜，爽滑又唔會覺得滯，又牛味十足，碌一下就食得喇，配埋自己鐘意嘅醬汁，真係連條脷都食埋落去！海鮮湯底好似奶湯咁，煲到白曬，裡面蝦蟹蛤蜊九肚魚玉米豆腐都好多，仲200蚊都唔使抵到爆喇，下次都可以試下其他湯底睇下點；象拔蚌好鮮甜，分量都几多，不過覺得有D貴，仲不如食牛肉好過；魚可以叫，一條魚可以兩食，魚片可以打邊爐，魚骨可以炸來食，几野味下，值得一試，魚肉夠新鮮嫩滑甜！

約好了一班為食女子組吹水, 咁大班人有人提議去"烚下烚下", 於是又再次去到高流灣由於聲浪關係, 為免嘈親其他人, 於是選擇坐房(最低消費$3000), 比起上次貴左$500, 不過見大家咁高興, 一於坐房啦, 又有電視睇!天氣有D乾, 為免乾上加乾, 叫左呢個好清既湯底, 有皮疍, 粟米,豆腐, 芫茜烚下烚下點少得牛肉, 好香牛肉味, 就算淥耐左都一D唔嚡口叫多點鷄(半隻份量), 肉質望落好新鮮, 熟左仲幾滑, 無雪味呢碟係有名既魚三角, 差唔多係每枱客都叫 - 肉質好嫩滑, 嘟一嘟就輕易食到佢既肉驚過唔到最低消費, 所以今次食豪少少, 叫個象拔蚌刺身, 可生或灼一灼食, 兩者都好爽口朋友鍾食魚, 所以叫多點蟮片 - 幾鮮甜, 切得夠薄及大, 淥完後仍然可食到肉嫩鮮甜加多個鬼馬油炸鬼 - 即係用油炸鬼包住蝦膠, 面上再舖上蟹籽, 只需淥1分鐘就食得, 果然口感幾特別, 好味道!總括黎講, 呢間食物質數中上, 侍應服務夠快, 又唔限你幾點要交枱, 係女子組吹水又一好地方!!!

想食高流灣呢，最好係提前訂位喇，如果唔係妳要好lucky先可以等到位喇，成日都覺得香港地人太多喇，好食小小嘅餐廳一日到黑都係咁多人嘅，不過為咗食到好嘢排几耐都抵喇！點咗推薦嘅海鮮煲，湯底好似牛奶咁白，裡面嘅蝦蟹玉米豆腐之類嘅都几都下，200都唔夠几抵食吖！打邊爐先可以少得倒牛肉吖，呢度D雪花牛肉几正吖，肥瘦均勻，D白色嘅肥油同紅色嘅瘦肉比例真係睇倒都流曬口水吖。D象拔蚌話係加拿大來嘅，不過真假真係唔知喇，我鄭係知道D蚌肉真係夠曬新鮮夠曬正喇！口感有DD甜味，脆脆嘅，不過覺得有D貴吖！仲有呢度嘅墨魚蛋好鬼死人彈吖，唔知道係唔係真係可以當波打呢，哈哈！

今日難得這麼好天氣，心情很好，這一次我是看了很多的推薦和評價再決定來高流灣海鮮火鍋的，這麼冷打火鍋真的是想想都覺得很舒服！我是跟妹妹一起去的，兩個人只是點了海鮮鍋，畢竟系招牌嘛，海鮮鍋我個人認為是很划算的，因為裡面就有很多的海鮮，蝦蟹同玉米、魚，反正湯底就很多料。湯底的味道很正，我稍微喝了一點。還點了牛肉，我是很喜歡打邊爐的時候吃牛肉的，五花肉也不錯。牛肉一份不算很多，但是夠曬我地兩個人食喇。價錢一般般吧，可以接受到的，牛肉都是很薄的那種，牛肉的質感是很好的，看起來也是很新鮮的的，沙茶醬或者一般的醬油都可以將牛肉的鮮味體現出來。很滿意這一次的火鍋。

打邊爐, 點少得啤酒, 可惜友人不好, 只有我獨個兒飲, 有些悶, 此店啤酒不貴, 藍妹也只是三十元, 而且夠凍, 好涼快...鴛鴦湯底, 清湯是一般水準, 不差, 也沒有太深刻印象的好, 但沙嗲湯, 夠濃, 有香味, 好滿意.餐牌中的特色食物: 魚三角, 寫明是"限量"供應... 我當然唔信... 是晚接近午夜十二時才到, 還有貨?? 真係幾限量喎...哈! 不過... 話雖如此, 味道與口感, 確實一流, 比普通的魚肉較為彈口, 味道濃一些.與友人打邊爐, 次次都是這三寶: 本地牛肉, 四寶丸, 油麥菜. 這店的四寶丸, 考慮埋價格$98, 我給八十五分, 未算是最好的一間, 也是第二位了, 全新鮮肉做, 彈牙得嚟, 有鮮肉的口感. 而手切本地牛肉, 例牌的價格$208, 不貴, 但水準一般, 算合格貨色, 只及"新明記"的水平, 與牛皇星有距離.

天氣咁鬼死凍，肯定要出嚟食翻啲超級暖噶野先得啦。所以我噶首選就喺去食火鍋啦不過唔喺間間火鍋味道都好食，不過今日食呢間都唔錯，起碼先過左我呢關龍蝦粥，聞落去有好香好香噶海鮮味，而且個粥食落去好鮮甜，有非常濃郁噶龍蝦香味，龍蝦肉唔會煮到好硬，肉質依然保持鮮嫩。既然嚟食火鍋，點可以少得點翻一碟肥牛呢呢度啲肥牛真係超級抵食吖，一上嚟就喺一大盤，真喺好驚會食唔曬，肥牛喺紅白相間，非常新鮮，而且肉質鮮嫩，好食吖，一碟唔夠吖海鮮鍋底入面有三隻蝦，一隻蟹，仲有好多粟米添，湯底好鮮甜，根根本唔使落好多調味料就已經好夠味啦刺身好滑，而且食材新鮮，下次仲要再嚟吖

非常失望！！！因為以前點過中蝦打邊爐，好新鮮，一上台還扎扎跳，於是這次也點了，點知一上台d蝦已經實曬，凍冰冰，顏色已變粉紅，擺明係雪過，於是我地反映，還被黑衫服務員和門號收錢的大聲質疑態度惡劣，多次比說話我地聽也夠膽叫我看他們海鮮缸，中蝦那裡分明就只有一兩隻還郁得，其他都已經實曬沈係底也夠膽同我講新鮮真係當我地lulu！不過最後比我地銷單.至於湯底，海底椰還行，沙爹簡直除了鹹完全沒有沙爹味。雪花牛也比上次同樣價錢份量少了（因為薄了）本來人均三四百的火鍋我們再來是因為之前食材新鮮，如果現在變成咁嘎質量，俾咁貴還要受氣，真係十分失望，不知道是不是經濟差了，需要偷工減料，我們全體都決定不會再來！

有個星期二同朋友去左高流灣，諗住出名，叫左刺身，手切肥牛，仲有四式手打肉丸，同四式餃等等。湯底就要左招牌海鮮湯底，都叫足料。野食方面刺身水準一般，板前質素都不如，算啦，都係打邊爐為主。手切肥牛就唔錯，四色丸同餃就.....冇即時食，點解？原因如下：上午打去 book 18:30，乜都冇講，黃昏時再confirm 先講如果有人等要限兩小時，話如果冇客等先可以繼續，咁遲先講？算啦，諗住星期二晚都冇乜人。點知未到19:30就摧，到20:00 「好客氣」咁威脅打包，全部刺身牛肉就咁倒入口，而超過 $200 的餃同丸就食都未食過就比人拎左去打包。專登去火鍋店買$2xx 丸同餃打包都係第一次。兩小時內每人食$600，打邊爐食咁貴都要比人摧到咁急都唔知為乜。事後：果$2xx 丸都餃返屋企整都幾好食，話哂都成$10 一粒，但以後都唔會再去！

因已同朋友約好，因為驚自己唔記得book, 所以就算早成兩星期都試下打去book位，一聽問佢可否book 2星期後，佢冇reject 我，問我幾點，我答7:30,再問我幾多個，我答4個，佢立即話冇位，話要7點前到9點交枱先有位，咁即係7:30有枱不過唔俾我啦，好嬲， 間野唔平，閒閒地4,5舊水一位，都咁嘅態度，你估食左你d野之後曉飛咩，咁嘅餐廳唔食都罷！