九井壽司 (Closed)

今日試咗呢一間好岩親子嘅日式壽司店。裝修以藍色為主係類似火車咁樣嘅風格，都幾特別！同埋佢會同你玩一個小遊戲就係每當你叫5樣野食嘅時候會同你玩一個抽獎。抽獎會有一啲小禮物可能例如係蘋果汁等等，個人覺得幾有趣。而且佢嘅刺身海鮮飯做緊半價！有好好味嘅帆立貝同埋新鮮甜美嘅海膽。跟住仲叫咗炸軟殼蟹手卷🥰好正壽司方面都叫咗好多唔同款，有鰻魚，有灸燒帆立貝，有海膽墨魚亦都有蟹子，吞拿魚茸等等。個人覺得壽司嘅質素都好新鮮，而且價錢唔貴算係性價比好高嘅餐廳而且玩樂性質都好重我亦都見到佢有一個12歲以下嘅小童餐，有唔同類型嘅小食俾小朋友食，我覺得幾得意呀！ 店舖前邊仲有擺咗啲玩具同埋書仔可以俾小朋友玩添啊👀

上星期帶小朋友黎Megabox影Sanrio新年公仔，醒起之前有朋友介紹左間新幹線主題嘅日本餐廳，呢間日本餐廳係用日本新幹線嘅路軌送餐的，每張枱都有部平板電腦，俾客人自己落單，隔一陣就會直送到去你張枱嘅前面畀你自己拎，真係非常方便又可以減輕人手，而且小朋友見到架新幹線將食物送去你前面都增加唔少食慾。1) 午餐極上金箔壽司丼叫咗個午餐set而家做緊特價只需要128蚊，就有一個刺身丼飯，沙律同埋麵豉湯，呢個金箔刺身丼飯材料都好豐富，有油金魚，三文魚，帶子，海膽，三文魚子，大甜蝦，再加埋有少少金箔裝飾真係打卡必備呀~~2) 炸墨魚咀小食方面我哋就揀咗小朋友好鍾意食嘅炸墨魚咀，炸都時間啱啱好外面嘅炸皮好脆，絕對唔係乾爭爭的3) 下午茶餐蒲燒厚鰻魚定食另外叫咗個下午茶套食俾小朋友，蒲燒鰻魚定食俾正價市餐再平多幾蚊添，下午茶份量都好足，又有一碗飯一大片嘅鰻魚仲有沙律同埋麵豉湯，快鰻魚真係好厚切小朋友啖啖肉食得津津有味4) 下午茶餐三文魚海膽丼定食厚切嘅三文魚有四五片非常肥美，而且海膽亦十分鮮甜，下午茶套餐一樣配上沙律同麵豉湯。5) 三文魚小卷

疫情前每年都會去日本，依家冇得去又想食日本野同感受曰本氣氛，黎九井壽司就岩哂。一入門口就聽到唔少日本廣播，真係好似去左日本咁🤣🤣🤣好開心啊！連探體溫機都係日文😍依度採用電子落單，可以慢慢揀之餘又減少同店員接觸，疫情間保護到大家，食得安心😋菜單包羅萬有，壽司，燒物，手卷，魚生飯，拉麵等等都有。下午茶超抵食，我地點左豬軟骨拉麵同海膽三文魚飯。豬肉骨煮到好淋好軟滑海膽好大塊啊，三文魚都夠肥美吞拿魚蓉壽司🍣吞拿魚相當新鮮，一啖食落口好滿足。軟彀蟹手卷，好香脆，而且份量都唔小，幾抵食。鵝肝壽司強烈推介，表面燒到脆卜卜，包住入面香噴噴既油份，好滿足啊☺️☺️☺️下午茶時間加個雪糕都超抵，Movenpick都只要$12咋😋😋😋

今日去左Mega Box購物過年，入貨前要先醫左個肚仔先，友人說九井壽司新鮮好味夾抵食，咁就即刻去開餐啦。用枱面平板電腦落單後便安心等食，送餐是由新幹線列車送到，方便又快捷。#火灸左口魚壽司右口魚入口即熔，火灸不太過火，飯燒到少少飯焦而脆口。#火灸帆立貝壽司帆立貝鮮甜好滑，食材好新鮮。　　#原條星鰻壽司有我手掌的長度，味道清淡得黎很香唔配埋鰻魚汁提出鮮味　　#滑蛋厚鰻魚定食蛋炒得很滑而有厚度，配埋鮮甜嘅洋蔥🧅，洋蔥煮到入味，鰻魚又大又厚，啖啖肉配飯食絶配🥳。#天婦羅炸🍤蝦炸漿簿身炸得香脆，蝦肉新鮮，配搭沙律醬很正。#極上金之刺身丼季節限定平一半，一定要食，刺身上鋪了金箔，特顯貴氣。刺身切得厚身而且新鮮，海膽鮮甜美味，油甘魚很爽口，三文魚肥美，蝦🦐很彈牙，配埋三文魚子粒粒飽滿夾埋飯一併食，真係好正啊😋。整體餐廳乾淨企理，店員招呼到位，食左餐正嘢，個人都零舍開心，購物都爽手啲🥳。

今日同姐姐在 Aeon 購買賀年禮物後，順便上 9/F 食我喜歡的九井壽司，行到入去見到張海報寫住🇯🇵極上。金之刺身丼有半價優惠，最鍾意食刺身嘅我，當然要叫一碗試下，單看賣相已經好吸引，牡丹蝦、油甘魚、三文魚及三文魚魚子都非常鮮甜、肥美，尤其是海膽充滿了海水味套餐配上麵豉湯及沙律🥗海鹽燒油甘魚鮫，外層燒得🔥很香脆，魚肉嫩滑，肉汁豐富，非常滋味日式芝士年糕，炸得外脆內軟，芝士味濃郁甜品係Movenpick🍓士多啤梨味雪糕👍

這間迴轉壽司店近來已成我的新寵兒，喜歡其環境光猛整潔，闊落的沙發卡位很舒適。以平板電腦點餐，簡易方便，壽司均即叫即製，不消一會便由列車自動送上。角切魚生丼定食附送味噌湯和沙律，下午茶價錢只售五十多元，相當抵食。魚生丼份量十足，色彩豐富，魚生種類繁多且新鮮嫩滑。三文魚壽司色澤靚又夠肥美，脂肪均勻，魚生片長長的。三文魚腩壽司更是肉質嫩滑無比，充滿啖啖魚油，非常美味。火炙三文魚腩壽司燒過後仍能保持肉質嫩滑，滿滿的魚油加上沙律醬更添美味。三文魚加州卷亦有水準，嫩滑的長長三文魚片配上玉子和青瓜等餡料令口感豐富，十分滋味。火炙左口魚邊壽司肉質嫩滑，燒過後啖啖油香，有入口即溶的口感。赤蝦壽司彈牙爽口亦夠鮮味。軟殼蟹手卷十分出色，軟殼蟹好大件，啖啖肉且夾雜不少蟹膏，而且炸得香脆，非常美味！

閒日時間黎到mega box lunch 竟然唔洗等位👍🏻👍🏻可能最近附近嘅寫字樓都係wfh 所以先唔洗等位🙂🙂呢間餐廳係第一次試，係專賣小朋友野既9樓，喺門口見到環境幾闊落，由於好耐冇食日本野所以就決定試下啦！同媽媽兩個人冇食早餐所以都叫咗幾多嘢食😆😆同埋老人家唔食生冷野所以全部都係熟食🤣呢間餐廳係用電子餐牌線上落單。見個螢幕都冇手指紋，證明餐廳職員應該有抺過先比下一檯客人用👍🏻 餐單都好多選擇，壽司拉麵🍜烏冬燒物串燒咩都有，多選擇過元氣又好似平過佢🤓送餐係好似元氣嗰種新幹線咁軌道送餐，所以應該好受小朋友歡迎😆首先黎個 火炙鹽燒鵝肝壽司🍣 （$28）我本身係鵝肝控，好耐無食鵝肝，見到已經😍心心眼！好味好肥美😆燒帶子串 （$38）有兩串，每串有4粒，幾惹味，做前菜一流😛冬日限定：泡菜海鮮鍋配白飯 （$78）好大鍋，有三隻青口，一粒元貝，兩隻蝦，好豐富🤩雖然係泡菜湯底，但連我平時食唔到辣野都唔覺辣😋鹿兒島醬燒豬軟骨烏冬 （$68）媽媽表示好食過去日本🇯🇵食地道烏冬😮吉列廣島蠔 （$36）即炸熱辣辣，炸得好鬆脆，碟底都唔多覺有油👍🏻食到最後見到餐牌宣傳惠顧午市套餐+$12有movenpic

行行下mega box ，想食壽司，見唔藍就入左呢間。想食三文魚海膽丼lunch set，可惜賣哂。佢嘅珍寶帶子好好食，又大又鮮甜。三文魚腩都好新鮮。芝士軟殼蟹卷，口感係幾好，不過軟殼蟹就少咗啲。朋友就好鍾意食佢個星鰻，覺得佢屬於淡鮮味。第一次食餃子雞翼，感覺幾特別，覺得餃子味重過雞翼味。感覺幾新鮮。墨魚咀都唔錯，如果有沙律醬會好啲，佢熱辣辣好脆，不過未夠鬆。我地都試咗大拖羅，呢個味道就真係爭少少啦。但整體上都唔錯，性價比都OK

今日好遠水路去megabox行下街，咁就見到呢間壽司店，就去試下。入到去都好有去日本食回轉壽司既感覺，可以當自己翻左鄉下。黑松露紋甲魷魚壽司$24 佢既魷魚食落就知好新鮮，少少爽口，黑松露味好出，2樣味道夾埋好唔錯，壽司飯量適中，唔會太酸，壽司飯既味道都好好。左口魚邊壽司$24左口魚入口即溶，好香火灸味，燒到好香，油脂好夠，亦都係好新鮮。黑松露劍魚壽司$27呢個好特別，我個人第一次食劍魚，佢個質地少少實，唔係入口即溶或者腍身質感，冇腥味，加埋黑松露個味道好好，其特別既刺身，未食過可以試下。濃芝士軟殼蟹卷$38好香燒芝士味，軟殼蟹好脆口，唔會腍左，亦都唔會好細舊，好足料，面頭仲有d蝦籽沙律醬多重味道。火灸三文魚壽司刺身部分都大塊，燒到好香，食落成個口都係三文魚，亦都入口即溶，d油脂爆哂出黎好正。吞拿魚蓉壽司佢既魚蓉份量好大，食落綿綿口感，冇腥味，紫菜新鮮，食落成個口都係魚蓉，超足料。帶子海膽飯佢既海膽好新鮮，唔會苦唔會怪味，份量亦唔少，帶子好新鮮好鮮嫩，佢個份量都可一個人食。炭燒雞泡魚呢個好特別，食落好香碳燒味，煙煙unun,似食魚乾感覺，但佢既味好接近蠟腸味，好得意，亦都好好食，呢個小

平時係九龍灣返工都唔知原來Mega Box 9樓有間適合親子去食既壽司店入到去好似去左日本咁連探熱器都係日文haha門口可以借小玩具比小朋友玩而且壽司用左電子落單仲要係日本新幹線路軌送餐壽司直送你面前 小朋友見到一定好開心-平日set lunch $68 豐富！三文魚剌身盛有蟹籽沙律+豬骨湯烏冬+三文魚剌身3件+4件壽司超豐盛！三文魚剌身油脂感好重 帶點入口即溶ge口感-三文魚子海膽迷你丼 $68海膽非常新鮮 輕食可以！-火炙芝士蟹柳壽司超香！燒過ge芝士左半溶感覺連埋蟹柳壽司 小朋友同大人都岩食！****必食推介！****火炙鹽燒鵝肝壽司 $29/1件必點！真係無唸過咁大件燒鵝肝好juicy 油脂感好重 邪惡同罪惡感都好重真係 入口即溶 好多汁汁好正啊媽咪~~~真心推 火炙鹽燒鵝肝壽司 !!!好食到不得了！-跟餐加$12 可以換movenpick雪糕但係我大飽太滿足喇！留返下次再食！

雖然唔係成日去MEGABOX, 咁岩同朋友出黎買嘢行行下又想食下日本嘢，就去左九井壽司真係好耐無食過堂食既迴轉壽司啦，令人懷念既MENU 仲可以抽獎，上一次食好似係日本呢見到MOVENPICK 有特價，又真係幾平，可以一試，但最後我地見得太多食唔曬無叫到叫左好幾個壽司 火炙三文魚腩壽司, 火炙左口魚邊壽司, 黑松露油甘魚壽司, 赤蝦壽司，全部都好新鮮，三文魚腩真係好肥美呢。腐皮壽司因為12蚊2 件太抵啦, 都叫埋先。帆立貝龍蝦沙律卷，估唔到呢個MIX 好好食呀，值得一試見好多人叫午巿定食，自己都叫埋一份，但估唔到咁大份角巿魚生丼定食好很足料呀，多到2 個人都食唔曬，最後要放棄少少飯忍唔住叫左少少小食芝士魚餅未試過所以見左，真係好多芝士呀，要流出黎啦，唔錯，但真係會飽左，一個人食唔建議叫啦炭燒味醂雞泡魚干呢個好香口好好味，估唔到，偈計路食好岩，切得細細條好易入口臨走既時候發現有玩具同書櫃，真係好岩一家大細黎

今日哩到megabox行下街，經過見到九井壽司，入面裝修好新淨，仲係以新幹線主題，一於入去試下。 門口有部自助探熱機，仲係講日文， 去旅行感覺返曬嚟。餐廳比人感覺好舒適又乾淨， 令人喺疫情下用餐都非常安心，枱上面有平板自助落單，食物由新幹線列車送到，上菜時間好快， 又可以減少與人接觸， 如果帶小朋友呢一定好開心。我地叫左以下食物：黑松露油甘魚壽司芥辣八爪魚軍艦海膽魷魚軍艦蟹肉蟹膏軍艦軟殼蟹手捲三文魚腩壽司皇帝蟹棒壽司炸墨魚咀鹿兒島醬燒豬軟骨拉麵壽司夠曬新鮮， 壽司飯夠曬實淨唔會一夾就散， 包住軍艦嘅紫菜上枱之後仲好挺身好新鮮 ，唔會好似某連鎖日本餐廳啲軍艦嚟到啲紫菜已經軟淋淋，軟殼蟹手捲真係即叫即炸，嚟到嘅時候仲係熱嘅，又香又脆。豬軟骨拉麵都好正，壽司大大件，好抵食呀，每次點4樣野食就有一次抽獎機會👍🏼

經開九龍灣MegaBox咁岩又下午茶時間，見到有間以列車為主題嘅壽司店，下午茶八折優惠😍好抵啊呢度嘅食物會好似列車咁送到出嚟，小朋友睇見都覺得開心😃三文魚海膽丼定食嘢食一嚟到感覺性價比高，有埋沙律同埋湯 海膽好鮮甜😋三文魚仲要係厚切嘅,雖然係下午茶但係份量一啲都唔小，食到好飽😋滑蛋鰻魚定食每次食日本嘢都一定會點有鰻魚既茶式，鰻魚口感肥美，滑蛋熟度剛剛好吾會overcook🤤yum yum 芝士軟殼蟹卷軟殼蟹炸得好鬆脆， 面層嘅燒芝士蟹籽creamy 得黎又好滋味日式煎餃子～煎得好香脆燒芝士餃子釀雞翼芝士控一定要點的🤤百吃不厭小朋友邊食邊玩玩具

今日同小朋友行megabox 9樓親子樓層，行咗陣覺得肚餓，就去咗九井壽司食lunch。呢間餐廳好啱小朋友，每個小朋友會送一件小禮物🎁😍而且有列車運送壽司🚄🚅小朋友非常開心。小朋友叫咗一支菠蘿波子汽水同埋月亮號兒童餐，包1支益力多，玉子燒，炸魷魚同埋沙律。另外再叫咗小朋友啱食嘅粟米沙律軍艦，玉子壽司。我自己就食北寄貝刺身，好新鮮。三文魚子海膽迷你丼好抵食，68蚊咋😍海膽望落已經加分，好有光澤，食落好有鮮味。壽司就點咗火炙三文魚壽司，象拔蚌壽司，黑松露油甘魚壽司。油甘魚食落就知正，肉質好肥美嫩滑，我都好鍾意火炙三文魚，因為特別香。Ipad落單好方便，出入店員都有打招呼，態度友善。

今天做嘢來到九龍灣嘅Mega Box，諗起曾經幫襯過嘅『九井壽司』，又掛住佢嘅送餐新幹線火車，因此又來了，之前部平板電腦係可以移動嘅，今次固定咗，起初有D唔習慣，要側身使用，之後亦都慣咗。『蒲燒厚鰻魚定食』，果然好厚身，又入味，飯面舖咗D蛋絲，靚仔咗，定食有湯，有沙律跟，正常好食而且抵食。『三文魚海膽丼定食』三文魚有成六片，好鮮甜，海膽亦好味，朋友話好食過DD超市嗰D。『味付芝麻八爪魚』和『味付螺肉』，好味彈牙，價錢平到一個點。『北寄貝』和『甜蝦』刺身超新鮮亦唔貴，食咁多嘢三佰蚊都唔使，你話係唔係好超值。