九井壽司 (Closed)

約左朋友黎行IKEA 見呢間日本野門口幾得意外面裝修以日本子彈火車做主題 幾吸引就入去試試啦！第一印象 環境衛生 不錯喔～炸薯餅同炸蠔鰻魚卷物芥辣八爪魚-紫菜好脆！筷子夾起果下會聽到有聲😂（唔係吹水！ 係真嫁！）帶子壽司-厚度適中～ 帶有鮮味軟殼蟹芝士卷物-軟殼蟹好大舊～ 分量足夠！呢度有好多飯同麵餐選擇～我地無叫到 見隔離嗰啲人叫嘅賣相都唔錯！ 下次黎會試另外呢度每四碟嘢食就一次抽獎抽咗兩次都冇中到～ 唔知會係啲咩嚟呢😁P.s : 兩位後生既男待應好細心好有禮貌！值得欣賞！

好耐冇食日本野，想起之前食過嘅 #九井壽司，剛好下午茶時間，就去食啦。下午茶有多款選擇，包括丼飯、拉麵🍜同定食，跟之前一樣，係平板自助落單，由 #新幹線列車 🚄 送來，有特色之餘仲可以減少同人接觸。我點咗 #三文魚海膽丼 定食，包埋沙律同味噌湯。大海膽食落好有口感，味道鮮甜😋，三文魚都有5大塊，魚味甘香。雖然細細碗，但分量好足夠。再加了黑松露劍魚腩 和 #象拔蚌壽司 🍣，2款都很鮮味，特別係 #黑松露劍魚腩壽司，黑松露香味令人回味。刺身食得多，原來 #炸物 都唔錯，#吉列南瓜薯餅 🎃 外脆內軟，裡面有香甜南瓜蓉，新鮮炸出來很好味👍下午茶價錢抵食，環境舒適，下次可以再來。

成年幾冇去日本，想搵翻啲日本嘅味道，就搵到呢間係Megabox 嘅壽司店。未入去已經感受到日本嘅氣氛😍連部量體溫機都係講日文嘅。裝修係日本可愛風格，會播日文歌嘅伴奏，最重要係呢度係列車送餐🚄。仲有！只要叫夠4款食物就會自動獲得一次抽獎機會！雖然我抽兩次都係失敗，但聽到隔離檯好似抽中，好羨慕。食物水準極高，價錢親民，好推薦大家去試。三文魚腩壽司$20 + 10%三文魚腩油脂均勻，入口即融，雖然唔係厚切，但好大塊！同冇筋，好正，可惜我嗰日去淨係得壽司冇刺身。味伏螺肉 $19 + 10%見好多人都介紹個螺肉，本身我自己係超級鍾意食螺肉，所以就毫不猶豫甘叫咗。螺肉份量適中，都算大粒，好爽口彈牙，味道剛剛好👍🏽炸墨魚咀 $32 + 10%墨魚咀偏淡，如果重味少少會好啲，或者比檸檬汁吊下味。整體嚟講一般般。天婦羅炸蝦 $32 + 10%同我以往食嘅炸蝦天婦羅唔一樣，呢度用嘅炸粉炸出嚟比較厚，但好脆！蝦都彈牙，唔會過熟。劍魚腩壽司 $25 + 10%劍魚腩比三文魚跟加有咬口，油脂含量高但又唔會食到好油膩嘅感覺，可惜係有啲筋，如果唔係就完美。甜蝦壽司 $20 + 10%我覺得甜蝦壽司比其他壽司細份好多

今日係Megabox 行街，見到9樓有間日式餐廳睇落去好似幾高質，所以就決定試一試。叫左三文魚刺身同三文魚腩刺身，依度嘅剌身好厚同鮮甜，尤其係魚腩，佢嘅油脂分佈均勻，食落去超好味，推薦食魚腩刺身。叫左濃芝士軟殼蟹卷，手卷比想像中大舊好多，作為芝士控，見到手卷上面加成塊芝士完全係無法招架。入面嘅軟殼蟹炸到好香脆，成舊咬落去除左感受到芝士同沙律醬嘅甜味，仲有炸物嘅香脆，食落去有好多種口感。叫左火焰芝士鰻魚壽司同熟蝦壽司，見到Menu張相咁吸引，令到人都好想試吓。雖然佢地只係普通嘅壽司，但係上面嘅芝士係燒過嚟，食落去有少少燶燶哋嘅味，令到成個壽司生色不少同令人難忘。叫左碗鹿兒島醬燒豬軟骨烏冬，依度嘅烏冬完全可以媲美出面嘅烏冬店，豬軟骨除咗好入味之餘，啲骨仲要軟到好似食緊啫喱咁，而湯底用咗豬骨湯，又係好鮮甜同埋濃味，加埋彈牙既烏冬，簡直係必點之選。除左食壽司同烏冬，都叫咗個炸物，就係唐揚炸雞，因為唔太夠喉。依度嘅雞塊都大大粒，而且係即炸，咬落去仲會有啲肉汁bi出嚟，算係CP值高嘅一款食物。

今日去左mega box行街，食個lunch填滿體力再去戰鬥。我地揀左食9樓嘅九井食壽司，佢個裝修幾特別， 好似入左新幹線甘。呢度午餐好扺食，四五十蚊就食到個set。 我地兩個人叫左兩個lunch，同啲壽司同小食。雜錦壽司盛，有細烏冬、炸雞、卷物+壽司，仲加有12蚊有Movenpick雪糕。角切魚生丼定食，有麵鼓湯及沙律。新產品炸墨魚咀，炸得好香脆，一粒接一粒甘食，停唔到口。另外叫左啲壽司，赤貝、火灸左口魚邊、赤蝦、黑松露劍魚腩、油甘魚。整體上每款壽司都好好味，刺身新鮮，特別最鐘意火灸左口魚邊壽司同角切魚生飯。左囗魚滿滿油脂香味，魚生飯就有超多魚生。今餐大家都好滿意同滿足。

聖誕假期都唔建議周圍去，主要都留係屋企，不過始終聖誕節，小朋友都想開心吓嘅，趁着「平安日」但老公又要返工，就帶埋阿女去附近食返餐開心吓啦，呢個女真係大唔透，仲好有童真咁話要去食火車壽司，所以就去咗MegaBox嘅九井壽司。呢間親子餐廳真係好到不得了，門口會有啲玩具俾小朋友自取，仲張貼咗告示教導小朋友要珍惜玩具同埋只可以攞一份，教導小朋友要自律，呢個安排已經值得讚賞！每張枱都放咗一部Pad俾食客自己落單，分類又夠清晰，非常方便。食物係用子彈火車沿着路軌送到嚟枱嘅旁邊，小朋友就覺得新奇又興奮！嚟到剛好午餐時段，所以叫咗個午餐，呢個午餐真係好抵食，有蟹子沙律、三文魚刺身三件、壽司四件、仲有一碗豬骨湯烏冬，基本上食完都已經飽咗，咁豐富都只係$68，簡直係超值！阿女就叫咗碗牛肉烏冬，牛肉份量超級多，基本上食完啲烏冬都仲有好多牛肉，都係$68有交易。另外叫咗幾款壽司，水準不俗。特別要推介呢個海苔魷魚天婦羅，其實係類似酥炸魷魚鬚，再灑上紫菜碎，點啲沙律醬，真係好好食，呢個值得推介。另外嘅墨魚咀都唔錯，份量好多，最後仲食唔晒要打包添。就係咁就食咗一餐好開心嘅聖誕大餐喇😋

今日專登入九龍灣睇傢俬，順便係度食個lunch。因為想食日本野，比個門口吸引左，所以揀左呢間壽司店食，結果幾有驚喜，食物不錯唷！餐廳格局有啲似壽司朗，自助點餐又有類似急速線送餐，幾得意，仲有點夠數又有得抽獎，好得意😎可惜我無運，唔中獎呢🙈入正題，我哋叫左兩個set lunch,好抵食呢！雜錦壽司盛：有幾款壽司例如三文魚，甜蝦，蟹柳同加州卷，重有三件炸雞塊同碗烏冬，估唔到最好食係碗烏冬🤩個豬骨湯底一流！鯖魚定食：鯖魚兩大塊，兩邊煎得好香脆，而且飯配有蛋絲，一啲都唔馬虎！我哋額外再叫左幾款特色壽司，帆立貝龍蝦沙律卷、火炙左口魚裙邊、腐皮壽司、鰻魚卷同以優惠價$8換購味付芝麻八爪魚，每款都好好味😋特別推介帆立貝龍蝦沙律卷，真係食到小龍蝦啖啖肉嫁🤞🏻總括來講，呢間餐廳抵食得黎坐得又舒服，如果係附近返工大家可以去試下呀🤗

👧🏻😋👅🍽✨- ✨定食固然抵食，壽司散叫都係咁經濟✨每叫4樣野，不論價錢都有得抽獎，可憐既我兩次都抽唔中 😢✨性價比好高，megabox地段兩個隨心叫都係$150一人！-‼️新產品‼️溫泉蛋白豚腩肉飯定食 $78配 麵豉湯 沙律✨腩肉煎得好香，份量又多，好似食緊拉麵咁✨溫泉蛋震騰騰，飯同肉中間仲有蛋絲，層次豐富✨麵豉湯有海帶、豆腐、少許香蔥，熱辣辣三文魚腩壽司 $20✨香滑，油脂豐富吞拿魚壽司 $22劍魚腩壽司 $25✨好厚身，my favourite!火炙左口魚邊壽司 $24✨爆油 🥰 仲好大塊特色海膽（1件） $35✨超甘香既海膽，一大pat✨無鹽紫菜好脆，包住個海膽更顯鮮味原條星鰻壽司 $38✨星鰻肉質較散但魚香搭夠✨唔似平時既蒲燒鰻魚，只賴碟既燒汁輕輕帶過冇咁鹹‼️新產品‼️炸墨魚咀 $32✨雖然等左一陣但人係新鮮即叫即整好值得✨份量都好多，外面既炸粉好薄，仲有輕輕七味粉調味，炸物超高質-

間唔中都會去Mega Box ， 因為呢度有間IKEA, 平時行完都在IKEA食埋，但見好多人，所以出去睇吓仲有乜食，原來9樓有間壽司店，睇佢menu, 好抵食，1:30 pm 冇乜人，一於幫襯佢，原來佢嘅lunch set 好抵，不過我見散叫壽司都抵，所以就一於試吓佢啲壽司：。**火炙鹽燒鵝肝壽司$28/件我最鍾意食鵝肝，呢個燒到啱啱好，外脆內軟，入口即溶。**燒雞骨腸$28/件燒到啱啱好，非常之香口，有啲似台灣腸，同埋我最鍾意食腸仔，呢個拎住條骨就咁食，好方便。。**其他食物：帶子壽司、吞拿魚壽司、釀雞翼、枝豆等都係中上質素，以佢咁嘅價錢其實幾抵下，而且間餐廳好大，坐得都幾舒服👍🏼👍🏼

中午放飯時間同左朋友仔👭黎Megabox 食日本野 九龍灣唔算多日本菜 見到呢到價錢💰ok就入左去喇 望落去環境都幾闊落 燈光💡好明亮 呢到帶位既小姐💁🏻‍♀️態度幾好 服務令人滿意🙂 菜單用平板電腦睇📱 一目了然 全自動點餐上菜模式 非常方便👍🍣極上 金之刺身丼($128)現實既丼既賣相比起平板電腦睇到既相更加吸引😍好有驚喜 丼既面頭加左小小金泊✨令整體賣相更加高級 刺身方面都有幾多 三文魚腩 油甘魚 海膽(不過不失) 三文魚子 帆立貝 牡丹🦐 刺身切得厚 啖啖肉 絕對係對得起佢既價錢 好抵食 😋🍣自家泡菜丼定食 ($58)其實就係泡菜加牛肉🐮飯 朋友話食落都唔錯 但分量有啲多 食唔晒😂所有定食跟麵豉湯同沙律🍣火炙帆立貝壽司 ($32)🍣火炙左口魚邊壽司($24)🍣油甘魚壽司 ($20)壽司整體評分中上 個人最喜愛❤️食左口魚邊 好重句油香🐟爽口且挺厚的 壽司飯整得結實🍗炸雞軟骨 🐤 ($32)炸到十分香脆 好好味 新鮮即炸 唔會淨係食到炸粉 軟骨好有咬口😍🍦午市定食加12蚊就有一杯迷你 movenpick 😆 好抵呀 movenpick 真係好好食 😋 食埋個甜品就好滿足記得呀每次落單

見到有間好有日本🇯🇵感覺既壽司店，所以入左去食懷念下日本😂🌟 蟹肉蟹膏軍艦 x 北寄貝沙律 （$28 &$24）蟹肉鮮甜，蟹膏濃味，壽司即叫即整，紫菜到上抬時仲好脆口，壽司飯實，唔會散哂😋😋北寄貝沙律新鮮，沙律唔會太甜😋😋🌟 吉列廣島蠔 （$36）廣島蠔即叫即炸，蠔🦪肉新鮮，蠔肉juicy，外皮香脆，加埋沙律醬，食落感覺無咁熱氣😋😋🌟 濃芝士軟殼蟹卷 （$38）芝士火炙過，好香👍🏻，而軟殼蟹即叫即炸，炸得好香脆，加上有蟹籽響面，令鮮味提升😋😋🌟 溫泉蛋牛丼定食（$58）牛肉份量多，牛味濃郁，加上用洋蔥炒香，令牛既味道更加出，溫泉蛋同醬汁撈飯，好好食😋😋🌟 香蔥吞拿魚碎卷x 特式香蔥吞拿魚碎吞拿魚蓉新鮮，香甜，蔥都係新鮮切，而且吞拿魚蓉多，必點😋🌟 燒鯖魚 （$38）鯖魚外皮燒得香脆，肉質鮮甜，結實，唔多骨，加上檸檬🍋汁，令鯖魚更加香😋😋🌟 極上·大拖羅壽司 🍣（$35）拖羅肥美，新鮮，魚香味重，濃郁😋😋加上厚切，食到有種響日本🇯🇵既感覺😋😋🌟 Movenpick 雲呢拿雪糕（$12）食飽最後食埋movenpick雪糕，只係$12，大滿足😋😋

今日同朋友去九龍灣到行街，原來係9樓，有一間日本餐廳，陳而家冇得去旅行，就嚟日本餐廳食下野當去咗旅行啦🤣你都真係好有日本氣氛，好多都係用日本嘢，而且餐廳裝修到好似火車咁，相信如果帶埋阿仔離，佢都會好鍾意❤️食物好高質，價錢仲好平三文魚子海膽迷你當呢個真係超級推介，喺香港食過好多次海膽都味道麻麻，但而家可以放心食，有意外驚喜，海膽好鮮甜，而且三文魚子咬落去卜卜聲，超鮮甜超好食😋雖然係迷你版，但師傅都落足料，材料一啲都唔吝嗇！火焰三文魚壽司🍣呢個又係必食之選，本身三文魚應該好好味，用炭火燒過，三文魚味道就更加出，更加好味😋依度嘅炸物都好好食㗎，可以嚟試例如牛肉薯餅，外層揸得好香口，裏面嘅薯餅好鬆軟，好友薯仔同牛肉味京蔥牛肉卷都係必食之選，超香嘅燒汁，牛肉好嫩，而且蔥一啲都唔辣，一齊食味道勁match🤟🏻🤩

無限wfh之下lunch time變得好唔穩定🕝稍微靜下來已經到左下午茶時間🌜🌛極度肚餓！於是一個人叫左兩個下午茶餐🎎🎎外賣有折扣-滿$90有10% off💸💸💸外賣好快到🏃🏻‍♀️🏃🏻🏃🏻‍♂️而且包裝得好安全💮d野唔會倒瀉曬咁👍🏻👍🏻兩個餐真係好豐富🈵🈵🈵咩都食到嘅感覺好滿足😋😋😋壽司睇落好新鮮🍣🍣係燈光底下閃閃發光✨✨✨係屋企食到堂食質素嘅壽司真係好開心🥳🥳

吃出東京築地感覺之九井壽司😃去唔到日本旅行，自然想食日本菜。上星期同朋友去左Megabox 九井壽司食野，入到黎就好似日本咁，有日本嘅背景announcement 😆迴轉壽司使用高速輸送帶，即點即送，唔怕唔新鮮🤩 入坐黎自行在屏幕點餐就可以了首選鮮帶子海膽迷你飯！海膽帶甜唔腥又足料，特價＄78超抵食🤗第二最愛係黑松露油甘魚壽司＄22 ，基於本人喜歡黑松露，而且喜歡油甘魚的肥美呢,絕配第三，當然又係黑松露啦，今次係黑松露帆立貝壽司＄34 帆立貝大塊厚切 充滿口感呢～🥰我地仲叫左一d 特色卷物，包括 濃芝士軟殼蟹卷 ＄38，呢個真心抵食，超滿足😚 點少得叫甜番薯 ＄25，海苔魷魚天婦羅 ＄28，仲有味付螺肉 ＄19。最後呢款壽司真係好有驚喜，就係火炙鹽燒鵝肝壽司 ＄28，呢個鵝肝入口即溶，口腔充滿油香味，口味無窮呢😋2個人埋單300元，非常抵食，誠意推介😘＃九井壽司＃japanesefood

今日同男朋友去MegaBox行街🥰行到上去搵吓有咩食，搵咗呢間壽司店，成間餐廳嘅設計都係日本風🇯🇵好掛住去日本旅行的時間🤤咁我哋入到去，點左好多唔同款式的壽司😋⭐️皇帝蟹棒壽司好大條蟹棒配上沙律汁好食😋⭐️軟殼蟹手卷即叫即炸，而且紫菜都係脆既，內外都夠脆而且軟殼蟹好香👍⭐️三文魚腩壽司🍣新鮮甜美的三文魚腩，脂油比例好👍🏼😁⭐️極上大拖羅壽司極力推薦呢款，新鮮而且油脂豐富、超嫩滑溜👍🏼⭐️火炙三文魚腩壽司同三文魚腩壽司差唔多，只係表面燒香左⭐️炸雞軟骨粒粒炸得好均勻 而且脆香味濃😋👍🏼⭐️吞拿魚壽司🍣不錯👍🏼味道夠鮮⭐️炭燒雞泡魚乾好香而且點埋沙律醬😋正，係差杯清酒一齊食😂整體來說我好喜歡，喜歡店舖的乾淨，食物品質而且風格令我們感覺在日本🇯🇵