九井壽司 (Closed)

今日朋友話想食壽司，但又唔想食平時食開果幾間連鎖店，所以就專登上OpenRice搜尋左一下，發現呢間九井壽司嘅評價唔錯，就決定嚟到MegaBox一試。☺️呢間壽司好特別，主題係火車新幹線，如果帶小朋友嚟嘅話一定會好開心。其實佢係位於兒童天地嗰一層嘅，可以方便大家行完兒童天地之後，帶小朋友過嚟呢度食餐好嘅。☺️呢度都有為兒童而設嘅兒童餐，更加好貼心咁樣安排左啲書籍放喺門口，可以比小朋友借閱。呢個新幹線主題都好得意㗎，啲壽司係點左之後係會沿住條路軌，由架新幹線列車送上枱面，其實無論大人細路都睇得好開心。😁😍😍至於嘢食方便選擇都非常之多，有唔同類別嘅壽司、刺身、炸物小食、主食同埋拉麵。由於我同朋友過嚟都係想食壽司，我哋主要都係點左唔同嘅壽司為主。啲壽司食落都係非常新鮮；就好似油甘魚腩、三文魚腩等等，食得出來貨嘅價錢不菲，刺身鮮甜。🖤🖤其實壽司除咗刺身嘅質素要唔錯之外，飯嘅質素都非常重要㗎。呢間壽司店壽司飯嘅質素唔差，溫度適中，飯粒分明有口感，壽司醋都好香。😍另外想一讚呢間壽司店嘅就係佢哋嘅壽司配搭都好特別，就好似香蔥碎吞拿魚卷，濃芝士軟殼蟹卷咁，呢啲配搭都唔係周圍遊，佢哋設計都好有心思。我特別鍾

🇯🇵九井壽司🇯🇵|連鎖壽司店以外嘅新選擇|由於疫情關係 Megabox既人流相對較少所以我地食得舒服又放心而且人均$200已經食到好飽😋😋海膽花之戀⭐️⭐️⭐️⭐️海膽幾新鮮 一啲魚腥味都冇三文魚片亦都好厚身 整件壽司好大件 一啖係絕對食唔晒😹濃芝士軟殼蟹卷 ⭐️⭐️⭐️⭐️火炙過既芝士同卷物好夾做到入口即溶的感覺 令整個口感變得更豐富火炙左口魚邊壽司⭐️⭐️⭐️⭐️左口魚邊口感既肥美又爽口入口個陣魚油香好正 最後我地仲encore左一碟三文魚腩壽司⭐️⭐️⭐️三文魚腩幾新鮮肥美但稍為薄咗少少 切得再厚身啲就更加正

之前見到呢一間九正壽司嘅廣告已經好想試吓，因為我好鐘意食壽司，而呢一間唔係常見大型嘅連鎖店，覺得可能會有驚喜！今次嚟九龍灣行完傢俬店終於有機會嚟試吓😋我哋大概晚上8:00去到，當日係平日，都有啲人食下，有啲家庭帶埋小朋友嚟食。店員好好人，帶咗我哋去坐卡位。每桌都有平板電腦自助點餐，上菜嘅形式就係用輸送帶送到桌前。每次叫完嘢食都會可以抽獎一次，好得意！好似去咗日本食壽司咁😆然後真係會中獎㗎！我哋點左四次有兩次中獎，禮物就係一盒果汁同埋一支益力，好開心，小朋友嚟一定好鍾意！壽司方面都唔錯，價錢又唔貴，款式都算多，而且材料新鮮。我哋都叫咗啲小食，少見啲嘅就係有呢個雞泡魚乾，都係30幾蚊，好抵食，而且點沙律醬好好味。下次食壽司唔一定係大型連鎖店，可以嚟下呢一間係經濟實惠之選，而且環境乾淨，店內裝修同氣氛都好似身處日本咁。

係附近上完堂 就去mega box行下原來開左間新既壽司店 九井壽司🧐目測乾淨企理 就試下佢啦☺️佢既點餐系統好得意架! 一次只可以只四樣野岩曬眼闊肚窄既我! 唯有一邊食一邊點餐啦🥰每點夠四樣野食 佢都會有個抽獎🤩有幸中獎既我~ 一陣開估先😇🍣鰻魚壽司 $25 & 🍣北寄貝壽司 $16鰻魚燒得好軟身 但又唔係鬆軟既口感 再配埋甜甜地既醬汁 入口即溶咁🥰北寄貝就好鮮甜 肉質都幾厚實🤩 爽口彈牙🦐日本牡丹蝦刺身 $35 & 🐟三文魚刺身 $35一見到咁晶瑩剔透既牡丹蝦已經流曬口水🤤食落口好甘甜 口感爽脆仲帶點軟腍腍🥰三文魚更加唔洗講啦 細嫩鮮甜🤩🦀蟹肉蟹膏軍艦 $28一放入口 就充斥住鮮甜既蟹肉同香濃既蟹膏再夾住一塊青瓜 食落無咁heavy😈 仲要唔係乾爭爭! 大讚😼🐤燒雞骨腸 $28岩曬懶人食 一條骨搞掂🥰燒得好香脆 但又唔太油而且仲保留豐富既肉汁🦀軟殼蟹手卷 $24炸得好酥脆 而且仲好juicy😛🍜九州牛肉拉麵 $65呢個都出乎意料地好食!牛肉有預先燒過 再淋上醬汁先放入拉麵 香濃既牛肉味係口入邊停留左好耐🤩温泉蛋都整得好好 濃郁的蛋香 配埋滑順的口感🐟燒鯖魚 $38呢條係一條幸運既鯖魚

今次嚟到Megabox嘅九井壽司🤤平日夜晚六點半左右到 都有好多空位～有吧枱同卡位揀 卡位都幾闊落只可以用ipad點餐 有中英日文揀😛每嗌四碟有得抽獎 可惜我地抽唔中🙈但抽獎動畫好得意🤣有迴轉壽司帶但宜家無開 用埋嚟直接送餐～三文魚腩好長 可以包住成舊飯👅唔算厚 感覺介乎魚腩同一般三文魚之間象拔蚌好少見 都值得一試👍🏻蟹肉蟹膏味都重 青瓜好爽😛幾大舊同足料 口要夠大先可以一啖食🤣芝士一樣微溫 入口即溶🤤蝦都鮮甜 配埋沙律幾fresh卷物相對抵食同好食👍🏻👍🏻拉麵好大碗 份量幾足麵質感偏爽口👍🏻 湯底都夠濃豬軟骨好食👅 螺肉好大粒 偏辣炸墨魚咀都好香口最欣賞芝士年糕😋煙煙韌韌 一咬落去滿滿芝士湧出黎🤤——————————————————————總結價錢同食物不錯 食物選擇都多嘅環境好舒服👍🏻送餐都好快 店員都好nice😆加上背景都會播輕快音樂 又有日文廣播有啲真係去左日本嘅感覺🤣另有兒童餐可點 真係好適合帶小朋友嚟食👧🏻👦🏻

去megabox唸住冇位坐，但店員好好人又介紹menu,見到間舖新幹線咁就入咗去😝D食物由鉄道上的新幹線送出，好qq，又新鮮壽司舊肉又厚又好食，拉麵D牛肉都好多，大滿足。有得玩又有得食，間唔中有鉄道廣播，好感動可以FF日本、この電車は品川行きです😭😭😭店長好好人又送雪糕又free切餅費,ありがとう😍店員都好有禮貌👍🏻入門量體溫又有濕紙巾，同其他人都隔開坐，好安心，唔洗用安心出行都已經好安心

收工去MegaBox搵嘢食，行經有一層專賣BB仔野嘅樓層旁邊竟然有一間壽司舖，仲要有列車送餐做噱頭，就即刻入咗去試吓！舖頭食物定價都非常相宜，而且全部食物都會係有列車送上，真係又有得玩又有得食。我同朋友嗌左超過八款壽司，仲有帶咗一碗烏冬同兩件手卷。首推一定係火炙鹽燒鵝肝壽司，第一件送上嘅時候簡直嚇一跳，因為完全冇諗過塊鵝肝竟然係咁大塊，超級抵食，所以前後一共帶咗三件，所以鍾意食鵝肝嘅朋友千祈唔好錯過！另外想推介嘅係火炙芝士蟹棒壽司，蟹棒十分大條，配埋芝士一齊食簡直係超級夾，好惹味！至於手卷方面，我哋揀咗軟殼蟹手卷同埋鰻魚手卷，手卷唔會只有好少嘅餡，所以食完手卷其實都有啲飽肚。見到隔離枱有嗌一大碗烏冬，所以都想叫黎試吓，最後揀咗豬軟骨烏冬，豬軟骨煮得非常之淋，而且好入味，烏冬用上讚岐烏冬，煙煙韌韌，亦都唔會有平時烏冬常有嘅酸味，分量亦都十分大碗，好味！總括嚟講呢間餐廳嘅壽司定價偏低，所以好抵食，而且種類都算多，用料新鮮，份量亦都唔少，餐廳位置可能唔太顯眼，但係真係值得專誠去試吓！

Megabox既餐廳選擇有好多，今日就同朋友黎到依個商場食午餐。好得意既係送餐服務由列車運送，令到我地時常望住條路軌，睇下d食物幾時送達。落餐既時候係用平板電腦下單，減少食客及侍應既接觸，非常適用於疫情時期。1. 火炙刺身丼定食刺身有三文魚及左口魚，份量適中。2. 日式叉燒烏冬叉燒大大件，可惜烏冬既份量較少。3. 溫泉蛋黑豚腩肉定食一刺身溫泉蛋就有好多蛋汁流出，而黑豚腩肉又肥美又好味。4. 滑蛋鰻魚定食滑蛋比起鰻魚既份量多，都正常既，不過覺得鰻魚凍左小小。

帶了肥髀去Megabox購物，小朋友最鍾意壽司，帶她去了呢間食評幾好嘅壽司鋪，去到唔使等位，店面以列車站做主題，收銀處附近會放小童書，我哋坐卡位，好闊落枱面有齊配套，茶包較淡，我要兩包先夠味，子薑偏甜，爽脆感夠，枱邊嘅熱水出水有問題，太大壓力令水柱會激射出嚟，在杯底反射出來，每次湛水都非常驚心動魄，枱面平板落單，很方便，最重要是列車🚄上菜，成個場每枱必有小朋友🤣油甘魚壽司：肥髀食皇帝蟹棒壽司：肥髀食日本牡丹蝦壽司：蝦肉夠厚完整，新鮮爽口，好味赤貝壽司：貝類是我喜好，赤貝新鮮爽脆有咬口！四拿都一樣新鮮！好味火炙左口魚裙邊壽司：群邊燒完肥美軟滑，很香口好味特式香蔥吞拿魚碎：紫菜爽脆，包起飯團，外形有點像燒賣！不過吞拿魚不夠肥，不是美美的粉紅色，蔥絲也不是我喜歡的青蔥，雖然整體夾埋係好味特式海膽：紫菜爽脆，包起飯團，加上海膽，外形有點像燒賣！海膽落得足，新鮮無澀味！好味北寄貝沙律卷：有驚喜！原來加州卷嘅餡換了北寄貝會更有口感，更彈牙，飯鬆軟剛好，蟹籽卜卜脆！蟹籽沙律：青瓜絲爽口，沙律醬不會過多，剛好吊到味，蟹籽落得很多，新鮮粒粒卜卜脆，好味燒日本甜蕃薯：燒得均勻夠熱，甜度夠蕃薯肉軟糯！好味點

MegaBox嘅9樓全部都係賣小朋友野🙈🙈發現咗仲有間壽司鋪 好日本feel 全部都播日文～座位都多卡位 唔逼 坐得舒服 呢到係ipad點單 落完單就有高速列車送黎🚝🤣落完單仲有抽獎動畫睇！可惜抽唔中🤣 唔知係咩獎 帶小朋友黎食一定好開心🥰 ～呢到野食價錢中等 食物選擇都唔少壽司飯掐得好好 軟硬適中🙈 醋嘅份量啱啱好 魚生都好新鮮好鮮甜👍🏻👍🏻 呢個價位黎講已經係好值！原條星鰻壽司咁大件都係$38～仲好好食😋炸物全部新鮮炸起熱辣辣好香脆～手卷嘅紫菜係仲脆！成日都食到淋嘅手卷😂連沙律份量都唔少🙈🙈 兩個人食咗二百幾蚊已經好飽好飽

Okay, I guess there are a lot of mall restaurants in Hong Kong. Some of them are probably even Michelin stars. But this place is more of a casual restaurant kind of deal. Which is why I was impressed.I ordered a couple of different items, such as an udon, a curry rice with fried chicken, some Yamato sushi, and a crab salad. Everything was pretty good overall. The order was correct and the food came out pretty quickly overall, even though they were fairly busy.The strength of this place is probab

今日同仔仔去MegaBox玩，貪佢有玩具反斗城同Aeon，玩到11點幾開始搵嘢食，由於仔仔好鍾意車，於是就上咗9樓嘅九井壽司試吓，又可以睇吓佢嘅火車送餐。🤪可能我哋早，唔使等位，有卡位坐，感覺環境舒適。☺️坐低之後枱上有部平板電腦供點餐使用，我哋一大一細叫咗一個午市牛肉丼套餐，蟹柳壽司，三文魚腩壽司，火炙左口魚邊壽司，特色香蔥吞拿魚碎壽司。牛肉丼套餐估唔到份量幾多，$50有麵豉湯沙律同一大碗飯，牛肉質素一般，厚身而且有少少韌，但有個牛肉醬汁搭救，所以還可以。蟹柳壽司和三文魚腩壽司質素同元氣差唔多，但三文魚腩食落去嘅油脂較香，而蟹柳亦好大嚿。👍🏻火炙左口魚邊壽司食落去同油甘魚差唔多，但更爽口，而且條邊燒過，陣陣嘅燒烤味令與嘅鮮味更突出！🥰特色香蔥吞拿魚碎壽司吞拿魚碎本身嘅魚味好重，再配合埋上面嘅香蔥，除咗增加口感外，亦帶出吞拿魚嘅的香味，食落去rich。😋😋其實應該配埋塊紫菜食，但因為個仔想食，所以就俾咗佢。可能因為咁令整件壽司更好味，紫菜會遮蓋左吞拿魚嘅鮮香。總括來說，整體同元氣差唔多，但感覺環境更好同舒適，食物個樣更精緻。❤️

今日去咗九龍灣行MegaBox，到咁上下食晚飯見到呢間壽司店，好似幾唔錯咁就入咗去試吓啦！😃全程都係用tablet 落單嘅，唔知係唔係唔識用，每次都好似只可以叫四碟野，但係每次落單都好快就到，擺到成枱都係添！🥗🍜🍙🍤🍢三文魚加州卷 (HK$28)蟹籽沙律 (HK$22)火炙左口魚邊壽司 (HK$24)特式香葱吞拿魚碎 (HK$20) 全部都幾好食呀！👍🏿濃芝士軟殼蟹卷 (HK$38)軟殼蟹手卷 (HK$24) 聲稱要等20分鐘但係結果好快就嚟咗啦。😂Movenpick Ice Cream (HK$18)本來以為雪糕唔使整應該好快會有啦，結果等咗好耐都未嚟，最後問一問staff，原來雪糕唔係經過新幹線上嘅，笑咗。🙊仲有其他野食，埋單大概HK$190 一位。😉

行完mega box , 便去呢間日本野醫肚喇，呢間日本餐廳啲侍應都好有禮，可能因為個層都係啲育兒既野，所以郁嚟會吸引好多家長同小朋友光顧，門口放了好多圖書俾小朋友。到食物方面，壽司都不過不失，比較好食既無啲炸物，都吾錯，價錢上都中規中矩，2人大概3百蚊左右，人均$150。

星期日去到，見到mega box 有間走火車嘅壽司店，諗住成家一試，點知帶嚟咗一次黑暗經歷。係門口等位都冇乜嘢，到入座時帶咗我地坐近走火門口嘅卡企位，一坐底地下痴立立勁污糟，點餐中嘅平板又有手指油漬，屋企人已經黑臉，諗住快快脆叫幾件食完就走。間餐廳行路軌送餐，係出餐位置見到廚房嘅師傅冇帶口罩就做嘢衛生環境惡劣，更周不時有職員進出後門位置食煙，成餐飯過程不陣有煙味傳出。到走嘅時候，係收銀位置發覺一個疑似經理嘅男士冇戴口罩招呼客人。