九井壽司 (Closed)

呢間在MEGOBOX的日本料理店一直都想來，今次終於有機會LA~呢到既環境又真係好CUTE, 唔怪之好多小朋友家長都來食。本來都想易下環境，不過真係太多人，想同架火車影張相都人頭湧湧。日式咖哩吉列豬飯，配有沙律，都幾抵食，而且賣相都好好。咖哩好香而且甜甜地，又好大碗下，食到好飽。仲有個日本麵豉湯，不過就好咸。雜錦刺身飯，都係幾靚，不過我就覺得刺物唔太夠凍，唔知係咪太多人，所以廚師太忙定上菜慢左，攏得耐左~?食入口都冇問題既。刺物都幾厚，唔錯。食店假日都真係好多人，食完都要快快走，或者平日來會好D.....

飯過暖，而且有仲種唔知道咩味道係入面，唔係平時食開嘅壽司飯味道壽司味道唔鮮甜，食入口係純粹有個口感，冇咩鮮甜同新鮮的味道叫左 「極上-大拖羅壽司」，特別耐先到，係咁多款最後一款到，食入口發覺拖羅對比前面食嘅壽司有明顯嘅溫度差距—特別凍d明顯係要解凍先要咁耐，而且拖羅又唔香，仲有小小雪櫃味道絕對唔推介 太難食不過環境係唔錯，座位舒服，而且員工服務好好，有禮貌，而且會留意客人檯面要唔要收碟，呢方面真係幾好嘅

今日約咗朋友喺MegaBox附近見面，咁就諗住睇吓MegaBox入面邊度有日本嘢食。跟住見到呢一間日本餐廳好似幾得意咁就入去試吓。入到去我嗌左個雜錦壽司盛，入面有七件壽司、炸雞同埋一個細烏冬。我覺得佢壽司嘅質素算普通唔係話特別好食。但係我覺得佢炸雞好嫩口同埋食落去唔會覺得好乾身，而且佢個烏冬係豬骨湯底我覺得一般😂😂😂。 我覺得最抵嘅優惠就係佢而家加$8可以有八爪魚或者螺肉，最重要嘅係佢個份量唔少可以當前菜咁食。同埋我知所以話佢特別嘅地方係因為佢好似元氣咁有一架火車送到你面前，我估呢啲應該好吸引細路仔😂。

呢間九井壽司個格局成間元氣咁，但同元氣好似係冇關係的，開正係megabox,如果唔係咁啱行開megabox又想食壽司，都唔會搵到佢。整體黎講佢個價錢同元氣差不多，但係質數有啲似爭鮮，非常平庸，唔會話難食，但係就真係唔會expect有驚喜。小龍蝦手卷好明顯就係一般既貨式。三文魚加州卷入面啲料都好少，唔係好食到。😅😅壽司類都冇乜特別，正正常常，係爭鮮既質數。個烏冬湯底都有啲味精既味道。埋單兩人都要成四百蚊，唔係話好抵食，個疫情下選擇不多，就當過下口癮。

今日同朋友嚟到九龍灣諗住搵間餐廳食下 今日想食日本菜 見到呢一間餐廳好多好評就入咗嚟點知食材嚟到唔新鮮而且幾貴下 例如啲赤貝係超薄 然後赤蝦係霧面 舊飯係暖嘅 講真除咗明將之外都冇喺邊一啲地方食過舊暖嘅壽司飯 但佢係好似千兩咁既價錢我都懷疑係咪自己簡擇 但朋友都話十分唔滿意見到呢到咁多好評 估計都大機會係宣傳既功勞睇番呢到既負評 全部都好中肯 你黎到就會明覺得好似比人劏左咁 幾嬲下除非你係為咗佢個列車 如果唔係唔建議你試 但其實列車呢樣嘢都唔係新鮮 元氣一早都有排除社會風氣因素考慮 咁嘅價錢我寧願去食元氣

呢間🍣以火車做主題。火車控嘅大人細路米錯過。❤️最鍾意呢度嘅綠茶🍵。用上一包包茶包。鍾意濃濃綠茶嘅我。每次放上二至三個茶包走唔甩。😍用iPad 落order 。款式多元化。頁面有成30頁。😵揀完食物記得按「點菜」鍵。我就掛住睇手機。唔記得按「點菜」鍵。🤣🤣軟殼蟹手卷～最怕食手卷紫菜淋bear bear 。放咗一陣先食。依然脆卜卜。軟殼蟹大大件。熱辣辣好滋味。🤪食物由火車🚄cart 送上。有別於一般🍣店。呢個下午茶餐$42咋。真係大件夾抵食。😎

之前食過覺得唔錯，近排去質素仲提升左🤩 午餐價錢仲好經濟，包沙律及麵豉湯～其實都相當之豐富～▶️ 三文魚🍣 刺身盛$68三文魚刺身、甜蝦、八爪魚、北寄貝及油甘魚壽司☺️ 刺身同壽司都好新鮮，另外仲配烏冬。▶️ 雜錦刺身丼$78有赤海蝦、北寄貝、八爪魚、三文魚、油金魚及蟹籽。全部都夠新鮮！另外散叫咗黑松露帶子壽司，帶子夠厚幾鮮甜😎呢個價錢有咁嘅食物質素真係唔錯！去開九龍灣呢邊，呢個係一個唔錯嘅選擇～性價比高！

喺九龍灣返工食茶記食到悶悶地 有時會轉場去megabox搵食😛九井算係我地每月一食嘅餐廳之一！見迷你丼幾吸引忍唔住叫左個 海膽份量唔失禮 三文魚籽都幾多 粒粒咬開甘香可口🤤不過迷你丼份量偏小 盛惠$68另外叫左火炙左口魚邊($24)、火炙蟹棒同火炙三文魚腩壽司($22)🍣超鐘意左口魚邊同三文魚腩😍經火炙過帶出魚身嘅油脂甘香 記得要叫三文魚腩 同三文魚只爭$2 但油脂香更濃 絕對值得👍🏻芝士蟹籽軍艦($24)濃郁芝士混合粒粒蟹籽 軍艦嘅紫菜仲十分脆身😛火炙芝士熟蝦壽司($22)熟蝦唔會好薄身 鋪上經火炙過帶焦香嘅芝士片 呢個味道超夾🤤每次黎必點！最後小食叫左蟹肉忌廉薯餅($26)入面口感好creamy~~不過蟹肉比期進中冇咁多🙈不過不失啦呢個。食飽滿足哂又要返公司繼續工作😩下次再黎食你😈

是日想食下日本野，就到左Megabox的九井壽司，平日的兩點後就不用等位了，可以直接入座。門口裝飾成鐵路的樣子，有氣球攞，仲有圖書或小玩具等派，看來是主打親子的餐廳。餐廳門口有一部量體溫機，亦有提供搓手液，點菜用上平板，送餐則是由鐵路負責運送的，基本上免於接觸他人，感覺蠻衛生的。是日點了火炙刺身丼定食，再用優惠價加了前菜，這一餐很豐富呢。隨餐附送的麵豉湯，看起來很油，喝一口滿是海鮮味，應該加了刺身後淨下的魚身部分去煮吧，雖然油了點但還是很好渴的。點任何午餐都可以用優惠價＄8加前菜，就加一份芝麻八爪魚，小時候好喜歡食呢個，八爪魚很爽口，勁多醬汁，甜甜的滿有芝麻香，不錯吃。跟餐還有沙律送，菜新鮮爽脆，麻醬下得多，簡單又好味。最後就是主菜了，火炙後魚油都迫出來了，閃亮亮的好吸引啊，有蟹棒，甜蛋，吞拿，三文，帶子，魚籽同左口魚裙邊，其中以三文同左口特別好味，呢兩款魚油最多，入口滿滿的魚油十分甘香，另外吞拿就切得太薄了，火炙後變得太乾太硬，可惜呢。下層是飽滿軟綿綿的日本米，浸入了魚油變成很香口，而且飯的份量很多，絕對夠飽的呢。不錯不錯，好味又好玩，店內的小朋友都興奮的睇著路軌上跑來跑去的鐵道。

行Mega box,搵午餐食，帶住小朋友又見到食評話這間是親子餐廳，所以就試下。果然是不錯的親子餐廳。店員年輕有活力，都有禮貌。一入門口處，有小朋友圖書可借閱，旁邊仲有個籃，每位小朋友可以自己拿一份禮物仔，有心思。店內用電腦落單，好快出菜。 講返食物，豬軟骨烏冬味道幾好，湯唔會太咸，份量唔算多，一試無妨。加州卷、鰻魚手卷，味道普通，無乜特別。不過香蔥吞拿魚碎卷、黑松露油甘魚壽司、油甘魚壽司、希靈魚壽司就值得推介，魚油香味，好正。仲有另一樣推介：炭燒雞泡魚干，唔係間間日本餐廳都有，整得幾好味，香得來又有口感。埋單二百幾蚊，價錢中等。

今天和同事到megabox工作，走到這間位於兒童樓層的日式餐廳餐廳在中午有提供午餐定食餐廳內座位之間設有圍版，令人吃得安心一點餐廳內點餐都時用平板電腦自助點餐，十分方便五分鐘左右我們點的食物便由高速列車送上，非常有趣三文魚親子丼定食 - 定食有味噌湯和沙律，沙律配上芝麻醬十分醒胃。三文魚是切粒，三文魚籽很鮮美，帶有豐富的魚油味三文魚海膽丼定食 - 有5 塊三文魚，海膽的份量比想像中多海膽非常鮮甜，口感細膩綿軟，風味清新此餐廳的午市定食性價比高，有高速列車送餐作賣點，下次要和小朋友來

平時到係好鐘意食日本壽司，今日行完megabox有d肚餓，就入左依間加洲卷下午茶套餐，另外會有一個小沙津同一個湯烏冬三文魚籽海膽迷你丼，睇落已經口水流，海膽夠新鮮，有種鮮甜味，加埋大大粒新鮮既三文魚籽，層次夠豐富，完美既配搭鰻魚壽司，鰻魚夠哂肉香，配上美味既鰻魚醬汁，咸咸甜甜，真係令人垂涎欲滴劍魚腩壽司同火灸三文魚腩壽司到超級新鮮肥美，劍魚腩肉白略帶漂亮的淡紅色，肉質柔軟，鮮甜而不油膩，經過火灸既三文魚腩就更加出色，釋放出甘香既魚油脂，更具風味

一講到食壽司🍣小朋友已經開心，再講用火車🚄送壽司，都應該好少小朋友會拒絕呢？今日同小孩去到MegaBox就試吓九井火車🚄壽司🍣。鹿兒島豬軟骨烏冬🍜＄68：湯底真係一流，有濃郁豬骨湯味，烏冬有咬口，值得一讚係鹿兒島豬軟骨軟綿綿，豬肉味特濃而且帶點豬肉筋，食落有點膠質添。特價八爪魚🐙、特價螺肉🐚：餐廳有限時優惠，呢兩款前菜都係$8碟，非常抵食！燒雞泡魚乾🐡＄38：雞泡魚乾算大件，非常香脆可口，配合日式沙律醬和少許七味粉，令雞泡魚乾更香。鰻魚手卷＄22：呢度手卷算大件，鰻魚有兩大塊，配合一些青瓜絲中和魚味，恰到好處！🎈🎈🎈值得一讚係餐廳免費送小朋友小禮物，另外還有圖書和一些玩具擺放任小孩進餐時閱讀或打發時間。特別嘅係餐廳用屏幕點餐，每點四樣食物便有一次抽獎機會，這次好幸運中獎了，小禮物係益力多一支，小孩喜愛！🥰😘😝

轟隆轟隆轟隆轟隆……咇咇到站啦~~今日帶左表侄仔佢地去megabox玩，之後仲同佢地黎食列車壽司未食之前，小魔怪已獲得一件小禮物，跟住佢地睇到入面既裝修就仲雀躍因為入面佈置到好似係列車入面咁，當佢地見埋d食物係以火車列車咁運送個刻，佢就未食先興奮因為唔敢俾小魔怪食咁多生冷野，所以點既食物都以熟食為主小魔怪指明話要食“蟹籽手卷”HKd$22+10%，放完電又未有食物落肚既佢，當然眨下眼就輕鬆K.O. 啦而“火炙左口魚邊壽司”HKd$24+10%就係俾我自私食既，油脂感超重既左口魚邊真係好正之後我就點左一份午餐既“鰻魚飯定食”HKd$78+10%同一條“燒靖魚”HKd$38+10%同小魔鬼shareeee定食包有沙律同湯品，鰻魚飯份量都幾大，cp值甚高小魔鬼原來中意食靖魚，呢度有成三分二都係佢獨享而鳗魚飯唔單止夠份量，質素都ok，鳗魚都無乜細骨，燒汁既調味適中，仲有大量蛋絲係飯面，一d都唔單調！！！最估唔到既係有m字雪糕，仲要唔太貴，都係18蚊一杯炸小小一杯作為飯後甜品剛剛好

個人認為好難得搵好高質既高速壽司店，呢間真係唯一一間我食完想不停再食，今次去食左個午市套餐，叫左個火炙刺身丼定食，之前試過佢啲壽司好好味，材料又新鮮，丼飯都唔例外，有好多唔同款既火炙，玉子、帶子、三文魚、左口魚、吞拿魚、蟹柳同魚籽，炙燒過令魚類既油份出左黎好正啊個種油膩感，全部食物都好新鮮，魚籽唔太腥，拌飯一流，左口魚滑溜又有油膩感，帶子大粒新鮮，蟹柳大條，三文魚同吞拿魚火炙好正！另外海膽軍艦超級好味！海膽非常鮮甜，creamy既質感搭配壽司飯同紫菜👍👍👍葱吞拿魚蓉都係，切得好細滑口感綿綿的，正呀！