鮨心 (Moved) New Location

在openrice揾到這間鮨心日本餐廳，未試過食完会嬲到要寫食評，但实在太差了，希望唔好再有人中伏，入到餐廳覺得裝修不錯，好靜（可能系冇乜人），三五知己相聚的好地方，但價錢同食物質素就太差，如果你收得咁既價錢，唔該比番啲良心，比啲好既食物人地，食物一啲都唔新鮮，三文魚，帶子，馬糞海膽完全冇味，食不出鮮味來，連包海膽的紫菜都是淋的，黐牙，超差。一些連鎖店式的壽司店的質素比她還好，服務又一般，難明如何收人這個價錢呢！揾笨一次就夠了，一定冇下次

旺角地鐵站一出就有一間日本菜餐廳，真係一出就係。超級方便！一樓嘅呢一間日式餐廳都比較高檔次，餐廳裝修係木系設計。餐牌中好多選擇，不過好彩嘅係佢個價錢都尚算適中唔會太離地。鹽燒牛舌$68佢都牛舌都幾好食，除咗表面鹽燒有啲鹹香之外，佢個質感都比較有彈性，平時食嗰啲都係比較乾同埋比較薄，但比較厚嘅呢個就。所以咬起嚟係比較彈牙同埋有口感。鐵火卷$58鐵火卷其實即係吞拿魚卷，當前菜小食食，質素唔錯，啲吞拿魚比較滑，啲紫菜幾香嘅。牛肉稻庭烏冬$128牛肉烏冬上面嘅牛肉本身係未熟晒嘅，所以啲質感會比較香滑，同埋啲牛肉脂肪分布都算適中，檔次價錢成正比。稻庭烏冬就唔使講啦，不過就比較林身少少。另外個湯底都算幾香，唔錯。海鮮丼$288重頭戲就係我哋叫嘅一個海鮮丼，本身睇呢個名以為有機會係一啲熟嘅海鮮，因為佢個名唔叫刺身海鮮丼lol好彩我哋叫之前都問一問先至叫上面嘅海鮮都算幾多，平時出面嗰啲會用返你執飽你到呢度就比較少飯反而見到上面嘅刺身係比較多！刺身包括有三文魚、吞拿魚、海膽、帶子、甜蝦等～～全部成份都好鮮甜架！三文魚好高質素花紋好靚！海膽比較新鮮所以味道比較甜，帶子就會比較彈牙，甜蝦甜度十足無得輸。中間

放假放平日真係唔係咁易約人，今日終於約到個好耐冇見既朋友去食飯。係OpenRice 見到呢間日本餐廳評語唔錯，又係正mtr隔離就試下12nn去到岩岩開門，人流唔多，坐得都舒服。午市定食相對抵食好多，所以叫左2個餐，再加少少野食每個定食都有跟前菜、茶碗蒸、麵豉湯，賣相精緻。今日前菜係牛舌，食落一d都唔腥，好香牛味！我叫左刺身定食，分別有甜蝦、油甘魚、三文魚、呑拿魚、金目鯛各2片同一隻日本珍蠔。刺身全部厚切，呑拿魚唔會腥朋友叫左鰻魚丼定食，碗丼都幾大碗。我試過d鰻魚好軟熟完全食唔到細骨！我地仲加左蟹籽沙律同鹽燒鯖魚，前者份量夠哂大；後者冇咩細骨，燒得都好香總結：座位舒適，食物新鮮，悠閒食足3個鐘！

深夜忽然同好友決定約食飯熱辣辣所以決定食日本野涼快下搵下搵下就搵到呢間食評不錯既餐廳一試好好彩，深夜透過apps book枱一book搞掂仲要book7:30pm都有discount呢個真係無得輸去到坐底，得一張枱有人環境好安靜，服務員（女果個）好有禮貌，男果個似係經理就差少少價錢就中上價啦Menu款式唔算多，但足夠既。叫左4樣野食，樣樣都好好味我係一個唔食牛👅既人，但今次我都不得不讚，實在好好味😋😋😋由於朋友係相機食先，女服務員好好甘等我朋友影完一張一張先放另一碟落枱仲要幫我地擺好位置👍非常細心，值得讚賞。總括：性價比高，有discount就最好啦

朋友介紹去呢一間旺角上樓嘅日本菜餐廳！位置真係比較難搵，上到果然係另一片天！😱裝修非常日本格局！ 一坐低就見到隔離枱嘅魚生刺身飯相當吸引所以即刻order左一客！刺身滿滿的完全遮蓋左刺身飯！ 刺身都係高級貨，非常新鮮爽囗！正正子！蟹子沙律足料爽脆！ 天婦羅到庭烏冬亦做得非常之好！天婦羅炸得不油不膩、炸漿薄脆！海膽刺身係必叫之一 ，北海道飛機貨，如牛奶🥛般嫩滑鮮甜！ 大滿足 牛油果軟殼蟹卷非常足料！即叫即做！軟殼蟹都是現炸的啊！😍 店子小小，菜式都是用心製作！難怪平日晚上都客滿啊！💕💕

因為有個朋友介紹我用一個apps。。。就係下面尼個apps啦。。因為尼個apps，我先知道原來旺角有間魚生舖咁正。。。就係鮨心啦。。。因為有尼個apps，只要用尼個apps做booking，就有唔同既折扣優惠。。。我今次去係半價。。。係半價牙。。。埋單都係2百幾。。2個人一開始叫左個秋刀魚，好新鮮，整得一d都唔腥，d肉又唔鞋。。。值得一食！尼個壽司卷物又係超正，飯少，蝦好脆。。。其實我好中意食佢既配菜。。就係側邊既薑片，甜甜地，又唔辣，食完人地話有益又去風㗎尼件帶子壽司仲正，啖啖肉，飯又少。。。真心正重點係好新鮮！尼個魚生粒粒飯一定要食。。。d魚生多到尼。。。勁多魚生d飯又好味。就連佢整既蛋卷都唔知點解好味過人，又唔油，岩岩好。。。好味道。。平時一食腥，我就唔中意。。。但尼間舖真心好食。。。因為d生嘢一d都唔腥。。。所以我大啖大啖食落肚。。。仲要用左apps既booking有折頭。。。真心抵食

happy friday既晚上，約咗朋友聚會。Book咗位，人唔多，仲有好多吉位。餐廳環境舒適坐得好舒服，三五知己傾計係唔錯。 服務都幾好。而Menu嘅設計,係有日文同埋中文，但係冇圖片嘅。感覺好似去咗啲高級餐廳。再睇一睇啲價錢，好似比平時嘅日本餐廳貴dd。都係要食飯，所以都係照叫啦！我哋三個人叫咗兩杯啤酒、玉子燒、三件三文魚壽司、炸雞軟骨同埋雜錦天婦羅，仲有一個牛肉烏冬。坦白講，除咗個雜錦天婦羅同埋牛肉烏冬之外，其他都好普通。而個雜錦天婦羅仲要漏咗單🤦🏼‍♀️🤦🏼‍♀️講番個牛肉烏冬，烏冬比平時嗰幼，又好似拉麵咁，都幾特別。而個牛同湯都好好味。如果一個人食晒一碗應該都會飽。食晒以上點嘅所有野，因為仲未飽嘅關係我哋諗住再叫嘢食，奈何睇來睇去都好似冇嘢想食。最後我哋決定賣單，轉場再去第二度食過。

今日同🐢蜜食生日飯 朋友介紹左我尼尼間野食一開始叫左個鐵火卷 佢系吞拿魚尼既 好好食同埋個蟹子沙律 佢d蟹子好新鮮 沙律醬唔會過多 適中 亦唔會太酸本人好仲意食加州手卷 職員好細心 一嚟到就叫我食咗先 因為怕個紫菜會變軟唔好食而朋友叫左個厚燒玉子 好特別 有少少酸酸地 似系檸檬既feel 幾fresh 下面尼個叫干飄卷 真系唔知咩尼 食落去酸酸地 我個人唔太仲意我地仲叫左個炸本菇同南瓜番薯天婦羅 好juicy 南瓜同番薯又唔會太甜最後叫咗個魚生丼飯 佢比我地想像中大 我地3個人最後都食唔哂 但尼個價錢咁大好抵食總結 我覺得尼個價錢食到咁好味既野真系好抵又新鮮 去到先知佢有omakase都系$600 下次會想試下

Lunch Time 入黎，散叫，無叫Lunch Set。叫左兩個壽司Set$208 $398 + 西京燒$178(圖示）刺身係暖，係腥。我只可以講 我唔識欣賞。我明白餐廳要賺錢，但唔會係甘樣比人食ed質素既野。$208個幾舊壽司 根本就係超市/x鮮質素。有個疑似經理既人好好，海膽上檯時叫我地快d食，因為紫菜淋，但我想話你聽，我聽完一秒即刻食，唔到1秒，但已經係淋。我想勸大家，同樣價錢 其實食連鎖店會有更加好既質素。

我用左openrice 網上book位，很方便！不過原來平日下午都唔多人，有好多位呢，應該晚市先旺場！今次點了鰻魚飯$168及粒粒魚生飯$168。注意午市都有加一服務費～如果平日吃太多快餐，間中要讓自己放慢腳步，好好享受一個這樣的full set午餐。前菜有蒸水蛋、麵豉湯（一般）、凍糕點（一般）～蒸水蛋不錯，幾滑嫩鰻魚飯：鰻魚既香又肥美，蛋夠嫩滑！看上去份量不多，但其實好撐胃呢！粒粒魚生飯：魚生都幾新鮮，份量多！還加了不少牛油果，味道清新！最後甜品是雪糕，可選雲尼拿或者抹茶！大滿足！

系旺角呢個點, 放題林立, 想揀好味而又環境清靜既日本餐廳,真係難！有幸朋友請食飯,  而去呢間, 我覺得可以成為3粒星星既餐廳！ 位置岩岩系旺市隔離街, 恍如 隔世一樣.  一樓系普通點餐, 二樓系廚師發版. 今次可以去食廚師發版！ 一上到去, 見到個系好多清酒display做背景, 燈光比較光亮,  有一個大大open廚房臺, 右邊有兩間房, 房系用屏風隔住, 面積都比較寬趟, 可以一班frd 6個左右一齊食都得. 播著情況日文音樂, 比較舒服！ 重點系其他食客都好斯文, 細細聲傾計, 覺得更加自在！（做好食客好重要）餐牌有show 5款價位菜, 老闆揀jor 800蚊一個那個, 椿！ 先講呢個開胃小菜先, 有個6件野, 睇落去, 覺得好靚先拉！ 而且d器皿真係好精緻！ 一d 就知道餐廳老闆好用心同好有錢！ 每個碟 杯都知道系貴野！ 真係顯得d食物好靚！ 成個美感出曬黎！ 杯仔那個系 水雲髮菜芋蓉！ 覺得好開胃同好新奇！ 因為上面白色那個系手磨淮生浸住那個酸酸甜甜既醋！ 我超中意食手磨淮生的, 黏黏滑滑, 新鮮淮生那個味, 同埋那個滑滑既髮菜一齊擺落口！ 過癮開胃！仲有個送酒小吃

阿林：冷盤只點了金槍魚 ($42)、油甘魚 ($32) 壽司，以及刺身沙律 ($168)。沙律為二人份量，各自從一邊開始，進攻金槍魚、三文魚、三文魚籽、鯛魚、甜蝦等，好不滿足。刺身皆大片／厚肉，新鮮軟潤，實在不錯。相對之下，熟食顯得一般。厚燒玉子 ($38) 以柚子皮添香氣，但不算滑溜。鹽燒牛舌 ($68) 略鹹，肉質不過不失。燒三文魚皮卷 ($78) 是餐牌裡其中highlight的食品，我卻不知有什麼特別。鰻魚丼 ($178) 米飯黏在一起，鰻魚燒得過焦，不肥不滑。一句到尾，刺身最食得過，下次一於試試廚師發辦。

如題。sushi非常好，酒gei選擇ok，但個四眼經理好似喝狗gum，句句頂住，問mug都想你唔好再問gum。實在都食成千蚊野，gum樣講唔過去。老闆lum lum佢好窩！

一入到去就已經FEEL到個日式既裝潢地方夠大, 有分BAR台位同卡位不會太過迫, 環境方面做得不錯 我和友人都拿不定主意時, 店員提議我們吃廚師發板既可以嘗到以往不會點的食物 椿Appetizer, Sashimi 3 kinds, Hot Dish 1, Sushi 3 piece, Soup, Dessert 先付先付是一碟有6樣不同食材的前菜, 有天婦羅, 豆腐, 八爪魚, 髮菜等等每一樣的份量不算多, 但吃完之後很有一種開胃的感覺而當中我覺得比較特別的應該是髮菜, 是冷盤來的, 但是如絲般細滑的口感令人難以忘記 刺身刺身的份量也不算多, 但是日本料理就是貴精不貴多, 幾片的食材已經知道食物的質素和廚師的功架最欣賞的一定是拖羅, 油脂感很重但是入口即溶, 拖羅的香味還在口中迴味著 料理今天的料理就是鹽焗鱸魚, 煮法看似簡單, 但其實廚師要準備的功夫也不少, 處理的時間剛剛好, 魚正好是嫩滑非常, 而且很香滑 手握壽司3顆手握壽司, 壽司的質素很高質, 食材都很新鮮, 最重要的是夠新鮮, 尤其是海膽的鮮味真是不能偽裝出來, 非常好吃最特別的應該就是這個壽司大小的麵包哇...超鬆軟,

今日係和女友既紀念日, 大家都喜歡吃日本料理理所當然的去了吃日式餐廳 我們點了的是Omakase 椿包含了有前菜, 刺身3點, 料理一品, 手握壽司3個, 湯和甜品 前菜已經非常豐富, 當中我最鐘意的便是這個炸天婦羅新鮮炸出來, 香得來亦帶有蝦的鮮甜, 而且最讚的是那天婦羅醬汁, 帶點鮮甜不錯不錯 刺身3點3點之中最令我刮目相看的就是拖羅, 兩片厚厚的, 但看紋理已經看到這是一個很吸引的拖羅, 一放入口便有種入口即溶的口感!! 拖羅上的油脂有一種獨特的香味和口感, 令人很想一吃再吃 接下來的是鹽焗魚這是我第一次在日本料理中吃到這樣煮法的魚沒想到非常香滑, 而且不會很咸(因為有一層皮包著來焗)骨不算多 手握壽司3個最鐘意的一定是海膽壽司, 厚厚的海膽, 很新鮮而且鮮甜 湯吃完那麼多的冷盤, 喝點熱乎乎的暖一暖胃 甜品也是一個很特別的甜品, 雪糕很RICH的口感