Video
Introduction
Kome Kushi is designed with bright and simple decoration. It is serving Japanese skewers such as Hakata Yasai Maki. You may pair fruit soda or smoothie to upgrade delicious index!
continue reading
Opening Hours
Mon
Closed
Tue - Sun
12:00 - 21:30
Public Holiday
12:00 - 21:30
Public Holiday Eve
12:00 - 21:30
Above information is for reference only. Please check details with the restaurant.
整體其實唔錯㗎，一家人平日去食晚餐，全餐廳得我哋，本身都有啲擔心，無人食嘅？但啲食物係可以嘅，當然開得喺赤柱都唔會預佢平，成餐飯差不多1000蚊埋單，但最緊要好食又食得開心。佢嘅卷蛋、燒物、壽司都唔錯，但佢推介嘅白飯魚pizza我就覺得好一般，最唔開心係最尾叫嘅蟹肉烏冬，食頭2啖都覺得有啲硬，再食真係唔掂，個烏冬都未煮透，未熟嘅位仲好硬，一個咁簡單嘅烏冬都煮成咁，控制唔到仲要唔平，我有啲保留。員工態度係好好嘅，有問我需唔需要煮過碗俾我，但我就覺得算喇，希望只係個別事件。
continue reading
赤柱海邊開了一間走型格風的新派日式居酒屋 。裝修以時尚日系為主，加入不少鏡面元素及霓虹燈。餐廳提供了一系列日本fusion料理，如雞肉白湯拉麵、和風鰻魚梳乎厘飯、意大利卷壽司等等。深海池魚刺身
深海池魚口感清爽，魚肉味道偏甘甜，配上西柚汁更能為夏日降降溫！
唐揚小池魚 作為餐前小食，池魚有點偏大，尚算脆口，但只有檸檬調味，實在有點失色。明太子玉子燒 表面滿滿的明太子醬，咸香味與偏甜的玉子燒配搭，容易入口同時十分美味。可惜一層一層的玉子燒有少少乾身。
自家製燒烤雞肉丸 雞肉丸加入了雞軟骨，好有咬口，而且軟滑彈牙，口感比一般雞肉丸豐富。配搭上蛋黃同日式醬油一齊食就更加惹味！荔枝豚肉卷串燒
在串燒中加入水果，感覺上有點奇怪，但是入口荔枝和豚肉的味道異常地夾，同時也減少了串燒的油膩感。
松葉蟹肉蟹籽炒飯蟹肉的分量有點少，炒飯粒粒分明，加上蟹籽的味道，算是不過不失的普通炒飯。
continue reading
Weekend 入赤柱，最怕食飯要同人迫，又要等位嘅咁。呢間日本餐廳有得訂枱，就真係太好啦👍🏻。餐廳都幾大，座位都多。同好多赤柱既餐廳一樣，都係pet friendly，大狗當然都係無問題啦！😬⭐️和風鰻魚疏乎厘飯 $158未去到就已經睇中左，想叫呢個飯🥰。睇中左佢個疏乎厘，打卡就最開心！個疏乎厘都厚，但空氣感十足，夠輕身。下面既鰻魚都大片同有份量。撈埋食都夾😬，都幾特別啊！⭐️明太子白飯魚薄餅 $158明太子同白飯魚都多，但如果佢可以撈勻左，再平均鋪上面，就會好好多。咁起碼唔會食到明太子個位就好濃味，但其他部分又相對淡。但overall 都係好食嘅。😬⭐️明太子玉子燒 $68玉子燒做到一層一層既效果，面頭既明太子醬好夠，同玉子燒好夾！不過我覺得個玉子燒可以唔使煎到咁乾，如果中間既蛋醬可以保留到有少少流心，咁就出色啦！⭐️唐揚小池魚 $58作為餐前小食，合格有餘。即叫即炸，好脆口，啖啖肉👍🏻。總括黎講，呢間餐廳都算精緻，鰻魚飯好有特色👍🏻！明太子白飯魚薄餅都唔係到到有，想試新款菜，都係個唔錯嘅選擇。不過，佢價錢都唔平，我都quote返價錢俾大家參考。如果呢個價錢，我覺得味道上，係可以再出色啲🙈。有budget 嘅朋友們，可以考慮下。☺️
continue reading
Long weekend想去遠啲，特登入咗赤柱行下，赤柱同我上一次嚟好唔同，啲餐廳大執位，我每次嚟都會飲嘅天仁茗茶原來已經轉咗做dough bros😥咁多唔同嘅餐廳真係好難簡，掙扎一番之後簡咗呢一間日本fusion餐廳做晚餐。▫️自家製燒烤雞肉丸 ($68) 4/5一共有3粒，雞肉丸混入咗雞軟骨，食落又軟又脆口感唔錯，味道都夠濃，撈埋蛋黃同日式醬油一齊食就更惹味。▫️明太子雞翼 ($58 兩隻) 3/5雞肉嫩滑，入面釀有好多明太子，但係味道唔明顯，整體燒得比較乾。▫️極尚厚切牛舌 ($78) 3.5/5牛舌燒到惹味又多汁，咬落爽口唔會韌，唯一係呢個價錢得3小舊，食完都唔夠喉叫多一串又好心痛😫 ▫️和風鰻魚梳乎厘飯 ($158) 3/5餐廳嘅top 2推介，喺鰻魚飯上面加梳乎厘超特別。飯本身有少少乾身，所以跟飯仲會附有一壺鰹魚湯，倒埋落個飯入面好似茶漬飯咁食落就啱啱好。呢個都係gimmick嘢，賣相幾靚但係味道普通，鰻魚份量唔多，味道都唔算濃，而梳乎厘本身冇咩味，加咗都冇令到個飯好食咗。▫️Kome Kushi卷 ($168) 2/5壽司有6舊，上面放咗唔同嘅魚生同牛油果，卷住蛋、青瓜絲同蟹柳，色彩豐富但係味道冇咩特別，呢個質素同呢個分量嚟講定價太貴😮💨▫️士多啤梨刨冰($68) 2/5刨冰係餐廳嘅top 1推介，賣相好靚，白玉幾煙韌，但係士多啤梨味太假，就算都落咗幾多糖漿同煉奶但食落都係冇乜味。▫️芒果刨冰($68) 3/5味道比士多啤梨味濃郁，但係芒果味都係比較假，芒果粒亦有筋。經OpenRice訂座本身係話可以送廣島蠔一客、Happy Hours 啤酒買一送一或者單點餐牌85折，但係坐低問店員佢話只可以二選一(送廣島蠔/啤酒買一送一)，大家去之前最好打電話問清楚🤔餐廳佈置裝修幾靚，但係一坐低已經見到幾隻蚊滋飛嚟飛去，第一個感覺已經麻麻地。食物嚟講串燒質素幾好，但係其他都一般，定價亦略高，明白赤柱嘅餐廳都唔會平，但係呢個價錢係赤柱應該都可以有更好食嘅選擇，整體嚟講係一間適合打卡但係性價比低嘅餐廳。Overall rating (5粒⭐️為滿分)味道：⭐️⭐️⭐️服務：⭐️⭐️⭐️⭐️環境：⭐️⭐️⭐️性價比：⭐️⭐️✨想睇更多食評就記得follow - hk_holidaydiary
continue reading
因為睇到Openrice好多好評，所以選擇呢間餐廳，但好失望。熟食係OK嘅，但個壽司接近$400，質素就只係值$150。侍應態度一般，叫咗四次加茶，係有俾回應，但最後都冇加到茶。環境都係一般，有一兩隻蚊係咁响食物上邊飛來飛去。响OpenRice book枱，明明已經出席咗，但最後又話我冇出席，又要響OpenRice比收據Appeal先確認我有出席。餐飯兩個大人兩個小朋友，食咗接近$1900，真心唔值！
continue reading