江記粥粉麵茶餐廳 (Closed)

7-12-2013 (Sat)晏晝,男友從外返o黎,o係o度買o左一碗艇仔粥,鯪魚球粥同腸粉做lunch.由於我食o左啲杏仁,變得唔係好肚餓,所以只食鯪魚球粥,鯪魚球唔算好大粒,不過都有6粒,裡面都有生菜絲,先食鯪魚球,味道同口感都正常o既,而粥呢?粥底幾稀,夾雜o左生菜絲就只食到生菜味,感覺似食生菜魚肉湯,好唔夾,或者敗筆就係o係粥底o度啦.而其他o既我都冇食到.價錢:艇仔粥同腸粉應該係$18.00o既粥餐,鯪魚球粥估要$20.00.呢個食評只評我o既鯪魚球粥.

大前日（12﹣6﹣2013 Wed）端午節同男友睇完戲後返屋企食飯，點知爸爸以為我o地唔返去食飯，所以冇煮餸，其實我都唔係好肚餓，不過男友話重係'爭'啲啲，而我第二日冇飯帶返工，於是男友就買一盒飯同一個麵返o黎食。佢o係o度買o左生炒牛肉飯，沙爹牛肉雙蛋麵同熱奶茶。打開睇睇，盒飯好大盒，顏色好淺，食落，冇味o既？只尤幸牛肉炒得o岩o岩好唔老，飯亦唔太濕而已。而我裝一盒返公司時，都要落返美極。然後試沙爹牛肉雙蛋麵，蛋係全熟蛋，而呢個明顯夠沙爹味啦，如果連呢個都冇味就死得。熱奶茶我就冇影同飲。最後問男友total幾錢？佢答$46.00

尋日(11-5-2013 Sat)朝,男友起身返工,由於我有啲牙肉痛,而佢又想食腸粉做早餐,就游說我食皮蛋瘦肉粥,咁我o地就可以一齊食早餐,但由於我未起身,佢又比較趕時間,於是話買上o黎食.我話我要$18.00o既皮蛋粥餐,要炸兩,佢就另外買腸粉.佢買完返o黎過冇炸兩,因為要等,於是買o左同樣係$18.00o既粥餐,不過要腸粉,再另外買多一份腸粉,total$24.00.打開o黎食先,兩份腸粉包埋一齊,好似好多咁,其實唔太多,但有啲冇剪開,唔通又係因為做唔切?男友先食腸粉,我就食皮蛋粥,皮蛋彈牙,粥係冇乜米香,但稠杰度適中,不過淡啲.而腸粉呢?都厚厚地身,不過其實我食得唔多,但都食到啲米味.但食完後我好口喝.

今(20-1-2013 Sat)朝同男友起身後去食早餐,其實我仍然好飽,不過要落荃灣,所以攰一攰都同佢食早餐,我諗我食少少o野,佢就食正常份量,不過佢都有啲趕時間,所以大家都食少少o野.我o地叫o左腸粉同炸兩各一碟,而我要熱奶茶,男友要熱檸水.好快所有o野都到齊,先睇睇腸粉同炸兩,份量少o左我係預o左,但唔係少到咁過份吧?(真係少到我要影低為證)之前食炸兩都已經係少o左,今次冇乜點變,但腸粉就真係太過份,我o地真係冇郁過,只係加o左辣醬同甜醬,其實只有一層滿o既,下面o個層只得一行啫.味道同樣係冇乜米味,炸兩o既水準冇變.而o野飲呢?我杯奶茶係o鞋同冇乜奶味,唔掂.呢餐共$34.00,我唔知每樣o野o既價錢,不過真係好唔抵囉.服務:今次叫做有改善啦,老遠咁叫佢o地都有應我o地.其他:回應上次食評中講句:唔係迫於無奈都唔o黎呢o度食,今次真係迫於無奈,因為呢o度可以散叫一樣o野食,唔一定要食set.

今(12-8-2012 Sun)朝同男友起身後陪佢食早餐,由於佢有啲唔舒服,我又有啲熱氣,佢就話食粥,嗯好啦,o黎呢間.我要$18.00o既腸蛋通粉,加$2.00飲凍奶茶,男友要$16.00o既艇仔粥同腸粉.好快,男友o既到齊,睇見腸粉o既份量少到可憐,只有兩排,好似乞食咁.然後我o地都到齊,腸蛋冇乜問題,但通粉就太腍,攪咩o野?佢重夾雜o左啲麵條,男友話茶餐廳係咁喎,但……我好耐冇食到夾埋其他o野o既通粉啦.而凍奶茶口感中規中矩,今次明顯甜啲.今次味道分只計我o既食物,因為男友冇乜講佢o既o野食.服務:開頭我o地坐o係張圓枱,趁冇人理o既時候諗食咩o野,諗到後男友叫人,老闆應一應話等陣,之後太子女就應我o地,叫完o野,後面張卡位有人走,於是趁o野食未o黎就轉枱,然後太子女拎粥同腸粉o黎,男友都好有禮服咁同佢講轉o左枱,]點知個太子女竟然講聲:’又轉.’咩又轉呢?我o地幾時成日轉枱呢?你o地都唔興寫單只叫,而且又未開單,攪亂你咩o野呢?好心講句轉o左枱反而被你話.轉o左枱你o地都冇人收上手飲剩o既茶,亦都冇畀茶我o地,雖然我o地可能唔飲,但都唔係咁o掛?個個都畀唯獨是我o地唔畀.其實上

前日(18-2-2012 Sat)朝同男友起身後,陪佢食早餐,佢話去麥當勞,但行到去睇,好多人,佢就轉呔.行到o黎呢o度,o係君王同呢間揀,最後都係揀呢間.我要$16.00o既牛肉粥同炸兩,男友要$16.00o既艇仔粥同腸粉,所有o野到齊,我o既牛肉粥o既碎牛少o左啲,炸兩最明顯,只有12件,o衣o家睇返舊年10月24日我o既食評o既相,只係4個月,就少o左6件,好誇張.除o左啲粥唔太熱外,其他大致上都冇乜問題,之後因怕男友會口渴(始終都有味精),所以畀叫杯o野飲,佢要一杯凍奶茶同我share,由於我可能傷風,所以等佢飲o左9成我至飲,我覺得杯奶茶有啲o鞋同微苦.而呢餐埋單$44.00.服務:我o地後加凍奶茶,男友向唯一一個女樓面落單,佢幫我o地叫水吧係正常o既事.而佢都跟足,見水吧未整就再叫多次,一共叫o左三次,唔知個水吧係真聽唔到定假聽唔到.

27-11-2011(Sun)同男友起身後食o野,o黎呢o度吧,我一早已決定食皮蛋瘦肉粥,男友$18.00o既要餐蛋米餐,加$2.00要凍奶茶.我o既皮蛋瘦肉粥原來係$16.00.皮蛋瘦肉粥料唔太多,瘦肉絲鹹鹹地,粥底尚可.今日o既服務超差,入到去,唔係好多人,但有啲枱未執o野,老闆坐o係櫃枱,得一個女樓面,我o地坐低後,冇人理唔緊要,橫豎男友都要時間諗吓,諗到喇,男友叫o左兩聲唔該,冇人應.我幫佢叫,個老闆就叫我o地等陣.等多陣,樓面就拎兩杯茶o黎,我o地就落單,落好就等啦.等呀等,我o地之後都有幾個分別堂食同外賣o既客人,廚房都做同出得好快,但樓面就’忙’其他o野,我o地o既o野食同o野飲都整好o左,最快係我o個碗皮蛋瘦肉粥拎到o黎,之後係男友o既凍奶茶,然後睇住男友o個碗餐蛋米擺o左o係o度,後面遲過我o地落單o既客人,乜都齊晒.樓面就招呼o岩o岩o黎o既熟客,企o係o度等佢叫o野,叫完即刻自己拎兩碟炸兩畀佢o地,完全冇理男友o個碗餐蛋米;老闆又懶忙咁整外賣,之後個樓面至拎碗餐蛋米畀男友,其實一路我真係想自己行出去拎.我知老闆知道有人o係o度寫佢間o野,所以原本我唔想寫但都要寫,

尋日23-10-2011(Sun)朝早同男友起身後去食早餐,今次留o係呢o度食,求祈o黎呢間啦.我想食粥同油炸鬼,但都知會好滯,男友就話要白粥加一炸兩就得,於是我要$16.00o既牛肉粥加炒麵.炸兩同炒麵先到,炒麵份量比以前成座山少o左近一半.算啦,冇加價份量少o左係正常o既.之後兩個粥都到o黎,牛肉粥o既碎牛今次多返,味道全部都冇乜問題,炸兩o既油炸鬼仍脆脆地o既.

今日(17-9-2011Sat)同男友起身去食早餐,食咩o野好?唔食粥唔食麥當勞,o黎呢o度.食o黎食去又係o個幾樣,見有$18.00o既多士餐中有西多士,朝早食咁heavy o既o野?男友話冇所謂啦.咁叫啦,我要呢個餐,加$2.00要凍檸水.男友要$18.00o既火腿煎雙蛋通粉同加$2.00要凍奶茶.呢日唔係太子女負責水吧,都應該安心啲.一陣後,火腿煎雙蛋通粉到o黎,然後o野飲都到o黎,凍檸水唔太甜.之後西多士到o黎,切開又揭o黎睇睇,唔對路,冇花生醬o既?咁樣就叫做西多士嗎?我加埋糖漿食,可能係我加得多,所以夠味.我o地各自將自己o既食物食o左一半後就交換.通粉味道鹹淡適中,但食完重係覺得夠咁.服務:亞姐已經企o係我隔離我就叫o野食啦,點知佢可以o係我開口講要咩o野o既時候,走o左去另一張卡位寫o野,我覺得佢唔係咁尊重客人.之後佢拎餐具o黎時,只拎o左一對刀叉同一隻膠湯匙,男友用o左叉同湯匙,得就剩返把刀,點切件西多士?我就叫佢拎o黎,呢次就老闆應我.到走o既時侯,因為o岩o岩$40.00,冇人係櫃位,咁我o地又使找錢,於是放o係櫃枱o度,同一個亞姐睇到問使唔使找o架?男友答唔使,

前日14-8-2011(Sun)朝同男友起身,佢返工前陪佢食早餐,食咩好呢?唔食蛋喇,尋日食得太多,就食粥啦.o黎到,我要牛肉粥同油炸鬼,共$16.00.男友要皮蛋瘦肉粥同腸粉,共$21.00.今次啲粥等耐o左,咩事呢?都唔多人.好,食o野,油炸鬼雖然唔熱但仍脆;而牛肉粥,越食就越到好重味精味.唉!我冇食亦冇問男友o既,所以呢次冇計佢o既食物.

前日22-7-2011(Fri)同男友起身去食早餐,我o地有好多時間,就o黎呢間食.我叫o左$18.00o既火腿煎蛋通粉,加$2.00飲凍奶茶,男友要$18.00o既沙爹牛肉麵,加$2.00要凍檸茶少甜.兩杯o野飲到o黎,我攪勻o左我杯奶茶,飲飲先,冇茶味o既?似我屋企加o左鮮奶o黎煲o既綠豆沙o既味道.男友杯凍檸茶呢,佢話少甜變o左走甜.有冇攪錯呀?咁鬼差,原來呢日負責沖o野飲o既係太子女,水吧休息嗎?老闆可唔可以試o左個女沖o既o野飲,話佢知比例至沖畀客人呢?然後我o地o既食物到,半生熟煎蛋冇問題啦,不過火腿就少o左啲喎.而因為我呢日諗住晏啲至食lunch,所以叫多個$6.00o既奶油多.等o左好耐到o黎,有半件好燶,半件OK,唉!而鍊奶都唔係夠多,唔掂呀!

上星期日(26-6-2011)朝早起身,同男友一齊諗同mark低要帶乜o野去佢新租o既單位清潔,咁我又因晏晝有啲事而提前朝早掃同拖地,咁我冇時間食早餐,男友又夠鐘食早餐後返工,於是佢落去買上o黎食.佢o係o度買返o黎,有餐蛋麵,五香肉丁麵,凍奶茶同凍好立克.男友食餐蛋麵同飲凍奶茶,由於我唔想食辣,而佢o既麵都食到七七八八,佢就幫我整走啲辣油,我食喇.仍然係辣,肉丁口感實,好立克唔夠凍亦唔太濃.我諗起呢o度o既早餐冇牛油方包奄列o個啲,價錢都係2字頭,咁即係貴喎.

尋晚(23-1-2011 Sun)男友放工後買o野o黎食,佢竟然又食上次讚不絕口o既星洲炒米,貪佢唔辣喎.佢打開o左飯盒後,我都嗅到好香,於是都試吓.果然香而不辣,好惹味,但點解啲料係火腿,叉燒絲同極小量o既芽菜o既?男友至醒起上次佢食o既時候有蝦仁.啊,應該係冇蝦仁,所以畀叉燒絲.講真,嚴格上佢唔可以叫星洲炒米,因為啲料同唔辣o既問題,但呢個辣o度就o岩我唔食得辣o既人.呢餐連一杯凍檸茶,男友話廿幾蚊.

今日(12-12-2010 Sun)男友起身後都好晏,佢都趕住返工,就同佢食個早午餐.而幾日前,我忽然想食炒麵,今次有機會食喇.o黎到,我就睇炒麵類,要個$28.00o既味菜雞絲炒麵,飲熱檸水.男友就要腸仔餐肉出前一丁麵,飲凍檸茶,呢個就$20.00飲品先到,男友亦先飲,佢話好苦,檸檬質素太差喇.正在篤o緊檸檬o既我就即係篤少幾吓,飲落,真係苦澀o既,o衣o家好檸檬難求嗎?男友o既出前一丁到o黎,見佢o既午餐肉只有半片,腸仔有一條o既,味精湯好深色,當然味道都夠濃啦.等o左好耐,我o既味菜雞絲炒麵,係成座山咁,我o地食喇.原本以為白雪雪o既雞媽冇乜味,但原來唔係,雞味仍濃,而且又滑.而炒麵呢,略嫌惹味o既獻汁唔夠,食到冇汁o既乾爭爭炒麵,就好難食,因為冇味.不過又可以一讚o既係,佢麵身真係炸得好乾,冇乜油.而最後我o地只係食晒啲餸,食剩好多麵. 環境:今日天氣清涼,唔知做咩老闆開到冷氣都幾大.衛生:睇住一個男人抺枱時,順手將啲o野抺落地,恐怖.

前日(6-6-2010 Sun)同男友o係屋企抺完屋後,打算同佢食個下午茶,佢就返工去,差唔多3點o黎到,我就叫個我推介,$22.00o既雞髀沙律餐佢,佢飲熱檸水,自己就要紅豆冰,$10.00.等o左一陣所有o野到齊,我睇睇隻雞髀,唔係以前o既炸雞髀o黎o既?我試吓先,係滷水雞髀,啲肉乾同o鞋o既,點解咁o架?唔係炸雞髀都算喇,但雞肉會咁差o既?我o既紅豆冰唔係大大杯o個隻,只係普通水杯高少少o既杯載住,紅豆唔太多,但夠腍,奶係正常o晚甜甜地.