梨花苑韓國料理 (Closed)

我由1984年開始係佢嘅顧客，食到依家！一直保持水準，這也是子小女子肯去食的少數韓國菜館之一。最愛牛肋骨，配菜從不「偷雞」！各位又知唔知20年前他們燒烤的爐頭已是用內抽式的，其他的韓國菜館要多年後才開始引入呢！

我在五月七日買了二磅泡菜，原本想買一磅，但伙計話外賣最少要買二磅，所以買了二磅泡菜。回家打開來食，點知食了三分一後發現其餘的都是蘿蔔絲。最衰成家都不喜歡食所以全部掉落垃圾桶，$25一磅雖然好抵，味道又幾好，但菜少蘿蔔絲多都冇用。如閣下想買最好先諗清楚了。

今日響度外賣左一磅泡菜，$25一磅好抵，味道又鮮又辣，比起上次響上環永安買既三十幾蚊瓶裝泡菜好味好多！另外仲買一盒$15既前菜魚乾仔，甜甜地，好味道！

上屆日韓世界盃果陣來幫襯過，仲記得果次因為南韓隊打入半準決賽，所以老闆娘請晒全餐廳飲野，果晚又啤酒又真露咁，飲得好鬼高興。事隔年多，又同老婆來吃。雖然星期日中上環食肆例靜，但呢度雖然舖仔細細又其貌不揚，就都九成客滿，仲超過一半係韓國人，可見係有一定忠實支持者。都懶諗食咩，就叫了二人套餐，有烤牛肋骨、烤雞肉、什錦石頭飯、牛尾湯，另因太太不喜歡秋刀魚，就換了烤魷魚。先來例牌的九碟前菜，常見的都有齊，其中最正的當然是這裡自家製的泡菜，又辣又鮮味，當然亦要再來一碟。其他如醃蘿蔔及粉絲等都有水準，另有一碟沙律就是太太的至愛，當然亦要再吃。烤牛肋骨肉有九塊，醃得入味，好食；烤雞肉都唔錯，不過塊塊都薄薄地，有D唔夠喉，但吃韓烤就係咁，好食就縑唔夠多，任食的又唔好食；什錦石頭飯才料好豐富，加入大量辣醬同撈，有唔少飯焦，都好有水準；牛尾湯呈奶白色，味道唔錯，味精唔敢話無，但應該下得極少。飯後還有柑桔茶、參茶或薑茶任擇，當然要咖啡奶茶都得，仲有半隻橙，埋單350蚊，用恒生信用咭埋單布九折。價錢唔算好平，但食物幾有水準，都算值得。好多人都僧喜歡樓下的梨花園，但我始終喜歡這裡多一些，貪佢有較有親切感。另這裡通

識得一個韓國人，佢話呢度算係幾正宗既韓國菜，味道算係唔錯，價錢算合理。聽佢咁講，於是冕畫和女朋友一試，叫左冷麵、豆腐窩、海鮮煎餅、同一支梅酒。冷麵都唔錯，唔會太韌，唔似有d餐廳整到好似食橡筋；豆腐窩同其它餐廳一樣無乜特別；海鮮煎餅用料豐富又煎得香口，送酒一流(不過有d似香港的薄餐)整體算ok，無乜特別驚喜，有機會試下燒烤再給食評ps. 以上叫的都是韓國人最常吃的菜式

幾年前已黎過食飯,今次再同同事黎食lunch,過左一點先黎到好鬼多人,幸好同事撞到朋友可以搭枱,唔係都有排等,但裏面啲枱好密,坐得都幾辛苦set lunch都有幾多選擇,大部分都係$5x-$7x,都算抵食,而且每枱仲會送上八小碟前菜,當然有我最愛嘅kimchi啦,正!我叫左個石頭飯,同事就叫左牛肉飯,個石頭飯我嫌佢濕左啲,冇乜飯焦之餘亦唔夠味,好少料,麻麻咋喎~同事個牛肉飯就好好多,牛肉用鐵板上,好多而且味道好又唔韌,唔錯.個餐仲包埋餐飲同水果(橙),實夠飽.總體嚟講都ok,係上菜比較慢同埋侍應唔夠,如果lunch hour得一個鐘會食得好趕.anyway,有下次~

呢度由韓國人主理，亦有很多韓國鄉里幫襯。泡菜夠鮮夠辣，次次都掃幾碟至開始食野。石頭窩飯好味道，食到底仲有飯焦tim，無論是雞牛或豬都食得過。這裡的泡菜冷麵是我的心水推介，冷麵彈牙可口，連泡菜吃夠曬辣，嗜辣的朋友千萬不可錯過，記住要冷麵至夠辣，有湯的就唔夠辣了。還有老闆娘很是好客，仲記得上年老闆娘應承過如果韓國隊入倒八強世界杯會請飲野，結果我地同班韓國人在梨花宛好開心咁慶祝，仲飲左好多免費啤酒tim！

幫襯o 左十幾廿年，各方面的感覺都係唔錯，值得推薦。

Food is fairly good but my discovery of a little roach taking a little stroll near my table certainly isn't very appetising.. Also this place desperately needs a renovation.