Kotaro

Open Now

Now Closed

約了朋友在銅鑼灣晚飯，上網找到這間位於Sogo的小餐廳，就去一試。餐廳不大，但也劃分了兩個小區，一邊貼近落地玻璃，在外面購物的人能一目了然地看到這邊客人用餐，另一區是在較入位置，私隱度較高，但燈光就較及有格調。那晚是平日，不用等位，我和朋友坐了兩人枱，怎料經理（定老闆？😏）主動來提議我們調去四人枱，讓我們坐得更舒服。餐廳主打日式西餐，食物選擇不少，飯、意粉、漢堡都有。我最開心是有日式咖喱，還有蛋包選項。無論客人選擇飯或意粉，都可以自由搭配不同的主菜，如雞肉、海鮮、漢堡扒等，又有不同的汁料供選擇，最適合我這些有點㨂樣擇食的人。平時我多數食蛋包飯，今次嘗試蛋包意大利麵，味道及質感都不錯，蛋和咖喱汁都夠香濃。一個餐不用$200，份量卻很足夠，大碟麵加兩塊雞扒，海鮮餐則包括有魚、蝦兩隻、帶子兩隻，連飲品都只是$150左右，以地段及環境來說，十分抵食！這裡的服務亦很周到。老闆/經理除了主動替我們換去四人枱，幫我們拍照時也很認真，態度風趣友善。我對這一餐飯的各方面都很滿意，這是個適合和朋友放鬆傾偈及食野的地方，我會再來幫襯！

🍱餐廳：Kotaro (銅鑼灣)🍽️類別：意日Fusion菜💯回頭率：7.5/10.餐廳將意式元素融入日式料理，創造出味道既不突兀，又貼近亞洲人的口味的日式蛋包意大利面。.廚師大膽創新，打破了固有的料理框架，讓客人可以自由選擇麵條或米飯、醬汁和配料，打造出最符合自己口味的蛋包體驗。.小編與友人選擇了以下兩款食材組合：.▪️香濃鮮茄意大利麵配日式咖哩汁 $78
意粉表面覆蓋著半熟的蛋包，輕輕一刀切開，豐盈的汁液瞬間流出，口感極為嫩滑。藏於蛋包之中的麵條散發出濃郁的番茄香氣，與香甜的咖哩汁相得益彰，兩者的濃香溫和交融，絲毫不會蓋過對方的風味。整體確實別具一格，讓人一試難忘。🍑推薦指數: ★★★★★★▪️海鮮餐蛋包意大利麵配白酒忌廉汁 $138白酒忌廉汁意粉與雞蛋的搭搭不如第一款協調，其鮮味卻非常突出，甚至略為掩蓋了蛋香。不過，由於添加了忌廉，其口感比第一款更加醇厚順滑，食材的嫩滑度也互相輝映，整體來說仍然相當不錯。🍑推薦指數: ★★★★★☆😍整體評分 味道：🌟🌟🌟🌟🌟性價比：🌟🌟🌟🌟環境：🌟🌟🌟🌟服務態度：🌟🌟🌟🌟

趁住sogo感謝祭即刻去左掃貨，買左幾個鐘野又攰又肚餓，無意中見到有呢間特色餐廳，吧台設計得幾有特色，入去醫下肚休息下，發現有驚喜bo🎀🥳我地叫左一個番茄大蝦意大利粉，超級濃郁番茄味，而且每一條意大利粉都裹滿醬汁，呢個意粉真係有99分，鍾意食番茄意大利粉的朋友仔一定會鍾意😘另外我地叫左一客黑松露炸薯條配蛋黃醬，呢一檯完全感受到係即叫即炸的新鮮熱辣感，而且充滿黑松露既香味，加上係我最愛的厚切粗薯條🍟就咁食都已經好夠味，但係加埋蛋黃醬就更加豐富🥰🥰最最最重要係呢度既咖啡都相當唔錯，值得一試😝

今日我地去左銅鑼灣Sogo呢邊行街買野，行到6樓見到呢間餐廳個餐牌幾吸引，反正未諗食乜就不如決定食呢間😄日本蛋包意大利麵（海鮮餐）（$138）佢地個蛋包意大利麵有唔同既配料揀，其中一個我地揀左海鮮餐，汁都有唔同選擇，呢個我地揀左白酒忌廉汁，個海鮮餐包括有虎蝦肉2隻，帆立貝2粒同埋魚柳1件，d蝦肉幾彈牙，帆立貝同魚柳都好大件，新鮮唔腥，個白汁同海鮮都好夾🐟🦐日本蛋包意大利麵（肉食拼盤盆走牛）（$138）呢一款我地揀左走牛肉既肉食拼盆，見佢好多肉驚食唔曬，佢有走地雞肉，厚切西班牙腩肉，同埋宮崎腸，肉類真係幾大件，成塊扒咁，有d香草，煎得幾香，呢個我地揀左蕃茄汁，都同d肉好夾🐷呢間餐廳都幾好，行sogo黎食夠曬方便，佢蛋包意粉可以轉做飯，都好多選擇😄

位於崇光百貨六樓的 Kotaro，最適合在感謝祭期間累了的時候坐下來享用一份下午茶，補充一下體力。首先點一杯紫薯拿鐵和花茶，清爽解渴。**煙三文魚班尼迪克蛋** 搭配沙律菜和車厘茄，清新爽口。班尼迪克蛋的口感剛好，流心蛋黃濃稠絲滑，與煙三文魚的鮮味和多士的脆感相得益彰，真是太美味了。**All Day Long $138** 這份下午茶相當豐富，包含吉列薯餅、豬腩肉、沙律菜、茄汁焗豆、百里香蘑菇粒和炒蛋。薯餅外脆內軟，豬腩肉鹹香可口，讓人吃得飽足，休息過後再繼續逛街。

行完soho掃課攰攰地諗住搵下呢到有咩坐得低食野既餐廳可以順便歇一歇🤣🤣🤣先發展原來呢到有間專食日式蛋包意大利麵既洋食屋/咖啡室🍳🍝日式蛋包飯成日都見到你又有無食過蛋包意大利麵呢?《香濃鮮蕃茄意大利麵》最面頭既炒日本蛋🥚🍳中間夾雜住係烤雜錦芝士🧀醒以濃郁咖喱汁🍛切開蛋皮就會見到掛滿香草蕃茄汁🥫既意粉啖啖味道都好有層次既有芝士奶香 又有蛋香先係食到咖喱味 之後再品嘗到蕃茄味意粉質地亦夠彈牙

今天放工後在銅鑼灣Sogo行街時，發現Sogo 6樓竟隱藏著一間主打日式蛋包意大利麵的餐廳🤩蛋包飯見得多，我是第一次知道有蛋包意大利麵，當然要嚐一下。餐廳走日式木系風格，以貓貓為主題，包括裝潢、餐單和餐巾都能見到貓貓的蹤影，環境舒適寛敞，坐得幾舒服。香濃鮮蕃茄日式蛋包意大利麵 $98蛋包意大利麵提供不同配搭選擇🍝，先選意粉口味，再選醬汁及芝士🧀，最後可自行加配主菜和配料。選了香濃鮮蕃茄意粉配香草蕃茄汁🍅，炒蛋的熟度剛好，半熟而嫩滑的，中間混入了芝士。切開炒蛋，半熟蛋汁慢慢流出，意粉帶有蕃茄汁和蛋的濕潤，蕃茄汁和蛋汁拌勻一齊食，口感幼滑。 黑松露薯條 配 黑松露醬 $68薯條炸到金黃色🍟，又香脆可口，配上黑松露沙律醬🍄‍🟫，黑松露味道突出，好惹味❗️ 特濃朱古力蛋糕 $58朱古力🍫香醇帶微甘，朱古力味香濃，口感濃厚，食落唔會好甜，非常魔鬼呢🤩

同朋友仔行Sogo 感謝祭 經過6樓發現開咗間食日式蛋包意粉嘅cafe每款醬汁可改白酒忌廉汁、香草番茄汁或日式咖哩汁 ღ香濃鮮茄意大利麵 $78加$5可以要埋拉絲芝士每款都有嫩滑又大塊嘅蛋鋪面意粉掛滿香濃嘅鮮茄 味道酸酸甜甜好開胃ღ海鮮餐 $138海鮮餐有虎蝦肉、帆立貝同魚柳每款海鮮都好新鮮，虎蝦肉夠晒彈牙，帆立貝大粒煎得好香口，魚柳份量十足！入口嫩滑juicy ，食落好飽肚醬汁揀咗白酒忌廉汁，原來同蛋又幾夾喎飲品-Earl Grey

銅鑼灣SOGOkotaro餐廳！🍗🥔🍗 香煎雞扒雞皮煎到金黃香脆，一啖咬落去，個「卡嚓」聲已經令人食慾大開！雞肉嫩滑多汁，調味入味，香氣四溢！最緊要係佢唔會太油膩，食完都唔會覺得太漏！👍仲有好高蛋白質嘅西蘭花🥔 薯蓉充滿牛油香，微微鹹香，食落口簡直係融化咗咁！個口感啱啱好😍kotaro #銅鑼灣美食 #SOGO #香煎雞扒 #薯蓉 #隱世美食 #香港美食 #foodie #musteat #shoppingfuel

銅鑼灣SOGO最近新開了一家主打蛋包意粉的日式fusion cafe🍝。我們經常吃蛋包飯，但蛋包意粉卻是我的第一次。炒蛋裡面包裹著濃郁的蒜香意粉🤩意粉採用了義大利扁面麵，口感適中，拌上咖喱汁更加美味，還可自行加入芝士🧀，實在太誘人了😈。漢堡扒大大塊，也煎得香脆，油脂分佈均勻，牛肉味道濃厚。咬下去就能品嚐到肉汁充盈的口感，非常滿足🤩。如果不想吃肉，還有可以選擇海鮮，海鮮餐有蝦、魚和帶子，魚煎得香脆，蝦肉鮮嫩有彈性，帶子大大粒😚。餐廳裝修以木材為主，四周貼滿了期間限定「毒魔」電影的海報，如果是「毒魔」的粉絲，記得趕快來抓緊時間打卡啦📸▪️日本蛋包意大利麵▫️純和牛漢堡扒 $128▫️咖哩汁 +芝士▪️日本蛋包意大利麵▫️海鮮餐 $138▫️咖哩汁+ 芝士▪️Americano

最近去咗一間位於SOGO的日系復古茶座，真係好靚！店內設計充滿格調，帶住濃濃的日式復古氛圍，令人感覺好舒服菜單上有好多選擇，包括秘製日式咖哩、日本蛋包意大利麵、吉列炸廣島蠔、和牛沙律，仲有咖啡同甜品！日本蛋包意大利麵滑蛋包住蕃茄意粉好吸睛，今次揀左白酒忌廉汁，估唔到又幾香好夾，仲可以揀加5加芝士，食落更香口惹味檸檬撻面層檸檬酸甜開胃🍋撻皮酥脆香口，加上糖粉更有豐Passion Fruit Green Tea百香果酸酸甜甜，茶底清新，有助解膩

之前經常吃蛋包飯，第一次看到蛋包意麵，必須試試，去的時候是工作日中午，人不多，沒有lunch set，選了一個蕃茄蛋包意麵，很普通，還沒有中式的番茄炒蛋麵好吃，另一款雞肉意麵賣相味道就更普通了！飲料有送綠茶，還點了一杯紫薯拿鐵，整個中規中矩

去sogo 行街後想休息下，發現呢間專門食蛋包意粉餐廳的確係唔錯選擇，仲有咖啡飲！✨日本蛋包意大利麵 番茄意粉 $98- 厚厚一層蛋好滋味，仲可以撈上自己prefer嘅醬汁如咖喱~✨厚切西班牙腩肉配香濃番茄汁 $128 (推介！)-新出款式味道幾好，西班牙腩肉煎得好香，配上香草 肉質juicy ，熟度剛好如果鍾意食日式蛋包意粉，又想嘆下咖啡傾計悠閑一下，呢到係唔錯選擇~~~見到有好多人都係行街後過來嘆茶/咖啡，再配個日x西食物

《Kotaro》銅鑼灣Sogo新開的日式蛋包意大利粉cafe餐廳主打蛋包飯嘅餐廳就食得多，主打蛋包意粉嘅就第一次食銅鑼灣Sogo 6樓開了一間日式蛋包意粉cafe，可以根據想要的配料配上醬汁及芝士點餐當天點了兩款料理，第一款是主食為純和牛漢堡扒的日式意大利粉，配上日式咖喱汁及蒜香意大利粉，滑蛋omelet半生半熟，嫩滑美味，漢堡扒已經調好味，整體還可以。另外點了一份日式蛋包白酒忌廉意大利麵，可以再揀配醬汁，但我都係揀了白酒忌廉，感覺較夾，白汁creamy有滿滿忌廉香味，較推薦這款。純和牛漢堡扒 ($128)。白酒忌廉意大利麵 ($98)

呢間餐廳環境闊落主餐、小食、甜品、飲品，樣樣都有平時食蛋包飯就多，原來有蛋包意大利粉仲可以有好多唔同嘅餸可以揀樣樣都幾吸引🩷日本蛋包意大利麵，純和牛漢堡扒呢度出名和牛漢堡扒，咁就揀咗呢個餸然後就揀白酒忌廉汁，仲要加芝士添和牛漢堡扒又幾大塊，意粉好香軟硬度適中炒蛋好滑，加埋白酒忌廉汁好夾🩷手工和牛漢堡 配日式咖喱汁試吓另一款和牛漢堡，都係好大塊漢堡扒呢份就有薯蓉墊底，仲有啲蔬菜伴碟感覺就清啲🩷炸洋蔥圈配自家製蛋黃醬炸洋蔥圈嚟到熱辣辣脆粉唔會太厚，加埋個醬幾好味🩷Tiramisu啲cream好滑，咖啡味好香，不錯不錯🩷紫薯拿鐵紫薯同牛奶比例做得好好，仲有拉花添🩷黑糖拿鐵黑糖同咖啡味道都好夾，唔會太甜