九龍餐室

Open Now

Now Closed

兩點半下午茶餐！點了豉椒排骨炒河下午茶餐、吉列魚柳脆包餐。豉椒排骨好有鑊氣；可惜師傅重咗手！（食後有些少口渴）熱奶茶👍吉列魚柳嘅脆漿比較厚、脆包好脆！賣相美觀！而熱檸水的新鮮檸檬片居然有四片、要一讚👍！

今日朋友請食下午茶 😙 但因為有幾位都太早食午餐關係，就喺附近求其揀咗間茶記～原來呢間茶記都有多年歷史，出曬名菠蘿油同埋奶茶，我仲以為係新野最近先開 😳 嗌咗啲粉麵飯 (焗馬來咖喱牛腩飯$52、咸魚雞粒炒飯$50、瑞士汁牛肉炒河$52) 同埋炸雞髀配薯條律 $48 外賣，原來下午茶滿$200仲有半打蛋撻送 😋 真係好滿足嘅 TEA TIME～ 配埋佢最出名嘅奶茶同埋足料紅豆冰(下午茶大大杯麵係加$3！)，個個都食到捧住個肚🤰🏻因為送咗蛋撻所以無嗌到菠蘿油，下次要嗌一個再加杯紅豆冰，試試佢有幾邪惡 😈

甜甜圈/沙翁/冬甩 🍩很長時間都沒有食過咁高質素的，一般在麵包店買到的都是很少沙糖在麵包上，而今次去這間九龍餐室出品的冬甩，絕對無手軟，是落足料在麵包上，勁多砂糖，而麵包又大個，好食抵食，水準非常高👍🏻👍🏻5⭐️最高⭐️⭐️⭐️⭐️#美食推薦 #foodies #hongkongblogger #美食推薦 #美食日記 #食食食 #好味道 #hongkong#igfood #foodies #hkeat #hkeats #hkblog #hongkongfoodie #美食情報 #lunchtime#hkfoodshare九龍餐室 (深水埗)📍深水埗汝州街282號地下📍電站：3188 9566

點野食伙記無記性又無耐性，送食物時不是放上台係掉上台，個蛋達差d非埋出尼。比錢佢賺仲要好似乞甘。食物質素非常一般，唔會再去同唔建議去！唔明點解今時今日都有甘既服務態度。

中午時分，暴雨驟降，跑進這店吃午餐避避雨。點了一個午餐B，牛肉炒翠玉瓜飯。牛肉跟預期中一樣，沒有牛肉的味道，翠玉瓜炒得太軟，沒牙齒的老婆婆也能吃得到，味道一般。另外點了腰果西芹雞柳飯，腰果很多，西芹翠綠爽口，雞柳的味道不錯，米飯多得驚人。餐湯可選中湯或西湯，我們選了西湯，是粟米湯。粟米只有幾粒，有點蛋花，湯沒味道，就是一碗沒有味道的粉漿水，我們每人喝了一兩口就放棄了。飲品點了熱檸檬水和凍咖啡，咖啡還算可以，熱檸檬水沒什麼特別。

香港搵食艱難，搵好野食更艱難，冇諗過我只係叫個普通茶餐廳一定食到嘅野，都可以食到我想即刻寫食評，而我所叫嘅野食就係星洲炒米。依維基百科所講，星洲炒米的「星洲」是指新加坡，但是卻起源於香港，分別有香港和馬來西亞（各有兩種不同的派別）。而港式星洲炒米的食材通常包括叉燒、蝦仁、芽菜、雞蛋、洋蔥和辣椒絲，並會加入咖喱粉或咖喱醬，令炒米粉變成金黃色，並充滿香辣的味道。圖中所見，當個星洲粉米黎到我面前，我呆左三秒，點解可以咁黃金色嘅？我再翻一翻個米粉底，依然咁黃金色，原因好簡單，因為係一啲料都冇，百分之99.9係米粉，0.1係料，而啲料係兩少舊小叉燒，一個蝦仁，三條洋蔥，三絲火腿，表面仲有少量芝麻（真係別出心裁），咁就52蚊。講真，我唔想浪費食物，最後我食左三啖，咁整出黎，好難再食落去咯，完全係食緊齋咖哩粉炒米。我都食過九龍餐室其他分店，真係好食好多。可能有人會話，你唔即刻同侍應講咁煮出黎都得嘅，但係我想講正常煮一碟野食，都要我落單前講要一碟星洲炒米正常版？叫佢地換一碟，可能哩碟米粉就咁倒左，更加浪費食物。

促進下經濟，振興下飲食業，都keep住幫襯下餐廳同酒樓。。。基般上，就係一般茶餐，會有不同餸同粉麵選擇。呢個粟米鮮奶炒滑蛋鱧奶味一般，但係佢個蕃茄湯底真係算ok嘅，夠濃味，好過米線店或粉麵店嘅蕃戌，通常唔好𥄫又唔好食，因為根本無乜蕃茄味。而最抵嘅係加$6可轉紅豆冰，個紅豆夠“林”出味，轉飲品非常值。而另一特餐，芝士腸拼香茅雞中翼，佢個香茅味唔算濃，但係炸得夠香，肉仲好嫩滑，火腿奄列夠足料，又係可以加$6可轉紅豆冰，又一次，轉飲品非常值。同埋原先無位 我地座左張細枱，姐姐見我地咁多碟嘢，主動幫我地轉枱，搬嘢，好貼心。

真心係佩服九龍餐室，佩服他們食物的種類超多，對比價錢和質素味道都真的是超班茶餐廳。很多年冇食完鴛鴦炒飯，見到餐單有當然要試一試，味道好材料足有酒樓水平。不過老問題一個就係班伙記大部分都未上手，旺角或深水埗店都有少少亂。

聖誕日又出左黎深水埗度買野，攰攰地入左九龍餐室食晏，本來係因為佢門口嘅新鮮麵包好吸引，諗住叫個菠蘿油㗎，但後尾又轉軚叫飯食。午餐時段剛坐落時仲有好多吉枱，食到中途全場爆要撘枱了，其實張枱都幾窄，中間間開有啲迫，無咩事都係食快啲早啲走啦。叫左好耐都無伙計得閒落單，不如試下行qr code等客人自己落？可以節省人手喎。飯餐有湯送，西湯話係粟米忌廉湯，但睇落同飲落都係粟米蛋花湯，名不乎實…中湯唔記得係咩湯了，記憶中偏鹹少少外都ok嘅。餐飲叫左熱檸水同茶走，杯檸水好苦，茶走就幾好飲。朋友叫嘅梅菜扣肉飯，梅菜太少，扣肉太瘦太乾，健康版嘅扣肉？哈哈，完全無肥膏位喎。自己叫左午餐A係焗夏威夷牛扒腸仔飯，個汁酸酸甜甜幾好味，飯炒底有誠意，腸仔係廚師腸，牛扒就焗燶左好乾好硬，敗筆處…無期望就唔會有失望，一間正正常常嘅茶餐廳，唔難食亦唔會話好食，六十蚊個餐係食呢啲。

如果趕時間的，千萬不要來，叫了個炒飯等了20分鐘😡，叫了個星洲炒米仲慘，等了35分鐘🤬🤬🤬，一般上班一族都應該食唔(喜),坐低，叫野食，飲完野可以走得，唔洗埋單，因為夠鐘開工D食物都可能未到😢😢😢

好耐之前，因為餸太少，所以無幫襯一段時間。見重新大裝修之後，咁啱經過，幫襯下。地方，佢一向企理乾淨，讚！不過，新裝之後，個位窄左好多 ...疫情期間，卡位半張枱，坐直，都唔可以正常舉手，係枱面玩電話 ...  ... 居然 ? !叫左個 "什果咕嚕雞肉飯" ... 黎到，變左 "無什果咕嚕雞粒仔飯" ... 其實味道係 OK 的 .... 張相望落好似可以，其實真係食唔飽 ... 雖然食量無得比較 ...我忘記用支匙做對比，不過用飯粒黎做比例就知雞粒係細細粒 ...如果要食晒 d 飯，只可以用汁撈 ... 叫凍奶茶少少甜，就不計成本，好鬼甜 ...例湯幾好飲的 ... 整體黎講，真係少少失望 ... 隔離間野都賣緊 $28 二餸飯，大大碟，雖然人地無堂食 ...另一邊都一連串幾間餐廳，都無咁少餸 ...又雖然生意難做，但都唔好咁細粒 ... 我諗，呢次真係應該 ... 唔敢再回頭了 ... 

早前去深水埗行街，去鴨寮街買電子產品， 四圍都搵唔到咩食，點知行後一條街，就見到大大隻字寫住九龍餐室，所以入嚟呢度試吓，反正又唔使排隊奶油豬個人認為唔錯，幾好食，因為落得夠多牛油，同埋夠多煉奶，不過唯一不足之處就係個包焗得唔夠脆，只有上方係少少脆，成個包都係軟林林紅豆冰有驚喜，好多好多好多紅豆，我未見過一間平價茶餐廳會俾咁多紅豆，所以我比好高分而且味道都唔錯，呢個紅豆冰係冇椰奶嗰隻，係淡奶嗰隻，唔錯中餐湯，今日係西洋菜湯，都唔錯，幾濃郁，奶茶忘記偏甜，所以偏甜

今日出左深水埗買配件，買完係附近搵野食，見到九龍餐室今日有全單九折就入去食。我地叫左幾個小菜，分別係海鮮雜菜煲，黃金蝦球拼鮮魷，黑椒三蔥爆牛仔骨。首先，海鮮煲好抵食，份量夠大，味道都唔錯，各款海鮮都有啲，值得一試。黃金蝦拼鮮魷勁邪惡，卡路里爆錶，鹹蛋黃好多，可以做到每件蝦同鮮魷都有鹹蛋黃。不過有啲少少偏咸，所以要餸飯。黒椒三蔥爆牛仔骨味道唔錯，不過牛仔骨偏肥，而且牛仔骨偏少，係洋蔥果啲配菜多啲，不過整體水準係唔錯既。

二人限聚令都已經維持了一段時間，6點後禁止堂食大家都已經習以為常。最近的晚餐除了在家裡吃之外，都經常在辦公室里，或者是我們的美食戰車上進行！通常在車裡面食的話我們都盡量叫D簡單一點的食物，例如三文治、包類等等。但今晚心血來潮，想食得好一些，所以就跑去其中一家我們最鐘意的茶餐廳 - 九龍餐室 - 到叫左3樣嘢。第一道菜：菠蘿油。呢個不用多講，每次嚟呢度必定食。車上用餐難度為一粒星🌟第二道菜：黃金椒鹽鮮魷。本來沒有什麼期望，但wok氣超夠，咸蛋黃又無偷工減料，真心好味！車上用餐難度為兩粒星🌟🌟第三道菜：胡椒豬肚雞煲。成煲嘢好足料，但胡椒味略嫌少咗DD，但冬天食佢就啱曬。呢兜嘢從餐廳出來到安置在車裡面都戰戰兢兢，因為一有什麼差池倒瀉就成架車唔駛要。我們用了各種工具張兜嘢平衡，小心翼翼咁搞掂佢。率之不負眾望，力保不失，車子內籠完好無缺哈哈。車上用餐難度為五三粒星🌟🌟🌟

唔理你咩政見, 做飲食唔係味道行頭咩？運輸處續完牌費, 專登嚟幫襯。叫左海南雞飯套餐。一上檯已心知不妙, 一睇就知係微波爐翻熱。4件雞背骨, 一隻雞翼尖, 半件鎚咁, 加埋應該無一兩肉。一食落去浸雪味勁飛起, 亦明顯係微波爐無誤。飯未煮熟硬硬地既。個油菜真係油菜, 浸油肥膩到浸死人。唯一係個湯算 ok 。凍奶茶只有奶水味。十分後悔行左入嚟, 希望老闆睇到食評會改善下啦。雖然知你係良心商人, 但咁既味道真係好難再有下次。呢個餐食左七十六蚊, cp 值簡直接近零。