九龍餐室

Open Now

Now Closed

今天同朋友深水埗買東西。肚餓附近見到呢間餐廳。門外見到多款午餐其中有三絲炒瀨粉。心思思就跟朋友進去了點了兩份午餐三絲炒瀨粉上枱尚算香口！份量吾少，有蛋絲及火煺絲！始終油多而味道略淡…可是還是能入口的程度餐湯普通，每碗一片骨一片瓜另外飲品也能做到基本要求…此外環境也算不錯見到服務員也四處巡枱收枱面吾要碗筷提外話：炒瀨粉則在茶餐廳最常見...三絲炒瀨粉（而三絲其實有很多版本，叉燒、火煺、西芹、紅蘿蔔、冬菇、韭黃、椰菜、洋蔥、芽菜等等...可說是廚房裡任意搭配！有甚麼便炒甚...吾知點解現在的茶餐除了湯瀨粉！很少有這種三絲炒瀨了

今日下午係深水埗做完野，可能中午午飯食少左有些肚餓，於是去食個下午茶餐。途經汝洲街見到九龍餐室，好自然入去幫襯。冰鎮菠蘿鮮牛油飽餐 - 鮮牛油分開上，下面有冰塊，保持牛油唔溶，好有心思。菠蘿飽新鮮出爐，夾著鮮牛油食，－凍－熱，好味到不得了。跟著飲杯絲襪奶茶，真係好滿足。👍

走過深水涉街頭，成街都係餐廳，呢間大大招牌既華園冰室映入我既眼廉，再望望鋪頭下面有個麵包爐，側面企滿買面飽既人群，港式茶餐廳，it’s what I was looking for! 其實成間野整體感覺真係好似平版既翠華咁，晚餐大概係50-80 蚊。當晚個侍應阿叔服務超好，一尼就狂撩人傾計，我倒瀉水又主動比紙巾我，好少入到餐廳會有侍應主動同你傾計，關心你，呢d咪香港人情味囉！餐牌幾頁紙咁厚，有炒飯粉面，常餐，小炒，煲 ，咖哩飯等等 簡左好奈，我簡左乾炒牛河配奶茶， 配是日西湯或中湯，65 蚊。呢到沖奶茶都一絲不苟，我見師傅不停用絲䌩網隔走茶渣來回幾次，先整到一杯又滑又香既奶茶！ 但個羅宋湯稍嫌太稠，同埋只係食得出茄膏味，應該冇加到蕃茄牛肉等材料。呢個乾炒牛河真係好味到喊，都唔知幾奈冇食過炒牛河，呢個唔會太油 而且d粉又好爽口，唔會煮得太淋或太硬。鍋味好重，所以十分鍾意呢個炒粉，只可以話師傅既火喉控制得好好。不過呢夠野好大好大份，我食完撐住個肚番去，都仲未食哂呢個係佢地menu,都幾抵食店外既招牌

啲人成日話香港冇自己嘅本土特色，但其實香港都好有自己嘅獨特個性，就例如食方面 - 港式食物文化，除咗街頭小食之外，茶餐廳/冰室都係另外一個港式食物文化之一。 茶餐廳/冰室出名：平。靚。正，抵食夾大件就唔再講，仲要唔會收加一服務費（試問而家香港除咗呢一類型嘅餐廳之外，仲有乜嘢餐廳可以做得到呢）對我來講，如果嗰間茶餐廳冰室有自家製每日新鮮出爐麵包就更吸引🤩「九龍餐室」就做到呢一點，尤其係佢嘅菠蘿包，大大個，個面脆脆，新鮮出爐熱辣辣，超正！推~推~推！👍🏽

出開深水埗見到呢間九龍餐室幾吸引。最主要唔係間間早餐都有既羅宋湯湯底， 作為早餐就最開胃仲要唔係普通牛油方飽咁簡單，係波籮油呀配炒蛋奶茶都滑滑，有茶味，值得推介。

我每次嚟到深水埗,都一定必食九龍餐室嘅大大隻菠蘿油。呢度嘅菠蘿油係自己新鮮熱辣辣整出嚟嘅, 所以味道一流。 次次食親都係熱辣辣又香又脆, 令人不停回味,下午茶餐26蚊仲有杯嘢飲, 真係好抵食。

好耐之前黎過呢間食下午茶，今次食左個巨大菠蘿油餐個菠蘿油黎到，個包真係好大個，個面好脆，加埋牛油，正，同個餐個名一樣，真係好巨大，無呃人，但最好加杯紅豆冰呢間最好就係好多新鮮麵包出爐，有蛋撻，椰撻等等，款式又多，今日仲見到有巨大豬仔包添，想食新鮮熱辣嘅麵包可以黎呢度食

好耐未食過食神套餐了. 凍飲有咁多冰得咁多冰.食完餐飯, d 冰未溶過咁濟. 證明冰夠凍.本來想影相, 算啦.干牛河就係得睇見呢3件半肉, 背後, 底, 全部都係河粉.但最大舊果舊, 係咬唔開, 又唔似係牛肉. 唔敢食.以前都唔係咁架, 雖然係下午茶餐,  唔係正餐.附近咁多野食, 又唔係平過人, 唔敢再去了 

每次到深水埗買電腦用品/玩具街都會想去九龍餐室老公是菠蘿油控每見菠蘿油都忍不到口大大啖將牛油咬下去我通常只會放半塊(錯誤做法)同金華冰室不同金華菠蘿油會有種油味但九龍餐室的沒有皮是一塊塊分明, 很脆是小時候吃得到的味道喜歡很有心地加了一粒冰在牛油旁不止堂食 外賣一樣很有心用膠盒裝好冰及牛油大過你塊面。奶茶都好好味某日中午來食過午飯後因老公難忘菠蘿油再回去一次叔叔又會走來搭訕最喜歡有人情味的餐廳對於外賣 總會有超無心的姐姐將牛油放在熱辣辣的食物/飲品上面返到屋企咩都溶所以說細心是無價特別是當所有侍應都是雄紏紏的叔叔就是鐵漢柔情

據說九龍餐室有自己的焗爐，麵包是自家烤製的，所以比較新鮮。有天，對早餐沒有什麼想法，便來到九龍餐室買麵包，看見各式麵包也非常之大個，於是也選了一個吞拿魚包。可能長達八至10厘米，外皮不算非常厚，內裏的吞拿魚也不少，酸味深濃，還有少少西芹，味道還不錯。流心雞尾包，雖然問了一問流心究竟是什麼料，阿姐也沒有回答。然而吃到之後，發現是平日的椰絲，呈比較流質的狀態，味道相當好。有天早上，又在九龍餐室與幾名熟客狹道相逢，她們見我問了阿姐新鮮的是甚麼包，像也有點猶豫。這是墨西哥包，新鮮，極熱，以紙袋包著，也滲少許油，極多吉士在內，好不過癮，但在公司吃，紙袋造成極大聲浪，不太方便。墨西哥包的內涵，還有很多吉士醬，如果感到飽飽仔仔油膩的話，其實吉士醬可能不太好，所以這次我也沒有吃完整個包。又再另一次，買了一個叉燒包，這次只是用膠袋。叉燒包的內容非常豐富，叉燒肉非常多，亦都肥瘦均勻，絕對不會吃到你滿口痴牙，這個叉燒包比墨西哥更好。

今晚去咗深水埗，又落雨，唯有食埋野先番屋企，行過西九龍中心附近，見到尼間九龍餐室，剛好有卡位就入去坐低。兩個人，叫左一個常餐，飽片公仔麵 $40，跟奄厚多士餐飲。另外叫左一個菠蘿生炒骨飯 $55，跟飲品和中或西湯，賣相幾好，份量多，大大碟好抵食。食飽飽，準備走，侍應竟然問我地要唔要糖水，送既😱😱😱，茶餐廳有糖水送？今晚係馬踶露，老實不客氣，一人一碗，好食呀👍🏻👍🏻 糖水錢都慳番，$101落樓。

今日去深水埗黄金商場買電腦配件，買完個肚咕咕聲，原來係時間食下午茶喇，就求其入一間最旺嘅茶餐廳，我估咁多街坊都應該唔差啩！見餐牌有三文治餐，就點咗沙嗲牛肉旦白三文治配奶茶，因為好肚餓，同埋見附近食客個個都食菠蘿包，就加一個菠蘿油㖭。唔使三分鐘，菠蘿油即到，巨型菠蘿包熱辣辣，香噴噴，見牛油用冰鎮住另上，即夾入包大啖咬，嘩………熱辣辣遇上凍冰冰，雙重享受。食完菠蘿油，再試沙嗲牛肉旦白三文治，見旦白得薄薄一片，但牛肉就好多，而且沙嗲非常惹味，令有D飽飽哋嘅我忍唔住食哂。三文治連餐茶加菠蘿油埋單40蚊，係我近期食得最滿意嘅一個下午茶。、

出到嚟深水埗，搵食就頭痕，深水埗食肆非常多，但好食的，價錢又公道的，則選擇不多。家人介紹之下，來到這茶餐廳，見到這個巨型菠蘿包，被它赫了一跳，真係食個包都能吃飽了，最重要的是除咗個巨型菠蘿包，其他都唔差，可以再嚟。

話說上周六（27/6），睡覺起身突然睡離頸，痛到頂唔順去深水步看跌打，去看跌打前要補充體力，又唔想浪費時間去找食所以去左呢度食。其實這裡係好間唔中先去一次，因為SSP有唔少便夾抵食的地方。去到落單叫午膳，我就叫左個蕃茄常餐，我老公就叫左麻婆豆腐飯，跟住心痕就叫左2個菠蘿包（因為我怕唔夠食）。等左一陣，兩個熱辣辣的菠蘿包來了，個包大過我個手掌版😅真係好大，好大，好大。食落去軟綿綿，個面皮又唔會得個甜字，好食之後隔左20分鐘到就來左我老公碟麻婆豆腐飯，望落去普通食落去都幾有鑊氣，唔錯唔錯。以SSP區來說食餐lunch 要1人$60到都幾貴，但整體上頗滿意，推介特大菠蘿包XD

深水埗真的有不少食肆，今天下午便看看去那裡吃下午茶，行過九龍餐廳，見到這裡有下午茶餐，而且聞到門外新鮮出爐的麵包的香氣，腳便跟著鼻子走了⋯⋯雞翼拼變心西多士($35/set)茶餐包括一隻炸雞翼和半份變心西多士, 裡面的變心醬可以選黑芝麻醬、果占、咖咉或花生醬，我選了黑芝麻醬，只是一般，如果可以做到流心，相信會更吸引。奶茶港式老茶餐廳的奶茶一般都有番一般水準，這𥚃也不例外。瑞士汁乾炒牛河（42/set)牛河賣相都不錯，色澤和光澤都很吸引，牛肉也不靱。