功夫點心

Open Now

Now Closed

今日在北角覓食，雖然食巿很多，但質素參差很大，多次中伏。 之前在其他區經過功夫點心分店都過門不入，今次在渣華道見到有一分店，店內都差不多坐滿，姑且進入一試。 兩人叫了六樣點心，鮮雞湯小籠包、生煎銀蘿魚餅、韮黃原隻鮮蝦腸、豉汁排骨飯、陳醋鮮肉餃及胡椒湯生菜鮻魚湯。魚餅炸得很香脆，鮮蝦腸無花無假是兩隻原蝦一條腸。 排骨飯一點別樹一格，不像傳統。 鮻魚湯的鮻魚則太過鬆散，湯味過鹹。至於雞湯小籠包，因英文解說是Pork Dumpling in Chicken Soup ，我們以為是小籠包浸在雞湯，原來只是傳統小籠包，翻譯有誤，相信很多外國人都可能誤會了。餐館的選單值得一讚，細細張但很清楚列出一系列點心，大約有45樣點心或粥飯選擇，下次可以再來一試。細過的時候記得曾問過父母為何點心只在早上或飲茶吃，答案是：「當然」。現在時代已改變了。

點心不錯，不過服務麻麻，尤其收銀阿姐。食過幾次，今日外買自取，叫十樣野，講左兩三樣，對方(張單顯示”芳”)冇反應，以為未落好，就停一停，點知佢以為落完，我話仲有，講左三樣，對方又冇任何回應，我又停一停，佢又以為落完，我又話仲有，佢就好唔耐麻咁話我喇：你一路講就得，我會一路落，我落完會再覆你，唔好講下停下，我好多野做！(我落晒單後，問係咪十樣，佢話係，但冇再覆單)之後去俾錢，二百幾，諗住俾信用卡(平時堂食都係俾卡)，位收銀話要cash。我話平時都收卡㗎，佢話出左單，我問收信用卡張單會唔同？原來落外賣時，出單打左cash！就要俾cash！佢之前又唔問，又知我一定俾cash？如我一早講俾卡但忘記帶，係咪唔收cash先？

飲酒唔一定去酒樓,而家都好多食點心既餐廳,早午晚想幾時食點心都可以!!留意到依間功夫點心有好多分店就黎試試。人都比較多鮮蝦腐皮卷$22腐皮卷煎至鬆脆入口非常美味, 煎至兩面金黃色, 材料好足口感好盛富好食!!家鄉煎糯米雞$24看似簡單但好小地方有, 外邊煎到糯米脆卜卜而又香韌啖啖滋味。煎至兩面有小小燶燶哋仲正,食完想食多隻!!!雖然好油,但鬆軟帶鹹香.真係好好食酥皮香麻蘿蔔餅$24又係好多油好香脆既食物, 炸至金黃色,咬落脆卜卜仲帶芝麻香,包着白蘿蔔及金華火腿絲令到裡面香軟多汁懷舊綿香馬拉糕$19口感鬆軟好味唔會太甜,每次飲茶必叫點心陳村粉蒸鳳爪排骨$32香港好小地方有,之前大陸食過好好食,就叫黎試下,點知一夾起陳村粉係痴埋一舊舊,未食過咁難食既陳村粉; 我地已經係趁熱即刻食，只會涼左再整熱無用筷子鬆下個粉就會變硬什至結塊。排骨咬落去只係肥膏,失望

7月30日，北角36.7度，下晝四點幾去功夫點心食嘢。填好點心紙後，舉手叫侍應生，只見4名侍應生在收銀處聊天，但沒有人聽見。到第三次時，才有侍應生聽到，過來收點心紙。坐了一會之後，發覺店舖原來沒有開冷氣，到食物送到後，一邊吃一邊流汗，見到店舖開了2把風扇，但就是不開冷氣。之後來了一枱顧客，受不了店內的溫度，索性坐在風扇前面的枱。我真的不明白為甚麼36.7度不開冷氣，如果各位怕店舖凍的話，不妨到這間店吃東西，不會遇到太凍的情況。p.s自動門壞了很久，也不維修

還有不足兩星期就到端午節了，唔知大家有無買糭應節呢？以前和父母同住時，每逢到五月初，母親都會悉心浸糯米、洗糭葉和包糭子，不過由於近年家母年事已高，不彈此調已久。但糭子還是會吃的，所以早排見有優惠，亦唔執輸，預早買咗《功夫點心》嘅糭券，趁這天來北角上堂，下課後，就順道過來換領。今次買嘅功夫瑤柱裹蒸糭套裝 (優惠價 $128)，一共有三款，包括家鄉鹹肉糭、豆沙鹼水糭和懷舊瑤柱裹蒸糭各一隻，而且全部是都是真空包裝，確保安全衛生。回到家換過衫後，便馬上入廚，邊煲粥邊烚糭，一於用作晚餐。先介紹這款最傳統的家鄉鹹肉糭，糭子唔算特大，屬中等 Size，切開後可以清楚見到豬肉、綠豆和鹹蛋黃等材料。吃一口，綠豆鬆化，糯米煙韌，而且比例剛好，加上帶肥的豬腩肉，入味又好吃，同中間嘅蛋黃配合起來，鹹香惹味。至於這款較鹹肉糭相對健康的豆沙鹼水糭，水準亦不俗，烚熟後米粒仍見分明，帶晶瑩光澤，入口綿綿煙韌，配上內裡的豆沙，清甜軟糯夾爽滑，可以淋少許糖漿，又或者沾少許砂糖一起品嘗，一樣咁可口。最後就輪到吃呢款肇慶最出名的傳統小吃懷舊瑤柱裹蒸糭，細心一看，分量果然十足，數一數，餡料除咗有鹹肉糭最基本嘅糯米、綠豆、鹹蛋黃

今日係公眾假期 所以訓到自然醒就去左食功夫點心基本上 每逢假日有時間 就會食呢一間可惜有時星期日太多人 就會唔想等而去食茶記😣因為覺得水準高於一般酒樓雖然與一般酒樓比 價錢高於一倍但食落肚既野就應該食好一點吧 今日我地叫左五樣野 1.功天蝦餃皇 兩隻呢道既好處係蝦餃燒賣係可以逐隻叫 即叫即蒸(p.s. 最少要叫兩隻)皮薄多料2. 黑胡椒柱候金錢肚好入味 有D白羅白墊底 不過太油無食到3.馬來沙嗲蒸鳳爪又係好入味 不過都幾油4.遠年陳皮牛肉球(喼汁另上👍🏼)牛肉有面有D香葉吊味 隻香葉隻味好特別好出 好難形容😂😂😂 有小小似檸檬葉甘同出面酒樓既做法 有小小唔同5.豉汁排骨飯因為係第一樣黎既野食 所以太肚餓 唔記得左影🙈整體來說 唔錯 絕對比一般茶樓好食 茶位係五蚊個不過要注意既一點係 有時繁忙時間黎 d姐姐態度有D差 如果想慢慢食 都係平日黎食好D另外 位置都幾逼下 所以要自己衡量下

Steamed Rice with Beef & Egg | 農場蛋牛肉飯.飲茶我一定會點盅頭飯☺️ 蒸出來的飯比平常的香呢😍 功夫點心的盅頭飯份量很大 一盅已經可以飽肚 點心也不用吃 就可以埋單😂 煎蛋有微微的蛋汁 混上甜豉油 好味😋

早幾日行過見到下晝冇乜人所以入去食嘢。 叫咗幾個點心， 蝦餃燒賣就少不免架啦。呢度好就好在你可以逐粒燒賣叫。小貓三兩隻都可以嚟食點心鵪春蛋燒買都有叫。鵪春蛋燒買真係好高膽固醇，但係我又鐘意食，食就食啦。至多食完跑多兩個圈啦。 鵪春蛋燒買其實好少地方有得食。 鵪春蛋燒買真係一個舊式嘅點心。 棉花雞啲雞好滑。但係無雞味，梗係冇啦，用冰鮮雞， 但無法新鮮雞又真係好貴。鳳爪味度就淡咗啲。 呢度勝在價錢平。味道就普普通通啦。最好下午茶嚟食。晏咗起身下次再嚟啦

講左想黎食好耐，但次次去到門口，又唔太想食點心。今晚去到門口，終於一鼓作氣咁入左去😂其實之前已經食過，上次食左個甜薄餐，好好食，但今次黎已經無左😭唯有之後再食糖水補返😏兩個人食叫左八個點心，講多無謂，去圖！ 佢的餐牌好中式，好似話你知入邊就有好野咁😂 兩個人食，都唔算食好多，但係食落，好似叫得太多蝦既野，差唔多碟碟都有蝦😂 第一蝦：韭黃鮮蝦腸是也，個皮唔厚，而且入面隻蝦仲大大隻，但食唔到有韭黃，夾開都唔係好覺得有，而且個豉油就太淡，落左同無落差別不太大呢～呢度就扣左少少分了～ 第二蝦：蝦餃是也，皮薄，入面隻蝦都好爽，點埋辣椒油食好味，佢同燒買都唔係一籠籠咁叫，係逐粒叫，最少每款叫兩粒。 鵪春蛋燒買：本身叫左普通燒買就唔會叫多個，但呢個唔係好多地方有得食，所以就叫左，佢唔係逐粒叫，但一籠都係得两粒。唔算係特別好食，但勝在夠哂熱。 正常燒買： 平時係酒樓見到的燒買就高身少少，咁個好似俾人壓扁左咁😂咬落好爽爽地，好食！ 本身叫左春卷，但係黎左腐皮卷，因為食到尾聲先發現錯左，所以唔好浪費，就要左呢個。腐皮卷就略嫌油左少少，一咬落去d油就衝出黎，但係入面就好足

今天身體狀況不佳，所以家人特別到北角接收工，我見身體稍為好一點，就和家人去食下午茶，因為我根本無胃口食飯，所以食點心就剛剛好。我地叫了兩轉點心，以下係其中一些：這個鮑魚汁鳳爪份量都幾大，很多骨膠原，但不太入味，這個就應該係廚房問題，不過我飲過那些汁，本身都無咩味，真係唔知係汁問題，還是功夫問題了？ 這個金錢肚就很好了，夠味道，又大份，可以一試。 還有要介紹的，當然係一隻一隻點的蝦餃啦，蝦肉勁多，真材實料、口感一流、皮唔厚，每人食一粒就剛剛好。其實還點了其他，例外：燒賣、排骨等等⋯不過都唔係咩特別食物，就唔多作介紹，其實我都去過幾間功夫點心分店，這間無論服務質素、食物質素都唔算好，那些姐姐大部份都無穿整齊制服。如果佢唔係集團式都無咩所謂，但佢又要扮高檔，但服務人員態度差，都幾趕客。

Got these from Kung Fu Dim Sum.After slicing and shallow frying it, the pudding was ready to eat.You can either shallow fry it directly or dip the slices in egg before frying.The pudding was similar to mochi but the texture was much denser and stickier and not too sweet with a hint of coconut milk.For the radish pudding, I liked the chunky white radish pieces in the middle with lots of dried shrimps and preserved wax sausages in it.

是日收工黎北角搵食，食左好多次南記，今次決定食點心。幸好唔使等位，入黎坐底落野，好快點心一次過上哂黎，好高速。張枱都放唔哂。有些點心可以點兩粒，唔使一籠4粒。蝦餃皮略厚，函料爽口蝦味濃，正！燒賣皮太薄，上枱見到皮有點爛，賣相唔靚。幸好味道不錯，豬肉鮮甜。奶黃飽好好味，函多且流心，奶黃味香甜，小心燙口！排骨飯，排骨入味肉淋，但飯太濕。棉花雞，雞肉入味，咬落爽身，魚肚係真係魚肚，唔係豬皮，絕無偷工減料。魚肚又淋又入味。有d無影到就唔講咁多啦！食完又走人。

從網上找到此店，覺得以功夫主題聯繫中式點心挺有趣，碰巧與友人聚舊，便前去看看和嚐試。餐單是秘芨的設計，食物款色亦有點新意，與朋友還是點了簡單典型的點心 - 馬拉糕、香煎糯米雞和生菜魚肉。馬拉糕香而鬆軟；糯米雞底面煎香，美味而有特色；生菜魚肉新鮮爽滑。總括而言，各款點心也用心製作亦好吃。

周二夜晚九點鐘，不需要等位，餐廳上座一半，幸運地一個人也有卡位坐，餐廳層高足有六米，很適合今天小小壓抑的心情。餐廳空氣麻麻。茶位只要四蚊，正。免收加一，正。點心價格都算平。蝦餃九蚊只，味OK，有性價比。  鳳爪麻麻。馬拉包麻麻。牛肉球OK。點心籠有點舊舊的，不過，環保從我做起^_^值得一提，份量真的好大啊！！！蝦餃牛肉球個頭很大，鳳爪有很多只啊。所以上單的小哥震驚了，大概在想，吃這麼多。😂😂😂😂買單盛惠＄77。還會光顧，在心血來潮夜晚想飲茶的時候。  食飽肚悠閒的走回家，心情也好些了呢

路經北角之但簡左呢間點心店黎食中午餐部份點心可以叫2粒,例如蝦餃燒賣,值得一讚一些想新潮既點心味道一般,如煎糯米雞,煎完好硬,餡料味道不夠重,食起來不太滋味蒸飯飯粒太濕蝦餃燒賣做得較佳,餡料足,味道好只係不明白什麼是功夫點心