手作功夫茶 (京瑞廣場1期)

Open Now

Now Closed

身為奶茶控，功夫茶係我成日都會去嘅地方！每次嗌基本上都係飲38奶霸走蜜少冰！38奶霸真係好足料，唔單止有我愛嘅珍珠，仲有蒟蒻同埋仙草！每次食一食，心情都會好好多，因為太好味啦

今日嚟到呢度買嘢飲，全因舖頭大大隻字寫住“功夫”吸引住我。鋪頭係淺啡色同白色嘅主題。咁我見佢用得功夫呢個字，飲品嘅質素應該都有番咁上下功夫啦，所以我就想挑戰下。🤪試飲：波霸鐵觀音鮮奶🔨🍼細細杯嘅份量啱啱好，個杯底圓圓地咁，幾得意。呢個奶茶係鐵觀音嘅茶底再加鮮奶，波霸就喺底部可以見到一粒粒黑色嘅大粒珍珠。💪奶茶底：顏色方面，比起一般珍珠奶茶較為淺色。味道方面，鐵觀音嘅香濃味非常之出，鮮奶亦非常之香，兩者結合感覺非常唔錯。畀我嘅感覺就係甘香鮮滑不過甜。💪波霸珍珠：大大粒，煙煙靭靭啱啱好，好好趙口，最緊要就係趙得開，唔會話逼住成粒吞會銀胃。今次呢個波霸幾唔錯❣️❣️

呢間手作功夫茶係香港有唔同分店，石門呢間分店係京瑞1期地下，位置好易搵！呢度有好多唔同款式既茶飲，有選擇困難症既朋友就要俾啲心機啦😆我今次簡佐呢杯柚香晶球綠茶🥤呢杯係柚子加綠茶，柚子整成一個個水晶球，一吸入口一咬就卜一聲必晒啲柚子汁出黎，超的意呀👍🏻綠茶茶底好香，靚茶茶底，飲落都唔同啲，而且仲會見到成杯飲品有一條條柚子絲，好足料🍯成杯飲品有啲漸變色，好靚。呢杯茶唔會好甜，飲到係好足料既，健康既味道，$30一大杯絕對值呀！

同好姐妹行街，行行下想飲番杯野，經過呢家👐手作功夫茶👐就忍唔住要買返杯啦。我哋都好鍾意芝士，所以都嗌咗有芝士嘅飲品。🧀🧀😋芝士奶蓋紅茶💗我成日覺得奶蓋+紅茶=奶茶，只要將啲奶蓋同啲茶混合就係奶茶啦！不過奶蓋好似同傳統嘅奶茶有少少唔同，因為呢種大概都係偏甜少少嘅奶，所以飲落去嘅味道呢都會有偏甜。但重點係呢度有埋芝士，可以想像像將芝士加入奶當中係幾咁香滑濃郁！🤗芝士宇治抹茶💗好姐妹好中意抹茶，所以一定會揀抹茶，同時佢又係芝士控所以揀呢一個就啱曬佢。佢覺得飲落去個抹茶係相當濃郁好香，加埋啲芝士撈埋一齊就令到有奶香嘅味道提升，成個感覺好厚實，好結身，相當飽肚。大家一定要試呢度嘅芝士系列！！

適逢呢啲咁熱嘅天氣🥵，相信大家都會好想買番啲消暑嘅飲品嘆吓啦😍。今次我就去咗一間都幾出名嘅手搖飲品專門店買咗款飲品嚟試吓😇，一齊嚟睇吓我嗰日飲咗啲咩啦🥳我叫左杯伯爵拿鐵☕️🥛，飲品係用新鮮牛奶沖泡而成，比起其他茶飲店用既奶精好唔同，飲落得而且確係有分別，同埋心入面都會覺得比較健康🤣🤣🤣而且伯爵茶味好香濃，一入口就淡淡既茶香，然後係慢慢品嚐到奶味，奶味好香濃細滑，入口超順滑，呢個組合正！😋😋😚😚

最中意飲黑糖珍珠奶茶或鮮奶嘅我真係好中意周圍去試，各大連鎖飲品店我都有試過，今次走到去試呢間叫手作功夫茶，見到黑糖珍珠鮮奶就叫左來試，呢杯我係極中意嘅，所以我會話係必飲😆!!!!!黑糖波霸鮮奶!!!!!!點餐個陣仲要懶醒叫錯左做黑糖珍珠鮮奶，仲要俾個店員糾正返做黑糖波霸鮮奶，尷尬左一秒之後就諗我就要睇下點為之波霸😂 點知飲落真係好正好中意，黑糖好香，甜度岩岩好，珍珠真係煮得好好食，有咬口又唔會太淋太硬，鮮奶都好香奶味好正😋

去開石門行街，咁啱行下呢個商場，見到好多人排隊買呢間飲品店嘅嘢飲，就令我又諗起好耐都冇飲過奶茶。望望meun都幾多選擇，抹茶控嘅我就毫不猶疑選左呢杯“抹茶紅豆奶茶”。🍵🍵大杯嘅份量都幾大，濃郁嘅🧉抹茶同埋厚實嘅❣️紅豆都可以睇得好清楚。雖然冇走到冰，但係飲落去嘅味道唔會因為冰而變淡。🤪飲落去真係有非常濃沃嘅抹茶味唔會出面有啲探望我嘅，而且配埋個奶真係有好香濃奶香，呢個抹茶茶底配呢個香港嘅奶配搭你未到真極佳。甜度都係啱啱好唔會過甜。底部有啲一粒粒嘅紅豆都可以保持到大概原粒嘅狀態所以飲抹茶嘅時候連埋紅豆一齊食感覺真係好正。推介度：❣️❣️❣️❣️/5

呢日約左fd 係沙田行街，熱到一個點！即刻入左商場避下暑先！見到商場呢間想試好耐既手工功夫茶，即刻一人叫左一杯試下！🤤🤤⭐️抹茶紅豆奶茶香濃抹茶味中帶有淡淡奶香，加上底層大量紅豆，紅豆煮得啱啱好，仲有咬口，調味都啱啱好，唔會死甜😋😋奶茶飲落去清甜，重奶味，茶味香濃，明顯非人造糖可比👍👍⭐️伯爵拿鐵伯爵茶底幾甘香，茶味越飲越濃郁，慢慢回甘，奶又唔會蓋過茶味🤭🍗飲落順滑得黎甜甜地，整體飲落唔會太滯，冇乜罪惡感，奶味突出，微糖唔算太甜，飲落好舒服❤️❤️

記得朋友講過中意“手作功夫茶”呢間鋪頭嘅飲品，今日經過見到呢間舖頭，令到我都忍唔住試下。甜野我一向麻麻地，所以就清清哋嗌咗杯鐵觀音☺️。包裝上我覺得佢都幾有心思，因為佢係用咗黑色紙杯。♠️黑色設計有咩好處？就係可以令到飲品保持溫度。茶當然係熱先好飲，保持溫度嘅包裝好重要。飲落去個茶底當然係非常之香，係清香嘅感覺，亦有回甘。🍵估唔到外賣嘅茶都可以做到茶樓嘅水準。朋友果然冇介紹錯。🗺️：沙田石門安群街3號京瑞廣場1期地下G11C號舖

同男朋友去沙田行街，去到京瑞廣場，見到《手作功夫茶》，突然就好想飲杯台式飲品🧋😄。《手作功夫茶》係石門京瑞廣場1期地下。我叫左飲凍的芝士宇治抹茶🧊🧀🍵，男朋友就叫芝士奶蓋紅茶🧊🧀☕️。芝士宇治抹茶🧊🧀🍵雪白的芝士奶蓋幼滑濃厚，配上翠綠的宇治抹茶🍵。因為唔想太甜，又唔想太苦，所以叫左少甜，容易入口。抹茶甘香濃郁，配埋幼滑濃厚芝士奶蓋好好飲。芝士奶蓋紅茶🧊🧀☕️雪白的芝士奶蓋幼滑濃厚，紅茶甘香清淳，非常配搭。男朋友唔鍾意太甜，所以叫微甜甜的，有好香茶味。

看到「重焙鐵觀音」😯停下來買了一杯喝喝看😆滿好喝的耶👍🏻👍🏻還買了一杯很特別的「芝士榴槤莎莎」真的能吃到榴槤果肉👍🏻😋😋喝起來很爽口👍🏻服務人員態度很好👍🏻謝謝！

今日黎到石門呢間手作功夫茶，位置係京瑞廣場一期地下，企理乾淨既鋪面，第一印象好好呀！我今次就先試芝士奶蓋紅茶($28)🥤濃濃既芝士奶蓋蓋住紅茶，芝士味好香好濃，奶蓋整得好好，好滑好綿，但又完全都唔會覺得膩同滯，每啖都飲到芝士奶蓋，成杯有接近一半都係芝士奶蓋，超級豐盈，紅茶就用錫蘭茶葉沖出黎，茶味香醇，又唔會濃到有苦澀味，真係好好飲呀🤤飲到差唔多最後都仲有好多奶蓋留係度，綿綿滑滑，超過分，飲完成口都勁香呀！希望下次再有機會可以試埋其他茶飲，一定都好好飲！！

今日係沙田附近做嘢，收咗工都仲係好熱好晒，我見呢間都有少少人排隊，同埋門面都幾靚，所以就試下，買左幾杯返屋企飲🤣🤣🧀🍵芝士宇治抹茶平時飲奶蓋多數配烏龍/四季春，呢度竟然有得配宇治抹茶！奶蓋綿密帶點鹹味，唔會過甜，同抹茶既香味都幾配合，整體幾好飲🧀☕️芝士奶蓋紅茶出奇地濃郁嘅紅茶味，唔會得淡淡既水味，上面嗰啲奶蓋真係好夾而且芝士好重，一啖茶一啖紅茶咁飲唔會膩，我個人超級鍾意🍫朱古力可可拿鐵個可可飲第一啖果時都幾濃郁，有少少朱古力既苦澀味，回甘，奶味好香濃，入口順滑，朱古力迷一定啱🍵抹茶紅豆奶茶入口幾滑身, 而且帶有淡淡的抹茶味道，紅豆軟硬適中, 而且份量也不少，除了多一份口感外，仲好好味

今日去到沙田石門個邊做野, 收工個陣好想飲返杯肥仔水當做獎勵下自己😛 行到京瑞廣場個邊見到有間手作功夫茶仲開緊, 佢營業時間到夜晚9半😆 選擇都見到有幾多, 除左一般珍珠奶茶之類, 都仲有好多得揀😍 等待時間都唔係話好長, 不過我去個陣都唔算多人😙叫左杯 “朱古力可可拿鐵” 🥤 都幾大杯, 見到係朱古力色漸變色咁😆 要俾d 時間搞搞佢搞暈佢先飲, 飲到都幾重朱古力味好香😋 可可拿鐵都feel到幾多奶好好飲👍🏻環境：⭐⭐⭐⭐⭐ 賣相：⭐⭐⭐⭐⭐ 味道：⭐⭐⭐⭐⭐ 服務：⭐⭐⭐⭐⭐

👅是日廢水🥰朱古力可可拿鐵芝士宇治抹茶･ﾟﾟ･:.｡..｡.:ﾟ::✼✿(ღ✪ｖ✪)｡ﾟ:*:✼.｡✿.｡ｷﾗｷﾗ♥今日同我姊妹行街，我哋習慣咗行完街買完衫之後就會買杯嘢飲坐低傾吓計，不過我哋今日冇去Cafe ，反而轉戰咗去一間茶飲店🤭點解？因為近呢幾排發現好多人喺社交平台入邊嘅奶蓋關注組入面分享左一間飲品店，佢入邊嘅芝士奶蓋係勁正㗎。所以我哋今日就黎試吓佢😋好彩果然冇令我哋失望，呢度嘅芝士奶蓋非常濃郁，重奶味重芝士味，食完飽腹感都幾重㗎。另外佢嘅宇治抹茶底都係好香濃！相反，朱古力可可拿鐵就超級重朱古力味，夏天飲就啱晒啦梁浸浸。