功德林上海素食 (世貿中心) (Closed)

近排公司嘅人事變動非常頻繁，單是吃散水餅和出席大大小小的歡送飯局，已不下十次，所以來到周末，就決定一家三口都食得清淡一點，給腸胃一個假期。選了這家位於銅鑼灣核心地帶的《功德林上海素食》，除了因為餐廳連續三年都獲得米芝蓮推介外，最主要還是店裡的菜式，一直標榜不含色素和味精，令人吃得放心。餐廳座落於世貿中心 10 樓，地方乾淨寬敞，加上店面以翠綠配上一室淺色為設計主調，裝潢清雅脫俗，予人清新自然的感覺。而這天我們一家人就被安排坐在窗邊位置，除了感覺開揚光猛外，三口子還可以透過偌大嘅玻璃窗，盡覽維港景色！安頓後先點來一壺鐵觀音 ($15@)，茶色金黃，入口回甘，頗順喉。店員接著送上餐前小吃 ($12)，花生好香脆，伴以清爽的榨菜，吃起來既脆口又帶點辣味，如果用來配搭熱粥，應該會更加惹味好吃。再拿起點餐牌細閱，菜式選擇非常豐富，而且全部分門別類，包括有前菜冷盤、滋補燉湯、羹、特色名菜、香辣系列、蔬菜、菇菌、暖胃鍋物、鍋巴、各款飯類、年糕、一品素麵、點心、甜品及飲品等。被檯上另一餐牌嘅精緻點心吸引，所以決先點幾款試試。先端上桌的鮮菇露筍餃 ($35)，餃皮晶瑩剔透，而且內裡包著不少鮮冬菇粒和雞髀

功德林位位於世貿中心10樓，可以看見海景，環境舒適由於我們訂左位，所以好快有位由於喜歡食小吃，所以叫左拼盤。脆鱔味道酸酸，外面炸得十分香脆，好惹味窩夫味道啱啱好，唔咸。冷豆腐清新可囗。皇帝菜苖餃，晶瑩剔透，賣相已經好吸引皮薄煙韌，皇帝菜苖好香，多汁鮮菇露筍餃，味精略為淸淡冇肉既湯，估唔到好香，味道清甜好飲原來素食都好好味，令我改觀

平時食咁多肉，間中食下齋，腸胃都舒服d。呢間餐廳，我細細個就聽過呢個名，哈哈！花生加類似榨菜，好開胃鮮菇露筍餃 $35 好清新，有淡淡菇香味，裡面有露筍同好似有d馬蹄，爽口嘢飲要咗紅棗茶同豆漿，ok 五福臨門拼盤 （細）$218呢個要加分！平時拼盤都 Set 好晒，但呢個可以自己揀鍾意o既，good~細版都咁大，大o既要好多人share 至得啦要咗烤夫、素鵝、素火腿、涼拌茄子同無錫燒鱔素鵝炸得剛剛好，香脆得黎唔會太油烤夫係上海菜必食，好味素火腿，涼拌茄子都ok，但燒鱔有d甜 （我一向怕太甜），但夠脆，好似佐酒小吃豆腐餃子$98呢味菜都幾考功夫！將件豆腐變作餃子皮，裡面有d雪菜、好似有筍等等。老人家無牙都食到！酥炸三絲雞卷 $98我以為係炸到好脆，原來係似腐皮卷咁，不過都ok，點甜酸汁好味平時我唔鍾意食獅子頭，覺得好膩同好肥，但呢個素食版我鍾意！ 裡面有粉絲，有d蔬菜，即刻無咁滯！鍋上，熱辣辣～好香，送飯一流上海冷麵 $98好特別，有好多調味料俾你自己調味，包括：辣油、醋、醬油、麻醬等等。個人覺得落晒所有嘢係最好味估計錯誤，估唔到原來咁大碟，食唔晒打包走一大部分，最好多幾個人share豆

今日要green 一 green 所以黎到世貿食素😀 其實本人都幾抗拒食啲表裡不一既食物 所以一直無特別去素食店食素 但今日一試 完全改變素食店既睇法五福臨門拼盤(小)有五種食物: 素鵝 脆鱔 冷豆腐 窩夫 雞絲粉皮 素鵝做得好好食 脆鱔好有口感 仲好香 其間店員仲有過黎介紹菜式係由咩造成 真係超級nice 素春卷春卷炸得好脆 好香口 不過食唔到有粉絲 少不免係有啲失望🙁 不過真心做得唔錯嘅🙈砂鍋咸肉菜飯見到menu 已經好想試 一試之下果然無死錯人 珍珠米粒粒都好好食 好香 再加菜 你唔好預佢走重口味 佢係走light 既路線😂 所以完全fresh 做得好好食呀

上海菜就食得多 今次試下上海風既素食～ 全海景既用餐環境 真係食得身心都愉快 苔菜松子炒飯 $88 呢個炒飯冇令我失望 海苔香味濃郁 鹹鹹地令到個飯好好食 松子仁有益之餘 亦都令口感更加豐富 相當值得試！ 蘿蔔絲酥卷 $35 期間限定 只限銅鑼灣店既特色點心 鬆軟既酥皮 包住暖笠笠香噴噴既蘿蔔蓉 味道清甜 賣相好似牛角包好可愛 另一款露筍餃亦都清甜健康而且皮薄餡靚 精瑩剔透 芋頭雞煲 以羅漢齋為主 芋頭亦都煮到好淋而且吸哂南乳味 齋雞其實係豆腐卜 整體非常美味呢地址:銅鑼灣告士打道280號世貿中心10樓

星期日下午最啱飲茶！兩個後生女去咗銅鑼灣功德林食齋 XD小妹少去世貿中心 兜兜轉轉才醒覺單雙數層不但唔同lift 仲無得行樓梯... 大家記住入到商場落G/f再搭lift上10/f功德林係食素嘅地方 連裝潢佈置都好綠色 加上一定程度嘅天然光 視覺上幾舒服 坐窗口位可以眺望維港景色茶芥每位$15 餐前小吃$12 佢哋嘅花生無落鹽 但係用榨菜拌碟 辣辣哋鹹鹹哋 好味過齋落鹽 XD大餐牌上面寫住「羅漢果xxx紅棗茶」 點知最近無羅漢果... 部長話所以佢哋另外印咗個飲品menu於是小妹點了熱的「桂圓紅棗茶」 雖然杯中沒有一粒粒桂圓紅棗 但茶非常深色 未飲已聞到濃郁的紅棗香叫咗一碗白飯share 再加兩味小菜首先係「芙蓉木耳豆苗」 所謂「芙蓉」即係蛋白 小妹最愛食蛋！木耳切得好細條 而且炒得夠淋 成碟菜個汁好似湯咁 蛋白、木耳和豆苗都好濕潤 加上豆苗細細條 好適合撈落飯度食 做湯飯都唔錯另一款係朋友揀嘅「咕嚕肉」 喺功德林食嘅「肉」當然係素肉啦 「咕嚕素肉」嘅外表和味道同「真·咕嚕肉」無異 亦有齊菠蘿、紅蘿蔔、青椒等應有配菜 不過咬落就知道分別——朋友形容似麵筋 小妹覺得佢比較有彈性 咬開佢嘅

今日便往銅鑼灣功德林食皇帝菜苗餃, 素蝦粉粿、羅白酥絲卷、凍豆漿、北京水餃、素鍋貼和薑茶湯丸, 皇帝菜苗餃,菜苗餡料好新鮮, 餃子晶瑩剔透, 好好食；素蝦粉粿皮薄餡靚,素蝦餡好美味好彈牙；羅白絲酥卷羅白好粉好鬆化, 而且不油膩, 一流；凍豆漿豆味香濃, 好香滑, 消暑佳品；北京水餃味道香滑, 熱辣辣,皮好薄, 配上醋更突顯餃子的鮮味；素鍋貼煎得黃金色, 好脆好香口, 而且煎得乾身, 好香口；最後薑茶湯丸好重薑味, 湯丸是芝麻糊味, 芝麻好香滑, 好好食, 食了一頓好味素食點心。

鬈毛媽胃炎左一排，飲啖水都會嘔，最近終於大病初癒，我想帶佢食餐好，但又唔敢食得太立雜，於是決定去食齋。 銅鑼灣既「功德林」位於世貿中心，坐擁無敵維港景，齋食風景都已經令人心曠神怡。 功德林三拼盤 $148 呢個拼盤可以自選三款冷盤，我地揀左上海烤夫、脆皮素鵝、無錫脆鱔。我最鍾意係素鵝，外皮好有蛋香，而且煎得香脆，入面包住冬菇同紅蘿蔔絲，甜甜地好味道；烤夫好入味，配埋冬菇、毛豆、雲耳，感覺好豐富；脆鱔又甜又脆口，好似食緊蜜糖合桃咁，小朋友一定鍾意。 素仁鬆配薄餅 $108 素仁鬆可以選擇配薄餅、叉子餅或生菜包，我地揀左薄餅，就好似北京填鴨果種，薄薄既一塊，上枱時仲跟埋乳豬醬。素仁鬆入面有紅蘿蔔、松子仁、西芹、冬菇等等，本身都幾夠味，唔駛加乳豬醬都已經very good。 竹笙百合北蟲草燉湯 $58 無加肉煲既湯，感覺清好多，竹笙、百合、蟲草本身亦唔係重味道既食物，所以令呢個湯更加清甜。 高力豆沙 (加香蕉) $78 鬈毛媽未黎之前已講明要食呢個，話之前食過好味 (一好番就好為食，哈哈)，如佢所願叫一客，味道真係唔錯！蛋白做得鬆軟唔油膩，亦唔會過甜，夾番入面既紅豆餡同香

中秋佳節！食燈籠！玩月餅！大飲大食，必然讓人肚滿腸肥。食左几多，係要還嫁！事後要食清D囉！　　今天與豆丁去中央圖書館，要提前食飽飽，於是想到素菜館。網上搜索，最後選定MTR附近世貿樓上的素菜館。　來到店門，即發現大大塊的＜27週年＞折扣推廣！身份証或護照號碼，有2號或7號，或27歲，可享27% off ，即是73折。　　向職員查詢，不是2拖7呀！真係有2或7號都有優惠。一家三口，當然有這2個號碼！　有著數，真開心。　剛好過了午餐的黃金時段，餐廳客人不多。職員安排窗邊的座位，可欣賞維海景色。下單後，發現豆丁隔著這落地玻璃，十分專注地數著海上不同的船隻：天星小輪，遊輪，白色遊艇，舢舨，艇仔。原來這個無敵海景，還可以讓豆丁了解不同類別的船隻！算是額外的得著吧!點心先呈上來。蘿蔔絲酥卷是自己喜歡點心之一。橙黃色酥皮，有如甘筍。剛炸起熱辣辣，酥皮不太硬，咬落會起酥，也没有油溢味。 　內裡只有蘿蔔絲，没有蝦米唐芹，反而突出了蘿蔔的甘甜，味道較為清新。註：曾遇過某大集團的蘿蔔絲酥Ｘ，廚房只是預先炸好，上枱時是凍冰冰。酥皮放涼後，每層粘在一起，咬落實篤篤，根本没有酥皮的感覺囉！素蝦炸粿　　剛炸起米黃色

豬仔對素食有個情意結既,豬仔媽媽既煮既素食係好好味架所以出到街都想搵媽媽的味道功德林之前都聽過佢個名好耐啦坐底侍應哥哥已經放低左一碟前菜 - 花生榨菜. 豬仔覺得個榨菜真係幾好味叫左個素菜鯽魚, 估唔到黎到同日本果d 魚仔紅豆餅咁似入面係包著好多人都鐘意食既芋頭蓉, 外皮鬆脆唔油膩, 絕對稱得上外脆內軟素菜餃 （豬仔太為食, 無影到相）素菜餃外皮很有份量, 吃下去很有口感, 與一般中式的餃無咁油膩, 加上醋作醬汁開胃四季豆很爽脆, 而且唔會很油膩, 友人大愛呀

食品份量少了，這是現時一般飯店常見的狀況，原本亦不是甚麽大不了。只是侍應的態度令人十分不舒服。今天跟父母及兒子4人去食午飯，我一坐下，有位笑面迎人的侍應小姐介紹我吃4人套餐,$888。我告訴她不想吃套餐。結果，我們吃得少，分別吃了擔擔麵，上海粗炒，水餃和春卷。結帳時問該侍應小咀是否滙豐信用咭有折扣，侍應小姐不耐煩的回答點心是沒折扣的，我心想即是擔擔麵和上海粗炒有折，我便給她信用咭結帳。原來平日(指星期一至五)午膳，加一後全單八五折，這位黑面侍應小姐，沒跟我解釋，我查單時自己發現。我們離開時，該黑面侍應的面口非常難睇，很不滿意的表情站在門口，這算甚麼服務態度？怪不得午飯時間都有很多空枱。我母親是素食者，間中都會去功德林，以往未試過吃這麽少，不覺得服務態度有問題，今天剛巧大家沒甚胃口，吃得少，就遇上這般對待……雖然我母親是食素，雖然素食飯店不多選擇，但我們仍可選擇以後不會光顧銅鑼灣世貿中心功德林！😠😠😠

一早訂定位同媽媽食生日飯第一味五福臨門拼盤 最正係脆鱔 炸得香脆烤夫味道尚可 素鵝就微暖第二道咕佬肉最正 脆扑扑而且口感同真肉冇差 更加冇甘肥 菠蘿夠甜道 十分開胃带子巢就不过不失 略淡上海冷面就齊齊玩混醬 亮点絕對係花生碎同麻醬

由於個日係佛誕，餐牌可以揀既食物選擇唔多炒冷麵 - 甜甜哋 幾好食 炒得都幾香上湯苦瓜苗 - 老實講唔係太嫩 但個味道可以 上湯唔油膩 下次試豆苗可能好 d紅燒豆腐 - 都幾好食 但有少少偏甜，菇味香 豆腐都滑一人份 湯羹 - 一般般

早前生日飯局去了銅鑼灣功德林晚餐，因第一次去，訂位前都會有個習慣上網查下間餐廳得唔得先去食。很多網友評論都話食物無味，好淡及比以前退步等評價。既然未食過，都想試一次。當晚食了五福臨門拚盤、上海冷麵、咕嚕肉、砂鍋獅子頭、蒸素餃、菜汁蒸銀絲卷。五福臨門拚盤可以自選五款，我選擇了素鵝、脆鱔、烤夫、馬蘭頭及凍茄子。素鵝微暖，香脆可口; 脆鱔炸得香脆，酸甜味不錯; 烤夫、馬蘭頭及凍茄子就正常，不太突出。上海冷麵有得自已mix自己味道，有得玩有得食，唯麵條不夠彈牙，整體不錯。咕嚕肉是招牌菜式，比坊間素食店做得最出色，猴頭姑味道豐富，甜酸味剛剛好，不會搶喉，此道菜當晚最好食。砂鍋獅子頭見是得獎菜色於是一試，是免治素肉包著一些素魚翅，味道不算淡味，中上之作。蒸素餃、菜汁蒸銀絲卷清清地，感覺不錯去功德林食飯千萬不要用平時的餐廳去比較味道，因為他們是不用味精，不加色素，少鹽少油。功德林有裝修有服務有海景，食物質素又有水準，更可不殺生，將會成為我常去的素食餐廳。

趁日籍朋友黎香港公幹，就帶佢去食齋﹝日本比較少齋舖﹞。揀「功德林」既主要原因係地點方便、食物出色、環境舒適，最適合久別重逢既朋友一齊傾計。先黎一個小食拼盤，日籍朋友好開心可以自選菜單，佢揀咗雞絲粉皮、炸腐皮卷同大豆芽菜。凍凍既雞絲粉皮同花生醬撈埋一齊，十分醒胃。炸腐皮卷有好多疏菜作餡，抵消咗油炸外皮的油膩，大豆芽菜就普通咗D，就係夠普通，才覺得好味。之後叫咗幾碟小菜：咕嚕肉既甜酸度啱啱好，仿豬肉十分迫真，「肉質」軟硬適中，差D以為自己真係食緊咕嚕肉，很有驚喜。日籍朋友大讚翡翠苗同用菇類做既鱔糊好食，翡翠苗好有草香味，真係又好味又健康。羅漢齋麵十分足料，食完就好飽了。