公和荳品廠 (Closed)

以前讀書年代,總是喜歡到豪華餅店買麵包,然後到公和坐低叫一碗豆腐花做午餐,當然現在梗係唔得啦,因為"請勿在本店進食非本店之食物".另外,以前啲伙計都是老一輩的阿伯,非常友善.現在卻換了幾個零服務零禮貌的人.嚟到梗係飲豆漿及食豆花,可惜,無以前咁好味,豆花食落去唔夠滑,豆漿啲豆味亦唔夠.亦叫咗煎魚蛋和煎釀豆腐,魚蛋極之普通,不吃也罷,反而釀豆腐就有點驚喜,不會煎得太硬,反而這個有豆腐味.總體而言,老店總是吃它的懷舊味道及集體回憶而已.

2008年5月17日，公和 吃完豪華已經太飽，吃不下晚飯，所以來公和吃豆花。熱豆腐花、熱芝麻黑豆花、煎豆腐。芝麻黑豆花，是有黑芝麻味，但豆花還是原味的可以了。原味的豆腐花算有豆味，合格嘅，煎豆腐，都可以。但對一直留戀”“有香豆腐”的我，仍然覺得不足…

星期三同兩個美人去搵吉蒂，兩位話要食荳腐花做早餐架車剛剛揸到去農翔道，一野就屈入去九龍城搵公和叫左兩支荳漿同兩碗荳腐花，仲有煎荳腐同煎釀三寶臨走又有剛剛炸起既炸魚旦，順手叫埋不過唔係好明，點解會有煎釀三寶賣煎釀三寶：中規中矩，都係o個o的o野煎荳腐：唔會煎到好老，夾埋魚肉好香，好食荳漿：一啖飲落去，好清好有荳味，唔會覺得杰撻撻，正！荳腐花：好滑，真係會滑落喉嚨，不愧係名店

好耐冇黎呢度食豆花($8)好滑好有豆味我一向只愛食豆花其他豆腐食品都抗拒只有呢度o既煎豆腐($12/4件)唔抗拒真係好有豆味, 好滑正~不過價$就貴d喇~

講到係宴其實有點誇張,因為我只係食左一碗豆腐花同飲左杯凍豆漿天氣熱得恐怖,成身大汗,剛經過這店,便進內飲杯凍豆漿,豆漿真的冰凍,透心的涼!豆味濃郁,解口渴妙品!既然豆漿好味,就要多碗豆腐花了,反正都仲有quota!豆腐花好滑,豆味都不少,品質唔差!加了黃糖來吃都幾滋味!吃得滿足,再去九龍城街市買餸!

我係超級豆腐花迷,,,所以我好鐘意週圍去試邊間豆腐花好味,,,前幾日去食公和,,,第二次去,,對上果次都係二,三年班既事喇,,但咁多年黎品質一樣無變,,,一樣係咁滑溜好味!!!

路經公和荳品,門口有煎釀三寶賣, 心思思想食,要左炸魚旦,豆腐同紅腸,另外要多杯熱豆漿佢地個豆腐真係好好味,滑滑既口感加上濃厚既豆味,令人回味,釀三寶其實同出面既差唔多味道,不過個豆腐比其他地方好食好多下次經過都會再食

由細到大都係食義香豆腐花, 味道非常好, 且外賣大大碗都係5蚊, 但係就未試過公和今日重遊舊地當然要試試啦豆腐花用瓦缸而唔係一般既木桶, 唔知係咪會好食d呢?熱豆腐花溫度剛剛好, 我最怕食半涼不溫既食物豆味同義香差唔多, 但texture就比義香更滑更軟, 而且冇義香果陣煙味店內環境唔光鮮, 就係越舊越有味道! 又唔會好似義香咁勁濕加上人流唔多, 靜靜地好舒服深水埗都有一間公和, 我未去過, 但睇尼個網既食評好似話好食+抵食d($8 vs $6!!!), 下次一定要試試!

讀中學時, 好鍾意放學時, 就走到呢間豆品舖食冰凍的豆腐花. 仲要係加黃糖個隻. d同學仔話, d 豆腐花係凍架喎, 咪唔溶囉....我就係貪佢唔溶, 可以咬碎d黃糖粒粒, 好過癮! 豆腐花本身好滑, 又夠凍. 加少少黃糖, 又軟綿綿, 又有粒粒硬硬地的黃糖, 又軟又硬, 正!

出生在九龍城的我，在這裡一帶的食店都吃出了感情，例如創發潮州飯店、豪華餅店等等，其中一間就是公和荳品廠。每次經過九龍城也盡量會抽空到這裡喝一杯超級冰凍豆漿和豆腐花。別人總是想某店的豆香比這裡的香，豆花比這裡的滑。但是這裡的食品始終如一，跟我小時候吃的味道沒有怎麼大的改變。這裡的豆漿除了非常的凍和解喝外，沒了一般市面的那樣甜，所以更加能夠啖出黃豆本來有的香味。至於豆腐花，只要是懂得食的人，無論氣溫高低都指定要熱的而不會選擇冷的那種。原因很簡單，只有熱的豆花才會保持它原來的滑，只要一冷卻便會失去了這個特色了。滑滑的豆花從舌頭上"滑"進去的感覺，實在是難以用文字來形容。我有一個很奇怪的習慣來"試"豆腐花有多滑，至於如何試請在我的blog內留言，我便會告知閣下~ ^^要是跟深水埗的店來比較，我想欠缺了對這裡的熟悉感外，食品的質數也相當接近。

路過，走入去食碗熱豆花...豆香欠奉之餘亦唔夠滑。追加嘅釀豆腐、魚蛋等並唔係即叫即做，好食有限。試問將炸起嘅嘢一路放入有蓋嘅容器装住，隔咁耐先攞出嚟又點食得落口?完全同隔幾條街嘅義香冇得揮...

早已知道這店是如何出名，但都多次是沒有機會入去試試，今天，吃完大婆後剛好經過，順理成章入來朝聖了。店內是一貫老店的痕跡，採用最簡單但實用的擺設；而衛生方面，絕對要隻眼開隻眼閉...點了熱的豆腐花，伴有不太甜的糖漿，吃落是頗滑，但絕都不是很滑那種。再吃多一口，豆味開始散發，是很久沒嘗到的有豆味豆腐花了。如果要我從豆味和滑選一樣，無疑這一刻我會選有豆味的豆腐花！臨走再買了支凍的甜豆漿回家，不太好。下次要買支沒加糖的試試了。

北河街的公和由細吃到大,福佬村的公和就一次都未去過.大家都是舊店,這間衛生程度比北河街好得多,沒有烏蠅四圍飛.反而味道就...個人覺得,龍城是義香之地頭,公和是屬於深水埠.這次在龍城喝到的豆漿,味道很淡,似八份水兩份豆的份量,豆花就沒有兩樣,但又覺得糖漿味道同樣地淡..連帶門外的煎釀三寶,蘿蔔糕,也了無生氣,全無意慾去吃.是否又是一些什麼"地域情感"的心理影響?

老式荳品舖，幾時都有興趣。之前幾次經過，都沒有機會試，是日終於可以吃一吃。假日的下午三時，店內是一位難求，檯子也開至店外的。店子舖紙皮石，是老店格局。見除了豆花及豆漿外，差不多每檯都叫煎釀三寶，但見佢一大盤「三寶」放在當眼處，不覺即炸亦無厘火氣，沒有可吃之道，就只簡單的要了碗熱豆花及黑豆漿。熱豆花頗滑溜，豆味卻淡了一點。黑豆漿少甜，豆味更淡。望向店後的工場，是全「金屬」操作，不知何解，覺得見到石磨會有信心一點。埋單12蚊，下次還是返義香好了，總覺這裡是略欠誠意。

都係由細食到大，依舊係咁滑。天時暑熱食番碗真係透心涼。不過唔知係咪間鋪實在太有歷史，前幾日之前去食覺得好似有陣酸"叔"味。不過豆腐化都係咁滑咁多人食。