栗堂

Open Now

Now Closed

南丫島少見既態度差，係極差。下午2.30去到，餐廳唔算多人，有空位，但要搭枱。去到，冇人招待，等左5分鐘之後，先有個女人出黎，用手勢驅趕我地，話：「冇位啊，唔做啊，你哋走啦！」我哋2個好無語，好聲好氣問有冇位，點知換黎咁差既態度。眼見餐廳又未坐爆，又唔係好多人食嘢，可能佢哋真係好好生意，唔憂做啦。嘢食望落去細細碗冇乜特別吸引，餐牌款式都唔多，餐廳裏面都稍為污糟。去南丫島都係食啲Cafe會好啲，呢間唔建議。

喂！講到腳踏南丫島，唔係得奶茶豆腐花咁簡單，近日發現一家賣車仔麵嘅香港老字號 - 栗堂。無謂講太大聲，但你試完呢度嘅麵，可能會愛上佢！🍜 湯底分素湯、豬骨湯，清甜到一啖鮮，連平時唔飲湯嘅我都要搞清潔佢一碗。再行到麵條，係手感嘅講究 - 粗幼夠晒彈牙，勁過一啲做嘢馬虎路邊攤。🔥食料方面，我實証過，搞嘢嘅素腐皮唔係嘥嗲，嘖咁脆，剛剛好㗎！響鈴同素春卷，焗得夠晒香，食落無油膩感。而陳皮魚蛋呢，講真，我第一次見過，混入啲咖哩汁，正到不得了。至於蘿蔔同冬菇，啖啖肉，烚到滲味嗲嗲的，食落口感係咁滑，應該係用心炆過。總之，這間店俾到我種回歸街頭小食嘅感覺，但質素唔輸高檔食肆。最正係坐落喺個裝修似日本屋企咁清新嘅地方，真心推介！🇯🇵如果你都想唔係得海鮮，來咗南丫島可以試吓食！保證你食完都會想嚟多幾轉！😝

一直都鍾意入南丫島hea 吓，30分鐘船飛話咁快就到，次次都會去栗堂食碗麵先走😚尋日老公心思思又想食陳皮魚蛋，見天氣咁好又入去行吓，可能早排天氣熱、好耐無嚟原來出咗新menu, 唔只有車仔麵，仲有飯，重點係有老公喜歡嘅豬手！ 佢即刻點咗個話梅豬手撈粗同咖喱小食三寶(陳皮魚蛋、豬皮同蘿蔔)我就保持一貫清淡作風，點咗陳皮魚蛋、蘿蔔同焗豆卜，當然仲有我最愛嘅黑糖豆乳沙冰啦！😋😋個豬手麵一上枱，老公未俾機會我影相已經即刻開動，賣相都幾吸引，連我唔係豬手愛好者都食返件，豬手好腍、話梅汁好濃郁又唔會太酸，唔錯！👍我碗麵就保持一向水準，焗豆卜香脆又唔會肥膩，至於沙冰…. 黑糖同豆乳超濃，唔會飲到尾只係得返d無味嘅冰值得一試😚不過、可能小店經營，人手有限，而且、炸物焗物都係即叫即做，想試嘅朋友就預多啲時間啦！😚

「栗堂車仔麵」一間好有日本氣色的食店，但此店竟然是食（車仔麵）的。（栗堂車仔麵）-來到此店，有一種好舒服的感覺，可能是氣氛同裝俢問題啦。而且服務非常讚。食物方面，我點選了以下：$58/4餸（炸花枝條+$2、豆卜、生菜、咖哩豬皮油麵）-我選擇了豬骨湯底，湯頭香濃。我最喜愛就是咖哩豬皮，咖哩夠曬野味，豬皮又爽口彈牙，兩者配合簡直是錦上添花。炸花枝條也是我推薦之一，同樣好食。$58/4餸（扎肉+$4、生菜、滷水豬大腸+$4、貢丸+$4油麵）-湯底同樣是豬骨湯，扎肉和滷水豬大腸真係好香，從而令到整碗車仔麵好食度加分。貢丸也同樣好食，食落肉質有鮮感，有彈性。

行咗3小時山後在openrice找到一間0負評嘅車仔麵店，心唸一定無衰，叫了炸魚腐炸花枝條酸齋，豬紅，油麵，炸嘢ok，但湯底及油麵味度一般份量太少一入餐廳內好焗促，問女侍應話唔會開冷氣，25-26度潮濕天氣有蚊，店內只得一把座枱風扇，原先風扇吹住我倆，見熟客入來帮襯風扇即轉移方向，職員態度有待改差，無下次

🛫疫情關係，冇得去旅行！好想去旅行！要坐船去離島逛逛，來找回點旅行感覺。⛴中午出動南丫島，榕樹灣落船當然要祭五臟廟，沿路看沿路選，見一可愛小店，日系家庭風裝修兼有個和風名字的車仔麵店～ [🌰栗堂Kuri Kuri🌰]，Kuri 是日文栗的意思。🏔門前黑板畫了個富士山，還寫上「おいしい車仔麵」(おいしい是Oishii美味），店面不大，座位亦不算多，只有16個，簡約風的裝修加上色彩繽紛的可愛繪本畫佈置，很特色。門面的玻璃木趟門，很有日本小店的影子。🍲食物方面，多以脆炸香口為主的「炸物」，如炸午餐肉、炸墨魚條、炸素腐皮卷、炸魚腐等，全部脆口但不油膩。「煮物」方面，只試了雞中翼，雞翼的滷汁是自製的，加了香葉，好香好味道。車仔麵有別於平日那些灑上蔥花，而是會加上炸蒜，有特色之餘，也為湯底增添了一份香！跟港式車仔麵一樣，分兩餸（$42）三餸（$50）四餸（$48），湯底可選豬骨湯或素湯，而食物擺盤亦非常精緻有心思。食物擺得靚靚，食慾當然大增，而且是非一般的靚，單看他們［油菜］（$26）的擺盤，平日落廚有做擺盤的我，絕對也要甘拜下風！

入門口之前已經見到鋪頭好企理 環境好舒服😌😌Menu豬紅蘿白素湯米線個人對於豬紅有少驚喜 平時食豬紅會驚有陣腥味 但呢個冇腥味 反而有淡淡嘅胡椒味 而蘿白就有淡淡嘅薑味 好味😋陳皮魚蛋蘿白素湯米粉車仔麵送到之後 好細心咁問我地需唔需要要加辣(胡椒) 但我地都想試下原味就冇加到另外 個人覺得車仔麵上高加嘅乾蒜令個湯更香 Jeng👍

已經十多年沒有到南丫閒逛，今天和老公入去行山。行山前先醫飽個肚，睇門面以為係食日式拉麵！定神看清楚原來係食車仔麵！叫了一個豬骨湯米線 + 炸花枝條 + 肥牛 + 咖喱齋。賣相不錯，炸花枝條非常好味，而且係其他車仔麵店都無見過。另外佢哋會係車仔麵上加上炸蒜，令個麵更有層次感。叫多咗一個咖喱寶寶，入面有魚蛋，豬皮及蘿蔔。蘿蔔很甜，連平時不喜歡吃蘿蔔既老公都有食。值得一讚係侍應的服務態度很好，非常有禮貌。非常推介呢間車仔麵店。

南丫島上的驚喜！清潔衛生，食物用心製作，一吃難忘，足以令我專程來吃的車仔麵小店👍坐位不多，日式風格，令人很舒服。除了車仔麵，小吃和從日本進口的飲品也非常美味，全力推薦！😋😋

今日生日，特登揀左平日黎南丫島relax一下。本身想食的一間cafe冇開，於是便選了呢間日式裝修的餐廳食飯。餐廳環境勁舒服😌背景音樂似係日文歌的cover。好寫意。呢度的車仔麵似係港日fusion，幾特別！有車仔麵的食材，但湯底是豬骨湯，取代平時的牛腩汁。而且價錢勁親民，冇因為遊客生意就貴啲。重點來了，每樣食材都好好食，食的出老闆對食材的執著哈哈。尤其是花枝條和陳皮魚蛋。飲品方面又係冇得輸，全部都係消暑解渴的日本氣泡飲品。夏天又點少得一枝玻璃樽凍飲🥤山梨縣的提子汁和靜岡縣的哈密瓜汁真係一個完美的句號。

真係千年難得入去南丫島，一直以來都想入下去感受下放鬆悠閒既生活。一個有山有水既地方，無論係當地居民仲係遊客入到去，都會不自覺放慢腳步。一落船，一直行就已經見到好多唔同類型餐廳。雖然有好多選擇，最後都係揀左香港地道-車仔麵。入到呢間餐廳，掛晒旗仔，有種歡樂既感覺，個人都開心啲。我同朋友各自叫左兩個餸，五香肉丁同牛筋，咖喱豬皮同炸魚腐。特別炸魚腐同平時食開好唔同，又香口又煙韌，好味到朋友去問老闆娘賣唔賣，佢想外賣魚腐😂除左魚腐，牛筋都唔錯架，軟軟地，大啖大啖食都無問題。另外額外叫左小食，叫焗寶寶🤣雖然熱氣左少少，都值得一試。3款都脆口，但唔會話特別好油膩，即使一個人食都食到。總括黎講，簡單就係美味😎

天高氣爽最適合就係去行山，當然行之前就必須要先醫飽個肚。今日就選擇左去南丫島hea行，響榕樹灣落左船沿途一路都冇咩啱心水既餐廳想食，忽然見到有個大大大個富士山既畫響前面，以為佢係日式野食啦，點知原來係港式車仔麵為主。對富士山有情意結既我地就冇辦法啦，一於入去醫肚。店內座位唔算多，店員亦唔多，所以都等得比較耐，但係裝修就好有日式風味，感覺好似去左日本鄉郊小店咁樣，如果掛住日本既話仲有幾款日式汽水可供選擇。車仔麵尚算足料，味道可以，係有誠意既小店，去開南丫島又想食麵既話都不失為一個good choice。

「南丫島日式車仔麵，日式家庭設計，舒服坐坐，涼涼冷氣。」今日雖然係平日，估唔到，南丫島都有唔少遊客，西人比較多，而島上餐廳多數堅離地，不論海鮮飯店或是西餐，還請百元以上，除了那間冇冷氣既碟頭飯店。中午午飯時間，榕樹灣大街散步着，選擇困難症發作中，突然，右手邊有人徐徐拉開大門，放眼是一間和食店。「啱啱開舖嗎？」我道。「係呀，請隨便睇睇。」老闆娘說。我立馬步進店內，做今日第一個客人。「栗堂」主要提供二三四餸車仔麵，而老闆娘有介紹，該店最自豪的是炸物，建議嚐辣既朋友仔試下咖喱豬皮，車仔餸仲有唔少素食店先有既腐皮卷以及芋頭魚，廚師會幫客人另碟上。揀了咖喱豬皮、炸芝士腸、炸魚腐，配豬骨湯米線，炸芝士腸同炸魚腐非常有味，炸芝士腸外型好似便當既八爪魚型腸，令人想一口食左佢。

身為湯麵忠粉，去到邊都想搵一碗好味嘅麵食。我從來認為坊間嘅車仔麵，所有湯都唔係好飲得落肚，首先一係係味精湯，再唔係就好油，不過食得車仔麵預咗係咁。但係栗堂真係完全令我改觀，首先碗麵上枱時好精緻，湯夠熱，每樣餸都係精心泡製嘅，炸物係鮮炸，外脆內熱辣辣，滷水雞翼翼尖勁入味，蘿蔔係用姜汁煮嘅，軟硬適中，唔似有啲地方煮到淋啤啤，完全無咗本來嘅質感，食材好新鮮好乾淨，好多餸都超好食，食到一半又再加多碗淨餸，沒完沒了，第一次食車仔麵連湯都飲埋，仲要食完唔頸渴更欣賞的是老闆老闆娘兩人自己親自主持大局，店的裝潢擺設都好靚好舒服，而家肯用心去做好每一個細節而唔係淨係為咗賺錢賺到盡嘅人真係無咩幾個我一定會為咗呢碗麵而再入南丫島！

本人是土生土長的香港人，喜歡食車仔麵的我，自從食過這間車仔麵後，也不想再食其他店的車仔麵！🤗喜歡❤️「栗堂」的原因，他們是有兩款湯底（豬骨湯、素湯）任君選擇，素食朋友也可惠顧！百分百沒有添加味精，每次食都必定把湯喝清！😋主角之麵食，有粗麵、幼麵、河粉、米粉等，本人味蕾特別感敏，外間車仔麵一般粗麵、幼麵會有強烈的鹼水味，但「栗堂」是神奇的沒有！😍至於配餸方面，「栗堂」竟然有香港絕少有的陳皮魚蛋！🙂🙃（要記得加咖哩汁） 未試過陳皮魚蛋的朋友，記得要試試！😉除此之外，我誠意推介素腐皮、素春卷、響鈴！👍🏻 此炸物三寶大廚是用焗爐將多餘油份迫出，所以食時口感完全沒有油𣺉𣺉的感覺！💯 冬菇（十分厚身）、蘿蔔是每次必選之配餸！不知道大廚是如何烹調，它們為什麼可以炆得如此入味！😍 還有，怎可能不得不提齋寶寶！齋寶寶是有酸齋、咖哩齋、素叉燒，味道有別一般齋舖！若然只是喜歡其中一款，也可以單點。最後真的要重點一讚這裡的環境，簡潔日系之裝修，拍照時感覺置身於日本！另外，有潔癖的我，也偷偷地視察過廚房，衞生一流，爸爸媽媽也可以放心給小朋友一起吃！👍🏻如果你們是來南丫島，除了吃海鮮、豆腐花，不妨試試「栗堂」！必定