京林屋 (明宮閣) (Closed)

我喜愛京林屋因為她每一個環節都做得很妥當，由門面開始，完全日本風，展示食品模型見者垂涎，木系裝潢令人有舒適的感覺，每款食物都經過心思打扮、材料優質、調味恰到好處，價錢亦合理。食品水準平均，烏冬、抹茶麵出色之處在湯頭，清而醇厚的味道，簡單地配香菇或魚餅已經美味，麵質新鮮有彈性。後期出的飯類貫徹風格，主要是燒魚，健康得來不失美味，最豐富的莫過於我今午選擇的林屋和食料理。中午吃過這樣做的魚之定食，非常有日本家庭料理的風味，四格碟子其實有八款伴菜，由右上方開始講，如球形的海鮮沙律口感柔靭卜脆，八爪魚及魚子為主要材料，配搭適合的醬汁，口感豐富。汁燒鯖魚肉厚味香香，皮肉皆滑，燒得唔乾有肉汁，玉子做得十分滑溜，難不到日本廚師的手藝，內藏蘿蔔蔬素，口感更加豐富。魚仔乾等三款漬物滋味不過鹹，炸芝士魚腐軟熟，醬油帆立貝新鮮味美。米飯以焙茶煮過，顏色呈淺褐色，淡淡的茶吃得特別開心。配埋麵鼓湯及酸蘿蔔，定食組合完美。開心見到今期又有新產品，竹炭焙茶卷蛋這個主意真不錯，忌廉非常香滑，蛋糕軟柔，竹炭其實起不了太大變化，作為噱頭非常受落，我就是喜歡。三款茶可配，我覺得葡萄煎茶最香，建議的沖茶方式要跟，相信是簡化了的

豐富日式午餐，間左乜都有d的飯店套餐配玫瑰花茶，正常唔貴太古城價格，早少少唔太多人等位，座位寛敝，但位置唔多，又夠服務員，太好，係值得推薦的午餐之選，食完可以買埋雪糕

黎到太古城好想食雪糕，俾我揾到一間專食抹茶既京林屋仲以為得銅鑼灣先有~未試過京林屋既熱食，叫咗個京式鰻魚飯($98) 飯上面會有蛋碎同紫菜碎，舖滿成個撈匀咗鰻魚汁既飯，同鰻魚一齊食，味道更勝一籌鰻魚食落啖啖肉，份量又多，係真係原條鰻魚上~到我最期待既甜品時間，因為全部都食既緣固，最後揀咗好耐揀咗3款香港限定芭菲 ($98)見到最頂既抺茶雪糕，同下面一層層既配料，真係深深咁俾呢個甜品吸引住層層都有唔同既配料，超級豐富! 軟雪糕抹茶味同奶味各佔一半，食落口感非常滑，下層有脆脆米，白玉丸子，抹茶蕨餅，抹茶啫喱，忌廉同紅豆蓉。再往下層食仲有士多啤梨醬同同士多啤梨肉，酸酸地食幾多都唔夠得漏。抺茶卷蛋($88) 抹茶卷蛋，配上兩粒紅豆蓉白玉丸子同抹茶雪糕，賣相已經好得。卷蛋食落抹茶味都幾重，食落唔會太甜，味道剛剛好，如果可以再濕潤啲就更好~秘製抺茶蕨餅($88) 一上台已經感受到蕨餅既軟滑，彈牙，充滿綠茶嘅香氣，而且配上黑糖醬同抹茶粉，一咬就係煙韌鬆軟既蕨餅，淡淡抹茶味同甜甜既黑糖味超夾！好滿足，好食到停唔到口，一舊一舊成碟食哂

上次同老公食過一次京林屋，媽咪見我地對佢既高度評價話都想試下。所以今日收工就接埋媽咪去食啦。我地叫左鰻魚飯同林屋和食料理。鰻魚飯真係好抵食，大大舊鰻魚配埋熟硬適中既飯，好食！林屋和食料理就岩晒好似我咁有選擇困難症既人啦，哈哈，有魚有帶子有蛋有沙律！食完好滿足啊！一定要點！飲品點左抺茶沙冰雪糕，有得飲有得食！佢既抺茶偏甜，唔會話濃到得返苦味！ 到甜品啦！差唔多食完既時候我地就同侍應講個抺茶紅豆白玉金磚可以起啦，因為製作需時二十分鐘，所以主食差唔多食完就要叫定啦。上到黎見到個雪糕已經有少少溶，因為下面既丹麥吐司係新鮮熱辣出爐嫁！外脆內軟，上凍下熱，每一啖都好豐富既口感，佢既抺茶雪糕比起我杯沙冰既雪糕要苦少少，但有紅豆既甜味中和返，真係好好好好食！ 另外仲叫左個焙茶芭菲，雪糕有淡淡既焙茶香，唔會太甜搶晒啲茶味。下面仲有好多配料，紅豆，白玉，啫喱，白色既應該係牛乳雪糕？所有野都好好味，無論鹹食甜食都咁出色，如果公司附近都開返間就好啦～

京林屋試過好幾次，因為分店多，質素又有保證。餐廳裝修簡約，以大地色為主調，令人感覺柔和舒服。⭐️金目鯛定食$88今日放工想食返碗飯，即時諗起京林屋既金目鯛。金目鯛用醬料醃過，魚塊吸滿曬醬油既香氣，食落好香，魚肉好滑。焙茶飯有好香既茶味，真心好食⭐️黑豆茶$46茶味好香，入口濃郁。⭐️香港限定芭菲$98芭菲層次至少有十幾層。最上面係抹茶軟雪糕。抹茶味濃郁，下一層係蕨餅，Q彈，好鍾意呢種口感！我最喜歡食玄米脆粒，不過好似淋左d。白玉煙煙韌韌，唔黏牙。仲有紅豆蓉，餡蜜清甜，士多啤梨同抹茶都好搭。⭐️抹茶卷蛋$88呢度既雪糕真係好食！抹茶味好出，餘韻有茶既幽香。蛋捲中間嘅抹茶忌廉幾滑，有濃郁既抹茶味，唔死甜。不過蛋糕較濕潤，鬆軟D更正！▪️整體定食同甜品都好食！下次會再黎。

今日去開下線同個朋友約左收工係呢邊附近食餐飯, 一直都知道佢鍾意食抹茶類至嘅甜品, 咁就試左呢間又可以食正餐又可以填埋另一個胃嘅日式餐廳京林屋位置都好方便, 係EAST HOTEL 對面既地鋪, 環境好開揚。離遠一眼就望到了！不怕找不到呢...入面環境同牆身都充滿日式既氣氛。十分放鬆舒適👉🏻林屋和食料理 $88嗌左2個鹹食先, 朋友本新想食鰻魚飯, 但我地有點晏到, 鰻魚飯賣哂了...最後嗌左呢個林屋和食料理 , 4小格入面有8款料理, 仲有1碟細既漬蘿蔔，麵豉湯同白飯。料理入面其中既八爪魚沙律,好有驚喜, 我以為會無乜味道, 但鮮味十足...呢款係可以送飯既沙律! 正！而芝士魚餅中間都有一粒粒既芝士粒..令到成個魚餅芝士味提升了 成個料理既主角鯖魚都煎得唔錯, 白口入味魚邊還有點點脆口, 甜鹹適中!提一提個...因為都幾特吃架飯...係培茶烤烘而煮成既, 食果時有淡淡既焙茶味! 散魚著清香...你會慢慢咁食得晒...飯質帶有少少黏唔係分明一粒粒咁, 口感煙韌彈牙。朋友全清了！👉🏻稻庭麵 $68我就叫左個稻庭麵, 因為想來一點滿淡...外面太熱...胃口不太好入面有兩塊魚餅同一塊日式魚

放工出街同男朋友輕鬆下， shopping完行到攰攰地就梗係要搵嘢醫下肚啦，行過呢間京林屋，我比佢個門面吸引左，因為我見到好多抹茶嘅甜品，就一於入去試吓啦。木系式既裝潢，分外優雅，而且座位好寬躺，環境寧靜，可以好好放鬆一下。原條鰻魚飯，係原條呀⋯⋯一大條覆蓋晒個飯面，鰻魚鮮甜肥美，爽口彈牙，而且飯面仲鋪滿蛋絲，而飯係用培茶煮既，粒粒飯香都充滿培茶嘅香味。第一次食到一個甘高水準既鰻魚飯呀抺茶蕨餅，好彈牙，充滿綠茶嘅香氣，而且配上黑糖醬同綠茶粉，一件接一件甘食，真係食到停吾到口呀鬆脆嘅酥皮多士，內裏係充滿牛油香味嘅軟面包，上面鋪滿香甜嘅紅豆，彈牙既白玉丸子，再配上冰凍絲滑嘅綠茶雪糕，由於個多士上枱仲係熱嘅，所以會令到雪糕用溶得好快，所以我哋嗱嗱臨食咗個雪糕先，店入面有好多綠茶嘅甜品，一次過真係食唔到咁多，但係睇餐牌覺得好吸引，唯有等下次再試過啦食完個甜品就梗係要飲返杯茶啦，我哋叫咗杯煎茶，飲呢杯煎茶都有啲技巧㗎，第一杯係會有師傅沖口再攞上嚟枱，之後就可以自己加水，會有個漏斗放喺旁邊，加完水之後就倒轉個漏斗，先可以再飲第二杯，第一杯嘅茶味好濃郁，而且甘醇，充分睇得出日本人對茶藝嘅講究，第二杯

友人家住太古城，前往探望B.B. 順道一起晚飯。太古城真的好方便，一落樓下己有好多食肆選擇，友人家的對面就是城中一時熱話的京林屋。晚飯套餐有幾款，飯和麺類，可單點，也可配套餐。揀了和食料理，即餸料有四小碟，漬物，糙米飯和麺豉湯。四小碟非常精緻，多樣化，平衡營養，配搭得怡。八爪魚沙律，勁有嚼口，開胃。蛋餅軟熟夠蛋香。雞肉味濃厚。木耳健康有營。魚餅彈牙，夾雜著粟米粒和芝士，滋味！帶子雖然細細粒，有鮮味。小魚仔伴飯一流。燒魚肉質嫩滑，醬汁功勞不少，惹味！漬物酸蘿蔔，酸酸咪咪，可減輕飽滯感。飯後一碗麵鼓湯才確整頓晚飯的完美。嚟到隨了抺茶類甜品出名外，茶類亦不錯。黑豆茶具有美顏，除困濕作用，無理由唔飲番一杯啫。可沖兩三泡，品嚐每泡不同味道，時間掌握在沙漏上，美味又可口。

放假啦，放假啦！仲唔係時候要放肆下兼滿足下自己既茶癮趁放假專登約左好朋友黎京林屋朝聖下未食甜品先醫肚，食啲咸野打個底先我要左個金目鯛定食$88鯛魚用上魚腩位置，肥美嫩滑而米飯唔係普通既白飯，係帶有淡淡焙茶香既茶飯，正跟住我同朋友都睇中左佢地既香港限定芭菲$98為左唔好分黎分去，我地決定一人一杯先有面層既濃滑抹茶雪糕之後仲有抹茶蕨餅、白玉、脆米、紅荳蓉.....底部仲有草莓、黑蜜、寒天係一杯超級豐富既抹茶芭菲呀！！！除左雪糕之外，個抹茶蕨餅係另一大亮點呀，食完真係好滿足最後心思思想試埋焙茶雪糕既我地仲要左杯 焙茶沙冰雪糕$58添同樣有濃濃既焙茶香，夏天飲沙冰就是爽-抹茶同焙茶既雪糕都食左，之後仲唔心滿意足咁去行街再繼續放肆下咩------------------------------食物質素：🤤🤤🤤🤤(5🤤最優)價格水平：💰💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

今日和朋友來太古城逛街，之後當然是去吃我最喜愛的京林屋，之前經過看見他的櫻花卷蛋十分吸引，這次終於有機會和朋友來試一試。京式鰻魚飯鹹點方面我們先點了鰻魚飯和林屋和食料理。鰻魚飯賣相超級吸引，兩大條肥美的鰻魚，表面微焦，而且已經可以看得出肉質非常厚實，旁邊伴以蛋絲作裝飾，單看賣相已經令人食指大動。鰻魚果然是肉質肥美厚實，口感煙韌，醬汁調味剛剛好，沒有過鹹過甜，配合底下粒粒分明的珍珠飯，一不為意就會把整碗吃掉。林屋和食料理林屋和食料理十分適合想嘗試很多款食物但又無從下手的人，每個set都有八款料理和一小碟漬蘿蔔，更付有麵豉湯和白飯，十分豐富。首先就有一個類似八爪魚沙律的冷盤，中間有粟米等配料，味道酸酸甜甜，而且八爪魚十分有咬口，非常開胃。之後旁邊有我最喜愛的蛋餅，照燒雞串，和木耳絲，蛋餅非常嫩滑，調味不過醎，中間有紅蘿蔔粒等配料，應該是用了木魚湯調製的蛋漿，非常清甜，蛋香味濃。靖魚也是非常好吃，魚肉不會過乾過柴，表面的照燒汁甜甜的，非常好下飯。之後還有芝士魚餅，小銀魚，和一粒帶子。當中我最喜愛芝士魚餅，芝士魚餅十分吸引驚喜，魚餅軟綿綿的，中間很多芝士粒，而且熱辣辣。飲品我們只叫了一杯培茶

有個同事成日「留」我食京林屋話淨係食個佢對甜品，原來佢有飯有烏冬食，咁我地星期五午飯時間就去左試！饅魚飯，饅魚有兩大塊，滿滿地舖滿左成碗飯，正同事叫左個金目鯛魚飯，佢話甜甜地好食，魚肉質感好。不得不提的是，碗飯唔係白色咁簡單，係啡啡地色，估唔估到係點解？冇錯了因係佢係用焙茶煲出黎既飯呀！有淡淡既焙茶味架！好驚喜呀！我地仲試左個好出名既日本茶叫做玉豔玉露！聽講係日本名茶第一位！一試就知係好野，有回甘，好似轉眼間去左日本咁！啲茶葉沖完茶仲可以回柚子是油食埋，真係一大新潮食法！好正宗呀！甜品方面，呢杯經典香港限定芭飛超大杯，抹茶雪糕不嬲都係我至愛，仲有士多啤梨容，紅豆，好滿足呀！同事就叫左熱食，係抹茶湯年糕，佢話未食過咁樣整既抹茶，又甘又甜好過癮！京林屋比人既感覺真係好正宗好日式！

今日約左舊同事見面: ) 我地幾個女仔都係甜品控..又係抹茶控🍵所以千揀萬揀揀左呢間京林屋!我地三個都唔算大食..所以叫左2個熱食+2個甜品share💕我地特登約lunchtime之後既時間,避開食晏人潮👬👭呢個策略果然好成功!XD熱食方面主要有: 蕎麥麵/ 烏冬/ 2-3款定食先叫主食先~~林屋和食料理 單點$88/配自選茶$108呢款基本上就係咩餸都有少少, 岩晒三心兩意的朋友們🙌🏻有鯖魚,魷魚沙律,玉子,韓式魚仔,醬油帶子,串燒雞肉等等..基本上每一款都好味..🤩值得一讚!特別愛佢既魷魚沙律同鯖魚呀🐟調味十分適中好送飯😋估唔到呢度既飯竟然係茶底!!☕️有淡淡茶既甘香味,非常特別!另一個主食我地揀左京式饅魚飯(原條) 單點$98/配自選茶$118飯一樣係用茶底 仲多左d雞蛋絲,加上索左饅魚汁..更加好食!不過饅魚略嫌唔夠厚身同有少少難分割...我地都幾鐘意呢度既定食配上醃蘿蔔, 酸酸的味道可以減淡油膩感 : >食完就同員工講上得甜品喇😍期待!!香港限定芭菲$98 係多層次的一款呢!以下食材為不順序排列😂😂蕨餅: 有少少入口即化又透心涼既感覺!好食💚士多啤梨夾層: 食到一粒粒香

耐唔耐抹茶癮就會發作 今日就趁lunchtime去太古既京林屋食返個抹茶lunch雖然一心為個甜品，但正餐都要食既京式鰻魚飯係原條鰻魚呀 定食仲會有前菜同埋麵豉湯講返個飯先，上面會有舖滿飯既蛋碎同紫菜碎。唔係白飯黎既，係已經撈匀左鰻魚汁既飯。鰻魚骨唔多，就算有都係軟骨，我會吞埋 因為係原條，真係啖啖肉焙茶 朝薰焙茶即是炒過既茶葉，店員上茶時先介紹沖法，亦會附上說明卡以防你唔記得左每次用熱水倒落茶壺至八成滿，然後就反一反個漏斗仔，當沙漏完就係大概30秒，呢個時候就飲得咖啦。第一杯茶味十分濃，到第二杯雖然較前一杯淡，但茶香就更突出。每杯都有唔同味道，特別香港限定芭菲主角出場了 一杯芭菲有多種味道同口感。抹茶味濃，唔係得奶味，而且唔會太甜 除左抹茶雪糕，仲會有白玉、蕨餅、啫喱。食到底仲會有士多啤梨 一杯就完全滿足晒我既願望 正

今晚約左住太古城的朋友食飯、偏好抺茶的我們到了專吃抺茶甜品的京林屋。金目鯛定食$88今次沒有點鰻魚飯、反而試了金目鯛。熱騰騰的金目鯛肉質軟滑、有點像銀鱈魚、有種獨特魚香味、不過飯略嫌有點不夠熱。秘製抺茶蕨餅 $88抺茶粉和蜜糖分開上、與我在日本吃已經沾上抺茶粉的有點不同。蕨餅口感像啫喱、比較軟滑、蘸上抺茶粉和蜜糖後吃到茶的甘味和少許甜。焙茶卷蛋 $88這個是我很喜歡點的甜品。焙茶沒抺茶般甘甜、但卻有濃郁的茶香、跟較甜的卷蛋味道非常夾、配上紅豆和丸子更加美味。

最近搬左黎太古上班，成日經過京林屋覺得環境好靚好舒服，以前以為佢淨係得甜品，原來佢有lunch set，有饅魚假、烏冬個啲，我就約左同事黎試。好彩我地早黎，有得坐靚位！日式雞扒飯配面鼓湯 雞扒好林，唔會太肥，個汁好味，啲蛋又夠多，啲紫菜好特別，陣味好raw玉露。玉艷 係日本最貴既茶葉，呢到有得試！店員仲教我地沖完茶可以食埋啲茶葉配上柚子是油好甘香！未飲過咁正既茶！必試！甜品都試埋呢個抹茶芝士真係一流，口感夠實，抹茶味濃，雪糕配紅豆容又係好正，勁開心呀！