京林屋 (明宮閣) (Closed)

星期三晚上，我和媽媽到太古城逛街，經過這間店舖，被它的鰻魚飯和甜品吸引著，所以決定在這間店舖用餐。這間店舖的是以和式裝修真的好似到了日本小店光顧一樣，櫃內展示了茶類、雪糕、蛋糕等食品，顯得店舖的裝修讓人感覺很整潔舒服。事不宜遲嗱嗱聲叫食物，首先我就叫了京式鰻魚飯，而媽媽就叫了金目鯛定食。飲品方面，我哋就叫咗玫瑰蘋果煎茶及桃味焙茶。發現這間鋪頭每一樣食品都會有個餐盤裝住，影起相黎美觀性大增，而且食物感覺上質素很高。先來了京式鰻魚飯，鰻魚飯跟一個味噌湯，碗內的鰻魚有兩大塊，而且每一塊都啖啖肉、很厚身，鰻魚旁邊有一條條的蛋絲及上邊鋪滿了紫菜，感覺上很豐富，而鰻魚飯的飯底是用了培茶去煲飯，每一口飯都有濃濃的培茶味。另外的金目鯛定食，金目鯛口感很滑，好似食緊魚腩的質感，一點也不覺得油膩，放入口入口即溶，這個定食配埋培茶飯，感覺食得很健康。跟着主食來的煎茶和培茶，都是盤內跟一個茶杯、一個茶壺及一個漏斗，感覺上真的覺得這店對沖茶的要求很高，而且茶品也很精緻。沖茶前，都需要看看指示，先將滾水到進茶壺內，然後反轉漏斗，讓流沙又頂倒到底，大約30秒左右，就可以將茶壺的茶倒進杯子裏，沖出來的茶便會恰到好處，

Whenever i passed by this restaurant, i thought that it only goes for desserts. It is good to know that having a proper japanese meal and dessert in one place with a tea theme.I ordered a Kyohayashiya Obanzai (tea set - $108), which was consisted of four little plates and a bowl of rice with tea flavour. I was impressed with its huge diversity of food in this set.The top-right hand corner was an appetiser - octopus salad, in which the octopus was chewing while the veggie was brittle in texture.T

相對於綠茶我們更愛焙茶那種幼滑香濃的味更令人愛上先吃飽肚子再吃甜品京風鰻魚飯是這裡的主打兩大條鰻魚口感軟滑油脂豐富尤以魚皮部分更富油香白飯以焙茶煮成呈深褐色飯質軟糯是煮得很棒的米飯另點了熱湯稻庭烏冬能吃到這種秋田名物也相當不錯焙茶牛乳的焙茶味比較淡薄冰塊融化後味道更加淡口吃罷鹹點就是甜品時間黑蜜牛乳芭菲體積巨大上層有牛乳雪糕果凍白丸丸子等下層有玄米忌廉糖漬栗子等雪糕淋上黑蜜後更有香甜的感覺最後是焙茶芝士蛋糕蛋糕軟滑口感極濃厚芝士的濃味有點蓋過了焙茶味我更愛旁邊的焙茶雪糕茶味香濃配上紅豆食用好滋味

收工行咗陣太古城後，晚飯想搵特別少少嘅嘢食，於是搵到京林屋。此店以抹茶、焙茶及相關甜品作主打，亦有各款日式定食。環境乾淨企理，十分舒適。先來熱茶。葡萄煎茶離遠已聞到果香，焙茶朝薰口感清爽，老少皆宜。由正餐到甜品都有靚茶清清腸胃，非常爽。教埋你點沖。老婆叫嘅鯖魚定食，我試咗少少，鹹度恰到好處，好味。而我就叫咗京式鰻魚飯。鰻魚夠肥美，但個飯食落又唔溜喎，不愧係招牌菜。食完飯食，上甜品！焙茶芝士蛋糕，無論蛋糕定雪糕都有回甘茶味呢～林屋抹茶芭菲，睇個樣都覺得開心啦，原來抹茶雪糕球下面又有抹茶軟雪糕，雙重抹茶享受，好香好滑呀～又係開心嘅一餐，京都口味好嘢～

又來到與母親大人撐枱腳的日子，愛到太古城覓食，其中原因是人不多，容易找位子。上年12月時， 帶過母親品嘗京都都路里的綠茶甜點，有滿滿甜在心頭的回憶。今天特意帶她來吃相同風格和茶式的餐廳重溫一下。日式簡約裝潢，寬闊座位，整個氛圍就如置身京都的綠茶甜點店一樣。最令人期待的鰻魚飯居然今天沒有，很失望😢。只好點雞扒飯定食和金目鯛定食。雞扒有驚喜，肉質嫩滑而且juicy。金目鯛甜醬油味濃，魚質鮮嫩，配以燒汁拌過的紫菜飯令人胃口大開。玫瑰蘋果煎茶和桃味焙茶，侍應小姐端出盛載茶壺茶杯和沙漏的托盤，賣相精緻高雅。喝水果茶最怕如台式系列那般太多糖份導致過甜。日式的水果茶，果味濃卻沒有甜味，煎茶散發陣陣玫瑰清香，焙茶則有炒過的熏香。培茶芝士蛋糕，雖是甜點，入口卻有點意想不到的咸味，質地軟滑。綠茶卷蛋糕，有綠茶雪糕，紅豆和丸子。紅豆味濃軟滑，配上雪糕一起吃口感和味道皆豐富。

我本身愛食甜品, 而京林屋係我其中一間最常去的店舖之一, 早前便去了位於太古城的分店. 來這裡除了食我最愛的甜品外, 咸點也不要錯過. 佢地會定期推出新款式, 今次我就試了鯖魚定食. 鯖魚都幾大條, 味道調教不錯. 而飯帶少許黏, 係我鍾意的口感. 飲品點了熱焙茶牛奶忌廉. 一見到滿滿的忌廉我就好開心. 忌廉又香又滑, 完全唔會覺得膩. 而且甜度適中, 入口有淡淡的焙茶香味. 每次來京林屋, 我必食甜品，今次試了新推出甜品 - 抹茶紅豆白玉金磚. 這個要等大約二十分鐘, 終於等到甜品上枱. 吐司上放了抺茶味的軟雪糕. 而配料有白玉和紅豆. 吐司幾脆身. 而抹茶雪糕夠幼滑, 抹茶味道也算香濃. 當然不能錯過白玉和紅豆, 混合雪糕或吐司一齊食, 多重口感. 食完甜品, 感覺十分滿足.

全店好整潔，布簾，方格和紙牆，好日式既氣氛。係呢個咁靚既環境，真係好配合餐廳既餐牌。最先到既係「煎茶 綿上之花」。個煎茶好得意，有個說明書教我點沏。口感好順滑，水溫唔會太熱，同以前飲過既煎茶唔同，香好多，可以飲到第四杯左右。兩個人飲剛剛好。熱抺茶喬麥麵，啲麵有好清香既抺茶味，份量充足。呢度主打綠茶同焙茶甜品，秘製抺茶蕨餅，好Q彈，甘甜綠茶味好濃，上碟靚到不得了，同煎茶一齊食可以話係絕配。香港限定芭菲，同一般芭菲唔同既係，放左好多唔同口感既綠茶甜品，有綠茶啫喱、綠茶布叮、綠茶雪榚，再層曾相間新鮮生果，脆米，一路食，一路有驚喜，必需要試。呢度真係一間收藏係民居既精緻既日式食店😌。值得一試再試。

今晚約左住太古城嘅老死食飯，佢話佢屋企樓下開左京林屋分店，仲有定食添！身為抹茶愛好者嘅我地決定食佢！雖然係食飯時間（7點左右）但好彩未滿座，冇book位就可以入座啦。餐廳裝潢一貫以和風作主調，簡㓗明亮。打開Menu, 全是抹茶焙茶甜品，好吸引！仲有幾款日式料理同定食俾你揀，睇相已經流曬口水🤤。京式鰻魚飯（原條）$98 呢個鰻魚飯絕對抵食，原條上、厚身、肥美、唔會太淋而有啲煙韌、唔腥、無骨，雖然唔係世界級好食，但$98有原條鰻魚，平靚正！加$20（$118）可以配自選茶，抵呀🤤 林屋和食料理 $88，配自選茶$108呢份料理嘅presentation好靚。分左4格料理，有玉子、元貝、鯖魚、八爪魚沙律等，味道偏甜，好有和食風味。最後係甜品啦！秘製抹茶蕨餅 $88蕨餅咁店家每日新鮮製作，口感滑嘟嘟凍冰冰，帶有清香抹茶味，味較清淡，配上黑蜜同抹茶黃豆粉更加滋味！焙茶芝士蛋糕 $88焙茶芝士蛋糕芝士味同茶味都好出，配上冰凍焙茶雪糕可減低膩滯感，而附上嘅白玉丸子都夠煙韌彈牙，正！另外，餐廳坐得舒服、服務周到，會再encore!

呢排新年，有個親戚係外國番黎香港拜年。佢話係外國好少有日本野食同埋想試下食日本既甜品，所以我就帶左佢去京林屋，可以滿足哂兩個願望。我地一個人叫左一個主菜同一個甜品，另外我自己想飲野所以就叫左杯飲品。讚岐烏冬：首先個賣相望落相當精緻，好吸引。個湯底唔會好咸，而且d烏冬超級彈牙唔會煮到過哂時間軟哂。另外佢個魚餅好彈牙，同個湯好match。京式鰻魚飯：本身我好鐘意食鰻魚，個賣相有二大塊鰻魚好興奮！ 個鰻魚有咬口得黎仲燒得好香好入味，加埋佢個燒汁食簡直係絕配！ d蛋絲特出左鰻魚既香味。d珍珠米好有咬口，甜甜地好好食。香港限定芭菲：呢個芭菲係我最鐘意食既甜品，而且佢係一個好有層次既甜品。首先個雪糕既抹茶味好rich。當你食完個雪糕之後就會有d小丸子同抹茶蕨餅。再食落d就係雜果味既啫喱。抹茶沙冰雪糕：首先佢個雪糕球個抹茶味係比芭菲雪糕個抹茶雪糕味甘d同澀d。另外佢個抹茶沙冰好濃厚既抹茶味，連埋d沙冰飲個口感好好。焙茶卷蛋：首先個蛋糕d cream好幼滑，好鬆軟同好有焙茶香味。個雪糕配埋個小丸子同紅豆沙都幾夾，令到成個層次提升左好多。總結：餐廳環境同氣氛一流！食物睇得出好用心去整，而且整得好精緻。

呢間位於太古城嘅京林屋係日本京都嘅老字號店鋪，主打抹茶同焙茶甜品，除此之外仲有唔同嘅茶同埋少量主食。入邊裝修非常之日式，靜靜地岩哂同朋友一齊嘆好野Menu有好多款唔同嘅甜品，仲未揀到食咩嘅我就同朋友叫咗兩款主食先第一個係鰻魚飯，個飯用料十足，有兩大塊鰻魚加上滿滿嘅雞蛋絲再配埋甜甜嘅鰻魚汁，夠大碗得黎又好食。跟個飯仲有面鼓湯同埋前菜。朋友就叫咗個和食料理，可以睇到乜都有咁，最好食嘅就係個燒魚同埋蛋餅，其他幾款都未食過，食落去好特別，味道都好好。之後仲叫咗一個桃味焙茶，諗唔到個茶竟然有好好香嘅桃味，但係飲落一啲都唔甜，呢度有個茶壺俾你，仲好貼心咁有個教學俾你睇住沖，大概沖三次到，啱晒食完甜品沖走啲甜味啦甜品方面叫咗個係抹茶紅玉金鎛，新鮮嘅抹茶雪糕配上啱啱好好嘅多士真係好夾呀，佢嘅抹茶雪糕真係好香茶味，同平時食到嘅雪糕多士好唔同，呢個高質好多跟住仲有一個焙茶芝士蛋糕，鍾意食焙茶嘅我當然要叫返個焙茶嘅甜品啦，個蛋糕做到好香茶味食落有rich嘅感覺，加埋個焙茶雪糕同埋紅豆好滿足，佢啲茶嘅甜品真係做得好好 下次會再黎食

太古 - 一個住宅式圍城 中間有著一個大型商場 店舖林立 衣食住行皆滿足到區內居民生活太古有好多不同類型餐廳 檔次都有所不同 由低價高價有快餐到fine dining 到一應俱全 但要講到甜品店 選擇就比較少更多選擇可能要出返西灣河筲箕灣 估唔到到抺茶名店「京林屋」靜靜雞開左分店 仲記得2016年成立六羅灣希慎廣場開設分店造成排長龍經過太古又未食午飯 睇一睇menu 和食加甜品都好吸引女朋友又鍾意食抹茶同埋魚類 就試吓佢嘅午餐新店選擇開於地面 亦正正就係屋苑樓下相當容易見到及到達 環境好開揚 閒時品嚐一下甜品 很賞心樂事抺茶牛奶 $46鍾意牛奶嘅朋友都可以嘗試一下京林屋抺茶牛奶奶味比較重抺茶味比較清香 容易入口又唔會過濃呢啲天氣飲熱奶係比較舒服金目鯛定食 $88午餐叫左個金目鯛定食 鯛魚汁燒外表吸引「金目鯛」肉質細緻鮮美，適合任何烹調方式金目鯛魚肉鮮甜嫩滑 加以汁燒煮理之後 入味非常 甜鹹適中而且今次個飯係培茶烤烘而成 更帶有甘甜茶香 米飯口感亦較煙韌彈牙特製京林屋饀蜜 $98來到京林屋 甜品點會走甩由抺茶到培茶 小吃定貪住吃都一一俱備眼闊定肚闊都一定有款岩你食我就係眼闊型 所以寔中係

本身並非抹茶控, 曾到過京都旅遊, 那裏古雅的氣氛和風土人情都令我印象深刻。這次碰到這間京都風極濃厚的店子, 感覺既親切亦富風格。跟友人每人先點一款套餐做晚飯, 呷過一口甘香的綠茶, 心情頓時放鬆下來。茶葉添了玫瑰和蘋果, 香氣撲鼻怡人。金目鯛定食定價合理, 添了醬汁的時令金目鯛魚肉質不錯, 日本米亦飽滿香軟, 值回票價。友人點的林屋和食套餐外觀吸引, 很有懷石料理風格, 令我想起在京都温泉旅館吃料理的格局, 每款食物都很精緻。鯖魚和玉子都很美味, 幾款食物的配搭都很好, 令套餐變得豐富和具特色。當然最期待的仍是甜點。這款香港限定芭菲不能錯過。除了必試的抹茶軟雪糕, 還可嚐到京都名物蕨餅,和熛韌的白玉糰子,底層還有脆米,焙茶啫喱和士多啤梨等充滿層次, 定能滿足多心又心思思的甜品控。友人想吃熱的甜品, 這款甘栗甜湯看來很高雅充滿古都東瀛味道, 濃濃的抹茶湯甜中帶甘, 適合喜歡幽郁口味的抹茶愛好者。

朋友是抹茶腔，所以放工後帶了佢去太古的京林屋食抹茶甜品。我們點了玉露，茶葉應該是無煮過，茶味較苦及帶點腥，但又比煎煮過的茶較清新，入口回甘，最後加點柚子醬油在茶葉內，味道似食紫菜。我的京式鰻魚飯，燒汁鰻魚味道帶甜，肉厚且滑，鰻魚帶點彈性，送飯一流。朋友的林屋和食料理，有沙律、蛋餅、魚乾、鯖魚等，鯖魚比較多骨，沙律有些咬口，好似係墨魚粒，煙煙韌韌。我的香港限定巴菲，抹茶軟雪糕有差不多平時兩倍的份量，抹茶味濃郁甘香，抹茶苦澀再回甘感覺，是抹茶友至愛，下面有些香脆爆米花等，比正餐更飽。朋友的抹茶芝士蛋糕，蛋糕比較膩，但茶味濃郁，雪糕不及軟雪糕的茶味香濃，不過都屬高質。

原來太古城開咗京林屋，仲有咸食添！兩個女仔，叫一個咸食，然後可以瘋狂的食甜品🤤叫咗個照燒雞排飯餐，估佢唔到個飯底係有味飯黎，食到Lam Lam 脷吖！個餐可以跟一杯茶，我要咗焙茶，店員教要等漏斗漏完就可以飯，再加水又等漏斗完就得，總共可以加水3次，焙茶味道溫和d，我自己幾鍾意！友人叫咗杯凍焙茶牛奶，又一驚喜，味道好夾，有少少日本碳燒咖啡的感覺！甜品時間~幾款芭菲其實都好吸引，不過我呢個麵包控，叫咗抹茶紅豆白玉金磚，呢個要早少少叫定，因為要等20分鐘，不過非常值得等待，因為真係好好好好食🤤熱辣辣丹麥吐司底，加上抹茶軟雪糕，仲有軟綿綿既紅豆同白玉丸子，吐司個邊仲脆卜卜，加埋凍冰冰既抹茶雪糕，每一口都係幸福的感覺！另外仲叫咗個焙茶蛋卷，蛋卷人口感覺很輕盈，唔會太甜，配埋焙茶雪糕同紅豆，今餐真係非常完美！

香港而家茶風盛行，茶類飲品甜品琳瑯滿目，其中這間位於太古的京林屋卻是我至愛。餐廳咸食款式不算多，只有幾款定食及麵食，主要的是甜品類，以茶為主題，其中抹茶是主要的甜品素材。金目鯛定食金目鯛表面塗滿燒汁，所以帶點甜味，魚肉油份豐富，基本上一半是魚肉，一半是魚油，油脂入口甘香而且唔腥，加上沒有魚骨，可以安心食用。抹茶蕎麥麵蕎麥麵比較簡單，只有一些雜菌及蘿蔔蓉，以及日式芥末配醬汁，麵質爽口而且有彈性，還帶有點抹茶的清香，簡單且清新。焙茶芝士蛋糕芝士蛋糕的焙茶味濃郁，質感幼滑，芝士味不會蓋過焙茶，無一般的芝士蛋糕咁膩，而焙茶雪糕味道不及芝士蛋糕濃郁，但依然有茶香。林屋抹茶巴菲抹茶雪糕味濃，茶味苦中帶甘，下面是紅豆及忌廉等，份量十足。煎茶入口有茶香，不過帶點苦澀，等一下就開始回甘，口腔內留有茶香，不是一般茶包所能媲美。