京鮨 (Closed)

今日午飯時經過，因為阿仔想食鰻魚飯，見有鰻魚飯丼，$88，order 左，俾我時，嘩，得4小塊，1.5cm x 7cm , 張單話有三文魚湯，但淨係俾我一包淳茶舍 ，有無搞錯！

每次經過想試好耐，終於今日買咗火炙三色丼外賣 (餐廳只做外賣)。抱著期待嘅心態打開飯盒，看到時實在非常震驚。實物同餐牌照片相差十分遠，餐牌上的三文魚為一片片但實物是一粒粒，心想不如買角切就算。賣相很差，像吃剩的食物。後來忍不住致電店舖反映，女店員(不知是否老闆)表示燒完縮小了又賣相變差係正常。另外直接walk in 自取，比起用網上外賣平台外賣自取貴了30元，大家如果食的話記得用網上外賣平台落單。總結係，個人認為完全不值98元。失望!

見佢標榜赤醋飯，諗住去試吓。睇佢其他錢都知唔係高檔野，冇expect咁多。但估唔到啲飯可以難食到一個程度，仲衰過爭鮮，好硬。啲魚好唔好食都唔講啦，但係啲飯係基本呀嘛😩

House warming，朋友指定想食壽司刺身，經過京鮨，留意到有按磅計算的剌身選擇，價錢合理。睇到網上評價一般，同師傅傾左幾句，據說已經轉換了日本貨源，決定試吓。叫左特上壽司（10款共40件），加三文魚、劍魚腩、加拿大海膽。劍魚腩同三文魚非常新鮮肥美，最受歡迎。👍🏻😋特上壽司拼盤，赤醋飯的確做得好，亦係賣點，壽司用料新鮮，除了和牛壽司太鞋，碎拖太淡，其他壽司都相當滿意，壽司上的調味和點綴的小配料和壽司配合得宜，連配上紫蘇葉都很新鮮，紫菜夠脆，豉油、wasabi亦相當足夠，可見細節用心，值得一讚。👍🏻總體而言是滿意嘅一餐。🍣👍🏻

一直都有幫襯開，今次去到個收銀同壽司師傅唔同左樣，都不以為然，叫食開果個餐。京鮨既壽司飯團出名好食，唔會一陣死醋味同飯粒粒分明，師傅有心做無做爛市，貴小小都有道理。今次啲係同一個色水，但米飯黐立立、一陣死醋味、仲溝埋白飯 同之前食開好唔同，好失望刺身色澤暗啞，食落粉粉地，唔太新鮮。同之前食開大隻又新鮮既好唔同，而家好似食緊爭鮮既貨色。不過玻璃肚既我又無肚痛，衛生都總算過關。唔知係唔係生意唔好轉左手，食物質素差咗，我諗都唔會再幫襯啦

疫情期間好耐都冇食過日本嘢，尋日下晝買嘢經過一間細細間的日本餐廳（真係好迷你～經過過咗都唔覺🥹），外表好日化，內裏都好乾淨，雖然鋪面不大，但做外賣係足夠嘅！本人最鍾意食吞拿魚嘅，突然見到門口嘅餐牌有大滿足吞拿魚丼，丁一下想try try （雖然唔肚餓）！見到呢間日本店的佢哋d米飯係堅持以「江戶前」傳統手握壽司製法，選用酒粕發酵的赤醋來製作壽司飯，嚴選日本各地之時分魚鮮相配，以傳統食事及當代板前創意完整結合，務求為顧客帶來回味無窮之鮮美體驗嘅。大滿足吞重魚丼裡面有赤身、中拖羅、大拖羅、蔥拖羅蓉等，價錢$188，仲送一碗海鮮清湯！哩個價錢係okay的！大拖羅⋯⋯入口即溶非常美味，肉身顏色較淺，是整條吞拿魚擁有最多脂肪的位置，係我鍾意的果仲感覺！中拖羅⋯⋯是吞拿魚的背部和腹部位置，脂肪較大拖羅少。赤身⋯⋯吞拿魚的正中間部分，較結實，脂肪亦相對較少，整片均為紅色，蔥拖羅蓉⋯⋯由拖羅與京葱打成的拖羅蓉，足料得非常過癮！😁個飯呢同比普通壽司飯淡啲（本人比較重口味）。整體來講新鮮好食都抵食😉

今日去西環，好想食日本野但又唔想食連鎖式集團，經過呢間京鰭於是乎就買返屋企食！嗌左好多野，特別推介呢兩件::::我最愛嘅炙燒左口魚裙邊入口即溶既口感真係超正！外賣黎講我俾⭐️⭐️⭐️⭐️⭐️另一個必食就係呑拿魚，我平時最憎，但呢件呑拿魚回頭率爆燈🌟🌟🌟🌟🌟重點。。醋漬飯完全唔洗再點豉油飯既口感好有質感！唔會太黏又唔會太酸好食既sushi..飯係質素係好重要😌服務誠懇，高質素外賣，下次一定會再幫襯!好味過元x千x板x多多聲！

拍板事件仍然記憶猶新，但人總要向前看，所以我比咗呢個機會佢，佢有冇用心同珍惜呢個機會？我真係唔敢講，我只可以講仲有好大進步空間⋯⋯🥢北海道帶子刺身 $35 ⭐️⭐️⭐️/ 三文魚刺身 $40 ⭐️⭐️/ 珍寶赤蝦刺身 $48 ⭐️⭐️/ 赤身刺身x2客 $130 ⭐️⭐️⭐️首先我想講刺身無用乾冰墊底，全部刺身都唔夠凍，至於質素都係普普通通，唯一有驚喜係赤身，魚鮮甜之餘仲齒頰留香，不過刺身內藏幾多筋，其次係三文魚有咬唔開嘅魚骨，帶子同赤蝦就不過不失🥢芝士軟殼蟹卷 $56 ⭐️⭐️⭐️⭐️呢個卷幾好味，不過唔知裡面除咗軟殼蟹仲有乜，因為軟殼蟹無可能咁粗，整體嚟講係芝士令個卷變得好味🥢火炙三文魚壽司x2 $24 ⭐️⭐️⭐️🥢馬刀貝壽司x2 $32 ⭐️⭐️⭐️🥢魷魚壽司x2 $32 ⭐️⭐️⭐️🥢海膽軍艦x2 $76 ⭐️呢間店係用赤醋飯，但我覺得無乜特別話好味，幾款壽司都係不過不失，其中海膽軍艦無乜海膽味之餘紫菜仲淋晒二人共消費：$325 (foodpanda 週末優惠)後記：1）按原定取件時間超過起碼20分鐘，但一句唔好意思都無！2）咁嘅質素唔值呢個價錢，我哋都係叫少少試吓，呢度只係夠我哋兩個人六成飽，其實壽司店西環區有大把選擇；