L.D.K. by Ufufu Café (世貿中心) (Closed)

無諗過$98有5片好滑既牛肉，唔會有一行白色既肥膏，份量剛好！抵食。唔知點解平日夜晚無乜人，希望佢做得住啦！朋友吃芝士和牛漢堡都話好味，最後加個法式吐司做甜品，大満足

第一次食ufufu cafe，係 ig 睇到廣告就即刻去左試，所以今次去係為左食 pancake 的去既當日好好彩，唔多客人，坐得幾舒服不過依間餐廳有用餐時間限制～　大家要留意一下！沙律意外地又幾好食，個醬汁酸酸地好開胃！蔬菜都食得出好新鮮的！自家製煙三文魚蕃茄意粉一向唔多選擇蕃茄醬意粉既我，比塊煙三文魚吸引左，最後都係揀左佢，結果係失望既。。因為蕃茄醬既調味唔岩我口味，覺得酸左少少，同埋太稀身。。。不過依一點就係個人口味問題，都唔可以怪佢既意粉係比較煙韌有咬口既，依一樣幾特別！粟米湯酥皮幾好食，香口～湯都好好飲原諒我影得唔太好睇，因為實在太肚餓我無乜心情影相豬扒飯本人無食過依碟野，但身邊朋友話係幾好食的，我見佢豬扒份量都幾多就是了龍蝦意粉唔係唔好食，又未至於話好好食既感覺，但有得揀我會重新揀過第二個菜式意粉同樣都係有咬口的～　如果本身鐘意食有咬口既意粉，我諗都會幾鐘意水果三文治依間餐廳雖然主菜都唔太岩我胃口，但甜點類真係好好食！！白麵包夾著奶油 + 水果，甜而不膩！不過食果陣有少少狼狽，因為中間啲 cream 同水果會擠哂出黎草莓 pancake好好味呀！完全無失望，而且賣相仲好靚，

下午茶時段，人流不多，食物價錢又唔貴，實在抵食之選喜歡選擇呢個時間搵食今次食左咖哩豬扒蛋包飯+咖啡（$58）+綠茶芒果忌廉芝士蛋糕（$38）。蛋包飯份量好大份，唔係平時下午茶的份量，味道也很不錯，日式咖啡香甜，蛋香，豬扒炸得剛剛好，飯是茄汁飯👍🏻👍🏻好味但太大份食唔晒！另外叫左個綠茶芒果忌廉芝士蛋糕，綠茶味香，唯餅底較散，但都好味咖啡是日式炭燒咖啡，味道香醇在一個寧靜下午，嘆一個美味下午茶，一個字，正！

估唔到呢度嘅意粉口感咁好係好有嚼勁嗰種😍野食款式都勁多揀野食都揀咗十分鐘🤣而意粉嘅味道就正正常常啦酸酸地辣辣地咁😗我地仲嗌咗個明太子忌廉烏冬明太子同忌廉都好香但係因為無乜料嘅關係食食下覺得有啲膩如果可以多返啲肉應該會正啲😛最後仲嗌咗呢個甜品又係揀咗好耐先揀到呢個栗子抹茶芭菲栗子蓉都幾多嘅但係我覺得甜咗啲🤣不過原來栗子同抹茶好夾😍中間仲有好香嘅雲尼拿雪糕🤤整體嚟講呢個芭菲係好食的我諗其他味應該都唔差☺️

第一次來此店，試下蛋包飯滑蛋好滑，蕃茄炒飯，內含鮮磨菇，加上牛肉汁，令整體個蛋包飯升華到一個好好點。雖然沒有實體的牛肉，但是肉汁豐富有整隻牛肉味我加左$38 有沙律及酥皮粟米湯沙律汁酸酸甜甜好開胃可是個酥皮粟米湯就一般，酥皮都ok, 但是個粟米湯比較偏酸的味道，個人就覺得麻麻地。店舖的內在環境很舒服😌我看到餐牌內有很多甜㸃的圖片都非常吸引，可是完成了一個套餐之後，已經沒有其他空間放入甜點，只好下次同朋友們一起再來試試吧！

又到士多啤梨既季節喇LDK推出左日本士多啤梨甜品系列厚厚既梳乎厘班戟唔太甜襯埋落d🍓同醬好夾味道啱啱好食落口有重好幸福既感覺心太軟芭菲都係有新鮮士多啤梨整成最頂果層好似triamisu咁加埋個心太軟但個心太軟可能焗耐左 唔夠流心一匙吉落去要等左陣先慢慢流d漿出嚟綠茶法式吐司即係法包加綠茶雪糕加紅豆再加cream佢個吐司烤到外脆內軟夾埋其他配料又幾好食不過要襯熱食 放耐左d雪糕溶左吐司又淋左個口感都幾差

八點幾放工在銅鑼灣搵食，本來想求其食間就算，但喺世貿中心門口見到呢間新餐廳，食物多元化，又有蛋包飯，又有日式甜品 ，好似好吸引，一於對自己好啲！我叫咗個日式肉汁蛋包飯，加$30有沙律同酥皮粟米湯，個湯粟米湯超級好飲將個個酥皮浸入啲湯度一齊食，勁好味個沙律就非常普通，叫做有啲蔬菜食吓，咁呢餐無咁guilty呢個肉汁蛋包飯賣相好靚，入面啲飯係蘑菇炒飯，都幾好味！終於我嘅主菜出場！宇治抹茶芭菲見到已經口水流，每一層都有不同嘅嘢，上層有抹茶雪糕加cream ，配上紅豆加蕨餅，好有口感，仲有塊脆餅好好味！ 呢度仲有北海度蜜瓜日式疏乎里，好似好好味，可惜只在下午五點前供應做嘢咁辛苦，一於對自己好啲，下次weekend嚟食！

日式肉汁芝士蛋包飯 $88蛋包飯黎講 LDK唔算貴 質素都有返咁上下蛋包飯有兩樣野比較緊要 一係蛋 二係汁先講蛋 最低要求當然係唔可以老 火喉一過真係會毀左成個飯 話有返咁上下即是蛋肯定過關啦 雖然未係食過最嫩 都叫唔錯 蛋上面既海苔碎唔算多 點綴效果多於吊味汁方面食完我都講唔出係咩汁 不過都處理得ok 味濃得黎唔會太漏 本來都怕有啲膩點知又唔會至於說好的芝士 唔講唔覺 原來係同蛋混左一齊 效果又幾好喎 雖然減底左蛋既嫩滑度 但就多出幾分口感 加上芝士又係我鍾意既 分已加金玉其外不過就無敗髓其中 蛋包住既飯紅紅地 食落都似係西炒飯底 個人蛋包飯食法係蛋連汁連飯均勻地一齊食 口感豐富得黎又juicy辣豚肉担担湯烏冬 $88本來叫一飯一甜品當二人晚餐 食落覺得仲有quota就加點一份烏冬呢個烏冬有啲新意 担担麵食唔少 依家變左担担烏冬 而且出現係西式餐廳 因為想食啲湯麵所以先叫 好在無中伏 可以一試担担麵精萃當然要數獨特既湯底 呢份烏冬就無咁花生口味 落左既兩片蕃茄令佢有少少蕃茄湯元素 反而肉醬食落口係幾担担麵風 另有唔少蔥絲同洋蔥 多返少少唔同口感烏冬驟眼睇以為係稻庭烏冬 一食就知原來唔

因為超鐘意食蛋包飯, 亦勁愛芭菲， 所以大年初二來到位於銅鑼灣L.D.K. by Ufufu Café ，一次過可以2滿足晒兩個願望。計劃了先食飯再去睇煙花, 所以必要提早開餐。 六點左右來到餐廳唔使排隊可以直入，絕對是BONUS。 餐廳裝潢上和一般日式西餐廳差不多，給我的感覺是夠光猛、 簡潔，坐位不小, 且排得密密，絕對是適合一家大細用餐的地方。 店員也是有善的小鮮肉為主，女性客人會感到特別舒服。 餐牌也像日本西餐廳， 圖文並荗，看圖識字，小朋友也懂。目標明確, 先點了兩款主菜 $92 、 $108焗酥皮栗米湯 套餐 +$30先送上枱是 店員窩心地提醒相當熱，頓時加分。 酥皮焗至薄而脆，不算太油，將小量酥皮推入湯中，想一啖放入口中，但栗米湯相當熨口，靜待一會後，再嘗試，栗米湯尚算香甜，吃到原粒栗米。咸香酥皮吸收了清新栗米湯， 味道匹配, 而且十分飽肚。 不久男友的主菜 也送到面前份量比港式鐵板實差幾皮，港式SELL乜 …  一定係 SELL份量；而L.D.K. by Ufufu Café  明顯是 SELL精緻。難怪見到同埸有不小女性客人也點鐵板餐。 男友也不是食肉獸，反而我對

Ufufu 第一擊 - 先講吓呢兩個各有特色嘅主食，下篇先講甜品 👻 話說Ufufu 好多主食定價都唔太平，以下呢個系比較實惠嘅主食。走西日式風格嘅 Cafe 佢地所有食物嘅賣相都好吸睛，但味道都唔算太細緻，都係重口味汁多拉絲主導嘅菜式，似乎市場定位都幾清晰係 target 年輕客群多啲白芝士咖喱雞烏冬 ❤️ ($88)評分：7.5/10.呢個咖喱味道唔順好濃，系奶香度數為主調，完全唔唔辣，但好濃郁，因為太易入口，好容易會食得太快唔知飽 😂 甚至比較似係食汁飽 😅 有兩大舊炸得幾香嘅炸雞，其實相入面突出黎嘅只係佢哋嘅冰山一角，炸雞都幾乾身 👍但我嫌成碗麵唔太夠熱，凍咗之後唔味道跌 watt日式肉汁芝士蛋包飯 ❤️ ($88)評分：7/10.多塊漢堡扒價錢即刻貴一節 😛 於是我哋都係決定還原基本步食簡單啲嘅蛋包飯。芝士凝固得好快，好難真正撈勻入飯入面 😐 呢個其實覺得整體平平 😪 炒蛋亦唔系特別嫩滑同大塊今次係 Ufufu 嘅甜品篇 😙 其實我都係第一次試 Ufufu 嘅甜品，一個人真係未必捨得嚟食 >.> 系友人 C 同意下我哋上次嗌左兩個主食 share 之後再轉戰咗兩個

本身打算團拜去朋友屋企 順便探佢囝囝但係仔仔瞓咗覺 所以我哋就轉去商場食飯因為其他地方都好多人唯一當時有位就係呢間所以半推半就就入咗去食今日想食烏冬 所以就叫咗壽喜燒牛肉烏冬火鍋形式令人好有罪疚感 但係一上枱 嘩 勁香 飲一啖湯 嘩 好甜完全係喜出望外朋友就叫咗蜆肉意粉同埋鐵板燒好明顯就比呢個壽喜燒比下去牛肉熟咗之後我就叫店員拎走個爐食得出牛肉都唔係平價貨食完之後唔夠喉 仲叫咗個心太軟芭菲同埋蕨餅做品就差咗啲 不過見到旁邊每一台都有甜品可能因為甜品Menu起碼有20種選擇總括來講收起燒牛肉鍋係必叫!

很喜歡LDK cafe , 平時去開沙田分店，今日泥到新開銅鑼灣分店食晏，1200人流不多，不太嘈。叫了最愛牛肉烏冬，三文魚沙律,餐湯和熱檸茶。侍應非常有禮貌。期待下次再泥食甜品

銅鑼灣世貿中心開了一間新的日系餐廳，試過食物質素ok ，服務不差，最吸引的是價錢，晚餐百多元，今時今日去邊度揾😬。基乎所有主食可另加錢加沙律，酥皮湯和白飯。我點了牛肉湯烏冬，加了沙律和酥皮湯。沙律一少碗，菜蔬不新鮮，己放了很久邊位己有銹色。酥皮粟米忌廉湯好香，酥皮鬆化。忌亷湯濃稠，粒粒飽滿的粟米有口感。主食牛肉烏冬熱騰騰上檯，份量不少。湯頭清且甜，烏冬帶有靱性有彈性。牛肉質感不差，軟腍好味。整體來說，值得去試一下。I

星期四，本來即日電話訂了枱8:30，7:30早到，有枱可即時入座，L型梳化枱，三個人坐，坐得十分之舒適餐廳設計別緻，地方不大，但侍應人手充足，這裡的侍應服務態度很好又有禮。點了以下幾款(一) 帆立貝松葉蟹腳海膽忌廉汁意粉 $198意粉滑爽，忌廉汁夠多而且好惹味，松葉蟹腳鮮甜，夾埋海膽帆立貝，簡直係絕配，值得encore意見：1. 加多1/3份量的意粉2. 給客人的食蟹工具－蟹剪鉗，不夠鋒利(二) 牛肉壽喜燒烏冬$98烏冬是稻庭烏冬－夠爽，牛肉不會太肥膩，湯汁味道不錯，上枱時熱辣辣。意見：1. 鍋底付迷你火爐2. 另外，給客人選擇加錢，加配料，如：烏冬、雜菜........(三) 豚肉和牛漢堡扒和牛漢堡扒佐北海道四元豚肉生姜燒$158和牛味夠濃，煮得啱啱好，啲肉一啲都唔嚡，豚肉份量夠，適合食肉獸意見1. 個汁略甜少少2. 鐵板啲油略嫌多了一點3. 如果可以給客人選配－「薯蓉或意大利粉」就好(四) 福罔八女抹茶紅豆拿鐵(熱)$48熱飲，這樣上枱第一次見，看得出廚師的用心，綠茶味濃，十勝紅豆煮得啱啱好，最重要夾起來不會太甜意見：1. 綠茶多1/2份量更好

星期六去食lunch, 大約12點左右去到，唔洗等位。先睇門外餐牌，好多選擇，包括好多甜品揀！店員有禮貎，座位寬敞舒適👍🥗照燒雞肉沙律伴九條蔥醬汁$78份量足夠兩個人share, 沙律菜夠新鮮，配照燒雞肉，九條蔥醬汁帶有少少辣辣地，夠惹味。幾特別！👍🍜豚肉生薑燒撈烏冬$88份量頗多，豚肉用生薑汁煮，配左一隻溫泉🥚係烏冬上面，溫泉蛋蛋汁混和全份烏冬加豚肉，好好味😋🍧Tiramisu 蛋糕朱古力芭菲$88最頂有成件tiramisu cake, 唔會太甜，朱古力芭菲一定有朱古力雪糕🍦，朱古力醬，雲尼拿雪糕，jelly底 and cream.....總之就係好味道🤪