L Place Cafe (Closed)

是日同小胖女係深水埗行街,係想醫肚時搵到呢間L place cafe,見門面特別光鮮,應該新開無耐,再睇門口餐牌居然係話有A4 和牛食,食肉獸既我們出動了,餐廳佈局非常柔和,完全同好多人衝衝忙妣既深水埗係兩個世界,馬上叫野食,叫左兩個set dinner,一個A4 和牛拼黑毛豬同一個北海道帶子墨汁扁意粉,開飯前先有餐前湯同美味既牛角酥開開胃先,先上既係豬牛雙拼,唔好睇佢價錢平,用料同份量非常足,和牛咬落多汁好肉,性價比非常高,之後就係帶子墨汁扁意粉,無錯,d意粉係黑色架,食完個嘴同黑哂,雖然係咁,但非常好味,甜甜地,加埋大大隻帶子,咁既價錢真係無得輸,飲埋菠蘿蜜餞蘋果冰茶,完成簡單又好味又平既一餐

又到星期五！當然要同朋友食餐好既～ 慰勞下自己啦！今次我地揀左平價親民cafe, 結果又幾有驚喜喎！首先，dinner set原來有跟餐湯同包，仲包飲品，湯既味道好正！好難得唔係出面個種味精湯，而係真係香甜的住家湯味！已經覺得幾驚喜😊正餐方面，我同朋友試了「雙牛膾」（$108），原來是由「燴牛尾」同「牛肩胛」組成的！兩者都肉質鮮嫩，而且非常入味，非常好吃呀！另外，仲叫了一個「鹽燒香辣大蝦菠菜意大利飯」（$），飯中竟然有濃濃的菠菜味，但又不失意大利飯的口感，蝦又十分鮮甜，味道非常特別，真是超級推介呀！整體而言，食物真係幾好味！而且環境十分舒適，同朋友坐得好舒服，Waiter又幾好態度，好友善，真係相當唔錯呀！

同女朋友行開深水埗，諗下食咩好，想試下d唔係成日係深水埗食到既野，見到間裝修得幾靚既cafe，一於就試下佢。可能我地早到，唔洗點等位，好快就入座，餐廳面積不算太大，但還算坐得舒適。餐廳主打牛扒，有澳洲和牛食，我地當然唔會錯過，就點了和牛焗薯餅和鮮蝦忌廉意粉，份量俾我地想像中大好多，兩個人食都好滿足。上主菜前仲有餐湯和餐包，南瓜湯好濃郁，有驚喜，餐包都軟綿綿，不錯。和牛肉汁豐富，牛味濃，這個價錢絕對超值，必試！意粉都非常彈牙，和醬汁很配合，女朋友大讚好味，差不多整碟食晒！總括來說，這間餐廳價錢不高，食物質素有水準，尤其是有和牛供應，絕對屬於性價比高！

這天晚上踢完波就喺附近搵間餐廳食餐好ge享受下又可以補充體力，便來到了L Place Cafe. 這裡的裝潢蠻有品味，擺設漂亮有特色，老闆或許也很喜歡看電影？😆👍🏻點菜後，先來的是黑椒洋蔥湯和餐包，餐包竟然係牛角包？真係幾有誠意！讚！洋蔥湯也不過不失。然後是香辣大蝦波菜意大利飯，波菜意大利飯硬了一點但是還可以，味道也佳，配上香煎鹽燒香辣大蝦，感覺幾夾下！😆👍🏻最後主菜來了，鐵板澳洲m7和牛扒配上黑椒汁，牛扒是5成熟，肉汁香，而且肉質鮮嫩，甚是驚喜，令人吃很滿足！🤤🤤🤤黑牛也佳 ！😆👍🏻

The food was terrible. Atmosphere was cramped and the AC in this place made me feel like I was back in England. It's so loud inside and we left both of our meals after 2 mouth fulls as they were both undercooked. When we told the staff she said they weren't. Fair enough, we just won't come back...

今日放工 係ssp見到有間裝修同附近好唔同既cafe見佢幾靚就入去試一試 入面好多牛排揀 不過我麻麻地牛 所以就叫左個焗豬食 餐湯得一種 係洋蔥湯黎既 洋蔥好多 基本上個碗有一半都係洋蔥黎 好在佢d洋蔥味唔太勁 食焗野就預左要耐少少 不過杯野飲都幾快上到 今次叫左杯榛子latte 奶味幾重 味道偏甜少少 台式風味既感覺 加埋個杯 真係有強烈既少女風焗飯係炒飯底既 上面有好多好多好多汁 好正 我最怕就係d焗飯太乾無咩汁 今次幾個好ok 不過呢d係個人喜好 喜濕既朋友可以一試 可以加埋小食都係幾十蚊 不過今日可能我夜去 無左最想食個樣所以無叫 下次可以同fd早d一齊黎再叫 ：）

同男朋友行經深水埗發現有間cafe裝修得幾靚，價錢又不貴，於是決定試一試。餐廳地方不是很大，但坐落都還算可以，點好餐後，侍應很快送上餐前小吃，有南瓜湯和貎似牛角包的餐包，南瓜湯做得很濃郁，不錯，餐包亦軟綿綿的，沾上餐湯，再吃一口簡直是絕配！我想飲熱飲，所以點了花茶，侍應送上茶壺與杯子上來時，我不禁即時舉起電話影相，實在太漂亮了，如果屋企都有一套就好了！花茶味道都不錯，解西餐的膩一流。主菜點了澳洲M8和牛，肉質鮮嫩，入口鬆化，值得推介！仲有個小小生果盆，生果都非常新鮮，抵讚！再叫了一個日式蝦意粉，意粉彈牙，醬汁惹味，我差不多成個意粉食晒，哈哈總捨而言，這餐廳的性價比頗高，價錢不貴但食物質素不錯！

收工同BB食飯❤聽講呢間啲牛排幾正，所以就嚟試下😋我地叫咗兩個SET - 意式肉丸蕃茄意大利飯、澳洲M7和牛牛柳拼香煎石斑魚✨餐湯&牛角包餐湯係洋蔥湯,好濃郁嘅洋蔥同埋黑椒味, 洋蔥非常足料👍🏻👍🏻牛角包好香牛油味, 好軟熟, 同洋蔥湯係絕配啊意式肉丸蕃茄意大利飯🍅🍅🍅呢個真係MY FAVOURITE!!! 愛蕃茄之人必試!!!肉丸好juicy, 意大利飯口感岩岩好, 有咬口之如又唔會太硬🤗最重要係充滿濃厚嘅蕃茄味, 但絕對冇搶去肉丸嘅味道配埋幾粒車厘茄一齊食, 口感層次十分豐富😝澳洲M7和牛牛柳拼香煎石斑魚M7和牛我地叫咗五成熟, 有少少碳烤味, 肉好juicy好香, 又正又抵食🤑石斑魚柳 煎得好香, 冇被牛柳香味蓋過, 肉質仲好爽薯菜有沙律菜, 火龍果, 蕃薯條蕃薯條真係超好食, 甜甜地又唔流, 食完仲想再食💕套餐+$32 有兩款小食脆炸單骨雞翼餐廳好細心, 單骨雞翼絕對係方便我呢啲鍾意食雞翼又怕損雞翼嘅人🙈仲要炸得好脆, 好香, 冇油味👍🏻吉列炸蠔炸得岩岩好, 一咬落去就知道隻蠔有幾juicy每人一隻真係唔夠, 勁想嗌多份😂玫瑰花茶食完牛飲啖玫瑰花茶真係人生一大樂事🌹一壺可以泡到

同朋友經過深水埗福榮街竟然見到有間裝修得幾靚嘅西餐廳估唔到深水埗都會有呢種嘅餐廳所以我哋就入咗去試一試！估唔到除咗個門面裝修得幾靚之外啲嘢食仲有價廉物美，大大份，又好食！牛扒（from加拿大）簡值有五星級嘅水準牛扒肉質非常鮮嫩肉汁非常多配搭嘅有得揀薯菜或者意粉等薯條是用厚切薯條，非常香脆！（PS.可以叫佢多汁，岩曬重口味的朋友們）另外仲叫咗個墨魚汁帶子意粉啲帶子好大粒仲要大過個＄5銀！意粉的墨魚汁都好香總括而言呢餐非常價廉物美，好食，超值！係深水埗你唔會expect到會有呢類嘅餐廳所以大家經過不妨可以試一下係一間值得推薦嘅西餐廳

Sham Shui Po is well known for its many hidden nice places for food. Tonight we had our dinner here in L place cafe and it turned out to be a very pleasant surprise!I had the Wagyu and Silla Iberica. It was quite tender and delicious. I really liked the pork and it was just very well cooked and juicy.My friend ordered the baked pork rice and it was equally tasty! Very mouth watering just to see the cheese floating on top!!The soup and croissants that came with the dinner set. At the end I also t

今日同BB去深水埗買電話卡，買完就搵晚餐食啦，我BB話想食西餐，行行下就經過一間環境唔錯嘅西餐小店，最後就入咗去食晚餐啦一入到餐廳，員工都好有禮貌歡迎我地，同奉上餐牌，上菜好快，最窩心嘅係我想要一杯水，佢竟然遞上的是暖水睇返個餐牌，我同bb就叫左兩個晚餐同兩款小食！跟餐會有餐湯、牛角包同餐飲！加拿大穀飼戰斧牛仔架$138份量都幾多架，塊扒都幾大塊，仲要用鐵板上添，我哋就選擇咗蒜蓉汁，肉質都幾鮮嫩，口感都唔錯，配料亦都好多，仲有我最愛嘅薯格意式肉丸蕃茄意大利飯$88意大利粉都幾入味，有口感，蕃茄味濃，肉丸都幾好味！估唔到都整得幾好食wo 另外，跟餐加＄32可以追加兩款小食，咁我哋就叫咗脆炸單骨雞翼同吉列忌廉蟹餅，兩款小食都好好味，炸得好脆餐飲我哋就叫左夏日特飲，混合乾水果冰紅茶奶蓋！味道唔錯，都幾特別！仲有我bb最愛嘅黑牛😎整體黎講，間餐廳服務態度好，員工有禮貌👍🏻食物款式都多！

前日陪男朋友去深水埗黃金商場買野，之後再JOIN埋佢個朋友一齊食晚餐，行到福榮街個陣，就比間西餐廳吸引住寫明係頂級A4和牛呀真係好吸引，我地三個人都馬上同意試下呢間餐廳除左和牛之外，仲有好多其他西餐選擇餐湯係洋蔥湯，入面超多洋蔥絲通常西餐都係普通餐包加牛油，但呢度係我至愛既牛角包仲要係熱辣辣，好正煙三文魚田園沙律，煙三文魚砌到玫瑰花樣，好靚意式肉丸意大利飯，意大利飯有種半生熟感覺，外軟內硬，好好味主角日本A4和牛，好大塊呀！剛剛好五成熟，入口鬆化澳洲M7和牛牛柳拼石斑魚，一次過食到牛又食到魚起初以為最低係紅羅白條，但其實係蕃薯條，好特別每個套餐加$32就可以選擇兩款小食，我地就簡左雞翼和忌廉蟹餅，好抵食呢度既飲品款式都好多嫁混合乾水果冰紅茶奶蓋，入面超多水果乾，唔會太甜，好飲呢間西餐廳好抵食，每款份量都十足，二百幾蚊就食到日本A4和牛，讚賣相一流

公司搞小朋友活動，所以就幫公司去福榮街買玩具，買完後，覺得肚餓，就見到一間cafe，就入去食個晚餐，食飽飽先返屋企！入到餐廳，裝修都幾別緻，有好多小裝飾，開放式 bar枱，有時一個人飲杯野，嘆個晚餐都唔錯，都幾舒服！呢間餐廳新推出左個A4和牛嘅限定晚餐，價錢便宜$288就食到和牛，所以我就決定試下啦！首先，就上餐湯和餐包，餐湯係洋蔥湯，個洋蔥湯都好足料架，好多洋蔥，味道濃郁！餐包竟然係牛角包，有香有脆，係我最愛食嘅之後到主菜啦，日本熊本A4和牛西冷（250g)，我就叫咗五成熟，一咬入口真係和牛嘅味道，有少少係口中溶化的感覺，口感軟熟，仲要好大塊，配埋個醬汁又係第二種食法！佢嘅配菜係薯格和火龍果沙律！薯格好脆，火龍果沙律都係第一次食，夠特別仲叫左杯薄荷雙檸梳打，味道唔錯，賣相都幾靚，酸酸甜甜總括而言，間餐廳價錢便宜，食物質素高，環境又舒服，我應該下次會帶男朋友來食過！

無意經過間性價比勁高既食扒好去處！！見到入面咁多人！餐牌又好吸引！！拉拉臨入左去試下新餐廳！！發掘好野！！呢個加拿大穀飼戰斧牛仔架！我地簡左蒜蓉味！鐵板將D肉汁緊緊鎖住！！超嫩！！好juicy！！明太子鮮蝦忌廉扁意粉！！先88！好大碟！！好creamy！！明太子味好濃郁！！成碟野好粉嫩啊個色！！超級少女心！！好岩少女心的各位！！真係好靓！呢個頭盤沙律！！好fresh！！D三文魚都好厚生！唔會話好薄身！！加上黑醋！！一流！！重點推介黎啦！！！就係呢個番薯薯條！！！真係比普通薯條好食一百倍！！！一D都唔誇張！！好甜啊！！！好脆！！好好味！！一個人可以吃成盤！！！！超正咯！！！呢個都係重點推介！！呢間店既招牌和牛！！！好juicy！！！好好味！！絕對係必食！！呢間店真係好正！！好多都好平！性架比超高！！！下次還要再來！

都好耐冇去過深水埗啦，發現原來呢區吾止茶餐廳，西餐cafe 都好靚好有特色，呢間L place cafe就係我食過覺得吾錯。點了加拿大殼飼戰斧牛仔架，先$138，一上碟靚到嚇親，超大塊，而且又靚又整到岩岩好，我點左五成熟嘅，仲保留左肉汁，好juicy，好香牛味，另外加了$32有兩款小食，我選了脆炸單骨雞翼同吉列炸蠔，雞翼好正好好食，有三隻，吾多飽喉，因即整好好味，炸蠔都ok，大大隻，粉吾算太多，熱辣辣，吾錯。最後飲品點了抹茶鮮奶加雪糕，有得自選雪糕加，幾好，大大杯，好清新涼快，夏天飲一流，價錢又平，服務又好，環境又靚，記得住自己下次再嚟先。