L Place Cafe (Closed)

寒冷嘅冬天下食個熱辣辣嘅牛角包，再飲碗餐湯暖下胃，真係好舒服。牛角包香軟鬆化，牛油味香濃，配埋忌廉湯飲，豐富嘅晚餐正式開始！臨近聖誕節，食龍蝦大餐特別興奮！餐廳有多款龍蝦配搭，包括黑豚豬、牛、三文魚扒、意粉。青花龍蝦配黑豚豬，龍蝦新鮮肥美，肉質爽口，配黑豚豬感覺唔太膩，亦唔會喧賓奪主。豬肉肥瘦、厚薄適中，食落又爽又嫩。伴碟的薯菜一點都不馬虎！以蕃薯的原材料製成薯條，新鮮即炸，香甜，令人愛不釋手。另一款香煎紐西蘭羊扒，配蒜蓉汁，原粒蒜頭加入汁中，特別香。上桌發現有三大隻羊架！件件厚肉，抵食夾大件！羊肉與羊脂相間，濃郁的羊脂令肉質美味無窮，沒有多餘的油份，羊架近骨的位置帶有淡淡的羶味，愛吃羊的千萬不要錯過。飲返杯紫薯紅豆冰，更添節日氣氛。紫薯味甜味剛好，粒粒紅豆冰令飲品更有口感。兩者味道配搭得宜，頗有創意。

今日同老公去深水埗黃金商場買電腦零件，由於人流多，買完嘅時候感覺到好侷促。望一望錶，這個時候已經是夜晚六點了，實在需要喺附近找間餐廳醫肚， 但周圍嘅餐廳都係啲茶記，米線，小食店……，喺呢個時候不想再感覺得焗促，希望能坐得舒舒服服，係一個優美嘅環境下進餐。我倆行到去福榮街，見到一間裝修別緻，充滿聖誕氣氛佈置嘅西餐廳 ~L place cafe， 由於係落地玻璃窗嘅關係，看到枱與枱之間有一定嘅距離，不會覺得迫夾，非常吸引我，二話不說就進去了。侍應好友善，亦好有禮貌，安排我倆座於餐廳較入嘅二人枱位置， 令我倆可以好好傾談，擁有私人空間。這間餐廳食物主要係set, 每個set都跟一個是日餐湯(忌廉湯) 及牛角包， 忌廉湯內裏有好多洋蔥及火腿絲，又夠creamy， 口感豐富， 最讓人估不到的是牛角包， 做得非常出色，溫度夠熱，外脆內軟，實在好想order多一個。老公要了北海道帶子墨魚汁扁意粉($95)， 鮮味嘅墨魚汁掛在每一條意粉上面，加上香噴噴而又鮮甜嘅帶子， 即使食到滿嘴滿牙都是墨汁， 也是值得的。我要了明太子鮮蝦忌廉扁意粉($88), 明太子嘅鹹鮮味配以香滑既忌廉, 加上新鮮大蝦, 這個意

煙三文魚沙律叫左個煙三文魚沙律做前菜，西餐咁肥咁油脷，想清新d健康d，梗系要叫番個沙律食。佢既煙三文魚魚肉都幾厚，啖啖肉，不過魚既部位就爭d，望落都見到，無乜脂肪分佈，食落無乜三文魚既油香，同埋口感無咁滑。醬汁方面佢用左沙律醋，味道酸酸甜甜，如果加少少檸檬汁就perfect啦。玫瑰花茶叫花茶既其中一個原因系想睇下餐廳既茶壺同杯有幾靚呢間既茶杯就好特別，有d英式，好少女系。入面真系有一粒粒既玫瑰花，吾系茶包，所以玫瑰味好香。

系做冬既夜晚黎食，餐廳吾洗等位，可能好多人都系屋企同家人食飯。之前睇過網上既餐牌，好似有和牛，但今次黎就見吾到。餐湯，系蕃茄湯，上面加左少少忌廉。餐包系牛角包，暖暖地，但吾算好脆 所以就叫左個牛仔扒，五成熟，都有幾多配菜，有薯格，蕃茄，粟米，紅蘿蔔同椰菜仔。薯格同椰菜仔系其他餐廳真系比較少見。牛扒五成熟，但切開吾會有血水，而且肉質都幾幼，吾會太難咬。凍檸水，連好普通既嘢食都整得幾靚。個餐計埋加一一百五十度。

去完高登買野，就到附近吃午餐 ，決定帶好姊妹到訪L place cafe, 中午有 set lunch 供應，種類也OK,有意粉、意大利飯、牛扒和羊架等等。飲品種類也多，如跟餐轉飲品補回差價就可以，加$25就可選蛋糕一件 ，而晚上有和牛和龍蝦大餐供應。臨近聖誕，餐廳佈置得充滿聖誕氣氛，坐位不算太迫，服務也好，坦白說實在估不到在福榮街這裡有這樣環境和服務的西餐廳呢！我們選了兩個set lunch, 今天的餐湯是忌廉甘荀湯，很甜很濃，味道不錯。紅酒繪牛肩配法包 $58牛肩大大片的，紅酒與牛肉永遠都是最好的配搭，繪出來的牛肩芳郁香濃，層次感豐富，牛肩又軟又稔，非常入味，法包焗得脆脆的車打芝士忌廉煙鴨胸意大利飯$58意大利飯味道濃郁，creamy，軟稔中帶點煙韌，加入了煙鴨胸，口感不錯，也不覺太膩！看見蛋糕很精美，是雪人造型的啊！好姊妹實在抵受不住，所以就選了兩件，讓這頓午餐劃上完美的句號！

每年聖誕或新年前都會帶小女生到玩具街一趟，今天冬至放假，睡醒後就來到深水埗吃東西，順便帶小女生買聖誕禮物。11：30半來到福榮街，見在維x 隔離有間西餐廳，看進店內裝修不錯，很有聖誕氣氛，廳餐剛開門，我們就決定在這裏吃一頓午餐吧！一進去，看到水吧前有個甜品櫃，小女生立刻被吸引過去，嘩！很可愛的聖誕造型蛋糕啊！跟餐加$25就有，我們一於決定會試下呢！set lunch 由五十多元至九十多元，有餐湯和飲品一杯，種類也屬多元化。小女生選了吉列魚柳包配薯格，而我就選了羊架呢！點餐後，先送上兩碗餐湯來。今日的餐湯是甘荀湯，又甜又rich ，實在有點驚喜。接著就是小女生叫的吉列魚柳包配美式薯條($58)。薯條變了薯格，正啊！麵包焗得很脆啊，而魚柳炸得剛甘黃香脆，加上特制的沙律醬汁及鮮蕃茄，配搭得宜呢！我選了七成熟的香煎羊扒，就是剛好的，因為太熟會破壞其肉質，太生又血淋淋的。這裡的羊扒肉質嫰滑，亦不帶濃烈的羶味，配菜有黃玉瓜和脆玉瓜，再醮上薄荷醬來吃，實在是最佳的配搭。奶茶茶味香濃，不過不夠滑，但也算合格!new york cheesecake( $25) ,大大件的，口感綿滑，味道不錯！很可愛的小

今日喺黃金辦完貨，心情無比咁空虛，唔想再毒L式地去麥記譚仔解決，經過見到呢間餐廳入面咁多情侶，就決定一個人入去自虐一番，間餐廳喺正眾所9知既維記豬潤麵隔離，要嚟番兜都相當易認。這些機會..嗌咗個芝士焗青花龍蝦併M7澳洲150g和牛套餐，無幾耐就送上咗餐湯同埋餐包，呢度既餐包竟然係牛角包，個牛角包上枱嘅時候都仲係熱既，外層仲保持住少少既酥脆，咬落充斥住牛油既香味；餐湯係甘筍薯仔湯，溫提熱到有啲辣口，可以攤凍啲先飲，個湯散發著淡淡嘅甘筍同埋薯仔味，如果能夠再濃一啲相信會更加好；經過餐湯同埋餐包既溫熱，經已令到毒L的心極度溫暖。套餐加32蚊可以揀兩個小食，我揀咗吉列忌廉薯餅同台式黑椒腸；吉列忌廉薯餅炸到脆卜卜，脆漿唔會話蘸得太厚，忌廉同埋薯仔既味道相當平衡，內層口感軟糯，好味；台式黑椒腸就相當正宗，同喺台灣夜市食到嘅一樣，薄薄嘅腸衣被烘烤後爆卜既口感，襯埋裏面黑椒嘅香味同埋肥豬肉嘅豐腴，一絕。芝士焗青花龍蝦併M7澳洲150g和牛，隻龍蝦有成隻手板咁大，龍蝦肉口感彈牙，芝士嘅焦香同龍蝦融為一體，非常可口；M7澳洲和牛充滿牛味，油脂豐富，令人相當滿足，點一點隨附既燒汁，嗰隻焦香又係另一個食法；牛

聖誕節快到！食返個龍蝦餐，鋸返塊靚扒先！今日係Happy Friday，餐廳生意客似雲來。一個充滿聖誕氣氛嘅日子，梗係要食返餐好嘅！先來個新鮮出爐嘅牛角餐包配湯！龍蝦配豬扒好睇又好食！紅色碟上桌，配大大塊豬扒，比手掌還要大、半隻龍蝦開邊，以芝士焗製，再加上大量薯菜伴碟，唔係一般嘅薯條，而係真材實料嘅蕃薯條！另一款係羊架，有三款汁可選擇：蒜蓉、黑椒、燒汁，仲有薯格、薯菜配搭，一流！羊架有三大件，件件肉量多，羊脂味香濃，連骨食，真係零舍滋味！飲返杯水果花茶，茶壺、茶杯別有心思，花茶啖啖清香，水果味清新得來好夾花味嘅香醇，有助清除疲勞，舒緩壓力緊張。

是日同屋企人出咗去深水埗嘅福榮街玩具街買聖誕裝飾， 準備迎接普天同慶嘅聖誕節。黎到深水埗， 就梗係搵啲平民美食試下啦。呢間《L Place Cafe》 望落幾骨子， 而且價錢亦非常之大眾化。 晚市嘅龍蝦大餐，都只係百零二百蚊，仲有意粉套餐， 都只係一百蚊左右， 都咪話唔超值。每個套餐都包一杯嘢飲，餐湯同牛角包，保証夠飽夠滿足。是日嘅湯喺忌廉南瓜湯， 南瓜湯口感夠幼滑，可以嘗到南瓜嘅鮮甜， 又夠曬暖笠笠， 增添暖意。牛角包亦相當出色，外皮夠晒脆卜卜， 用焗爐翻熱後先畀客人， 保證熱辣辣。主菜叫咗【鮮蘆筍蟹肉忌廉扁意粉】， 意粉賣相相當不俗。 鮮蘆筍採用比較幼嫩嘅一種， 所以食落較翠嫩，又無渣。蟹肉嘅份量亦唔少，而且食落唔會腥。 最鍾意就係個扁意粉， 口感夠煙韌， 唔會煮得過淋一pat pat， 夠曬彈牙，我鍾意。另外加$32可以追加兩款小食， 【脆炸單骨雞翼】， 同埋【吉烈忌廉薯餅】， 兩款都即叫即炸， 相當鬆脆。 單骨雞翼好入味， 忌廉薯餅外脆內軟， 食嘅時候千祈要小心， 唔好滾親嘴呀~餐飲我就叫咗【凍朱古力】凍朱古力上面有一大舊忌廉， 味道香濃， 加埋落朱古力度一齊飲， 味道更加濃郁

好耐無同朋友見面, 大家就約左去深水埗食飯之後去睇下啲電腦產品。深水埗都有好多野食,我地就揀左食呢間, 見到個價錢就唔係好貴就可以食扒都幾唔錯。入到去我就點左個雜扒餐-海陸空,有燒春雞、牛肩胛同炸蝦,仲有餐包同餐湯, 我再點左杯洋甘菊花茶,可以幫助消化!餐包同餐湯係最快黎到, 餐包係牛角包, 好正好酥化, 牛油味都好香,送到黎仲熱辣辣,好新鮮!餐湯都好濃蕃茄味,我幾鍾意,幾好飲, 入口仲好滑, 可以因為有CREAM!我既主菜好快就到喇~海陸空果然唔簡單,件件都好大件,好足料, 燒春雞雞肉好嫩滑, 牛肩胛肉味都幾香濃,仲有幾隻炸蝦🍤, 隻隻都好大隻, 入口香脆可口, 蝦肉都幾鮮味彈牙, 成哂成個餐都已經夠哂飽!😋😋😋😋洋甘菊花茶賣相好正,好似貴婦好似貴婦high tea咁, 好清新甘香, 幫助消化! 暖暖地,飲落個胃都幾舒服!最後飽都要點多個朱古力蛋糕🎂, 因為食甜品係用第二個胃, 朱古力味幾香濃, 又唔會太甜, 蛋糕幾鬆軟。😆😆😆下次都可以再過黎食, 坐得舒服, 野食又好味又唔貴。👍🏻

今日同朋友去深水埗買電腦，行過見到一間有文青feel嘅Cafe，入去試吓，嘢食方面我哋揀咗意式肉丸意大利飯，啲肉丸幾彈牙，有啲似Pizza Hut肉丸嗰種，個汁酸酸甜甜，食落幾開胃，啲飯軟硬適中而且仲好有芝士同忌廉味，如果鍾意食芝士嘅人就一定鍾意另外cafe 提供唔同蛋糕，有cheese cake ，粟子蛋糕和tiramisu，我同朋友揀咗粟子mousse Cake 和 tiramisu ，個蛋糕唔係好甜，都幾好味，而且服務員會係隻碟上面畫唔同嘅花做襯托，夠灑特別

今日一個人行開深水埗買聖誕禮物，見到間西餐廳門口幾靚，入去試吓我叫左野菌I忌廉黑松露意粉，啲忌廉好香好creamy ，黑松露又正，味道好夾，當然如果再多啲松露就更好個餐包一杯野飲，我家＄10叫咗杯土耳其蘋果水果茶，個茶杯好英式好靚，藍色嘅底色加粉紅色花襯托，另人好似置身係英國果茶細細粒有都唔同嘅水果，有茶味和生果味，又有啲蘋果蓉，比出面一般嘅西餐啲茶特別啲，值得一試，如果下次再來買玩具　，我希望試吓門口嘅cheese Cake

一向都知道深水埗有好多好嘢食，今晚我哋就試咗一間好抵食嘅西式餐廳， L place cafe無論係嘢食同埋佈置方面都好講究呢一個係焗豬扒飯,未到相當之唔錯,蕃茄味都好,仲有好多嘅芝士係面！！另外一個煮食我哋就叫做牛扒同豬扒,兩樣嘢都煎得好好,食落去口感啱啱好,唔會太生,雖然價錢比其他飯pasta貴,但係絕對物超所值！嘢飲方面我哋就叫咗一杯cafe latte，個杯好靚，沖得非常之好，係一杯好香嘅飲品！總括來講，呢一間算係一間價錢唔錯，又好食嘅餐廳，如果嚟到深水埗都不妨一試！

經常假日時都會去深水埗找找東西，每次都要過來都會泊底部車，再會找找有什麼好食，最近都有好多新開的店，今次找了這家L PLACE CAFÉ，是比它的餐牌吸引，價錢不是很貴的西餐，而且橫裝很有格調，座位寬濶。南瓜湯濃濃香煎雞扒配意式薄荷汁配薯角很脆皮的雞扒，跟意式薄荷汁很配又有疏菜，是薯角不是薯條 日式咖哩唐揚球配秋田米飯炸雞球，這個飯是日本米來的配日本咖哩好有誠意完全覺得以這個價錢，食到這些高CP值的，好低食！味道也很好！

今日早咗食Lunch，經過見到呢間cafe裝修不錯😍😍入到餐廳內，以木裝修為主，有高枱高櫈選擇坐，下午茶聚會應該都係不錯嘅地方今日叫咗兩個Lunch set，個set都好經濟實惠，大大份，份量足👍👍叫埋杯特飲，lunch嚟講都十分滿足👍👍待應都十分有禮貌，仲話個lunch set會每星期都不一樣，下次可以試埋佢d咖啡先😋😋香煎西西里汁雞扒配意大利👍👍雞扒嫩滑，蕃茄肉亦夠晒多日式咖哩吉列豬扒配秋田米飯😋😋吉列豬扒夠晒香脆，日式咖哩汁餸飯夠晒不錯抺茶紅豆冰，甜度剛好，有淡淡抺茶味，紅豆多多👍👍紫薯紅豆冰亦都甜味剛好，好飲👍👍