La Bons Cafe (Closed)

心太軟有水準, 只是甜了一點沙津合格, 夠新鮮主菜只是一般cappucino 未合格佈置有歐陸cafe feel服務態度有禮

朋友介紹我鍾意食甜品, 晚後後特登帶左我黎試心太軟第一次食 la bons 出品既, 要埋雪糕, 果然名不虛傳, 食到我好滿足, d 醬唔會太甜, 又夠熱, 個 cake 又唔會好厚, 加埋雪糕一凍一熱真係回味無窮! 仲要係 38 蚊!過左幾個星期心思思又去左食 lunch, 志不在 lunch 志在心太軟叫左個 salmon 天使麵, 哇, 完全係冇心整既, 一碟乾煮左既粉加一 pat 好稀既 sauce, 冇味既... 點解同心太軟差咁遠! lunch 多人我明白, waitress / waiter 都好落力咁收野.. 另一位朋友叫左 ribs, 都係冇驚喜.. 下次只會為甜品而來

星期四晚朋友仔跟我補祝生日~~一入到去間野已經好多人,好在有book位,唔係都無得食我地都係叫set dinner + 2份甜品朋友仔:::湯: ok的,好creamy || 墨魚汁面: 幾好食,但食到好"呢hea", d汁好上色, 食到我個fd個口黑晒=P我::::沙律: 好食,好fresh || 天使面: 好食, D面好幼, 爽~~甜品:::: 心太軟: 好食到痺!!!!一放埋lai已經香到流~~~一定要食呢~~~~=D

挺遠…呢度唔算多人行既街，但間餐廳就好多人～沙津好食，又爽麵包都好食過人，軟軟香香的但個主菜蝦甘荀絲意粉就…蝦好靚…但意粉好硬ToT第一次食到可以同本小姐既手藝比美既難食程度…而且d水多到d味唔係好均一鍾意食軟飯同軟粉既唔好黎…XD朱古力咖啡都唔掂，無咖啡味，d冰融哂好淡心太軟烤得好靚，外脆～不過我唔鍾意食咁甜XD，聽講好正所以先試下價錢唔貴，A餐 $60（意粉+麵包+沙津或湯）+朱古力咖啡（Mocha） $8 +心太軟 $20都只係$88，仲唔加一

第一次食係男冪友上oprnrice搵到呢間意菜,而我地今之第二次食啦!所以俾個食評la Bons先得!最好係價錢合理,dinner有set,不用散叫吾抵，甜品當然心太軟最good啦!焦糖燉蛋都做得幾好!而主菜,我地試話意大利墨汁飯,食到成日黑曬,但好味!Ristto如果比較軟身就好啦!香港人口感食慣軟呱!wakaka....天使麵正!上次食西冷像質都不錯，羊架都吾太蘇,我都敢食!係一間值得再去既拍拖好食處!

是日午餐, order 如下: 扒紐西蘭西冷牛排配野菌及牛肝菌忌廉燒汁 - bad. d 牛排有陣味, 唔新鮮. 成碟o野出到o黎唔熱, 尤其 d 配菜, 直頭係凍 gei! 香煎石班魚柳配香檳蟹肉牛油果忌廉汁 - bad. 淡而冇味. 都係凍 gei! 焗法式布甸 - good. d 布甸好滑, 上面層焦糖脆脆的! 好香, 好味. 心太軟 with 雲呢拿 ice-cream - 不愧為呢度 gei 招牌菜, d chocolate 好 think 好濃味, 一 break 開件 cake 就湧出o黎! 大力推介!! 係唯一o黎到熱辣辣 gei 食品.....d table 放到好迫好迫, 有 d 大家x feeling.員工幾殷勤, 不過好似生手左 d.overall only 甜品好食, d main course 唔得.去前請打底.

朋友畢業加慶祝我birthday0既一餐飯...我0地選擇0左呢間餐廳...餐廳裝修簡單..但是感覺舒服我0地坐0係餐廳較入位置。枱上面放0左好有情調0既用蠟燭仔...我0地五個女仔一人一個餐同叫0左三個甜品...配餐湯0既麵包熱辣辣..由於亦大肚餓..大家都覺得好味..湯同主菜都唔錯..餐飲...我要了凍熱情果茶...茶到時未搞匀...d糖漿0係底..但搞匀0左都唔係好夠味。甜品叫0左心太軟...有兩個係加0左雪糕...嘩..我0地五個女仔一致認為好好食呀!~加埋雪糕一冷一熱...真想encore...最後店員仲幫我0地五個女仔影合照tim...總括:由於餐廳情調幾好...食物ok..尤其甜品0岩女仔食...所以我覺我拍拖去應該唔錯...

星期日晚去左試下la bons cafe , 首先....想講下間餐廳個名....唔係法文....因為如果係的話..文法係錯晒....另外, 都好full wor 星期日....即日訂位唔得要去walk-in...食物: 我叫左個意大利飯餐，味道以咁ｇｅｉ價錢係合理，　但未至於好好．．．可能期望大高，　所以食完又覺得無咩咁特別．不過未必會去多次

我叫左個羊肩肉配粟米蛋白炒飯,真係好唔掂,重衰過茶餐廳,食完個晚有1粒鐘想嘔,唔知係咪D羊肉唔得.我老婆就食左個雜菜意大利飯,又係唔掂,D飯好似食果仁咁,勁梗,我諗得5成熟,之後見到隔離枱個個都係問個WAITRESS呢個問題, 佢話正宗意大利飯係咁喎最掂都係個甜品,好有水準,好好味我第一次去食羊扒同牛扒都OK,呢次有D失望

睇完OpenRice 既食評, 專登提前一個禮拜book 位, 一心想試下佢既鎮店之寶, 人人都讚好既"心太軟", 同埋順便試下佢既lunch set. 食評如下.心太軟: 基本上同其他人既評價一樣, 一個字.........."好". 所以唔再多講, 就此略過.Apple Crumble: 無咩特別, 本人覺得MacDonDon 既蘋果批仲好食過佢.羊肩肉配粟米蛋白炒飯: 乾脆改為"肥(膏)羊肩肉配粟米蛋白混白飯".好明顯廚師唔咪好明咩係炒飯. 又或者太多客人, 廚房太忙, 佢唔記得要炒下個飯, 就上枱. 個飯一啲都唔熱, 啲羊肉又超肥, 啲膏同啲肉各佔一半. 攪到我咁瘦都唔敢放落口 .煙鴨胸配扁意粉(香草汁): 今次唯一OK 既lunch set. 幾香既香草味, 清清地唔太膩. 白汁龍利柳配白飯: 同一般快餐無分別, 唯一既分別應該係佢既價錢貴人地一倍. 啲汁成pat嘢倒晒係個魚柳上面, 賣相頗差.2杯果茶(熱情果, 荔枝): 熱情果無熱情果味, 荔枝無荔枝味, 只係兩杯糖水 . 炭燒咖啡及冰奶茶: 無特別結論: 好失望. 甜品再出色都無用. 一間店無可能只係用甜品嚟吸引客人.

不要期望會有華麗的裝修,法國餐廳的氣派,但你會吃出廚師的心機,他對食材的執著。 進入餐廳,是一間法式餐廳小店的格局,餐廳以米白色為主題。再環顧四周, 裝修頗為簡 ,抬頭望上天花板,清楚看到多條很粗大的泠氣槽; 低頭望向地下,沒有鋪過任何地毯或地板; 再看看牆身,是一幅沒有貼上牆紙的批盪牆,令餐廳的浪慢氣氛較為失色。燈光方面,如一般的傳統法國餐廳一樣,昏暗得勢要瑩造出浪漫氣氛的效果,只是苦了我們這些愛拍照寫食評的人,由於相機的閃燈效果令相片出來的質素不佳,曾要求餐廳經理調教燈光的光度高一點,經過多次的調教後,再看回數碼相片,效果仍然不佳,最主要是經理不太願意令燈光那光度過了他的底線及至最後,竟需要出動手提電話的鎂光燈才令效果好了一點, 如大家曾遭遇過相同的情況,可嘗試我的方法,盡管相片出來的效果不太完美,但總比之前兩次好。 向侍應叫來一個墨汁帶子意大利粉及紅酒燴牛尾主菜配雜菌田螺沙律的前菜,再加心太軟甜品。 雜菌田螺沙律:或許是習慣吃焗牛油蒜蓉配田螺的惹味,始終覺得帶酸味的菇菌茄蓉汁與田螺的味道格格不入,但無可否認地,田螺肉體積大粒軟熟,依體積推斷,應是從印尼入口的罐頭貨式,向來我也對田

睇完各方好友推介這裡的心太軟, 我呢個新界人都忍唔住要出城去試下. 幾經辛苦先找到餐廳 (只怪自己少出城 !), 當然要立刻沖入去食野啦, 同友人共點了心太軟及法式焦糖燉蛋, 和iced latte, iced mocha.咖啡先上, 但我同友人都覺得好難飲 , 正在擔心之際, 甜品已經到了, 心情即刻好轉過來. 心太軟既朱古力流出來, 覺得好好興奮, 同ice-cream一齊食, 舌頭同時享受了冷與熱的感覺. 兩款甜品都好有水準 !! 不過下次去一定唔會order coffee !

食過三次，次次都好滿意。第一次係食墨魚汁帶子蝦意大利飯 set - 好 cremy! d 帶子 & 蝦 都好新鮮。第二次係牛排 set - 一般，唔夠牛味，不過，咁既價錢，算啦。第三次係炸軟x蟹意大利飯 set - 話明意大利 rest，食返意大利 dish 係最好，熱騰騰的軟x蟹，不太油而且份量足，飯同樣出色地夠 creamy每個 set 都包 soup/salad & 餐飲，加錢再 order 心太軟。個人比較喜歡 soup，因跟餐 salad 唔係 cesear salad，會 prefer order creamy 既 soup。餐飲最吸引人的地方係可以 order 果茶 (冷/熱都得，例如荔枝 / 桃味等)。至於點品心太軟係必食必食必食 - choco 味濃淡適中，而且即叫即做，熱騰騰食時，味覺非常滿足，情願主菜唔食咁飽，都要留肚食呢個。

心太軟, 我嚟啦!23號, 小蔓同友人專程去La Bons試試 . 由于正正下午茶時間, 冇咩人. 我們于近門口處坐低. 呢度啲waitress & waiter 好nice, 好有禮貌. 我點咗 心太軟+檸檬蘇打, 友人點咗 自選下午茶+蜜桃茶.因為唔係咁多人嘅關繫, 心太軟好快就上啦. 哇哇... 好激動啊! 我見到心太軟喺度叫我" 快啲試, 快啲試!" 呵呵... 正中間位置, 好似一個小小火山口咁, 有啲啲煙冒緊出嚟. 切開小小, 溶漿式嘅朱古力漿, Mmm.. 好味! 可能我都係甜魔一族, 覺得心太軟唔算太甜, 朱古力味好好, 而且口感好正.友人嘅下午茶, 亦都十分豐富. 友人話: 鷄翼好香蒜味, 不過入面嘅鷄肉位, 要另外自行調味( 加鹽or胡椒粉). 不過蜜桃茶好香啊, 感覺好暖笠笠心太軟實在令我好想再嚟! ps: 下午茶嘅cake, 我想全部都試下, 哇哈哈..

第1次黎係11月頭同親愛的慶祝 , 之後就係1226 boxing day 了!!今次既晚飯 早於12月頭已book位..幸好 , 好順利book到7點鐘 , 而且今次仲可以坐係入邊 ,可以自成一角 , 唔洗坐係出面咁迫!!一坐底 , 見到有dinner set ($288) , 見到佢有好多野食 , 不過都唔岩我口味既 ! 我當然無叫到啦!!嘿嘿 , 由於唔係好餓既關係 , 就叫左一個主菜 , 兩個小食了!!首先上左餐湯同餐包 , 是日餐湯係<蕃茄忌廉湯> <--唔得...好唔夾既味道....包包 <半個> 上次黎好似唔係半個架不過唔緊要啦 , 我今日黎既目的並唔係佢 haha~~好彩個包包夠熱又脆!食哂呢d , 就上左<唔知咩芝士焗蠔> <-- 由於我無食 , 唔可以評論佢 , 但親愛的就話好好味!!之後又黎個<煙三文魚田園沙律> , 本身係想食凱撒沙律,,,點知無...所以叫左呢個 , d菜好新鮮不過下次都係想食凱撒....終於到左個主菜..<墨魚汁帶子蝦意大利飯> ,完全唔記得佢地