La Creation & Châteraisé (Moved) New Location

呢排周圍都賣生吐司, 一向勁鐘意食麵包既我, 見到 la creation , 即係 A1 有得賣, 就買嚟試試有幾好味幾特別先😅買左半條超梳乎 "生" 方包, $30, 價錢係可接受, 但我又唔覺得點樣特別好食😅 味道甜甜地, 口感鬆軟, 正正常常既方包, 只係比較鬆軟少少, 但未去到超好味!但反而另一個 $28 半條既丹麥酥麵包就有驚喜🤩 味道甜甜地, 外脆內軟, 仲有種焦糖既燶香味, 好惹味, 絕對值得回購!方包可以原條 / 半條買都得, 可以叫店員切片添!

難得假日入去愉景灣原本想搵間chill chill cafe hea下tea下但一落船好肚餓見到呢間幾平就走左入去食叫左和牛漢堡餐$76🐂🍔跟餐有薯條同飲品🍟🍹漢堡好大份 好厚 好難一口咬可惜肉無牛味包入面有好多沙律菜🍅🥬蕃茄有d凍唯一讚既係沙律菜好新鮮薯條係我食過之中最難食既其中一個感覺似炸左好耐好硬 好粉 感覺唔新鮮飲品揀左熱檸茶係Lipton 茶包加兩片檸檬無落糖 無乜味可能浸得太耐攪到有苦澀味呢餐都幾失望面包舖都係應該食番面包同蛋糕😂

去愉景灣沙灘游水玩沙後太肚餓，次次經過都想試下依間店，一入去先知原來係a-1集團首先見到d cake由於綠茶千層蛋糕，a-1既cake一向都水準唔錯，香濃既綠茶粉一層層cream，太美味了！從雪櫃取出黎既公司三文治，內有菜，煙肉，芝士，蕃茄火腿蛋沙津醬，食一份已飽了，再雪櫃取卡幫尼意粉，俾錢後職員會即時幫你整返熱佢，數分鐘後熱上到面前，香濃芝士同cream撈好再食，同a-1餐廳碟上既意粉一樣既味道，第一次係愉景灣食得咁經濟，2個人食都為around 100元

近排真係好熱見到雪糕就好想狗衝去食Châteraisé新出左雪糕即刻試下😆..🍦草莓牛乳雪糕 ($22)個士多啤梨味有啲似pocky士多啤梨味百力枝🍓酸酸甜甜 幾清新牛乳雪糕都幾重牛奶味整體唔會話太甜太膩雪糕做緊新推出優惠所以都幾值得試 原價成三十幾蚊 就要諗諗..📍La Creation & Châteraisé @chateraise.hk @a1bakeryhk 地址:愉景灣D’Deck地下G05

今日一起身，陽光普照，如果唔出街，一定辜負陽光伯伯一番盛意。yes，好心情由靚早餐開始! 我去咗 La Creation & Chateraise ，唔講唔知，佢係A1 bakery集團㗎! 呢間舖設有大焗爐，每日唔同時段有新鮮麵包出爐，有好多創新日式麵飽同埋鬼佬手工飽。呢度除咗賣麵飽，亦有賣由日本直送嘅cream cake、甜食、雪條同埋自家製嘅意粉三文治! 揾次嚟試吓下午茶先!今日我就叫咗個最傳統嘅牛角飽，簡單就是好! 呢個牛角飽 …合格，好食! 佢做到牛角飽應有嘅香酥鬆脆! 我好好彩，揾到張窗邊枱，食住好味嘅牛角飽，望住窗外嘅遊人，咁美妙嘅組合，夫復何求! Yes, of course 好心情啦! 牛角飽日本直送牛角飽+泡沬咖啡

愉景灣真係一個好地方, 地方寧靜, 環境優美, 而且為吸引遊客在愉景灣碼頭有不少的食店, 這天和BUDDY選了La Creation & Chateraise。選了La Creation & Chateraise, 因為當時唔太肚餓, 所以想食個輕量的, 見到有Burger set 都係 $62 (有漢堡, 薯條, 汽水), 餐廳主要買麵包多, 麵包種類多而且好吸引。還有禮盒, 蛋糕。蛋糕尤其精美, 真係每件都想試。餐廳十分支持環保, 所有外帶餐具是以竹, 甘蔗纖維及植物澱製造。餐具,水杯也是自助形式, 十分方便。即叫即整的burger 共有3款, 經典牛肉漢堡蕃茄雞肉漢堡三文魚漢堡好少見有三文魚漢堡, 一於試下, 我和BUDDY最後選了[經典牛肉漢堡]和[三文魚漢堡套餐], 排隊時發現旁邊雪櫃有意粉, 沙律, 意粉還可以貼心 熱。等左約10分鐘就有得食啦 ! 經典牛肉漢堡即制的牛肉漢堡好JUICY, 還有那片漸溶的芝士與牛肉漢堡拼在一起食, 真係好豐富, 還有少不了的生菜和厚蕃茄。特別欣賞係用上火箭菜, 更加令到味道培增。三文魚漢堡三文魚漢堡係炸的形式配上厚蕃茄及火箭菜, 三文魚漢堡

原本好興奮，因為多咗間新cafe，去試一下佢個強調即叫即整嘅漢堡餐，我叫咗雞扒漢堡餐。。。個雞扒超多筋，又冇味，而個薯條又油又冧，食咗兩條已經頂唔順。個餐跟汽水，但只限Coke 或Coke Zero，咁我叫咗Coke zero，點知到攞餐，都可以比錯Coke我。我家姐單叫一個漢堡包+咖啡，而佢地亦忘記沖杯咖啡比佢。。。大佬呀！間野嗰時得兩個客，都可以咁樣出錯？！基於又難食，又差服務，又貴。。。我睇唔到有乜理由再去食囉。。。

我係一名冬甩控，有冬甩出現既地方我一定去過、食過。內心周不時好想食冬甩，但香港實在太少地方有售，有既但價錢略貴唔抵食，暫時只有一兩間有冬甩賣既麵包店，我覺得好味又抵食。呢間都唔錯。話說喺愉景灣行左一陣忽然好想食冬甩，睇左兩個商場都無地方有售冬甩。放棄之際，呢間麵包店就出現喺得眼前！入到去花多眼亂，但我獨愛冬甩！佢地有2-3款冬甩，都係$13-15左右。呢款冬甩好靚、好少女風，叫我如何可以不愛它！？細細粒既綿花糖癡喺面，但竟然唔會甜膩，包質鬆軟煙韌。

經常聽到愉景灣這個名字，但一直覺得只有住宅沒甚好逛所以一次也沒去過，而這天由於想周圍逛逛，放鬆一下，就由中環坐船，船費還真貴呢. . .船程不遠但需要$40. . .到了愉景灣邊周圍逛逛，邊找餐廳吃個午飯～尋找的同時，突然被一陣麵包香所吸引～原本是一間設計簡約以白色為主的麵包店，感覺優雅，就入內看看～店內的麵包款式甚多，而且款式比較特別，而且賣相吸引～教人花多眼亂～原本被一個雜莓紅酒鄉村包所吸引，但感覺好樣大得有點過分，所以就打消了購買的念頭再望望其他，另一邊放有數款曲奇，當中有一款是雜錦曲奇，有4款味道，而且樣子小巧，十分可愛，所以決定了買這個～雜錦曲奇 （$20）雖然只是$20一包但份量甚多，大約有35粒小曲奇，而味道則有4款:杏仁朱古力、椰子、紅莓及棒子杏仁朱古力這是4款當中，質感最硬的一粒，沒有鬆化的感覺，另外，只有淡淡的朱古力味，而中間亦混入了杏仁碎片，帶少許微脆，但整體味道只屬一般椰子第2款較硬的就是椰子味曲奇，口感較杏仁朱古力鬆一點，咬落帶點椰子微粒，帶點嚼感，細嚼下散發出淡淡椰子香紅莓曲奇內帶有紅莓干微粒，但吃落口感不算突出，只帶少許微酸，另外可能紅莓干帶有水氣，令曲奇

係隔尼間德國餐廳食晚餐，去廁所經過呢間面包店，見到黑糖包，得反一個，即刻諗起 outback既超美味黑糖包，二話不說咁入去買左半個，第二日做早餐。第二朝焗返熱，焗到脆脆咁。雖然同outback既超美味黑糖包一d都唔一樣，無好甜煙煙un un個種口感。燕麥係圍邊咁包住成個黑糖包，前面後面都有，焗到好脆身，好香麥味。因為個包無咩味，我配左芝士黎食，都ok^^。

入到DB,見到呢間bakery裝修好warm，就入去睇下有咩好野食已經下晝四、五點，仲有好多款揀而且撞正樹頭麵包出爐！以前未食過！而且只係$9,梗係唔放過佢啦以為食落去會成舊都硬磞磞又唔係喎又以為深啡色係朱古力又唔係喎，係脆脆ge麵包外層入面係軟綿綿ge麵包好似加左鮮奶/煉奶咁甜甜地有D麵包布甸feel好好味>v<好味到唔記得影相-.-

六月上旬‧有雨入了愉景灣，吃點東西才活動才好。這裡的麵包蛋糕琳瑯滿目，剛好出爐的是紅莓小蛋糕，就拿出8元去買一件吃一吃。蛋糕鬆軟，有蛋香，外焗得微脆而且是熱熱的，好吃。之後原來發現有另一味更好吃的，此乃後話。

行完梅窩至愉景灣段,肚餓萬分下走了去買麵包吃,一入店子就被這個"士多啤梨布里歐修" Strawberry Cream Cheese Beioche 吸引了味道似在吃士多啤梨Cheesecake,飽邊鬆軟有層次感,內裡的Cream Chese餡帶甜香軟滑,如果伴以熱咖啡一杯,就真是perfect了P.S.這間麵包店有很貼心的設計,有一些薄薄的餐紙取用,非常適合怕髒的食客

A1集團既麵包咁多年黎都保持一定既水準, 今日去買麵包既時候見到杏仁白朱古力, 口痕買咗包試下, 一試難忘, 杏仁出奇地香脆, 同白朱古力更加係出奇地夾, 連平日唔太鐘意食白朱古力既老公都忍唔住返轉頭買多兩包.

因為住係DB所以已經食過好多次。鐘意佢ｄ包夠煙韌。佢現在做promotion更加扺食！Picture top left: 牛油法式軟包Top right: 芝士法式軟包Bottom: 提子合桃麥包牛油法式軟包同芝士法式軟包現在做promotion。Oringinal price $14 for one. Now $12 for one or $22 for two. 但係我唔知個promotion做到幾時。個提子合桃麥包$22，可以買半個for$12。我自己最鐘意食佢個芝士法式軟包。芝士好香同佢唔係得個面有芝士，包裡面亦有。牛油法式軟包普通啦, 提子合桃麥包我不吃的所以唔知。佢d service幾好, besides politeness 我通常買loaf會request sales幫我cut, 佢地次次都start from middle of the loaf, cut 得好equal.不過買包有時要靠運氣，試過一次買咗即食但個包好似擺咗好久, 變到好硬。But only that one time.