La Piazza (Moved) New Location

#將軍澳美食 #隱世意大利餐 #甜品必食 .坑口村大概是將軍澳區的隱世美食區 細細一條村竟然可以容納到中西泰日菜...餐廳 今日特別開車黎食意大利餐😋 一直有聽過呢間餐廳 但一直都未有機會食到 今日難得放假又行完釣魚翁 一於食返餐好🍸.餐廳開業原來已10數年 主廚係前酒店大廚 所以質數應該有返咁上下🙈 餐廳可選擇冷氣位/ 有蓋室外位置 裝潢環境都好意大利feel 不過不失 .餐湯分別點左 「蘑菇蟹肉忌廉湯$78」and 「那不勒斯海鮮湯$88」 價錢感覺雖然少貴 但除左足料大碗之外 係真係好酒店feel既湯 原件蟹肉配打碎磨菇湯 口感唔係個種好滑 反而係好有質感既湯 另外海鮮濃湯都係有原隻蝦 青口... 👍🏻.主菜叫左「燒西班牙紅毛豬骨$276」and 「香煎智利鱸魚配檸檬牛油汁 $278」主菜價錢相對抵食 $200幾蚊已經有main course(除左食牛) 西班牙豬骨用慢煮形式再加以烤焗 造到外面好脆而裡面好淋身 燒汁亦好夾個豬骨 ； 之後煎鱸魚係我今日最推介 首先墊底既薯蓉好香+滑 濃濃牛奶味👍🏻 鱸魚配上特製檸檬汁 酸酸甜甜得黎又將魚既鮮味提昇返 重點是皮煎得好脆身 咬落

今日男朋友嚟接放工，晌將軍澳行咗陣，就開始搵地方祭五臟廟。上網搵一下，見到有間風評唔錯嘅小店，又滿足到男朋友對牛嘅執著，就入咗坑口村，去到時真係感受到大隱隱於巿嘅意境。甫一坐下，店員已經拎咗蒜蓉麵包比我哋醫下肚，再一路慢慢睇餐牌，服務貼心。因為見到隔離枱啲嘢食都好大份，而我又細食怕浪費，所以叫咗一個Set Dinner，加一個小食同Pizza。芒果炸軟殼蟹沙律 - 軟殼蟹炸得香脆，惹味得嚟完全不油膩，再配上芒果肉同沙律調和口感。美國頂級肉眼扒配薯蓉 - 份量十足嘅一道菜，要咗Medium Rare，剛剛好鎖住牛扒本身嘅肉汁，而且外皮完全唔韌，入口鬆化，質素確實好高！意式酥炸魷魚圈配他他汁 - 一道好開胃惹味嘅小食，魷魚圈炸得外表金黃香脆，內裏肉質仲保持到鮮嫰，配上他他汁，味道一流。蕃茄水牛芝士薄餅 - 芝士薄餅表面上再舖滿水牛芝士，身為芝士控嘅我，十分滿足！法式焦糖燉蛋 - 奶味香滑濃郁，表面焦脆香甜，不錯！

坑口村係我另一個常常稱讚既村主要係有好多不同食肆想食咩都基本有而今日正正係食村口一間意大利餐廳裝修得好有格局 同情調乾淨 整齊 最緊要個手寫推介菜式 雖然唔太識食蠔 但見隔離台有點 好似好靚而我一家人就簡簡單單食左2 Appetisers 1 main course 1 pasta 意大利帶子牛肝菌雲吞(6隻）該店signature 當然要試試勁香牛肝菌味 而且咬個雲吞 勁多醬汁味道又濃厚 最緊要 皮薄餡靚 第一次食意大利雲吞 令我一試愛上好想撈埋d汁食意粉呀😋意式酥炸魷魚圈配他他汁必點之選 魷魚圈炸到金黃鬆脆而又不失魷魚既彈牙口感 再配上他他汁 可解油膩燒澳洲羊架羊架燒得唔會過熟7成剛好 羊so味唔大連平時唔太食羊既我 都會食到一隻另外配上 薄荷汁 或 黃芥末醬真係另一種風味羊架配埋薯菜 又可以增加飽腹感幾個人share都冇問題意粉方面香辣蜆仔扁意粉內有2款蜆肉第一次食佢嘅炒意粉意粉比較乾身 唔會太油而且辣味都剛剛好重有好多蒜頭 真係粒粒都好好味蜆肉量好多食極都食唔晒成個氣氛都好好人會多最緊要係服務態度非常之好回頭率高 下次可以試其他

掛住以前居住既地方-- 坑口就過黎行下 行到坑口村 有幾間食店 今晚我想食西餐 座位唔多 地方整潔企理Set dinner 包前菜 主菜甜品 餐茶北海道帶子南瓜湯原粒帶子 杰杰嘅南瓜蓉湯 為剛轉涼既天氣 暖暖身子軟殼蟹芒果沙律原隻香脆軟殼蟹 配上香芒同新鮮蔬菜可解炸蟹既油膩加上甜甜地既醬汁 好Fresh美國肉眼扒Size好巨 好有睇頭一格格既燒烤紋 外觀唔錯7成熟 熟度掌握得好好配菜同薯菜都份量十足另加一份鵝肝 Size唔細煎到焦焦地 入口即融法國油鴨脾肉露荀意大利飯本身比較期待份肉眼扒 但原來意大利飯先係驚喜之作每啖飯都充滿鴨脾肉絲 超級足料 鴨絲夠林又入味 同creamy嘅Risotto襯到絕 Cream Brulee 薄脆香甜既焦糖面 燉蛋蛋味香濃 口感豐富自從鍾情cheese cake就少食Tiramisu今次Tiramisu好出色重芝士又不失淡淡既咖啡酒香 令我重新愛上 食到停唔到口

今日入到嚟坑口村食飯，全因呢到有個前5星級大廚開既意式餐廳。基本上入到坑口村向右行一陣就會見到，成間店既裝修都好似意大利既小店咁，幾舒服! 坐底冇耐店員就會送上蒜蓉包，暖暖地而且仲幾脆添!香芒軟殼蟹沙律呢個係是日晚餐跟埋既，真係有成隻軟殼蟹同埋幾片芒果肉，食落口感十足而調味適中，軟殼蟹唔會炸到好油，食完真係好開胃!海鮮湯呢個係招牌推介所以就嗌，海鮮份量好足同埋夠哂新鮮，無論係蝦、帶子或青口都一樣爽口彈牙。湯夠濃而且仲有淡淡龍蝦味，我地嗌regular size兩個人飲岩岩好!炸魷魚圈呢個亦係必嗌菜式，魷魚圈炸到金黃酥脆但仍保留到魷魚既彈牙口感!燒西冷牛扒配薯角主菜係呢塊西冷，勁厚切而且真係燒得好香，完全做到表皮香脆而內裡粉嫩，肉汁一流同埋牛味非常突出，食落真係好似某酒店扒房出品一樣! 配菜亦都完全唔馬虎，有落蒜炒過而唔係普通白烚，誠意十足!煙肉辣肉腸薄餅到pizza出場我地都wow一聲，因為14”真係好大塊同埋佢烤得好香!煙肉同埋辣肉腸完美同芝士融為一體，餅底亦係脆身所以都唔會食到好滯，重點係調味真係岩岩好，唔使落tabasco都夠哂惹味!Tiramisu晚餐甜品亦都幾出色，咖啡味濃而

Margherita pizza$108薄脆批底鋪滿拉絲芝士好正😋影相個下已經聞到勁香芝士味Parma ham bruschetta$78碎蕃茄同香草好夾，加埋咸香Parma ham生蠔$388我係為左生蠔而黎，無令我失望，蘇格蘭生蠔好鮮味而且肉厚，值得食！Garlic n chilli spaghetti $118意粉超驚喜，好煙韌好有嚼勁，廚師拿捏得好精準，必點燒春雞$21816oz燒雞肉質嫩滑，雞皮香脆，可以揀薯角同薯蓉做配菜，薯角岩岩炸起熱辣辣～蔬菜為西蘭花、茄子、菇菌和豆

住左將軍澳咁耐都唔知原來坑口村有間咁有情調同格局既意大利餐廳😍，餐廳乾淨整齊，侍應都好有禮貌，又經常自動加水，又會推薦當日廚師推介菜式👍🏼。.🥟意大利帶子鵝肝菌雲吞(6隻)💲188一上菜即刻聞到既香濃既鵝肝味🤤，醬汁超多 味道又濃厚，雲吞皮薄又煙韌，餡料好充足，仲有好多湯汁係入面添💯。.🍲新鮮紐西蘭青口(600g)💲198有8大隻，真係好大隻，半支西餐既叉咁大🤩！食材好上乘，每隻都好新鮮、爽口、彈口，仲全部都好漲卜卜好飽滿💯，罕有地採用白酒去煮而唔係忌廉汁，更加帶出到青口鮮味👍🏼。.🍝番茄汁海鮮闊條麵💲158非常之足料同高水準👍🏼，番茄汁唔會太酸或太甜，調味恰到好處💯，海鮮超多的，有盧魚片、帶子仔、大青口、魷魚圈、蜆肉，闊條麵唔會煮到太林，頗有咬口和彈性😋。.🍕番茄水牛芝士薄餅(L 14")💲188切開有8大塊，熱辣辣新鮮焗起好正，薄餅既底部又脆又薄👍🏼，雖然係芝士pizza，但有番茄醬平衡番，食落去唔會覺得好滯😋。.🥧Apple tart with macadamia supreme💲80超乎想像既酥皮，酥脆到不得了！甜度平衡得好好，仲有2大球既夏威夷果仁雲呢拿雪糕，擺盤有心思，整體

兩人點了一份晚市套餐及一些單點食物。套餐包前菜、主菜、甜品及飲品，首先送上蒜蓉包，香脆多蒜，好好食。前菜選了芒果炸軟殼蟹沙律大大隻軟殻蟹鬆軟非常香口。主菜是美國頂級肉眼扒（十二安土）老實說有點失望，可能是牛筋比較多，感覺有點韌，不過肉質整體頗有口感。反而配菜比主菜更出色，蔬菜蠻多包括西蘭花、茄子、蘆筍等，以及薯蓉幼滑，牛油味重，好Creamy！新鮮紐西蘭白酒煮青口青口充滿海水鮮味。帶子蘑菇香草汁扁意粉帶子有五隻，意粉條條沾滿醬汁非常彈牙，帶濃郁香草香。Almond Parfait 加入粒粒杏仁的自家制雪糕。Tiramisu

朋友住喺將軍澳，佢有時會到坑口村到搵好野食。呢日佢就帶左我去食一間西餐小店。呢度既set dinner比較抵食！我地點左生鮮生蠔 No.1，$388有6隻。呢到既生蠔係1號size既，勁大隻，而且超級新鮮，配埋檸檬汁同埋醬料一齊食好正！另外就點左Set Dinner，前菜揀左芒果炸軟殼蟹沙律，芒果好甜，軟殼蟹好惹味！主菜係美國頂級肉眼扒，牛扒5成熟，肉質嫩滑，牛扒好大塊，我地食得好飽啊！甜品係Cream Brûlée，都唔錯！

💕週年紀念快樂🥰喺老公心中，紀念日一定要去西餐廳，先顯得浪漫🌹！餐廳位於將軍澳坑口村，之前有聽過嗰度附近有好多隱世好店，今次終於有機會試吓！西式復古嘅裝修，掛滿油畫，雖然店面唔算大，但睇得出絕對係店主心機之作🥰新鮮生蠔🦪～時令係英格蘭生蠔，即叫即開，店家表示即開完，擺雪櫃10分鐘先會上枱，呢個係最佳食用溫度，每隻蠔肉目測有6至8cm，夠哂大隻兼creamy👍香煎法國鵝肝配意大利醋汁兩件～鵝肝外脆內軟，非常有口感，旁邊配搭沙律菜非常fresh，中和了油膩感，想食完再食😋傳統牛肉千層麵～肉醬餡料豐富滿瀉，一層麵一層餡料，配上焗到香噴噴嘅芝士，層層都做到拉斯嘅效果👍香煎挪威三文魚扒配黑松露忌廉汁～店家表示用了刺身級嘅三文魚來制作，同我推介煎到五至七成熟就最好，果然非常嫩滑！只要沾上少少鹽，魚味已經夠突出回頭率100%

牛扒多筋到食唔到，老闆一句話「做咗廿年扒，百零蚊嘅牛扒係咁上下」一次就話因為order得太熟所以韌，叫生啲又話熟啲唔會有咁嘅情況，真係乜都佢講晒，而且態度麻麻，本來只想反映意見，結果不接受之餘仲要受氣

一坐底職員就即刻比左蒜蓉包我地，好脆唔油煙三文魚凱撒沙律煙三文魚份量好夠，分量岩岩好蘑菇蟹肉湯個湯好濃磨菇味，每啖都有蟹肉蒜蓉忌廉菠菜個汁就甘食都唔會膩番茄汁海鮮闊條麵好開胃，海鮮好多，但份量比較小意大利帶子牛肝菌雲吞好重松露味，雲吞好滑

I’ve had lunch here and would definitely recommend it. However, I hadn’t tried the pizza takeout. I bought 2 pizzas and at the price was expecting them to be fantastic! I took them home to find them dry with an over cooked biscuit like crust. Needless to say I won’t be ordering them again.

位於坑口村的意大利餐廳。午市選擇不多，這次點了牛扒跟豬肋骨，另加青口。餐前蒜蓉包一如以往香脆惹味。Peach & Salmon 沙律清新開胃。 青口半份108，全份198。我們點了半份。青口新鮮肥美，醬汁清淡得宜突出青口鮮味，相比忌廉酒煮對青口鮮度要求更高，可見餐廳對食材的自信。牛扒主菜，醬汁配菜都不錯，但主角的牛扒略為失色。燒烤過味道其實不錯，牛味甚濃。但大半位置帶筋，Medium熟度卻連刀也切不斷。餐牌說是肉眼，但感覺像西冷。廚師其實對食材亦有所了解，故意薄切，但仍是難以咀嚼。最後還是要放棄小半，有點可惜。相比之下，豬肋骨出色很多。烤過後外脆內軟。醬汁濃郁帶甜中和肥膩豬油。很不錯。午餐價錢來說質素不俗，青口單點也值得。牛扒因價錢因素不能要求過高，下次會試意粉或推介的黑毛豬。

好耐以前每次去都大滿足，但近年自從老師傅 (?) 冇常駐餐廳後，食物質素好飄忽。唔知係因為咁定同區開咗另一同類餐廳，所以客流明顯少咗，露天位置以前近乎滿座，而家好多時連枱都唔set。全靠個汁所以都仲係好食，但雲吞同以前比有種說不出的不同。以前去親幾乎都有青口，啲青口大大隻啖啖肉，配埋個菜汁一流。近一兩年轉咗蛤或者蜆，用番同一款汁，價錢相同但份量差好遠（睇相便知，撇除個殼，嚿肉都差好遠），而且總有兩三隻有沙……牛扒質素唔錯，冇太多筋同肥膏。最鍾意啲薯角，熱辣辣脆卜卜 跟餐嘅 Tiramisu 質素最飄忽，以前恰到好處，但近年總係濕淋淋，似乎浸得太多咖啡了。總括嚟講，好懷念以前嘅質素同味道，那一天老師傅 (?) 返嚟就話我知啦