La Rosabelle Bar & Grill

Open Now

Now Closed

唔識形容，自己睇2人份海鮮飯 498好似冇落調味料咁，十分推薦喜歡清淡既朋友青口有雪味，硯肉如食橡膠2人份量，夠唔夠食就自己睇，賣498甜品 Apple Crumble 78第一次見係蘋果 Jam上面加餅乾碎般既 crumble 賣相如圖，可能真係見識少，唔知有咁既做法和牛漢堡 238轉左蕃薯條，好濕好冧，係比較健康嘅做法12安士肉眼 398Order 三成熟，熟成如圖服務: 食下午三點幾，得幾枱客，簡單加水，一個叫一個，再催幾次先加到Open rice 訂枱免加一，坐低已經講左埋單都係加左一，再改先免到講左咁多，睇下d正評個個都話環境好靚，話食古典氣氛，歐陸風餐廳環境D相片個個影到好似，角度又好一樣，又影唔到餐廳客人，技巧真係好好，都想虛心學習四個人，免左+1 ，每人$300 ，大家自己決定

🐽德國咸豬手配炸薯條 $298🍛黑松露帶子意大利飯 $198🍸Lime Soda $40🔸將軍澳海傍真係好多好正嘅餐廳，就算唔係住果邊嘅我，都間中會去發掘下有咩好西😗今次試呢間西餐係歐式宮廷裝修，加上玻璃吊燈同埋古典風嘅油畫等等，氣氛真心一流❤️🔸今次揀嘅兩款Mains都好有水準同好夾，因為係完全唔同類型嘅嘢！德國咸豬手嘅尺吋比起平時食到嘅感覺仲大多10% 以上，簡直係食肉獸最愛😍而且做到真正外脆內軟，烹調功力絕對上乘👍🏻而且薯條係新鮮炸起，份量又多，成個主菜絕對多過一人份量，食到勁飽😂🔸黑松露帶子意大利飯都係驚喜之作。你以為得面頭嘅兩粒帶子？其實成個飯入面都有好多細粒帶子，非常抵食！個飯做到十分Creamy，加上黑松露味好濃郁，帶子煮得啱啱好，好滑，整體水準同樣係高質😎

我是經openrice訂座，去到時我話9人，但佢好似一頭霧水敢，安排我們坐下，還不斷叫姓咩名咩，電話號碼和訂座時間，跟住寫返落個list到，俾我感覺好似被忽視敢。坐抵後服務員非常不專業像去了茶餐廳一樣，拿出一本白色紙張，一支筆手寫落單，最後證明手寫落單唔可行，黎錯野，仲係我面前翻查自己手寫的落單紙，整個服務過程感覺仲差過茶記，服務員好像沒有受過訓練，講英文落單佢又唔識聽，仲要亂敢指，問佢攞餐具佢又十分不願意，問佢野回答又差，這樣的環境，食物質素就算再好都無用，因為這位服務員很差勁。到最後埋單，經app訂散叫有9折，我都預左佢扮唔記得，收我正價，所以埋單時真係要睇清楚。我就不會特別推薦。唯有讚的時佢晚餐可配香檳或餐酒。黑毛豬胺亦比較出色，但食物偏鹹，回家不停飲水。

慶祝屋企人生日，所以諗住揀間環境好啲氣氛好啲嘅餐廳，結果唔好食嘅多過好食嘅。我哋叫咗好幾樣食物，包配Paella, Lobster Linguine，青口，豬鞍，雞翼等等。Paella 成 $498，入邊有兩隻比較大嘅蝦，但係除咗咁其他海鮮都非常普通，入邊嘅青口好似擦子膠咁，其他海鮮都冇乜。完全唔明點解要咁嘅價錢。個西班牙豬鞍，$298， Overcooked，仲難食過茶餐廳啲豬扒，勁硬，好失望。好到法式靑口， 同Paella嘅青口一樣勁唔新鮮, 只係多咗啲汁冇咁膠。只係個Linguine同啲薯條叫正常，但都唔係特別好食。飲品一樣好普通，杯fruit punch係無咩味嘅。總括來講，又貴又唔好食，只係間餐廳幾靚咁解。唔會再去，冇下次，不推薦。

閨蜜今晚特別訂了這間有宮廷風格的餐廳，說是要來一個公主的聚會😌餐廳裝潢非常優美，猶如置身在古堡宮廷之中，十分雍容華貴。黑松露帶子意大利飯 $198黑松露獨特濃郁的香味陣陣地瓢著，大大粒的帶子爽口彈牙又多汁，意大利飯吸滿黑松露味，粒粒晶瑩飽滿，外軟內硬，味道突出，入口富陣陣香草氣息。德國咸豬手配炸薯條 $298炸豬手夠香脆，皮脆肉嫩，外層做到又脆又煙韌，炸得時間恰到好處，金黃外皮卜卜脆，趁熱從四面八方一口咬下去，咬破脆皮後緊接着就接觸到軟爛的脂肪，跟着遇到口齒的是扎實幼滑、肉汁豐盈的瘦肉，層次融合，鹹香惹味，是視覺與味覺的雙豐收。小食拼盤 $208多款小食拼在一起，解決了我們的選擇困難症，燒烤醬雞翼及水牛城辣醬雞翼，都是香香脆脆的外皮，內裡藏著豐富的肉汁，炸魚手指魚香味濃郁，配上沙律醬更滋味，魷魚圈彈牙有嚼勁，洋蔥圈香香的洋蔥味，是我的最愛👍🏻

(自費食評) 環境氣氛超好食物質素高🥰😍今天來La Rosabelle Bar & Grill 西式餐廳吃晚餐，他們的環境氣氛超正裝飾十分好黑松露白汁帶子意粉$198雖然食物份量比較少，但是味口不錯黑松露帶子意大利飯$188雖然食物份量比較少，但是意大利飯質素比較好因為他們汁做得好正味口比較濃墨西哥芝士脆片$158賣相好吸引。雖然這是小食，但是小食的份量比較多十分脆口，又好香濃的芝士味所以，可以推薦一下這間餐廳

澳南個頭真係好正，環境舒服😌 • 又多野食🤭今次去既依間多國菜餐廳🍽行歐洲🌍古典風 • 復古路線 • 牆上掛住油畫🖼 • 天花用玻璃吊燈💎……仲有條原木樓梯🪵勁岩打卡📸~•~•~•~•~•~•~•~•~•~•~•~•~•~•~•~•~•~•~• ☀️ Set Lunch ☀️ Mon - Fri (*Except PH & Sunday)跟餐有烘法包🥖.▪Starters (𝟐揀𝟏)▫️Daily Soup粟米湯 : 有粟米蓉🌽▫️蝦春卷 : 炸到脆卜卜💥，夾住原隻蝦🦐，配酸酸甜甜泰式辣醬，底仲有沙律菜🥗.▪Mains ▫️西班牙南瓜意大利飯 ($138)除左南瓜🎃之外，仲加左菠菜🥬好夠營養呀，份量都幾大🥄意大利飯🍚粒粒都有汁包住，幾𝐂𝐫𝐞𝐚𝐦𝐲🤍.▫️炭燒美國西冷牛扒8oz ($238)係格格紋呀🏁，仲有炭燒香氣🔥牛扒🥩唔會太薄，表面仲加左香草🌿配既𝐆𝐫𝐚𝐯𝐲 𝐒𝐚𝐮𝐜𝐞唔會過鹹🤎最驚喜位係薯條🍟，係加左黑松露🖤而且有薯條🍟之外，仲有埋沙律菜🥗.▪Drinks包𝐀𝐦𝐞𝐫𝐢𝐜𝐚𝐧𝐨☕️ / 𝐓𝐞𝐚🫖 或可 加錢𝐔𝐩𝐠𝐫𝐚𝐝𝐞✨ 👉🏻加+$𝟐𝟎 𝐀𝐧𝐲 𝐊𝐢𝐧𝐝 𝐎𝐟 𝐂𝐨𝐟𝐟𝐞𝐞👉🏻加+$𝟓𝟓 𝐇𝐨

朋友介紹Bookmark了一段時間！由於餐廳設有戶外區，經過未必留意到原來室內的用餐區咁特別！餐廳裝潢非常典雅，紅木牆身掛上油畫，加上水晶吊燈同皮製座椅，令人有如置身歐洲的古堡。全晚播著經典英文歌，氣氛一流。侍應好友善，用餐體驗非常之滿足👍🏻非常適合約會或慶祝～🔸龍蝦扁意粉🍝🦞龍蝦鮮味十足，肉質爽彈，滿滿的龍蝦膏，茄蓉意粉仲夾雜粒粒龍蝦肉好足料，扁意粉較粗，口感彈牙，好高質😋🔸炭燒紐西蘭羊架配薯蓉🐏三件羊架幾厚肉，炭燒焦香撲鼻，肉質軟嫩有油香，整體配菜都不錯！➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖#吃是真愛_將軍澳

今日放假去將軍澳澳南海+ 行下新開既跨灣大橋，順便係附近食埋lunch , 超多歺廳， 好多選揀，眼花撩亂， 都唔知食邊間好.見到La Rosabelle Bar & Grill環境好靚， 裝修好華麗， 感覺好舒服， 就決定試d 間.雖然價錢稍貴， 但CP 值高，叫咗個set lunch （已包湯/ salad, main course , drink 同dessert), 食到好飽.煎三文魚扒：配有菜同薯仔， 三文魚扒好滑身👍👍， 煎🉐️剛剛好， 配有檸檬汁跟歺甜品-brownie: 微暖，軟硬度適中，如何有埋雪糕重正提拉米蘇： 好大件， 可以同朋友share 食， 酒味和甜度適中， 推介😋

之前都介紹過幾間將軍澳海濱長廊一帶既餐廳，今次試左呢間以歐洲古典宮廷風格既多國菜。🥗Crispy Pork Belly Salad好有泰式感覺，香炸豬腩肉乾身超脆口跟新鮮芽菜、火箭菜、紅蘿蔔絲配上自家調制芝麻沙拉醬清新爽口味道甜甜地適合做餐前開胃菜🍝Carbonara卡邦尼意粉甚有驚喜熱氣充滿蛋香巴馬臣芝士氣味蛋漿煙肉油料理出Creamy醬汁意粉油潤挺彈又掛汁伴隨濃郁芝士仲有咸香煙肉碎大滿足又回味🍔Supreme Burger漢堡牛肉夠厚有份量感大火煎香肉汁爆濃半溶化芝士軟滑香口再夾脆咸香煙肉生菜大大啖滋味無窮Side配即炸香熱薯條超脆口感又挺身🍮Cinnamon Apple & Blackberries Crumble Ice cream 同埋平時既apple crumble唔同呢度用藍莓、蘋果肉去煮味道又香甜濃郁上面鋪滿香脆金寶加埋雲尼拿雪糕冷熱共融口感又軟又脆口，好好味😋

好鐘意黎將軍澳海邊後行食下野， 今晚試左呢間好典雅既餐廳～La Rosabelle Bar & Grill～。餐廳裝潢好古典歐洲建築物感覺，真係會打卡打到手軟。呢度有戶外座位，方便帶寵物既人黎食野。椒鹽魷魚沙律🥗第一次食椒鹽魷魚配沙律呢個配搭，原來咁夾。魷魚金黄好香口，沙律醬甜甜好開胃, 沙律菜都好新鮮。德國咸豬手🐖配薯條🍟豬手份量好多，巨型擺盤好吸晴，豬手外皮燒得脆脆，夾雜少少脂肪，肉質鬆軟唔會硬掘掘，再沾上熱熱的醬汁，好好味。蘋果撻🍎層層蘋果粒加蘋果蓉，面層再有粒粒果仁，再配上冰凍雪糕，使口感層次更豐富，令人一試難忘。呢度真係好啱慶祝呀，拍拖黎浪漫下。

2023新年新開始，要食番餐好😋。 今晚再次同朋友選擇位於將軍澳海濱 <La Rosabelle>。 每次經過都會俾佢宮廷風裝潢吸引。 無論餐桌、座椅、擺設及掛畫都充滿復古文藝復興氣息。-除了環境靚，食物都有一定質素🔸澳洲和牛芝士漢堡配炸薯條 🔸炸魚柳漢堡炸薯條 朋友一向很愛吃牛🐮，所以二話不說點了這個澳洲和牛漢堡。 而我點了炸魚柳🐟兩款漢堡賣相很吸引😋用上澳洲靚和牛，芝士濃郁，牛肉肉質鬆化，肉汁極度豐富；配上生菜🥬及蕃茄🍅，中和油膩感。炸魚色澤金黃，炸粉夠薄，外層酥香；而魚柳亦很厚身嫩口，很滿足！一份高質漢堡，除了餡料豐富外，麵包亦是重點。 麵包軟熟微脆及有芝麻香炸薯條🍟亦很香脆-🔸Tiramisu Tiramisu 是意大利一款經典甜品，深受歡迎。而餐廳這份甜品亦很有水準，味道正宗🤤 Mascarpone Cheese、雞蛋、咖啡酒等組成的 layered Dessert，入口近乎完美-🔸Lime Soda 🔸Virgin Mojito 以兩杯味道較清新的飲品配上漢堡薯條，酸酸甜甜，解膩非常

山長水遠聖誕正日由元朗入將軍澳食聖誕餐，book咗19:30，入到去即刻有位，但個位完全影唔到相，好在職員俾我哋換位。不過想order乜冇乜，叫鵝肝冇鵝肝，叫生蠔又冇生蠔，咁都算啦。嚟咗杯嘢飲，在起碼等多15分鐘先有個帶子同青口，跟住已經食晒啲嘢，等咗成15分鐘，都未上個扒同燴飯，職員仲問我哋嘢食係咪到齊，我哋話仲有三樣嘢未上(包括甜品），跟住話嚟緊，又等咗起碼15分鐘先上(一定係漏咗單)。前前後後等上菜起碼等咗45分鐘，隔籬枱遲嚟過我哋啲嘢食都到哂。好，遲嚟我都再算，個扒加咗個龍蝦，仲要勁細隻冇乜肉，又霉霉哋，又凍。所有嘢埋單要$1400。食到一肚氣，事後俾男朋友話足半日點解嚟呢到食😖下次都係揀返去市區食算😔

第一次留言，就係俾差評😤Book咗呢間諗住平安夜開開心心食餐飯點知order咗幾樣食物先嚟飲品，等咗幾個字先有湯之後等咗一個鐘（係一個鐘！！）都未有任何食物中間追咗幾次，隔離左右枱枱都有食物好耐都未上，侍應就每次只話唔好意思，廚房做唔切。大佬呀！明知聖誕節多人食飯而你哋冇咁多人手，要啲客呆坐成個鐘，真係咩氣氛都破壞晒！等咗一個鐘之後先嚟一個頭盤（只有幾粒帶子嘅）食完都唔想再等，唯有好激氣咁取消其他order唔食啦！永遠唔會再嚟！！

星前五黎到澳南海岸，當然要睇下有咩好食啦。西餐種類唔小，可以坐室外得黎覺得舒服既就有呢間。價錢方面就當響銅鑼灣地區食一個西式午餐咁樣。有前菜，有主菜，加咖啡或茶（可以加錢轉酒精類飲品）前菜有三樣選擇，除左個凱撒沙律比較普通之外。所以叫左另外兩樣。羊肉串配薄荷酸奶，有墨西哥菜既感覺，有少少嘅羊臊味，薄荷酸奶唔會太過薄荷。至於泰式大蝦木瓜沙律，就唔會同泰菜一樣咁辣，小小辣偏酸。主菜方面叫左雞漢堡，雞胸肉有小小乾兒，但有醬汁搭夠。配上蕃薯條就有得加分。脆皮燒肉既皮真係好脆。配埋蘋果醬同豆蓉，增加唔同口感。敗筆在於漢堡上左成十分鐘，我先有得食我份主菜。變相望住人食，呢方面差小小。甜品方面係朱古力布朗尼，由於菜式份量比較大。已經食唔晒喇。最終飲品方面我既咖啡叫左焦糖咖啡（加錢解決到）同埋一杯啤酒。外加一杯香檳，由於無咩選擇，都係叫左house 果隻，略嫌唔夠氣泡。$500 左右埋單，天氣爽朗，坐左兩小時！輕輕鬆鬆食一餐。