Lab 66 (Closed)

夜晚去左旺角黑布街揾食，經過見到意間比較新既餐廳，門外有大大塊餐牌，睇到種類好多，岩哂一家大細又多心既我地。餐牌種類好多有西餐韓國日本菜，價錢都晤算貴。軟殼蟹沙律，份量多，軟殼蟹十分香脆，不錯。蜜糖柚子雞翼，在炸雞翼加上蜜糖柚子，能減掉油膩感，配搭一流。帶子墨汁意粉，個人最愛之一，意道味道適一，帶子三文魚籽鮮甜配上墨汁意粉，效果更正！醬燒豬軟骨，味道帶辣，破格用上豬軟骨，咬落啖啖肉，有別於一般豬仔骨少肉多骨問題。個人推介。甜點叫左個Sweetie 好大杯，有生果有雪糕，幾個人分享不錯。整體餐廳新派菜，味道出色特別，價錢合理。值得再黎。

第二次幫襯了，很欣賞這裡的fresh juice，特別在都好多種生果mix一齊，但依然好飲，分red/yellow/green，上次飲咗red，今次試吓green，酸味重配搭濃味兼比較肥膩既食物最適合不過。呢度差不多枱枱都必點既水牛單骨雞翼，非常濃味，所以有青瓜伴碟，味道都不錯，份量適中。烤雞凱撒沙律很好，雞件數量都頗多，以凱撒沙律來就當然較港式啦，雖不正宗但值得推介咸牛肉芝士吐司配薯條，呢款一向好茶餐廳既咸牛肉食物無想過會放喺一間西式小店內做吐司，幾特別幾好味，都好多人點架，好脆口，芝士跟咸牛肉都好match

✿╮❤╭✿ ✿雜感女生 好味日記✿ ˚*•✰。Lab 66 ．情意綿綿實驗室。✰•*˚ ✿✿舌尖上的旺角✿✿ ❤餓底飯聚．食勻全世界❤ ❤ 在專虐單身狗的一天，和姊妹來到旺角shopping 同時亦去找一些貼地的美味來充實腸胃 在黑布街的當眼處，就被這個有樓上雅座的Lab所吸引！ 先來些小食，還我開胃！ ——柚子雞翼—— 酸甜的滋味，最正是雞翼已變身單骨雞翼來炸 香脆又入味，一口一啖，易食！ 以芝士配青瓜條的配搭，健康又好吃 ——炸魷魚鬚—— 魚鬚香脆熱辣上台，灑了香草與鹽，入口已經無法抗拒 配上3款汁與酸甜菜，認真和味 ——芒果軟殼蟹卷—— 如此香口又有芒果甜度的作品，不只賣相好 味道更是一流，適合女生一起SHARE 一碟4件，非常抵食！ ——低溫慢煮安格斯肉眼扒—— 質素不錯的肉眼，在慢煮之下，鎖住了肉汁與鮮味 入口更有表層的烤香口感，內裡的嫩滑，令人一口接一口 飲品： Yellow——香蕉、雪梨、菠蘿、荔枝 味道屬清新少女款，雪梨味較強，亦有香蕉的香氣 Coffee Brown——espresso, baileys, rum, coffee liq

前幾日見到個friend post左張相，餐廳入邊有個白兵，見幾得意，所以就搵下呢間係咩餐廳，原來都幾近，係旺角附近首先叫咗個海怪沙律，上面嗰個係軟殻蟹，個蟹炸到啱啱好，唔硬亦都唔會太軟，個沙律個醬汁都幾特別，係用熱情果來配合返軟殻蟹同啲菜，撈埋一齊食別有一番風味，感覺都幾清新之後叫左個低溫慢煮安格斯肉眼扒，初初我叫個侍應話要五成熟，原來係無分既，佢話因為係慢煮所以唔會太硬身，因為我怕食到好似橡筋咁，咬不開，有時真係食到牙較都軟埋都未吞得落口一食落去有驚喜，塊牛扒好林，加埋薯條炸到好香口，唔使點咬都可以吞落口，呢個牛扒值得一試最後叫咗個芝士豬頸肉，每塊豬頸肉都好厚身，淡淡肉，配埋上面一層厚身嘅芝士，食到已經好滿足了最緊要呢度係有鮮榨果汁，我呢杯係叫red紅,入邊係有五種生果Mix埋一齊，啱晒我呢啲小食生果嘅人

約好友吃飯，多數會選擇旺角區⋯算是香港的中心地帶，飯後回家很方便，而且選擇多多！我和朋友都喜歡到黑布街揾食，那裡可說是鬧市之中的寧靜食街，今次我們就到了裝修特別的實驗室--Lab66。當天有白兵與我們一同進餐~室內環境很特別呢，還好我們早到，人不算多~ Walk in都有位丫！二人都很餓，點了兩個主食、一個小食...當芝士鰻魚鐵鍋飯上菜時都嚇一跳了，份量比想像中要大！其實叫一個已經夠兩個細食人Share了...也很足料~香氣四溢的，鰻魚下滿滿是芝士丫，拉絲的一刻好感動~ 這日韓fusion鰻魚飯真不錯，鰻魚有份量，伴芝士飯一同吃口感豐富，但魚稍為多骨了一點。再來是低温慢煮安格斯肉眼扒，同樣是...好大份！10安士的丫~有薯條和菇作配菜，蠻多的~內裡紅紅的，但其實也算熟~ 慢煮出來的，肉質得以保存，吃下去完全不靭，口感味道也很好。但上菜後最好先吃掉，因為很快冷下來呢。沒留意到肉眼扒有薯菜，小食錯叫了一客鹹牛肉芝士吐司配薯條^^;  與其說小食，不如說這是主菜吧... 薯菜一大桶，還有芝士吐司@@粗薯條很不錯，炸至外脆內軟的，但不會太油，推介給薯條愛好者本來想試試甜品，但主食份量太豐富，最

一入到餐廳見倒隻白兵，好開心阿呢間餐廳嘅design都幾特別，入面有好多吊住嘅燈泡，又有好多小擺設。一睇就知呢個通粉好濃蕃茄味，不過佢上面仲有層厚厚嘅芝士。食落除左芝士同蕃茄味之外，仲好濃蘑菇味。呢個通粉真係好開胃，不過通粉嘅質地就偏硬身。呢個串燒 有 牛，羊同埋雞。我個人就唔係好好串燒。不過朋友就好欣賞個串燒同埋個串燒汁阿！因為個汁唔會太濃搶哂啲肉味Btw呢度有Pacific ale飲，好易入口，同朋友黎食下小食飲下啤酒傾偈都幾好

Lab 66 聽倒個名都覺得幾特別，所以就入左去喇。第一味就叫左個軟殼蟹沙律，隻軟殼蟹都幾大隻，而且仲炸到好脆。其實個沙律都幾大，所以我同朋友share左黎食。慢煮牛扒，啲肉好林好鮮嫩。因為佢真係好林所以切落去嘅時候唔洗好用力，輕輕地就切倒，不過肥肉就有小小多。芝士豬頸肉，睇圖都知有幾多芝士啦！啲芝士多到可以拉絲阿！啲豬頸肉同啲芝士夾埋一啲都唔溜，食落好爽好煙韌。鐘意芝士嘅一定要試下阿！呢度嘅環境好特別，裝修得好有風格，好岩傾偈食下飯。

2個人諗住食好d，每個種類都叫一款試下！先黎海怪沙律(軟殼蟹)，好fresh，最有趣係沙律旁有個好酸既生果，即刻開胃哂！頭盤有串燒拼盤(雞、牛、羊)，沒有豬比較特別，但羊一d都唔羶，牛串燒又帶d筋，有口感，雞就最襯旁邊既花生醫小食就係鑊仔廣東蠔餅，個鑊上到黎仲有'吱吱聲'，熱辣辣！好香蠔味，加埋焦焦地既香，雙重香味！重頭戲主菜叫左個低溫慢煮安格斯牛扒，好大塊扒! 切既時候好難切，點知食落口好軟，有d脂肪，再加上慢煮，香氣同味道出哂黎值得一讚既係個menu有圖睇，可以避免爭拗！

一行三人到了旺角小聚，晚餐在Lab 66解決，朋友說算是紀念大家曾經都是實驗室的戰友而來這裏的。哈哈，過去為了趕上report due date，在lab裏不見天日忘我工作甚至連飯都忘了吃。今日朋友已為人母，為了家庭，就從前線退下來，在公司轉為part time，夠鐘就收工，基本上已很少入lab了，難得的小聚，還真是感觸良多。三個女子一個墟，我們大概真的太吵了，不好意思聊得太起勁，那就在加單多點食物好了。海怪沙律（$108）先點些頭盤小吃，叫了一份沙律，海怪其實是軟殼蟹，剛炸好的熱辣辣很脆口，沙律菜新鮮，並沒有預先加醬汁，而係給了一瓶橄欖油同黑醋，可自行配撘口味，這樣仲好，唔怕過酸。咸牛肉芝士吐司配薯條（$58）呢個小食好抵呀，超大桶薯條，又係新鮮炸起的，又香又脆，旁邊那個有點像他他醬又有點像蜜糖芥末醬的東東好好味，甜甜酸酸點薯條好正。咸牛肉加上熱瀜芝士基本上無得輸，咸香再加上外脆內軟麵包，好味。鑊仔廣島蠔餅（$78）蛋煎得香口，蠔下得幾多又夠肥美，大量芫荽更添香氣，唯獨係油左少少，不過食蠔餅都預左，用紙巾印一印吧，自我感覺良好一點。煎韓式泡菜餃子（$58）圓圓的泡菜粉絲餃子，飽滿多汁

近來好想刺激一下味蕾，發掘下新的餐廳，lab66就係其中一間想吃的，今天肚子突然提早打鼓，就去左呢到開動啦，時間可能尚早，只有一枱客人，侍應就企曬係到望住我地呢D食客。事前我做左功課，佢地buffalo wings賣相係吸引我去的一個原因，之後再點左一客cabonara w / poached egg 同salted egg squid本來想叫個杯dark chocolate架，但太邪惡了...下回吧！先黎既水牛城雞亦，好靚既顔色，食落似咕嚕肉味但有辣的味道，酸辣好令人開胃，雞亦炸到外皮脆脆的，單骨又易食：）伴菜仲有青瓜去下油膩感，有碗白飯伴雞亦吃就完美！意粉好大碟，隻蛋仲朗下朗下咁，有塊芝士在上，意粉都煮剛好，有煙肉磨菇，好creamy的汁，都不錯，反而魷魚個人認為味道不太出，係食到有咸蛋黃既魷魚新鮮，但整體味好淡，有蒜蓉包伴著吃，環境幾好，食物不錯有下次的。

果晚贏左比賽，諗住同另一半去慶功，佢就帶我黎左尼度食啦😂環境氣氛唔錯，幾有格局，適合傾計、拍拖、聚舊先黎一份單骨水牛雞翼，味道酸酸地好開胃，一啖食落去好方便，而且肉質唔硬，食落口質唔錯！之後再黎一份豬仔骨配薯條，薯條好粗好大條，豬仔骨肉同脂肪比例岩岩好，食落好軟熟！然後叫左一個卡邦尼意粉，裡面有啲煙肉，個汁好好味，意粉食落好滑，而且上面有一隻半熟蛋，最岩整爆佢撈埋一齊食，同埋整爆佢果下睇住佢流出黎好治癒！最後點左一杯益力多味乳酸，飲落味道唔錯，可能因為我鐘意飲益力多同埋乳酸飲品😂

約了朋友吃晩飯, 地方不算大, 坐樓上, 食客多為年青男女, 有點嘈,...服務員勤快, 常為我們加水, 服務幾好! 地方整潔有特色, 衛生很好!食物方面, 份量OK!水牛單骨雞翼 - 濃味醬汁，甜甜酸酸，OK。茄汁吞拿魚長通粉 - 吃不到吞拿魚, 茄汁味濃, 長通粉入味!帆立貝墨汁意粉 - 吃不到帆立貝, 墨汁濃, 食到個個女仔都變佐黒口唇.....鰻魚芝士鐵窩飯 - 正!  熱辣辣! 香噴噴! 好味!熱柚子蜜 - 好一般整体份量 OK!

成日經過旺角見到呢間餐廳都畀佢神秘嘅外型吸引, 終於呢日同朋友一齊嚟食晚餐 , 原來呢間餐廳主打fusion菜， 款式都crossover得幾特別。佢外面嘅霓虹光管已經好吸睛, 入面嗰種裝澴同擺設格外與眾不同， 特別喜歡古色古香的鐵窗框及磁磚。 原來店鋪有兩層， 我哋六點半去到比較少人，所以可以上到上面坐，好嘢！佢個食物menu雖然只得一版， 但就已經有齊沙律 ，頭盤，小食，主食，選擇都唔少，而且大多都適合我嘅口味。水牛單骨雞翼$68, 水牛雞翼酸酸辣辣好開胃， 伴碟仲有青瓜及酸忌廉醬畀你點， 基本上水牛雞翼酸辣汁已經好夠好濃味， 個酸忌廉醬係畀你愛嚟點青瓜食嘅( 個人認為 XD)叫咗個小食, 鑊仔廣島蠔餅$78。 好明顯呢個係fusion潮州蠔餅,但演變成為日式做法。 一般潮州蠔餅係用油炸， 呢度嘅蠔餅 有煎過同焗過。 比較香脆啲同唔似潮州蠔餅用油炸過油壓味咁重。 裏面 啲廣島蠔仔 雖然 細細隻但都算新鮮， 而且佢仲有好多洋蔥粒， 咬落去 唔止外面脆脆地，裏面 洋蔥粒仲索索聲， 蠔餅搞小小新意，唔同啲冇咁悶。主食叫咗原條芝士鰻魚鐵鍋飯$148, 真心呢個係超抵食精選。鐵鍋飯份量十足，

每次老公話要行波鞋街，我都唔太想去，因為我唔好波鞋，而且唔想佢成日買波鞋！今日竟然行完佢冇收穫之餘，我地仲搵到間好特色又好食既餐廳😬😬😬佢門口有外國風格的大玻璃，入面都有俾心思設計😍雖然係俾裝修吸引左先入黎，不過依度既野食都有水準的，可以話表裡一致😁老公超鐘意食牛排，第一個就揀牛排，而且佢話依個價錢同份量唔貴食！塊牛排真係好大塊，仲要切開見到圍住係熟，中間係紅，佢話依個係慢煮出來，而且控制得好好，哈哈，我唔識煮，但我都覺得唔靭，幾好食😋我地仲叫左個自家漢堡包，蔬菜好新鮮，裡面隻蛋煎得好靚，最緊要個塊自家漢堡排好juicy😋再黎叫左大部份女仔都鐘意食既柚子蜜糖雞翼，超多蜜糖，好甜，正呀😁😁最後係煎蠔餅，有驚喜，碟蠔餅一上枱已經勁香！食落去有洋蔥粒，即刻冇咁熱氣，依個配搭唔錯👍🏻之後老公叫左杯芒果沙冰，味道好似飲緊真既芒果，應該幾真材實料。而我叫左杯熱情果梳打，好重熱情果味，而且仲有熱情果子,有得咬下，幾特別😋

難得兩口子一齊放假，當然要出去拍下拖，行下街同食下野，見之前有一間型格的餐廳想試，所以就去試下間餐廳有幾型格，放下相先唔好睇佢型格裝修，佢d食物質素都相當唔錯先來過芒果沙冰先個芒果沙冰相當細滑，果味豐富，好似食緊雪吧咁再來炸柚子雞中翼： 個廚師好喎心知道我們對炸雞翼好有罪惡感，每件都係半隻雞中翼，加上件雞翼都炸得剛剛好，加上外層有一層薄薄的柚子糖漿，外脆內軟味道有夠清新，食多幾件都怕滯來多個fusion 菜-鑊仔廣島蠔餅沒有想過這fusion 菜可以咁精彩，除了保留左傳統蠔餅香口同爽脆，而且加上了日式燒餅既口感表面脆口內層香滑，每一啖都充滿著蠔的香味，想起都想再食之後來了我家口子既自家漢堡：試左少少佢個漢堡，個漢堡都相當不錯，漢堡的靈魂-漢堡扒差不多兩寸厚，內裏充滿著肉汁，牛味什濃，再配試剛炸起既粗薯條同煙肉卷條，好鬼滿足最後來的是我的主菜：低溫慢煮安格斯肉眼扒切了一塊，肉的顏色就好似藝術品咁相當均勻，煮得非常軟口，加上安格斯肉質，每一口都滿滿牛的脂肪香味，超總結一句：型靚正