麗絲快餐店

Open Now

Now Closed

隨著不斷的市區更新和城市發展，香港的舊式屋邨買少見少，相信再多四至五年，會成為香港人的集體回憶👴🏻今天提早下班，來到南區的華富邨，除了參觀瀑布灣外，亦去了屹立差不多四十年的屋邨茶記，享用不斷被人稱道的生炸雞髀🍗環境🌴餐廳坐落在華富二邨稍高的位置，周圍是舊式典型屋邨格局。牆上佈滿不同的餐牌，方便客人落單；座位以卡位和圓枱圓櫈為主，裝修較簡單🏠食物🍱雞髀薯條餐🍗🍟（$46）🔸雞髀是餐廳較為有名的食品：非常巨型，和我的手差不多🤭雞髀即叫即炸，上桌時的溫度剛剛好，肉嫩多汁，雞油慢慢由雞髀內流出，雞皮香脆，感覺唔錯😋🔸薯條也是炸至脆身，鹽份不多，客人可自行添加鹽的份量🧂紅豆冰🫘（+$9）雞髀餐怎可能缺少紅豆冰？這裡的紅豆冰，目測紅豆和淡奶的比例為2:8，味道不太甜，恰到好處👍🏼服務🧑🏻‍⚖️客人先在收銀處付款，再憑單聽號碼在櫃枱拿取食物😆總結😆小時候經過舊式屋邨，對該區的餐廳和食肆印象不好，覺得食物不衛生，寧願去「大」字頭的快餐店吃飯。到現時，才感受到舊區的氣氛、人與人之間的互動和情感，令人難以忘懷，更是我們平常生活當中難以領受和體會到的🥲

屋村街坊式小店，舊派快餐店格局，同而家啲餐廳好唔同，好得意！外賣左個肉醬螺絲粉，估唔到有隻蛋，同埋跟個例湯。水準不過不失，份量好足夠。聽聞咖喱同埋牛脷都好好食，下次想試吓。

💛麗絲快餐店💛又一間由細食到大嘅屋村茶記以平 靚 正 即叫即整 份量大 出名屹立喺華富邨起碼四十年養大咗好多係華富邨長大嘅細路知道佢黃到出汁嘅時候都覺得好欣慰呀多謝佢之前派洗手液比街坊多謝佢支持我地( T_T)＼(^-^ )有時覺得係有好多各式各樣嘅黃店但係覺得呢啲老字號都表態係黃真係難能可貴╰(*´︶`*)╯♡所以會更加錫住呢類黃店華富村就黎要重建啦呢間老黃可能都要迎來尾聲了T^T因為好多時都係外賣所以張相影到賣相唔係咁靚但係真係好大碟又正平靚正 無得輸呀我最鍾意食黑椒牛舌意粉黑椒好香口味道偏辣 食到好爽牛舌都煎得好香（不過今次呀姐煎得重手左 ⊙ . ⊙)牛舌仲要勁大舊好似唔駛錢咁放落黎完全感覺到嗰種長輩覺得你唔夠飽叫你食多啲嗰種感覺（其實次次都會叫少啲意粉但係打開都係咁多(´⊙ω⊙`))西炒飯雖然好簡單但係都炒得好食Ga希望南區手足多多支持啦地點：麗絲快餐店 (華富邨)香港仔華富（二）邨商場6樓17-18號舖

自從換咗老細，自從換咗,老細改變了唔少，好嘅就係牛肉包,但係個蝦多士就免啦，攞出嚟都嫌肉酸，壞嘅就係啲外賣盒,尤其個凍飲杯，攞到返屋企軟奶奶，外賣筷子要額外攞，其實成日唔記得攞，今日終於記得攞啦，返到屋企發現隻匙羹只可以筆啫喱，點可以筆飯呀

復活節假期黎到尋找最好食既🍗🍗大大隻既炸雞髀，雞髀是選用美國最大隻的雞髀，用生炸型式炸起隻雞髀🍗 大過手掌的超巨形雞髀，比我塊臉還要大🙌🏻🙌🏻咬開雞髀，首先皮脆，多肉汁，仍然鎖在雞髀肉中即刻食到肉嫩多汁既雞肉，見到晶瑩剔透既雞油❤️食得出是由生肉炸到全熟👍先可以炸至皮脆肉嫩🙌🏻🙌🏻配埋杯凍檸茶😋😋估唔到生炸脾出色，連凍檸茶都係高質😄麗絲快餐店香港仔華富邨商場6樓17-18號舖

當四周都是不同集團式的快餐店，有一間超過40年歷史的第一代快餐店仍然屹立於香港仔。小編在香港仔工作，都經常光顧！ 黑椒雞排火腿腸飯 ($38)每次光顧，都一定會叫號黑椒腸仔火腿雞扒飯。雞扒經過醃製，更加入味。另外，在店裡進餐，都會看到廚師在扒爐前煎雞排，讓視覺和味覺都充滿享受﹗唯獨雞扒比較少汁，去光顧的話，可嘗試告知一聲「多汁」好食指數︰7/10 凍奶茶 (跟餐+$5)工作了一個早上，中午一定要歎一杯凍奶茶，為下午的工作提一提神。但這間的奶茶就不過不失，偏重茶味。好飲指數︰6/10 

知道開咗好多年，今次返香港仔探婆婆，下午茶唔太餓叫個公司三文治！同平是食開嘅樣好唔同！係芝士蕃茄蛋火腿餡加沙律醬。但味道都唔錯💛見到人地食飯好大碟，而且都只係$40內一碟，不過就唔包野飲。入面啲哥哥姐姐態度好好！好有禮貌！難得舊屋邨都有良心店，當然要多多幫襯多多支持！

搬咗入南區幾年都未去過華富, 呢日見天氣好就出去華富食下午茶。 麗絲係位於華富二邨商場嘅6樓, 基本上一出𨋢轉彎就見到佢。星期日嘅下晝都幾多客食緊下午茶, 好彩店內店外都有枱, 所以一嚟到就有位坐。坐低後係去收銀處叫嘢食俾錢。呢度好搞笑, 收銀處塊板原來有個咪, 所以落單嗰時唔駛太大聲, 廢事嚇親收銀姐姐LoL俾完錢等嗌NUMBER~ 我叫咗炸脾餐同漢堡包餐, 大概等左10分鐘左右就有。炸脾真係好大隻, 雞皮超脆好好食。漢堡包塊肉好食, 成個味都好好, 係好食嘅港式BURGER。加上我地今日坐喺走廊位, 呢個感覺真係好似返返去細個同媽媽出去食下午茶咁~💛

原店位於南區薄扶林瀑布灣畔華富上邨是老牌公共屋邨的麗絲快餐店，一向深受不少街坊歡迎，2019年在新冠肺炎疫症底下後，聽到老闆話很難維持，經過一年重組期，現時最出名係咖哩牛腩飯, 佢啲咖哩汁不是就咁買咖哩粉開水 有齊薯仔紅蘿蔔洋蔥同埋神奇的香葉,另一款比較為人熟悉番茄免治牛肉煎蛋飯,不難發覺原來又有落香葉,不是求其整,

走到去華富食茶記咁得閒？因為麗絲快餐店係一間老舖，華富邨咁啱又keep到香港舊屋邨嘅味道。講明先，麗絲係間街坊茶餐廳，所以唔好預有「哇」一聲咁surprise嘅心態嚟呢度食嘢。呢度搵到嘅係市區同新界好耐好耐都唔再復見嘅屋邨人情味，市區嘅邨又重建，新界嘅邨又越嚟越多唔知咩人入嚟住，得返港島先搵得返真正嘅香港。 😋 牛脷包+薯條 $31 食物就真係普通㗎喇，即炸畀你算係咁😗 牛脷包就真係得牛脷加個包，好彩塊牛脷唔乾，軟腍腍，所以成個包都唔會覺得乾～ 😋 蝦多士 $27 講起就好笑，我哋4個人去食，但得3件蝦多士，不過喺牛脷包碟薯條度搵到多隻蝦，唔知點解，唔知有心定無意，咁我哋就可以4個人share🤪 隻蝦好爽口，加埋沙律醬同兩塊包都幾夾～ 講到人情味，我哋去嗰日撞正麗絲啲姐姐整蛋糕，佢哋整咗個朱古力芝士蛋糕，同場有幾個伯伯喺度試食同吹水，真係好happy同好似一家人咁🥰 不過小編and friends緊係無份食啦，我哋都唔係熟客☹️

第一次食麗絲快餐，叫左沙嗲肉河同茄汁什扒意，貪平起初都驚中伏，但食落好惹味，夠獲氣同茄汁味，其中茄什意包兩隻雞翼一塊火腿一塊大雞扒同一條腸仔，男士女士們絕對夠飽肚啊！

喺cyberport返工 聽人華富村有間茶餐廳好好味今日lunch決定同同事去諗下 其實位置有隔涉， 不過間野喺華富入面應該算好出名 問人一定識我地叫左個最出名既雞比意粉配黑椒汁(佢可以揀配茄汁 白汁 黑椒汁， 配飯或意粒)另外再加多個白汁炸魚意粉首先講個雞比意粉個雞比真心勁大大大隻 同埋即叫即炸勁好味 個皮勁脆 入面肉質都重係好juicy另外個炸意都係即叫即炸 一樣咁好味同juicy40蚊一碟咁足料既意粉 重要送碗湯好抵食! 下次要再黎食

今日心血來潮好想食茶記於是問下男朋友有無諗法！🤔🤔最後決定去華富村茶記♥️其實之前都黎過好幾次都覺得唔錯於是今次決定幫佢寫一寫Openrice因為屋村平民茶記真係買少見少了取而代之都係連鎖式快餐店😣😣去到茶餐廳正正一點半食lunch時間餐牌放係餐廳門口大大個寫住是日特別推介$36連汽水或例湯♥️我叫左豬扒火腿腸仔飯(茄汁)飯底超多女仔不妨考慮叫少飯唔好浪費👍🏻由於全部即叫即煎所以相當熱同香口🤤🤤男朋友就叫左通菜炒牛肉飯通菜好新鮮而且份量好多👍🏻👍🏻👍🏻係個汁無咩味不過$36連汽水 真係超值👍🏻👍🏻

作為ex邨民，一定唔會唔識麗絲，小弟亦是由細食到大，細個鍾愛炸薯條與魚柳包，覺得好食過麥記，大個收工會買盒咖哩魚柳飯回家，食到lam lam脷如你未試過，必定要試試。前幾年回來探媽媽，都是買她至愛的華聯奶茶，一直冇再步入麗絲。去年媽媽返了天家，今天工作路過，就幫襯麗絲早餐了。叫了早餐A，仍然是懷舊的收銀位及自助吧檯，全店應該不夠廿個位子，店內放滿乾貨濕貨，但看來一眾熟客都早已習慣，完全沒有違和感。早餐A是腿通配腿治，大概亦不會有人質疑這個絕配。腿通的湯頭略甜，通粉不是過淋，仲要蠻有誠意地附上青豆。然後到火腿三文治，麵包尚算新鮮，火腿厚薄適中，實夠食得飽。站在吧檯旁睇住沖奶茶，茶膽早沖好於熱水壺裡，徐徐倒入杯中，加埋奶，搞掂，茶味雖唔係濃厚，入口都算順喉。問心嗰句，論味道，幾好食，但更令人著迷的，是比食物味道更高層次的人情味，叫人總會想回來再食。

好朋友大婚，特意選了這間對他們來說甚具意義的餐廳作午飯地點，我地一班兄弟姊妹，個個著到行哂都係為左係度食，明顯周遭嘅人都覺得我地相當奇怪。不過我地有我地食，一眾地膽兄弟話呢度嘅炸雞脾特別好食，因此我同另一位姊妹即刻share嚟食。賣相嚟講就唔係話真係好靚，雞脾都炸到皮開肉綻，茄汁都係求其淋~ 但係雞脾肉非常入味，而且夠熱氣，而且茄汁濃度不算太高，但尚有茄味。飯嘅份量好多，睇怕女仔嘅話應該唔會食得哂~ 檸茶我覺得都唔錯，茶底本身夠濃，但檸檬得兩片就..... 姑寒左啲~ 自己另外叫左個肉醬煎蛋飯， 雖然賣相依然好差，差到一個點係.... 我都唔知點解自己叫呢碟野~ 隻蛋做到流心效果，但係老實講只能夠醫飽個肚而唔係食乜野人間美味囉~ 呢度除左真係食到真正屋邨茶記風味之外，其實食物質素只係一般~