Lamlam脷

Open Now

Now Closed

👨🏻長輩們最愛之千層蛋糕 🎂 回購十幾次 🤩 食過返尋味 😋🐭 米奇老豬Vol. 389🐷老豬最近睇返同 @lamlamli_bakery 嘅紀錄發現原來已經幫襯左佢地7⃣️年啦！差唔多試曬千層蛋糕嘅所有口味咁多年以來回購得最多次就係今日介紹嘅呢個蛋糕🎂因為老豬爸爸👨🏻話呢個係佢人生食過最好味嘅蛋糕 😂所以基本上年年生日都唔洗諗直接回購！.🐖🐖 《焦糖牛乳脆脆千層蛋糕》🐖🐖 💰$220/6吋💰而家嘅crepe皮比起初期更有存在感反而無左當年入口即溶嘅感覺 😳焦糖忌廉呈半融化而不膩有輕微焦香而不苦😍仲有d焦糖脆珠增添口感係一個「簡單」得來幾有層次嘅口味深得老豬全家人之心❤️.❣️🐭總評分🐷❣️味道：8.3/10 服務：N/A環境：N/ACP值：✴️ 中高 ✴️ （佢地嘅價錢7年以來加幅比同業少好多 係佛心價錢🥹）ENCORE：✅ （已無限encore🤭）.自費️⭕/試食.📍 Lamlam脷📍旺角彌敦道691-697號永如大廈3樓697室#米奇老豬_油尖旺區#米奇老豬_蛋糕#lamlamli #lamlamli_bakery #旺角美食 #太子美食 #旺角cafe #油麻地美食 #旺角蛋糕 #香港蛋糕 #

過下口癮之前做網店都成日訂佢嘅cake 依家開係旺角更加近我返工放工 就會買一件返去食～今次買咗抹茶流心千層蛋糕同幻彩牛乳千層蛋糕抹茶流心千層蛋糕 ＄36抹茶味好濃，中間真係做到流心好勁，唔會好苦好乾幻彩牛乳千層蛋糕 ＄39牛奶味好重，做到層層唔同顏色嘅千層cake好nice！2個千層皮都唔乾好薄身，呢個價錢嚟講好抵試！平時鐘意食ladym但實在太貴，想過下口癮就會買呢個去取代😋

屋企人超鍾意食抹茶，所以買咗好出名嘅平價Lady M千層蛋糕。蛋糕要起碼早1星期訂，買咗個6吋原個抹茶流心千層蛋糕。抹茶流心千層蛋糕(6吋) $220抹茶微苦，超流心，味道唔錯，6吋份量都夠4-6人食，性格比高。

📍Lamlamli bakery旺角彌敦道691-697號永如大廈3樓697室開咗好多年好出名嘅舖頭。$36 抹茶流心千層蛋糕好香抹茶味，流心效果一流，留心嘅將比起本身蛋糕甜，會金味好重，但係都有少少茶澀味。$36 曲奇千層蛋糕要食左呢個先食抹茶，如果唔係就會比抹茶個味掩蓋左，比起抹茶流心個味係比較遜色，比較甜少少，有淡淡既曲奇味。

lamlam脷同LadyM比起，味道有過之而無不及，但lamlam脷價錢遠勝於Lady m，性價比超高。唯一有個問題就係，每每想食時，要一大早起排隊才能搶購到心目中想要的口味，否則就要提早預訂，依間蛋糕店就係咁受歡迎。玫瑰千層蛋糕-面層鋪了玫瑰花瓣，賣相睇落更精美，一食已經有玫瑰香，但又唔會好假，忌廉香濃，層次分明。焦糖牛乳千層蛋糕-一入口已有焦糖味滲出來，仲有淡淡既牛乳香。百香果芝士千層蛋糕-依款口味出面比較少有，百香果香味濃郁，酸酸甜甜好醒胃。lamlam脷既蛋糕真係食到人lamlam脷

作為甜品愛好者作為小資女嘅小妹是日去了一間位於旺角嘅人氣千層蛋糕店～LamLamLi這間蛋糕店人氣高企被網民譽為「平民版Lady M」千層蛋糕款式多，今次小妹就試了這幾款：抹茶流心，朱古力流心，曲奇，開心果，美祿脆脆，伯爵茶，每款都各具特色，班㦸皮薄金香，忌廉幼滑，加上每款蛋糕都是人手整，數量有限，若想吃的朋友們可以預訂或早點來，別碰門釘喔😉

Happy Birthday to 儍爸 ~~昨日係儍爸嘅生日生日快樂 ! 身體健康 ~~今年揀了 LamLamLi Bakery 千層蛋糕其實自從佢搬咗上樓上舖後有幾次想訂佢嘅千層蛋糕但都咁啱撞正佢哋定休日，無緣食到 ...今次終於訂到喇 ~~儍媽揀了全家都啱食的 ... 6" 美祿脆脆千層蛋糕 (HK$220)餅皮軟熟，有淡淡蛋味，忌廉也夠香滑濃濃美祿味夾著朱古力脆脆粒，增添口感甜度剛剛好，又唔會太甜膩餅櫃也有多款口味千層蛋糕，可供選購樓上舖更有堂食位置和咖啡、茶飲、薯條等輕食供應有興趣可以坐低慢慢歎 ~~** 以上分享是以我的口味、體質和情況作出分享及感受，一試 / 合用與否請自行決定

幫襯左舔舔脷好多年由佢響太子，做到而家旺角樓上鋪，好欣賞呢位年輕老闆由創業到宜家都本着良心 ，冇咩加價🤣 食物質素又keep 到👍🏻 今次試食榴連千層， 呢個價錢都算ok , 食到真榴連榴心， 配埋好濃既奶油香，好滿足

下午三點三有少少想食嘢，仲要係想食甜野🤤，嚟開旺角就上去lamlam脷 坐低食件cake。千層蛋糕/班戟皮唔會過份厚、唔乾。抹茶流心- 最期待係個流心，堅係好流心，而且抹茶味夠濃 輕微苦澀，我最鍾意。榴蓮- 呢個適合唔鍾意食榴蓮/ 初嚐榴蓮嘅人，因為榴蓮肉得好少，得中間一層仔先有。

係香港都食過唔少千層蛋糕，而Lamlam脷都係心目中數一數二，加上佢定期都會有唔同新口味，每次去食都會有驚喜！開心果千層蛋糕 ($39)最近發現周邊出左好多唔同的開心果味產品，有驚有喜咁，而今次試下叫左開心果味千層蛋糕到底係驚定係喜。結果是。。。大喜！蛋糕皮夠薄、D Cream亦好順口，而主角開心果味亦好真同夠濃，加埋蛋糕面灑左D開心果粒，令到成件事好Match！以下係我的評分（滿分為５分）：味道：5分環境：5分服務：4.5分價錢：5推薦程度：4分Lamlam脷 網址: https://s.openrice.com/QrbS0duqA00~uKZISBA地址: 旺角彌敦道691-697號永如大廈3樓697室電話: 62117531

推薦： 🍉🍉🍉 (3/5)    味道： 🍉🍉🍉 (3/5)    價錢： 🍉🍉🍉 (3/5)    打卡： 🍉🍉🍉 (3/5)    位置： 🍉🍉🍉🍉 (4/5)    回訪： 🍉🍉🍉 (3/5)   lamlamli呢間蛋糕店真係好多年前已經聽過，最出名就係佢可以用平民價錢食到高級千層蛋糕店嘅質素，經過咁多年由網店發展到開埋實體舖，今次上去實體舖試一次，睇吓同其他蛋糕網店相比仲有無優勢！抹茶流心 $36 🍉🍉🍉🍉🍉抹茶味真係超濃郁，我呢個抹茶迷真係非常滿足，食到最尾都仲有流心效果，流漿澎湃到隻叉一拮落去就湧哂出嚟，要細力啲咁拮先唔會浪費😂美祿脆脆 $36 🍉🍉🍉🍉係我食過美祿味最濃嘅蛋糕 😋每一層cream都好輕盈，好綿滑，千層皮唔算薄，食得出每層蛋糕皮同cream嘅口感層層分明👍伯爵茶 $36 🍉🍉🍉🍉雖然賣相無咁吸引，但係都好食😋 茶味好香濃，會有些少茶葉碎，唔影響食感因為呢款係拎番屋企食嘅，所以cream層無堂食咁挺身，食嘅時候蛋糕皮嘅存在感會比cream更大，堂食就應該唔會咁抹茶巴斯克芝士蛋糕 $44 🍉🍉🍉相比之下比較普通，抹茶味無流心千層蛋糕咁突出，食落唔會好膩整體嚟講

無意中發現旺角依間蛋糕專門店cafe ， 睇番ig 原來依間既蛋糕都相當受歡迎。 依間cafe主打千層蛋糕， 其次仲有巴斯克蛋糕 岩哂蛋糕控 價錢方面都相當抵 餐廳內裡位置唔多 但睇到好多客人都係選擇外賣 多過堂食位置方面都相當方便 位於TOP對面的大廈內。先後黎過幾次 頭兩次黎都咁岩賣哂想食既巴斯克蛋糕就取而代之試下千層蛋糕。 🍰 伯爵茶千層蛋糕： 伯爵茶味道極之香濃，啲cream勁smooth 🍰赤肉蜜瓜千層蛋糕： 比想像中一般， 食落去既赤肉蜜瓜味有啲似藥水既口感， 整體都相對超甜😅🍰 開心果巴斯克蛋糕： 意外既小驚喜， 食落去蛋糕較為硬身 ， 開心果味比想像中較為淡。 🍰 Oreo 巴斯克蛋糕： 終於試到其他口味既蛋糕唔好睇佢既外型唔討好 但食落去真心媽食🍰 抹茶味既巴斯克蛋糕： 外表周同開心果好似 🍰 幻彩牛乳： 外表超級靚， 彩虹咁既顏色。 食落去本身以為得個樣 點知到番黎食 發現係異常超好食， 牛乳味勁香濃

今日wtsapp訂左6件cake, 上到去拎先知買4送1，當下即時問店員係咪堂食先有，佢話堂食同即時上黎買先有，如果職員可以喺wtsapp度同客講堂食或即日黎買有買4送1或者做埋預訂優惠，咁會好好多，感覺對客人唔fair，訂得多反而無優惠，吸引唔到我再訂購。

之前已經食過呢間好出名嘅千層蛋糕，覺得真係好好食，好過ladyM ！ 平時好快就賣曬㗎啦，今日經過旺角，見時間尚早，忍唔住自己上咗去食咗件cake。甘早無咩人，安安靜靜食件cake，撳下電話，開心。食左美祿脆脆$36 依然好味道，但個人係喜歡食流心類別，人地話巴斯克都好食，下次要試

呢一間主打千層蛋糕，今次都揀咗四款口味，自己覺得佢哋嘅皮做得幾薄，一切落去個時啲cream都hold得住，而且食落好輕盈，整體來講個質感冇得彈🤪烏龍茶芝士奶蓋 ($39) 奶蓋帶少少鹹香，焙茶 ($39)茶香都好濃郁☕️最估唔到嘅係佢哋最經典嘅口味抹茶流心 ($36)都係咁平😱抹茶味cream本身都好正，加埋面頭嘅抹茶粉同埋中間嘅抹茶漿令個抹茶味更濃🍵性價比真係好高👍🏻 開心果 ($39) 嘅開心果味有但唔算好濃，相比茶味稍為失色🤏🏻總括嚟講都幾推介佢哋嘅茶味千層蛋糕☕️ 佢哋仲有堂食座位，如果喺附近晏晝想食甜品嘅話都可以過嚟一戰🫶🏻