蘭香麵家

Open Now

Now Closed

難得星期日放咗教會約咗朋友仔shopping完之後一齊食個快lunch 諗黎諗去都唔知食咩好食神畢弟提議食雞腸面我記得好似打邊爐先有雞腸食呢個食神介紹到，梗係要去啦最後我都係冇嗌雞腸，買咗牛筋米不過就有試到佢地個碗嘅鮮雞腸，雖然我唔記得影相，我覺得比起打邊爐嘅雞腸好食好多，打邊爐嘅雞腸就係銀嘅，但係有咬口而呢度嘅雞腸呢就係爽嘅👍🏻👍🏻而且尖沙咀區來講$38一碗麵真係算係好抵不過你就唔好諗住坐得好舒服囉😅唔記得講我碗牛筋，都唔錯㗎，夠大舊腩汁又好味

難忘妳的香味以前每兩三個月就會幫襯一次，鐵膽就一定係雞腸，但其實已經很多年無來食過。之前在報紙睇到話會執，後來好似話賣左比夥計做，吾知有無變，今日去尖沙咀報名，順便去食。去到門口有三四個客人等，但無人派飛，只是大家都自動排隊，以為要等好長，今日運氣吾錯，原來一批人差不多10個一起走。大家入去，但都要等執抬，因為當時只有一個夥計和一個煮麵的。等了5分鐘，叫了又等了5分鐘，中間睇到有幾個客人進來等了一會無夥計理就走，一個食完話未來咖啡，咁就可以睇到幾吾夠人手。來了雞腸黑百葉麵，正。～ 雞腸一樣新鮮和甜～ 黑百葉一樣那麼爽～ 麵煮得一樣那麼剛剛好～ 湯也是甜美雖然沒有貼心的服務，可能哩D就係傳統的味道，可以接受。

係尖沙咀呢一帶想食咩菜都會搵到仲有一街既韓國菜但想搵間傳統粉麵店並唔易無計 原因之一鋪租太貴碩果僅存既都有其過人之處我每次黎呢條街通常係為左嗰間水餃店今次就行前幾個鋪位 食雞腸米差唔多兩點先黎費事撞附近中學放lunch時間目標清晰 一坐底就要碗雞腸米我唔食牛 就試唔到佢另一樣招牌食物豉油先到 主角後上湯面浮住少少雞油 我一向鐘意食內臟 呢碗雞腸入口唔肥膩 爽脆但仍然有內臟既甘香 同蔥絲好夾👍🏼 再多d蔥就好喇 哈哈豉油微辣 無一般既豉油咁鹹我自己就鍾意唔點豉油食明知係內臟 但係無肥膩既負擔感女仔可以輕鬆食完連埋湯飲哂

今午本人途经上述麪店，因趕時間，就入去食碗柱候牛腩河便當lunch。我不管其店內四週牆上的剪報及明星相片，只求一碗味道及份量正常的之河粉便會收貨。誰知端上桌上的所的柱候牛腩河是變了-柱候腩碎河，淡而無味，還竟用了做清湯腩的製法冒充柱候牛腩，實在令人搖頭口歎息！

因係我間中學好近蘭香(過一條馬路就到xdxd)，所以lunch time成日去食，有時要等位，不過最多等5-10分鐘~雖然間面店好細，但係坐落又唔算好窄。不過衛生欠佳，地下好唔乾淨~食物方面，推薦魚皮餃面！！魚皮餃d皮好薄，餡好多，所以差唔多每次都叫佢haha   仲有食過佢嘅冬菇米線，每粒冬菇都好大粒！！！每樣食物大約$20-$30，學生包野飲，好抵食！！！係門口見到好多張明星食完之後影嘅相，證明呢間野都幾受歡迎架~

腩汁雞腸黑栢葉撈麵 HK$47 鮮﹗ 好好味﹗ 爽好﹗ 辣椒油配上秘製豉油，冇得頂﹗如果多少少餸就更好了，因為太好食，食極都想食﹗ 會再幫襯﹗職員態度友善、親切、充滿人情味的小店﹗

自從畢業後，很久沒有來到尖沙咀的蘭香麵點吃了，它的招牌菜是黑柏葉和雞腸，還有出息的冬菇麵跟豬手。今天剛巧一個人在尖東附近，選擇了到店內懷舊一下，非常的好彩，晚上還有我最喜愛的黑柏葉，再加上非常滑溜的雞腸麵，便成為了一個晚餐。街上不可能吃到的兩個餸，在這裏一次過便可以滿足，黑柏葉不是一般吃到白色的軟軟的， 非常原始有韌性的黑柏葉，正。當然不可以放過另一道招牌菜雞腸啦，雞腸內外充滿油份，十分滑溜。雖然有啲怕肥，但難得的一次，放進口裡去食。完成了一趟懷舊的旅程。

餐廳其貌不揚，但都好多人嚟食。我第一次食雞腸米，初初聽驚會好肥，試飲啖湯先，又一d都唔膩喎，以為飲緊清湯添!雞油嘅香，雞腸嘅爽滑慢慢征服我，朋友就雙拼食埋冬菇，又腍又大隻!下次要試埋黑牛柏葉先得。

I bring all my friends here when they visit HK, they want to try local food.  They love the Mushroom noodle and Wontons. Mushroom is huge, they never tried this big before.  I had the chicken intestine and beef tripe noodle, beef tripe is still black, unbleached which was very yummy with their homemade soy sauce and chili oil.  We also love the drink with Salted Lemon with Sprite.  Price is reasonable.

心血來潮好耐冇潮拜呢間默默堅守古草味的小店！嚟到必點「蘭香麵家」鎮店兩寶-黑牛柏葉和雞腸！👍🏻😜今日先回味下其中一寶「雞腸」！👍🏻😋😋😋一人前下午茶-牛筋雞腸麵 牛筋入味夠淋雞腸爽口帶微微雞油甘香麵軟硬度適中冇得輸👍🏻😘

去到尖沙咀，都想食下平野嘅。朋友知我鐘意食內臟食物，帶我去左食雞腸麵，果然無介紹錯。雞腸好爽口，又係白灼，配拒地嘅豉油食，味道好出！除左雞腸，加埋鮮牛肉，唔會好硬，面嘅份量剛剛好，夠皮！👅

今晚要自己一個食飯，聽老婆講佢以前讀書嘅時候好鍾意去呢度食粉麵，好，今晚就輪到我黎幫襯先！粉麵有好多款揀，例如比較特別嘅黑柏葉同雞腸，我就order左--黑柏葉冬菇河（$39）：河粉滑、黑柏葉夠鮮味，冬菇炆得淋又入味，黑柏葉點下啲調製過嘅豉油食，正呀！碗粉上面仲有好多蔥絲，幼幼地又好香！入到呢間小店，無論環境同食物格局，都好有時光倒流二十年嘅味道，心裡不期然幻想老婆以前讀書個清澀樣，哈哈！柯士甸路蘭香麵家，好有本土特色喔！

雞腸飯同黑柏葉飯，兩樣都係白灼咁滯，係就係好爽，但本身係無咩味，加左腩汁撈飯先好食啲，如果唔點豉油真係無咩味⋯⋯加分位係有幾條生菜係底，撈埋腩汁幾好食個飯唔算細，但我係女仔食完都係7成飽，可能我大食啦⋯

《雞腸冬菇米粉多青》這味東東應該找不到朋友陪吃，所以決定獨食。雞腸爽而不韌有鮮味，配另上的辣椒豉油好好味，清甜雞湯底冇味精，吃完不口乾，還有豪不吝嗇的薑蔥絲，整個配搭都很完美。今天才發覺蔥切絲能夾著每注麵一起吃，口感豐富很多，平時的蔥花大多浪費浮在湯面上啊。(雖然我會努力打撈）冬菇只是怕中雞腸伏的後備而，沒什麼特別，下次可不點，寧願試其他。另一店內名物是黑柏葉，就留在下次試吧，因為我已開始掛念雞腸了！

第一次幫襯，食物味道好，店員態度好。我叫咗個京都炸醬墨丸撈麵，老婆叫咗個雲吞冬菇湯麵，一心只諗住求奇食下填飽個肚，點知原來意想不到，京都炸醬野味，肉條比一般食開粗及長，墨丸好味爽口。雲吞一般，我唔食冬菇，俾唔到意見。有一樣一定要讚，員工態度十分有善，客人食都食得開心d。