燈籠滷味 (新都會廣場)

Open Now

Now Closed

一個人行緊葵廣心血來潮想食台灣菜發現原來新都會開咗燈籠滷味喺門口㩒票等咗幾分鐘就入得！平時食麻辣鴨血最常配嘅冬粉一定係不二之選！但其實之前喺銅鑼灣食過王子麵都好食😋今次揀咗- 水蓮(去台灣熱炒店必叫！) - 腣膀( 即係豬手，好大嚿有三四嚿，肥而不膩)- 鴨胗( 個人覺得滷水嚟講真係好夾!) - 甜不辣 ( 爭扎過米血糕但始終都係想食煙靭口感) 份量好足，冬粉掛湯真係好好味！ 唯一美中不足就係位與位之間嘅間距好少變咗講嘢大聲少少都影響到隔離枱除此之外都冇咩可挑剔了！

今日(22-4-2023 Sat) 同老公送完膠就嚟葵芳買嘢,買完就食晏喇,去邊喥食?由於我哋唔肚餓,只可輕食,我諗起呢間台灣嘢,於是走嚟,嚟到時仍有位,坐低睇完menu,就決定要:4. $26.00嘅冷泡白桃烏龍係樽庄茶同有兩個茶包,味道正常冇問題.味道:3分3. $26.00嘅熱桂圓紅棗蜜呢個好甜,飲到底見到有桂圓肉.味道:1分2. $46.00嘅九份經典芋圓伴QQ蕨餅材料有芋圓,地瓜圓,蕨餅,紅豆,珍珠,黑糖同花奶.芋圓,地瓜圓同珍珠口感正常但冇味;蕨餅煙韌味道又夠,好味;紅豆夠腍同夠甜;黑糖撈埋花奶食好味. 味道:2.75分1. $56.00嘅奶油芋泥肉鬆起司手抓餅呢個製作須時,材料好足,食落,手抓餅外脆;芋泥夠味;肉鬆正常嘅鹹;成個鹹鹹甜甜,幾好味.不過面上嗰啲汁係食吉列豬扒嗰隻汁.味道:4.5分服務:帶入座嗰個Staff見客人多嘢拎住,就會拎埋個籃放喺凳底俾客人放嘢.環境:坐嗰個位啱啱有啲熱.2.5分抵食:有加一,所以收$169.00.其他:呢喥有好多台灣地嘢食,唔使去台灣都得.而佢哋有限時60分鐘,同時每人最低消費$50.00.

行過見到2人餐幾好一個滷水有麵有2個小食1個芋丸2杯飲品超抵吃。燈籠飽飽2人餐店外以燈籠做裝飾，坐位比較迫，環境有夜市感覺。鹵味麵有牛肚、金錢肚、百葉豆腐、蘿蔔，木耳、豬耳朵、麻吉燒。牛肚和金錢肚很入味軟綿綿，蘿蔔多汁鹵水味和港式不同，不帶胡椒味道，咸度適中。豬耳朵和木耳以口感爽口為主，全個麵材料多口感豐富。蔬菜有3款選擇：西蘭花／通菜／唐生菜麵當然食地道王子麵啦！這樣才像台灣，雖然覺得自己蠢了材料真的滿滿，覺得同港式最不同之處，樣樣都一口大小，而且食不飽……所以小食可以吃台式蛋餅，我最喜歡。芝士、火腿、粟米yummy ! 蛋餅外酥軟，包裹蛋醬和半溶芝士火腿粟米真的好好味！炸花枝丸，爽口彈牙好正！去不到九份都可以嘗到芋丸糖水有紅豆、珍珠、花奶、黑糖碎冰，爽涼舒服，現在天氣開始熱特別好吃。如果份量大碗d多少少冰更好！

在葵芳新都會廣場一樓食店集中、其中一間超人氣的台式過江龍小食店「燈籠滷味」常見排長隊入座的、聽聞味道不錯!今晚约了同事放工一起也去試試！幸好時間尚早還有位可即入座!Menu内所有招牌台式滷味，经典台式小食，甜品、冷泡茶和特飲等。都很吸引!麻香滷豬耳朵 48元質地夠爽脆， 有咬口稍嫌未夠麻辣，但很入味也很不錯!麻辣鴨 野菜冬粉 52元這個相當滋味!夠麻辣入味、鸭血爽而幼滑。冬粉吸收了麻辣汁又爽又滑超惹味!燈籠古早滷肉飯(小碗) 35元與平時吃到的滷肉飯有大不同!這碗味道特別的地道。滷肉入口即溶，肥美甘香而不膩，味道濃厚層次豐富。很滋味!豬肚爽中带彈牙的。燈籠芋見你（冷) 48元材料十足，滑脱脱的凉粉、紅豆、黑糯米加上椰奶、红糖等。合凑出一道其味無窮的甜點。特飲~阿里山黄金夕陽果茶 28元冰冰凍有橙味口感清新。冰泡茶 26元很有春天的味道!吃得相當開心!

✿╮❤╭✿✿雜感女生   好味日記✿˚*•✰。燈籠滷味．探店台灣滷滋味！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤好耐冇放假好耐冇去飛好耐冇去台灣夜市咁就要食番餐台灣菜啦！ 最近，朋友發現其公司附近有一家台式小檔攤FEEL的餐廳原是「燈籠滷味」！開了在新都會，裝修別緻，燈箱設計極引人餐牌食物又誘人於是一起來個師大下午茶chill番下要夠風味，一定要從台式飲品叫起！ 黑糖珍珠奶茶水準之作，黑糖包裹在珍珠之中香軟甜蜜，奶茶好飲非常推薦一飲  茉香奶綠夠晒茉香，看起來全是「奶色」入口卻是茶味香濃意想不到的清新B餐：招牌滷味拚盤：包括牛肚、大腸、唐生菜、百頁豆腐配古早滷肉飯此餐份量不少，滷味拚盤非常入味牛肚、大腸、豆腐非常下飯唐生菜夠清甜滷肉飯醬汁夠多，非常好吃 C餐：海苔鹽酥雞、台式香蒜腸台式炸物是必須的！鹽酥雞夠晒香脆，惹味非常香蒜腸又甜又微辣好有台味，非常好吃  

位於葵芳的燈籠滷味，有豐富多樣的台式美食選擇，從招牌的Shake Shake海苔鹽酥雞，到台式手抓餅，再到甜點燈籠芋見你和大甲濃厚香芋鮮奶，每一道菜都鈎起台灣旅行時的回憶！Shake Shake海苔鹽酥雞是這家餐廳的招牌菜，價格為$48。外皮酥脆，肉質鮮嫩，加上香氣四溢的海苔和鹽，簡直是令人回味的美食。台式手抓餅也是必試的美食之一，價格為$54。餅皮鬆軟，搭配豐富多樣的餡料，包括花生醬、火腿、起司等口味，每一口都能感受到不同的風味。如果你想試試甜點，燈籠滷味也提供了多種選擇。其中，大甲濃厚香芋鮮奶是一款冰涼的飲品，價格為$35。濃郁的香芋味道和鮮奶的結合，讓人回味無窮。燈籠芋見你是一道不試會後悔的甜品，價格為$48，內有竽圓、糯米和紅豆，香氣四溢，口感鮮美。除此之外，燈籠滷味還提供了多種滷味和其他小食，下次來必試！燈籠滷味 (葵芳)葵芳興芳路223號新都會廣場1樓181號舖#燈籠滷味 #葵芳美食 #台式手抓餅 #ShakeShake海苔鹽酥雞 #甜點菜單 #燈籠芋見你 #大甲濃厚香芋鮮奶 #美食評論 #美食分享 #美食愛好者 #高質素食物 #餐廳美食 #環境舒適 #放鬆時光 #回味無窮

燈籠滷味中環店之前光顧過, 新都會廣場分店相對面積較小, 裝修充滿懷舊色彩, 感覺親切。這裡也有提供下午茶餐, 選擇也不少。招牌滷味拼盤(蜂巢牛肚,大腸,唐生菜,百頁豆腐)+燈籠古早滷肉飯滷肉飯味道唔錯, 大腸都夠肥大厚肉, 牛肚也夠爽滑, 滷水味不太濃, 唐生菜新鮮爽脆。自選招牌燈籠滷味配台灣王子麵滷味蹄膀較厚實, 要花點時間咀嚼, 雞翅膀大隻又厚肉, 王子妙面則相對較腍。甘梅香脆地瓜條+香炸花枝丸兩款小食以地瓜條較吸引, 地瓜條夠香脆, 表面沾滿甘梅粉, 酸酸甜甜又是另一番風味。餐飲是凍冬瓜茶和凍無糖茉香綠茶, 唔太甜又夠滋潤。

聽公司啲同事介紹，燈籠滷味係好地道既台灣餐廳，今次一於約埋朋友嚟試吓果然係好出名，餐廳全院滿座，我同朋友都要等大約10分鐘先可以入到去由於花多眼亂，我同朋友就決定食2人套餐首先係招牌滷味，10分足料，好大一碗滷味好入味，蹄膀亦都做得好出色，滷得好軟淋，入口即化面底方面，我哋揀咗手工烏龍麵，即係香港人所講嘅烏冬，烏冬口感Q彈，亦都好掛湯台式小食方面，我哋揀咗人氣蔥抓蛋餅裏面有奶油芋泥，肉鬆同埋芝士餡料好多，甜甜嘅奶油芋泥同肉鬆 加上鹹鹹嘅芝士同手抓餅醬，鹹甜鹹甜，互相平衡另一款台式小食，我哋就揀咗台式香蒜腸甜甜嘅台式香蒜腸外層有微微煎過令香蒜腸更加焦香食得台灣嘢，當然要叫台式珍珠奶茶珍珠好有咬口，而且黑糖做到掛杯嘅效果打卡一流最後兩個人先食咗$230，CP值好高❤️

見好多朋友開始去返旅行，未輪到我返台灣住，就黎止下對台灣夜市嘅渴～前身係Super Sandwich個位，座位闊落好坐～食物飲品選擇都相當多～自選招牌滷味我揀左大腸、金錢肚、豆干、白蘿蔔同埋冬粉，加埋秘製滷汁同埋酸菜蔥花，一大碗先$72，味道同台灣夜市絕對有得揮。抵食。餸嘅份量好多，好似大腸就有成十舊，share食都好開心。人氣蔥抓蛋餅 （奶油芋泥、肉鬆、芝士）$56個人最愛蛋餅！！！即叫即做，蛋餅外皮鬆脆，入面包住滿滿嘅芝士肉鬆同芋泥。無諗到芋泥係咁夾呢個蛋餅，清食惹味。熱古早奶茶加珍珠 $30 珍奶控必飲。好香濃嘅茶味，珍珠qq好煙韌，好飲過街頭嘅手搖飲品好多。九份經典芋園係我心心念念咗好耐嘅人氣台式糖水。芋園q彈好有口感，抹茶蕨餅亦好煙韌有茶味。朋友gathering食完入黎食返個糖水都好正～

想食台灣地道野，葵芳新都會廣場就有啦，抵食好味有台灣夜市特色，QR code 落單夠哂方便。招牌台式滷味系呢度招牌野食，必點推薦！特点是将各种食材用滷汁煮熟，然后搭配主食食用。可以配米線、手工烏龍麵、台灣王子麵、出前一丁、冬粉、油麵。滷汁味道浓郁，口感醇厚，吃起来非常有滋味。有好多款可以揀，有素有葷，我揀咗大豆皮、甜不辣、牛筋肉、鵪鶉蛋、白蘿蔔，每一种食材都煮得十分入味，口感很好。尤其喜歡牛筋肉，肉質軟冧，十分入味。白蘿蔔夠清甜且冇渣，大豆皮豆香濃郁有口感。香炸花枝丸是台湾特色小吃之一，通常是在夜市或小食檔賣，香口惹味。呢度完全可以食到夜市果種新鮮滾熱辣感，香枝丸炸至金黃色，花枝十分Q彈，非常推薦。

終於星期五🥹同男朋友行個街見到就入去試下啦✨台灣過江龍好似好出名🔥上OP睇都見中環旺角都有開✨晚市有二人Set好似都幾抵食😝我地就叫咗個滷水配粉絲✨滷水夠咪要唔會太鹹🫶🏻而粉絲吸滿哂滷水男朋友一個人解決咗3份2🤭芋泥蛋餅已經入咗我必叫之選🔥甜身的芋泥配上肉鬆同酸鹼嘅醬🤤勁易入口而且勁有滿足感🥹所有人都要同我試咗佢💥餐飲我地叫咗荔枝茶同埋冬瓜茶兩杯都叫做普普通通冇咩特別做佢地vip每次食飯都會有折又會有現金卷俾返你大家可以trytry🤭

最近台灣經已開放自由行,但是由於行程緊密還沒有空去一個台灣之旅，今日一於嘗試吓這間食店好好懷緬台灣的風味.這間餐廳有不少霓虹燈可供大家打卡，食店位於大商場環境衛生比較整潔.這個台式蛋卷包括有芋泥肉鬆等配搭十分之適合，令人回味台灣的風味.大大件的牛肚十分之入味，滷味水準十足，有回香的感覺，台式的烏龍麵十分之細滑，比坊間一般的鳥冬更加之好味道.另一個大胃王，叫一碗雜錦的麵，包括有豬腿肉十分之嬾滑，通菜十分之爽口，甜不辣十分之煙靭，加上有邪惡十足的內臟，簡直令這一碗麵十分之配合.這間餐廳還有不少的特色飲料，可供選擇有無糖的飲品，更加是健康人仕之選.

平時返工放Lunch多數會去公司附近食飯, 之前一直都想試依間既滷味, 原來都有午市套餐選擇, 我同同事見啱食就入去坐低左餐廳裝修幾有台式感覺, 有啲台式小檔攤既餐牌燈箱落單都幾方便, 用QR code掃瞄點餐就可以我地叫左個午餐B, 招牌滷味有蹄膀、豬耳朵、香菇貢丸、白蘿蔔、唐生菜, 有幾款麵食可以配返, 我地叫左油麵, 估唔到啲料都幾多, 滷味湯底幾香濃, 唔會太咸, 豬耳朵食落爽軟適中, 蹄膀厚肉而不膩, 油麵口感剛好, 爽口彈牙另外優惠價加左個小食海苔鹽酥雞, 一口大小剛剛好, 每粒都惹得香脆, 咸度啱啱好, 食落口唔會覺得乾身, 幾惹味再叫左份奶油芋泥肉鬆芝士蛋餅, 蛋餅外皮同平時食既有少少唔同, 比較脆口, 但入面個芋泥餡都幾多, 芋泥味道香濃帶少少甜, 配左肉鬆芝士咁食都幾夾跟餐飲品叫左凍無糖茉香綠茶, 茶底香濃無澀味, 我本身都鍾意無糖既茶, 飲完覺得好解膩同事就叫左杯熱滋潤桂圓紅棗蜜, 飲落得潤好舒服整體食物質素唔錯, 店員熱情同細心招待, 野食上得幾快, 有時有台食癮起可以黎止下癮啊

今晚去的餐廳位於葵芳，主打台灣滷味，餐廳有很多夜市的霓虹燈，和小燈泡，十分吸睛。以電子下單，十分方便。滷味 🍜 選擇了自己喜歡的各款滷味和配菜，再選麵食，就有這碗豐富的自選滷味麵。蜂巢牛肚爽口，百頁豆腐Q彈，唐生菜🥬清爽，冬粉爽滑，配香蔥和酸菜，味道很夾。蛋餅🥞選擇了芋泥肉鬆和芝士口味，外皮香脆得來帶點煙韌，滿滿的香甜芋泥配有鹹香的肉鬆和芝士，邪惡但好味。地瓜條🍠炸蕃薯條厚切，口感十足，十分香脆，而且香甜，忍不住一條又一條。飲品🍹烏龍茶加了珍珠，很香滑，口感十足。而冬瓜鮮草檸檬選擇了熱飲，青檸十分開胃。

來到葵芳新都會，原來都開咗好多新嘅食肆，一樓運動舖隔離有《燈籠滷味》 上次喺旺角都試過佢嘅招牌滷味，即叫即做即加熱。「豪豪吃」二人套餐，招牌燈籠滷味~蹄膀、豬耳朵、甜不辣、花枝丸、百頁豆腐及高麗菜，自選麵揀咗台灣王子麵，台式小吃梗係要食炸鹽酥雞，shake shake海苔鹽酥雞~畀多個紙袋同埋海苔碎，你可以shake shake，計我話就咁食都已經好好味。台式香蒜腸~台式香腸以肥美出名，熱辣辣，香噴噴。金黃溏心滷鴨蛋～手搖飲品有兩杯，蜂蜜荔枝紅茶(熱)~甜甜的，口味清新。茉香奶綠(凍)~