L'attitude (Closed)

今晚和同事一起吃飯，選擇了一間可愛的餐廳。我吃飯一般不太注重環境，因為食物才是主菜，環境不過是陪襯，不過這家餐廳改變了我的看法。這家餐廳的裝潢的確很有心思。走進餐廳，吊燈是雲朵造型，非常可愛！已經有龐大的Remi坐鎮，白兔叫Tokki，在座位不難發現他們的蹤影。翻開餐牌，晚餐價位不算便宜，於是點了一份二人套餐$588，奉送飲品兩杯。⭐️Imperial$64這杯酒造型吸引，玻璃杯上有一團粉紅色的棉花。嚐一口，覆盆子酒有淺淺的水果味，容易入口。⭐️前菜🔸泰式生蝦刺身有兩款不同的醬汁配生蝦吃，生蝦非常爽脆，吃起來清新開胃！🔸黑魚籽香煎帶子配檸檬薄荷汁帶子味道簡單，入口爽甜美味，⭐️法式龍蝦湯龍蝦湯香醇可口。⭐️主菜🔸紐西蘭香烤羊架羊架烤得剛剛好，肉質嫩滑沒有腥味，肥腴適中，值得一讚。🔸黑松露海膽義大利麵黑松露的味道較低調，海膽融化在義大利麵中，嚐一口氣，海膽的甘甜正為麵條調味，十分可口！⭐️甜品🔸心太軟心太軟蛋糕口感濕潤，朱古力味道尚算濃，配搭忌廉和軟雪糕很不錯呢！▪️本以為餐廳的環境比食物更勝一籌，原來是內外一致，想不到食物質素不錯，有機會要再來！

這天下午，約了朋友在這下午茶相聚。餐廳侍應服務不錯，也很好笑容，店內還設有手洗間，很方便~ 因為入cafe實飲好多野，所以覺得有整潔的洗手間好抵讚呢~ HAHAHAHA~至於食品及飲品，我朋友點了兩杯有藍蝶花的，因為被那美麗的顏色所吸引，但我比較想飲熱飲，所以即使其他雪糕及凍飲造型吸引，我還是選了熱飲 不過也不是簡單一杯喎，而是棉花糖朱古力，很吸引的~這藍蝶花看上去好靚，裏面有粒燈，不過朋友說味道偏淡，不太特別。而我的朱古力味道不錯，我的飲法，是把朱古力倒入棉花糖杯內，再把棉花糖加入朱古力當中，融為一杯，當然應該是可以分開來享用的~ ^^我自己算比較喜歡甜，所以棉花糖融在朱古力中也不覺太甜。食物方面，我們點了小食拼盤及加勒比海海鮮，兩樣都好好味，不錯~~這裏的環境不錯，又有cushion(不肯定是否很乾淨)及很多大小裝飾可供拍照~我們慢慢吃，邊聊天，很捨意的一個下午~

自從最近轉工後，由九龍人正式重返港島人既懷抱，相約朋友既飯局亦都好自然地由九龍移師佐港島，今日就同朋友來到西環飯局啦。今次呢間餐廳o係西環既堅尼地城，距離地鐵站都只係2分鐘既步程，非常方便。步進餐廳，迎面而來既係幾隻好cute 既公仔正在welcome 我們的到訪，女友人當然特別喜歡啦。打開餐牌，食物選擇種類都幾多，有扒，有飯，有意粉，而餐廳既signature 就係cute cute 既飲品，同埋甜品。Cookie and Cream Milkshake $46呢杯飲品賣相吸引，用佐厚厚既綿花糖將杯邊包圍，形成了一個雲層，呢個時候理所當然係手機食先啦。自從人長大了，都好少可以食到呢款既綿花糖，感覺就好似返老還童一樣，自己既童真出哂黎。而因為佢既「雲層」實在太厚，基本上都要「消滅哂」D綿花糖先可以再飲杯Mikeshake 既，杯milkshake既其中一個優點係唔會太甜，亦都好夠濃味，唔太多冰，所以味道唔會變得太淡。Lamb Rack $208羊架我地揀佐medium well既熟度，而廚師亦控制得好好，必落帶juicy 感又唔會有血出。跟羊架會有埋栗米，焗薯，法邊豆，同埋車厘茄，羊

今日同朋友去開堅尼地城，咪周圍吓有乜好野食，行行吓望入舖頭廚窗裏面，有咁得意嘅卡通公仔坐系梳化度，環境舒適，昏黄燈光襯托，談天說地的好地方，仲比我見到有人食緊個熊貓頭嘅甜品，卡蛙伊呢，唔使考慮就喱間啦😍😍😍新鮮生蠔$138蠔身漲卜卜白雪雪，好有诲水味。羽衣甘篮香濃番茄湯$65濃味又有益，好健康嘅選擇蟹膏配多士$108濃濃蟹膏配脆卜卜多士，正加勒比海诲鮮薄餅$138餅底薄脆香口，餡料醬汁好野味熊貓軟雪糕$48棉花糖做出熊貓頭够Q，雪糕好滑，特別愛朱古力味

雖然平時我都唔係好中意粉紅色，不過見到一間咁用心deco，又有咁多公仔嘅餐廳，難免會犯下花痴，扮下可愛影幾張港女相😌首先上左個明太子吐司$78✨ 必食！雖然份量唔多，但係混帳！佢好鮮好香兩者絕配！小食拼盤 $88 ✨有薯條，雞翼，軟殻蟹，仲有三隻醬比你掂，三樣都係新鮮炸起好脆！個雞翼好食！啲醬汁甜又帶點辣！明太子炸軟殼蟹忌廉汁意粉 $138✨依間鋪嘅招牌一定係明太子同軟殼蟹！點解可以2碟都咁好食！佢啲汁調得啱啱好！唔稀又唔會好重口味，加埋紫菜，口口都入味！加勒比海海鮮 $138✨依到嘅pizza比平時意大利店嘅仲要薄😮睇嚟佢地想做到脆皮，然後真係做得到見依到有個bar，仲有好多款野飲，放左工真係要鬆鬆，點左杯Poyooma，有橙汁菠蘿同芒果係入面，唔會好重酒味，對女士嚟講真係啱啱好😛另外比佢個賣相吸引左，叫左杯杜拜 Dubai $38✨ 原來係加左個發亮嘅冰，整到好似星空好夢幻🤩🤩今次食左咁多野食真係好飽，佢啲份量都唔少，女仔真係好夠！走個時好唔捨得隻熊仔😢姐姐會再來的！

Reasonable price and food with high quality, nice! The pizza with yummy sauce, good for 2-3 people, the carbonara is fresh and tasty too.The chocolate milk with appropriate sweet level.Will try more desserts next time with friends and families

個南瓜湯好creamy!!!!!!!!!!!!個南瓜飯同明太子Pasta都好正!!!!!!!Yummy!!!!!!!Delicious!!!!!!!!!!The dessert looks amazing and cute, very special.Service is good. The waiter proactively asked if we need a hand to take some photos.Worth the price.

食物賣相靚，食物質素高👍🏻餐廳裝修非常有少女味，仲有主題公仔，最適合就係瘋狂影相。羽衣甘藍帶子扁意粉，意粉煮得好爽身彈牙，口感非常好。上面既帶子大大粒，而且好入味，配合羽衣甘藍也帶出了帶子的鮮甜味道。串燒拼盤，有一串串煙肉包住入面的帶子，估唔到呢個配答都相當唔錯，帶子亦一如以往的鮮甜，而煙肉經過煎煮，更加惹味。櫻花樹下單睇賣相夠狀觀同配合主題，成個甜品都充滿少女味，少女心即刻爆發😍😍，甜品整得咁靚當然要影下相先再食落肚。心太軟外殻都夠軟身，而且朱古力食落甜得來有回甘的感覺，甜度剛剛好，裡面既朱古力亦好流心。格離有粉紅色既棉花糖😍😍，食哂之後下面仲有個細既酒杯裝住雪糕，雪糕既口感都俾滿分😛，估唔到呢間雪糕會咁高質👍🏻👍🏻一餐飯入面既能滿足到影相慾同食慾😍

每逢係堅尼地城行過都會比呢間餐廳既裝潢吸引住，見到入面有好多可愛既公仔，成個feel夠晒warm，今次再去西環就決定同朋友試下呢間餐廳啦。先黎嘅係特飲，我揀左依隻比較夢幻嘅Los Angeles，撈兩撈會變咗紫色！飲落去味道就係蜂蜜檸檬隻味，屬醒胃飲品，夏日清新飲品。有唔同顏色之餘，最搶眼就係入面放左盞燈仔, 有些少似太空feel嘅感覺，影相放閃都應該有佢啦! 味道就係蜂蜜檸檬隻味，屬醒胃飲品。跟著黎既係7成熟牛眼扒，呢個定價比較貴$198，但上到枱覺得都抵食的！因為塊扒真係好大份，口感香甜多汁，咬下去很有嚼勁，肉質有咬口肉味都夠香濃，切開仲有一抹粉紅，留有適當的肉汁不會過熟，感覺都唔錯。 加上輕烤過的蔬菜，感覺更平衡，這到菜真係非常好味，而且賣相也是相當吸引人的，非常值得推薦。另一個主菜係德州燒烤漢堡，牛肉漢堡好好味，配左炸洋蔥粒同溶左嘅芝士, 冇得彈! Side dish 炸薯條都好新鮮, 食完依個都真係飽哂。整體服務水平不錯，價錢都不算太貴，行可愛路線，尤其小朋友應該幾中意。

估唔到西環有間可愛又有質素嘅餐廳😀由堅尼地城站B出口出，行過一條街大約2分鐘就到，地點好方便～可能下午5點幾比較早，入到去無咩人，有包場感😂 餐廳裡面有好多可愛裝飾，有大大隻熊仔可以影相，牆上都有熊仔兔仔圖案，天花仲掛左棉花雲燈，好夢幻～ 如果好陽光時坐門口旁邊嘅靠玻璃窗位置，影靚相一定無難度～餐牌都好多選擇，樣樣都睇落好好食咁，得兩個人食所以最後揀左一款頭盤，兩份主菜，然後打算食完叫多份甜品😋嘢食黎之前叫左兩杯飲品，一杯Puyooma，係有溝左芒果菠蘿汁加椰奶嘅雞尾酒，上面仲放左雪糕，好有夏日感覺好好飲。另外一杯好靚😍 係星空系列嘅洛杉磯，用左藍碟花同蜂蜜檸檬，酸酸地好清新，飲左啖好快就上菜啦!頭盤係海膽蟹肉牛油梨他他，估唔到依幾種食材夾埋一齊食，口感豐富味道又夾，蟹肉同海膽都新鮮，開胃好味道😋主菜係明太子炸軟殻蟹忌廉汁意大利麵，同埋8安士美國特級肉眼排🤤 至愛就係明太子，撈埋意粉真係勁正，加埋原隻炸軟殻蟹啖啖肉，好滋味。肉眼排燒得唔錯，肉質嫩滑肥美，配菜都有精心挑選，全部清哂😋最後甜品揀左扭紋雪糕配大大個棉花糖，可愛又好味!! 將依餐畫上完美句號。嘢食好食服務又好，一定會再黎食過😆

喺西環食完飯行過見到啲甜品好可愛所以入左黎試。呢度既特色甜品係棉花糖雪糕，叫左兩個! 好好味而且啲棉花糖唔會太甜。價格相宜，啲staff仲好友善😊下之會再黎食埋正餐!

今晚到西環等老婆下課，到了她想到的這家L’attitude等她，但還有一小時而且肚子餓了，還是所先點一些東西醫肚。《凱撒沙律 $78》有煎香了的煙肉，而且乾身有咬口，再配上麵包糠和拌勻了沙律醬的沙律菜，都幾惹味。想吃漢堡包，看到這款《溫泉蛋三文魚籽松露漢堡 $128》很吸引。漢堡包沒有分生熟程度，我想是餐廳早已有預算。漢堡高身，可以將溫泉蛋倒入包頂凹位再打開開邊的漢堡溫泉蛋醬便會流進包中。中間夾著有煙肉、厚身的漢堡扒，還有蕃茄和沙律菜。漢堡扒煎香過比較實身有口感，而且牛味濃。雖然吃得比較「輪樽」又「令雙手黏著蛋漿和肉汁，但還是一個很她的嘗試。《曲奇忌廉奶昔 $46》天氣炎熱，喝杯奶昔確不錯。造型又可愛，等一下老婆來到都要點杯給她

令次來西環都想要來這家L態度吃意粉和甜品。對，除了甜品，它們的意粉可不錯斯的呢。今晚點了夢幻的《卡邦尼溫泉蛋扁意粉夢幻版 $108》- 桃紅色的扁意粉其實是由紅菜頭汁做成，先似無汁，但其實味道好夠，有明太子、煙肉碎、溫泉蛋、黑芝麻等配料。溫泉蛋穿後令意粉更香清和汁潤。《低溫火焰帶子配紅魚魚子紫薯蓉 $98》有煮至半熟的帶子，鮮嫩；香甜細滑的紫薯蓉在底下；而紅椒和黃椒作了點綴。《小食拼盤 $88》有薯條、雞翼、軟殼蟹。薯條香脆；雞翼的雞肉仍要嫩滑不乾；軟殼蟹香脆仍有蟹肉和肉汁。配有三款醬汁：他他醬，牛油果醬，茄醬。喜歡微酸creamy的可以蘸他他醬；喜歡香滑的可以蘸牛油果醬；喜歡酸香的可以蘸茄醬。《曲奇忌廉奶昔 $46》賣相可愛，但因為綿花糖軟得快，糖粉會逐漸跌下令桌面變得癡笠笠，所以最好預先放張紙巾於桌上，又或者其實職員可以用碟盛托及預先準備濕紙巾給客人。正餐和甜品都做的不錯，而且又有可愛的修修，大人細路都適合。

今晚約了由細玩到大的西環朋友吃晚飯，我們來到了L’attitude這間韓國cafe，充滿童真的cafe，有個大熊仔，又有公仔，小朋友、女生見到都會超開心！這裡有很多特色飲品和甜品！我點了一杯cocktail叫Imperial，侍應一拿過來真的讓我嚇一跳，杯上有大大的粉紅色棉花糖，侍應把酒倒進去，裡面有一粒紅桑子，酸酸甜甜的！小食拼盤有薯條、雞翼和軟殻蟹，雞翼酸酸甜甜，像水牛城雞翼，薯條好脆，軟殻蟹外脆內軟！我和朋友都很喜歡明太子炸軟殻蟹忌廉汁意大利麵，creamy的忌廉明太子汁，好香好滑！每條意粉都沾了這麼好吃的汁！羽衣甘藍火腿pizza也很不錯，非常薄的pizza底，不會有膩的感覺，羽衣甘藍做pizza材料很特別，芝士香濃，pizza邊脆脆的，好吃！整體來說食物和環境都不錯，值得再去！

一走入L’attitude已經俾佢裝潢所吸引天花掛住一朵朵嘅白雲一隻充滿疑惑樣嘅熊仔擺設梳化上一隻隻趣緻嘅公仔不過原來呢個充滿童真嘅地方係可以飲cocktail?即刻點杯試試！Remi($70)用上Bailey's、朱古力、牛奶等食材沖調而成，牛奶令到Remi飲落超幼滑 同時亦充滿Bailey's嘅獨特香味由於我同友人都唔係咁肚餓 就各人選了3樣兩個都想食嘅share黎食首先上台嘅係黑松露薯條($78)黑松露薯條香氣濃郁 加埋3款唔同嘅醬汁不禁一條又一條咁點黎食！讚！再來就係明太子炸軟殻蟹忌廉汁意大利麵($138)炸軟殻蟹係原隻上 加上明太子微辣 成個pasta都好creamy！ 接住上台嘅就係8oz美國特級肉眼排($198)份量剛剛好！肉質軟稔多汁 食肉獸最愛！雖然有酒賣 不過佢都仲有好多色彩繽紛嘅雪糕同飲品揀 一家大細黎呢度食飯都可以各取所需啦！