L'attitude (Closed)

首先步入餐廳，餐廳環境十分可愛，到處也是可愛的兔兔及熊熊公仔頭，就好似去咗台灣嘅主題餐廳咁。而且店內的燈罩也有精心計劃用了烏雲公仔，看落有點像棉花糖。 打開餐單見到呢一間餐廳入面都有好多包類選擇，所以決定了去嘗試一下。所以今次叫咗個黑松露溫泉蛋蕃茄牛堡。同主菜單一樣，嚟到真係有溫泉蛋，而且溫泉蛋仲要係係個包上面， 好有驚喜。包上面除左有溫泉蛋仲有黑松露汁而包內含蕃茄，生菜，牛肉，煎左嘅煙肉。一整個吃下去，十分有口感。煙肉的脆囗同牛堡仲有蛋好夾！而且每一啖都有黑松露同蛋汁的鮮味。牛堡又有BBQ 味， 真係一絕！

之前食過呢間餐廳已經想Encore好耐，今日黎開西環終於有機會!!裝潢走簡約可愛風格，有好多得意熊啤啤同白兔公仔擺設，仲有幾舊雲既燈飾，好似係主題樂園咁，少女心即時出哂黎！海膽蟹肉牛油梨芒果他他 ($98)呢道前菜上次食完一直令我心掛掛，今次一於再食底層以牛油果蓉同香甜芒果粒混合而成，口感香軟幼滑，味道方面芒果既清新酸甜調和咗牛油果既飽濟感。中層覆蓋住啖啖蟹肉，食落鮮甜而爽口。上層以沙律菜舖墊飽滿既海膽，味道濃郁甘甜、冇腥同苦味，加上少量黑松露，將整道他他色香味都升華連伴碟都好有心思，黑醋橄欖油美觀之外，亦可以用來伴沙律菜食，魚子咬落咸香脆卜卜!明太子炸軟殻蟹忌廉汁意大利麵($138)明太子份量好足，忌廉汁香濃帶微辣，但可惜質感較稀...意粉則煮得剛剛好，質感夠彈牙al dente，不過略嫌忌廉汁未夠多到可以覆蓋整碟意粉。但睇見大大份酥炸軟殼蟹霸氣原隻上，食落又鬆脆香口，呢個意粉依然合格！蟹膏吐司($108)蟹膏脹卜卜咁佈滿整個蟹殼，望到已經流晒口水呢度既蟹膏雖然係凍食，但食落依然勁濃郁，每一啖都齒頰留香。多士烘得夠香脆，沾上蟹膏一大啖食落去，嗰一刻就好似上咗天堂一樣，係全晚的high

生日要揾個好地方食飯，上網搵到呢間，就過來試試。環境舒適，店員態度亦很好，食物味道女朋友極奄尖都話ok椅上有公仔， 佈置都幾可愛，小朋友友來亦可。可惜今日巧合地無set dinner

雪糕造型可愛，小食拼盤正🤤🤤食物夠熱😋，環境清靜，坐位舒適，唔使點等位，又可愛大頭公仔🤗，影吓相，同朋友吹水👍🏻👍🏻、傾計都係唔錯嘅選擇😍😍😍

今日晚上 同女朋友嚟咗呢一度， 自己揸車嚟到呢度， 附近有停車場， 隔離就係邊位， 非常之方便就算搭地鐵都好方便， 地鐵站出口 行幾分鐘就到， 環境方面食物非常之多選擇， 及牆邊有好多公仔

最近因搬家，實在太惱人，晚飯好想來一個有特色，而又可以令人放下壓力。於是剛剛看到L'ATTITUDE 就和仔仔一起入內進餐！既然這裡以好像一朵雲的甜品飲料見稱，我就來一杯棉花糖薄荷奶昔。一大朵白雲中間插下飲管，原來杯中上面是雲尼拿雪糕，外圍是薄荷奶昔，整杯無論賣相和味道都是滿分！仔仔喜歡特別的，便叫了一杯青瓜清檸梳打。清新的青瓜味，與青檸的酸味結合，似乎青檸比較突出，但夏天太熱胃口未開，用它來開胃解渴是最好之選！先來一個時令鲜果沙律，色彩繽紛，更在白色碟邊加上紅色花瓣及紅莓，簡直搶了女士們的心.....即時令食指大動！沙律有橙，哈蜜瓜，蜜瓜，士多啤梨和火龍果；配上自調帶微微一㸃咸、酸、甜味的沙律醬，突顯了生果的新鮮和開胃。而且，爽口丶多汁和軟身，各種口感都有齊！好味！蕃茄海鮮意大利麵，有數隻手指般的大蝦和青口，茄醬夾雜著新鮮茄蓉和香草粉，好食到不停！田園蜜汁雞翼，喜歡雞翼本身不需醃太重味，而且外脆內嫩！最愛蜜汁不會太甜和稠身，薄薄一層已經很足夠。仔仔還怪我這樣好味的地方，為何這麼遲才帶他來！真的被他笑死！雖是炸薯條，但一點也不馬虎！原條大薯條，夠粗身得來，新鮮熱騰騰炸出來，只需輕輕一下

今日有個住西灣既朋友仔請食飯所以就去左堅尼地城一趟地鐵站一上去過一條馬路左手邊就係餐廳依間餐廳打卡一流👍🏻事關有好多公仔做主題內裏嘅裝修有童話感覺😍天花還有一串串雲的裝飾很特別！當日八點鐘去到人流真係唔算太多！有種cafe feel好好坐！最岩就傾下計食下野我哋既前菜點了一個煙三文魚凱撒沙律新鮮嘅沙律菜沾滿了沙律醬十分開胃而煙三文魚嘅份量都唔少㗎！而且煙肉都是香脆可口的！這個配搭真係好完美！主菜我們點了一個水牛城煙肉火腿Pizza不得不讚皮底又薄又脆！ 配上番茄煙肉芝士！材料十分豐富！就算食晒成個都唔會話太滯😍朋友就點了一個明太子軟殼蟹忌廉汁意大利粉足足有一大隻軟殼蟹，外脆內軟唔會太乾意粉沾上了忌廉汁看見面頭有很多橙色的明太子在上邊！打破了我對明太子的印象！因我常常認為明太子是一種很鹹的魚子！從此我改觀了😂我們另外還點了一款時令飲品百香果多多-顧名思義其實係益力多加百香果汁！這個組合是夾的！味道正常唔會太甜兩個女孩子一路食一路傾好快就兩個小時了！因為太飽，這裏的特色甜品我們都沒有試了！但係我都推薦大家來這裏...尤其是女孩子...環境舒服味道不錯👍🏻其實佢啲甜品都好吸引依家諗返起都有啲

西環區近年真的多了很多新式/西式食肆，酒吧已經有很多，以卡通公仔作主題的cafe還是第一次來。於西環大街 - 卑路乍街的Lattitude，裝修夢幻，小朋友十分喜歡，到處與裝飾的公仔拍照，大人可以自行休息😂😂。毛公仔是她最愛，一直抱著公仔，今次用餐不再需要大人陪吃了😅。Earl Grey Latte，綿滑泡沫，奶味適中，如果茶味再濃一點就更好～最夢幻的是特飲，顏色層次分明，加上LED冰粒，絕對吸睛👍🏼

L'attitude (西環)西環堅尼地城卑路乍街68號Imperial Kennedy地下2號鋪食物都用心製作，所以耐左d，有好多小朋友鐘意的公仔，地點都方便。食材真心靚

這間餐廳位於西環卑路乍街68號，堅尼地城地鐵站B出口一出直行就到，非常方便。餐廳環境舒適，以兔兔為主題，好多家長帶小朋友來，女女都好鐘意，係咁叫我同佢影相👍🏼👍🏼

在open rice 見到有咁多讚, 於是特登過嚟食下野！出奇地好味又平，賣相可愛，小朋友見到好開心，大人見到都開心。服務很好，好專業！食到成枱都係唔使＄200， 推薦！

今日放工準備到堅尼地城游泳池游泳，想食個意粉先去，上網看見這間餐廳就去試試，距離也很就近。門外沒有擺放餐牌，本想看看有什麼吃(雖然為食但都有d揀飲擇食，最怕入到餐廳坐下來唔岩食)，不過都行到黎就照入去試試！很多可愛的擺設，近門口擺放左隻絕對不會睇漏眼的大熊擺設，天花掛上幾舊雲造型的燈飾，吧枱位置有幾隻毛公仔放係道，應該可以自行拿來抱抱(看見2張枱都有咁做，不過第一次去可先向職員查詢)，外觀看來是小朋友的天地。坐下後立即送上餐牌，點餐後立即送上水一杯和餐具，員工工作速度迅速。食物方面，選擇都多樣，前菜，主菜pizza.意粉.漢堡都有，今次得一丁友，之後仲要游水就叫個意粉夠了，叫左我成日食的卡邦尼食，奇怪地佢呢度嘅卡邦尼旁邊竟然寫住有分經典/夢幻版本，咁特別就一於問下係有乜分別！原來夢幻係意粉加左紅菜頭令意粉呈現粉紅色，不過我真係好揀飲擇食，紅菜頭唔係我的喜好味道比較淡味，不過因為淡味，食到佢加左芝士，好香，加上有煙肉，所以味道淡卻剛好配合到。而佢個汁偏稀，也許是蛋黃溝稀左，個人喜好比較喜歡杰d，不過今日去游水，稀d個感覺無咁頂肚，都ok！意粉輕微過龍，覺得太林，但好輕微，可以接受。蔥花可

這間特色cafe極就近地鐵站, 而且舒適帶點型格又不失趣緻。原本不打算點前菜直接叫主菜醫肚, 但就被這頭盤吸引了。飽滿的帆立貝煎得外脆內軟, 口感和滿足度一定不會令你失望。配合紫薯蓉和甜椒頓覺額外清新。單論大小已十分有睇頭, 跟三文魚籽更是絕配。這裏的飲品和甜品款式特別多, 這款梳打很吸睛, 充滿夏日feel, 口味則比想像中單調沒太大可塑性, 反而藍柑milk shake就令人有驚喜。微酸的乾藍柑跟可愛的棉花糖"上蓋"關係微妙, 互相中和結合, 出奇地和諧, 欣賞設計者的創新結合。Milk shake的雪糕也很香滑可口。texas burger 亦很有份量和特色, 煙肉跟牛漢堡加上蕃茄和蔬菜一點不膩。粗薯條也很可口。不過漢堡比想像中少了juicy感。這款軟殼蟹意大利麵又一次示範fushion的化學作用。原隻軟殼蟹舖在麵上十分可觀, 加上大量明太子令麵條口感更爽和彈牙。整體感覺不錯, 尤其甜品想一試再試。

住係西環嘅朋友知我要去附近做嘢, 就特登帶左我去一間幾有特色嘅餐廳食晚飯。餐廳行cafe 路線, 並且有公仔做主題, 裝修亦圍繞著依個公仔, 係香港黎講算少有, 黎拍拖, 黎影相都幾唔錯下。睇下餐牌, 佢地有套餐, 亦都有散叫嘅嘢食, 而且選擇都好多, 不過好彩係朋友食過, 所以係佢介紹之下都好快落哂order。等左一陣, 先黎嘅係特飲, 我揀左依隻比較夢幻嘅Los Angeles. 有唔同顏色之餘, 最搶眼就係入面放左盞燈仔, 有些少似太空feel嘅感覺, 影相放閃都應該有佢啦! 味道就係蜂蜜檸檬隻味, 屬醒胃飲品。朋友就冇我依種興致, 佢點左個正常嘅lime soda。傾下傾下,  啲嘢食都黎啦！ 先黎個夏威夷pizza, 傳統嘅薄批, 有煙肉, 菠蘿, 芝士同蕃茄配料, 分量唔算太大, 如果有三四個人share最好, 可以試多啲其他嘢, 兩個人就要當main course 黎食。另一個主菜係德州燒烤漢堡, 牛肉漢堡好好味, 配左炸洋蔥粒同溶左嘅芝士, 冇得彈! Side dish 炸薯條都好新鮮, 食完依個都真係飽哂。最後黎嘅係炸蜜糖雞翼, 依個平時係其他地方都有點過, 今次係度

之前見朋友打卡見倒d 甜品好靚環境好靚，公仔又可愛今次決定捉男朋友陪我黎食 L 'attitude～一入門口就見倒有好大隻熊仔喇好可愛～Menu 選擇好多，甜品選擇仲多～小食拼盤薯條、雞翼、軟殼蟹仲有茄汁、牛油果醬同沙律醬薯條熱辣辣～雞翼夠滋味軟殼蟹都炸得好正，推介～明太子炸軟殼蟹忌廉汁意大利麵依個好好味啊～～意大利粉好彈牙～ 好入味，忌廉汁同明太子好香濃～軟鼓蟹炸得好香脆～厚肉卡邦尼溫泉蛋扁意粉（經典版）有得揀夢幻版～不過隻色唔係太接受到哈哈配料好足啊～好多煙肉～混埋溫泉蛋黎食～～ 滿足Hot Air Ballon (Swirl)依度d 甜品咁靚咁適合打卡，冇理由唔叫嘅～不過選擇好多，揀左好耐，決定揀有棉花糖嘅～雪糕係朱古力溝牛奶，好滑好Creamy，朱古力味好濃郁～食完影完相勁滿足 店員仲好細心咁俾埋濕紙巾你放心用手撕棉花糖黎食啦～入夜開左燈，環境特別寧靜，個感覺好舒服，好適合黎傾計有好多公仔俾你攬住影相打卡一流啊～～食完晚飯之後，視覺味覺都滿足左連心情都好埋