L'attitude (Closed)

早果排比朋友燒著，今日終於黎了呢間位於西環嘅L'attitude，餐廳內有超大個卡通模型，完全係我呢啲 童心未泯嘅大細路必要打卡既影相位！！店內嘅裝潢都十分夢幻，天花上掛著一 個個卡通雲形狀嘅燈，非常可愛！望望OP,跟著"推薦菜式"點了蟹膏帶子海膽拌飯，小食拼盤同埋海膽蟹肉牛油梨芒果他他~小食拼盤有軟殼蟹 薯條同埋雞翼， 並附上了三盤醬汁分別係沙律醬牛油果醬同埋茄汁，茄汁同沙律醬都比起平時食開嘅酸一點，卻係估唔到咁清新開胃！ 牛油果醬非常香，和厚厚炸得香炸嘅軟殼蟹尤其配搭☺ 薯條又直身同曲身兩款，同樣炸得非常香口脆身又熱辣辣👍🏻 我特愛雞翼嘅bbq醬汁，濃味得嚟唔會太鹹，唔錯~蟹膏帶子海膽拌飯 個人非常推薦 ！蟹膏帶子同海膽都非常新鮮！ 海膽好鮮甜，帶子彈牙， 蟹膏配搭粒粒分明嘅珍珠米非常好食😋 唯一可惜嘅係份量唔夠多食得唔夠喉🤭海膽蟹肉牛油梨芒果他他 賣相真係100分！牛油果混和芒果，再加上鮮甜嘅海膽喺面，食落口層次豐富，味道仲非常清新😍$98 嚟講cp值非常高喎~另外一讚嘅係，店員都非常熱心同笑容可躬， 整體感覺令人進餐都非常舒服，絕對係一個悠閒聊天嘅熱點❤

今日難得咁開心，去左一間睇到門口都令人充滿童既主題餐廳食飯，去到門口見到櫥窗見到三隻公仔排排坐等食，相當鬼馬！最岩一家大細去。入去到見到大大隻熊仔，如果小朋友見到瘋狂攬住隻熊仔。成間餐廳都棉花糖既吊掛裝潢，令人覺得好童話夢幻。坐底之後開始睇下有咩食，餐牌都十分夢幻，實在花多眼亂！之後黎左個外藉既侍應姐姐幫我地落單，我以為要講英文落單，原來對方係操一口流利廣東話，仲好好笑容！以下就係今晚既晚餐。藍柑奶昔 Sweet Dreams杯野飲一到我同我另一半好似小朋友咁好開心笑上黎，首先係一舊好似雲既棉花糖咁，上面有少少好似山渣碎，侍應姐姐都好細心，早已幫我地預備碟仔，方便可以將個舊雲空降係隻碟仔上面。棉花糖味道唔太甜，份量都相當足夠，兩個食絕對岩岩好。到砂冰部分，唔太水，食到起沙既感覺，味道似波子汽水。唔錯，奶昔質感夠幼滑，唔好有空心感。藍柑加埋奶昔既甜味，味道好獨特！羽衣甘藍配蕃茄湯　以賣相黎計，呢個餐湯係行緊精緻路線，精品。碟外面有紫薯蓉配紅蘿蔔蓉，比較少餐廳會用呢兩種食材做配搭。但味道出奇地好食！其次羽衣甘藍配蕃茄湯都相對少見，但以一個創新料理非常成功，羽衣甘藍方面經過有少少烘焙過處理，

平時忙足一至五，放工梗係要食餐好既慰勞下自己，於是約埋朋友一齊黎到堅尼地城食晚餐😋呢間餐廳裡面擺放左好多公仔，俾大家打卡影相。無論食物定裝飾佈置，全部都充滿夢幻氣氛，彷彿置身於童話故事之中，仲有唔少屋企人帶埋小朋友黎開餐。而且座位夠曬闊偌，坐得好舒服。除左主食，呢到仲有得食各式精緻既甜品，而呢款熊貓造型既雪糕🍦夠曬可愛，一定深受小朋友歡迎。低温火焰帶子配紅魚魚子紫薯蓉($98)呢款前菜一一共有三大粒帶子。輕煎過後既帶子外脆內軟，魚子夠曬鮮甜，底下有層厚厚既紫薯蓉。蟹膏帶子海膽拌飯(168)帶子大大舊，海膽鮮甜美味，一啲都唔腥。記得要將蟹膏同白飯完全地撈匀，味道就會岩岩好，唔會太濃同太咸。呢個絕對係重口味人士既最佳選擇。卡邦尼溫泉蛋扁意粉。夢幻版($108)我最鍾意既一道菜，剩係賣相都夠曬特別，紫紅色既意粉真係未食過。醬汁多而且濃稠，原本以為會好膩，但事實完全相反，愈食愈停唔到口，食曬成個竟然都冇膩既感覺，大大加分！食到配料有鮮甜既魚子同煙肉，口感層次豐富，令人回味無窮。最後黎返杯曲奇忌廉奶昔先，有好靚綿花糖做裝飾🌸隔離枱有個小朋友一見到綿花糖即刻心心眼，走過黎問我地可唔可以俾舊棉花糖佢

今日同朋友嚟咗一間好得意嘅餐廳 L’attitude。周圍都有熊仔、兔子同埋雞仔嘅裝飾，天花板仲吊住軟綿綿嘅雲朵，好可愛啊！雖然我地係下午茶時間黎，但由於無食午餐嘅關係，都叫左唔少野食。呢度嘅下午茶餐唔算貴，大約＄40就有交易。Set D嘅碳燒香茅豬頸肉幾爽口好入味，似乎落咗好多香料，如果配河粉一定好正！除咗豬頸肉我哋仲叫咗一個昆布海鮮冬菇豆腐湯鍋，清清地但係又幾好味喎！有爽口嘅蝦、青口同埋蟹柳。昆布湯唔單止好好飲，仲比豆腐索曬啲味。飲品方面，我地叫左兩杯星空系列同埋一杯酒精飲品。星空系列係蝶豆花飲料，店員係入面擺咗一粒會發光嘅膠冰粒，好夢幻！Los Angeles加左檸檬蜂蜜所以比較適合嗜甜嘅朋友。Paris就係玫瑰檸檬，味道較酸，解膩一流！Cocktail方面，Imperial甜度幾高，將棉花糖溶埋落去好容易入口。最吸引我嘅就係呢個雞仔軟雪糕啦！造型真係好得意，唔捨得食添！雪糕幾滑，有少少牛奶香，撈埋棉花糖食又係另一種滋味。總括黎講，呢間可愛嘅餐廳唔會「得個樣」，食物除左好睇都幾好味，啱曬童心未泯嘅女仔！

今晚來到堅尼地城一間cafe , 一來到就見到可愛架卡通， 餐牌食物好多選擇！ ！ ！ 又有前菜，飲品， 精緻可愛甜品！ 好得意！！ 最後，叫左飲品，意粉，甜品，沙律！同坐得好舒服，唔會好迫！下次會再黎！

This place is so lovely that easy for friends to hang out and spend a couple hours in a weekend afternoon. The environment is so cozy and comfortable. The cartoon theme decoration makes people flash back their childhood’s memory

餐廳食物質素好賣相一流，味道好好有亦有好多選擇，餐廳服務質素好佳，服務員工好細心好有耐性，餐廳環境好好清潔乾淨，而且餐廳地點好人流暢旺地點就腳方便，值得一讚值得回味。

呢間餐廳系尖沙咀同西環都有分店，今晚放工同友人想寧靜d傾計所以就揀左西環分店。一入到門口先比只韓國好出名既啡色大兔兔吸引住，第二個大卡位當然吾少得系四盞超夢幻雲朵燈吊住啦，即刻好似入左去童話世界。呢間餐廳帶比人一種好浪漫舒服卡通既感覺，座位都安插左幾隻卡通人物伴隨著進食，可愛至極。影過相後，就開始看餐牌，發現呢間餐廳唔係一般普通既西餐廳，仲系一間出色甜品店。除了意粉，薄餅，小食，呢家餐廳同時間亦擺好多心機系飲品同甜品方面，例如飲品會有不同系列，例如星空系列，奶昔，果茶，cocktail等等，十分多元化。揀野食既過程都花左十分鐘有多。明太子軟殼蟹意粉必點意粉之一，大推既原因系因為明太子汁十分出色，內含蟹子粒，味道調得剛剛好，而且帶點點辣味，十分惹味。軟殼蟹同樣出色，份量亦都充足，剛剛炸起既軟殼蟹，鬆脆可口，配合明太子意粉相得益彰，加分位系意粉面頭上加入紫菜絲，拌意粉食一流啊。帶子海膽蟹膏拌飯帶子海膽蟹膏三樣食材即使分開食已經好好食，三樣食材一次過進食都係第一次，海膽同帶子同十分新鮮，帶子淡淡肉十分清甜，而海膽則是完全無腥味，淡淡海膽真係十分滋味。蟹膏份量亦系超級多，當然三樣食材一齊拌飯，

Nice Food and Dessert. Tasty steak, spaghetti, as well as the desert. I am very sure I will visit this restaurant again!!!

這店是阿仔 堅尼地城必到的愛店😀，首先被餐廳的裝修吸引 ， 侍應姐姐很親切 ，來了很多次，侍應姐姐已認得阿仔，姐姐攞公仔埋黎陪阿仔食嘢 ，小食拼盤是每次必選食品，它的軟殼蟹新鮮香脆，比著名連鎖壽司店的更香脆 ，仲有三款不同的調味醬 任你點 ，拼盤的薯條同雞翼也很出色。主角當然係 呢度甜品嘅棉花糖雪糕啦 ，有很多款，每次試一款的話，都要黎好多次至試得哂。飲品方面最喜歡他的星空系列，賣樣出色，藍色的飲品，內裡放了粒發光的冰，很漂亮！今天試了黑松露簿餅，黑松露味很香，也不太油膩，好味。

今次已是第2次來這間餐廳吃飯。因為時間早，不要等候。因為肚子不是太餓，叫了一個牛扒兩份吃。另外叫了松露薯條和很期待的甜品Tokki Honey Toast. 這𥚃坐位舒服，有卡通人物造型，是很好打卡吃飯的地方。Good services

西環起左地鐵之後 就開左好多餐廳一年無黎又變左好多啦！以前因為工作關係成日黎西環 順便食好西今次就黎左呢間L’attitude食飯係地鐵站一岀行2分鐘就到 非常方便舖內放左好得意既兔仔同好巨大既熊仔 天花上面又有幾舊雲吊左係到 好少女風呀！我地order 左8安士美國特級肉眼排、香煎帶子羽衣甘藍意大利麵、小食拼盤先黎既竟然係香煎帶子羽衣甘藍意大利麵，有兩粒大大粒既帶子，煎完之後既帶子好鮮味! 切成細絲的深綠色羽衣甘藍同意粉一齊食，味道好match之後再黎既係小食拼盤(薯條、雞翼、軟殼蟹)個薯條有三種醬包括茄汁、沙律醬、好特別既牛油果醬開頭食唔係好食得出牛油果醬既味道，但薯條無咁熱時再食個味道就好出啦!另外，雞翼係BBQ醬口味，唔會太鹹，岩岩好!而個軟殼蟹炸得好乾身又厚肉，再灑上檸檬汁，唔洗加其他醬都已經好正啦!!之後送上既係8安士美國特級肉眼排，我地叫左5成熟，塊扒好厚身，肉質非常鮮嫩。側邊既配菜灑上左黑胡椒都已經好夠味!Drinks方面order 左The Skylines 星空系列既Los Angeles(藍蝶花，蜂蜜檸檬) & Paris (藍蝶花，玫瑰檸檬)本人覺得Paris個

This restaurant is definitely a go to for some aesthetically pleasing and delicious dishes and some stunning desserts. I love this place so much and I will come back. The design and the foods are so amazing and well put. The price is not one of the most expensive as well. Thank you ❤️✨💓

由於之前系ig見到好多cotton candy既打卡照，一直都好想試。今日就黎到呢間甜品勝地一看廬山真面目。呢間分店位置於西環，感覺特別寧靜舒適。一入到去見到好大個卡通人物（啡色既兔仔，雖然唔知佢個名）但十分搶眼。然後服務員帶我地區座位既時候，見到樓頂有幾盞雲朵燈吊住，十分夢幻。櫻花樹下由於下午茶緣故，所以只點甜品。今次當然要點呢家餐廳既招牌棉花糖甜品，櫻花樹下。一直好期待棉花糖加入甜品後味道會點，今次終於試下啦。中記得佢一令上檯既時候，我系完全無眨眼，因為真係好令好特別，相機已經幫佢影左二十張相有多。先講外型，櫻花樹下其實系巧克力心太軟，櫻花樹就係將粉紅色棉花糖擺上面層，入面則蘊含住一細杯既vanila雪糕，有著不同生果裝飾，好似藍莓，strawberry。心太軟方面雖然有流心效果但係味道一般，無偏苦或甜，所以無太大特別。不過焦點系容易就放落棉花糖到既。不過呢個甜品絕對打卡必備，充滿粉紅泡泡既氛圍。溫馨小提示，棉花糖要盡快食用啊，唔好掛住只係拍照如果唔係就會好快溶曬。食法又或者可以將棉花糖溶入雪糕一齊食，一淡雪糕加一淡心太軟，刺激味蕾。十分建議給女生，呢家餐廳可以打卡又可以食好多甜品

行過西環卑路乍街見到有一間裝修得好cute嘅餐廳,裏面用咗好多得意嘅公仔做設擺，所以就吸引咗我哋入去食嘢。原來呢間餐廳主打西式甜品，尤其以棉花糖雪糕最為吸引.明太子炸軟殻蟹忌廉汁意大利麵（$138.00）兩大嚿炸軟殻蟹，唔似之前食嗰啲一啖冇晒，可以食到幾口，而且幾鬆脆。紫菜絲分量亦足。忌廉汁可能混入了魚子的緣故，所以呈淺粉紅色，少女一族一定喜歡，而且味道唔會太膩。以朱古力醬和檸檬伴碟，賣相不錯。加勒比海海鮮薄餅（$138.00）有蜆肉、魷魚仔、蝦、新鮮菠蘿和芝士為toppings, 加上檸檬片作點綴，上枱時有陣陣好香嘅菠蘿和檸檬香味，令食慾大增。薄餅底超薄，鬆脆可口。 如果海鮮的份量多番少少和切得大粒少少，增加口感就更加完美。櫻花樹下（$88.00）這道甜品賣相精彩而吸睛！只掛住影相都唔記得食! 心太軟微暖而且做到流心效果，加埋雜莓一齊食，好味而不太甜。大球棉花糖下是軟雪糕，可能掛住影相，雪糕已經溶溶哋！棉花糖超大嚿，真係好似棵櫻花樹！影相千祈唔好影咁耐，否則會好似我哋咁櫻花樹就越影越細。泡沫咖啡簡單而味道細緻！最後要讚的是侍應們服務體貼，而且有禮貌。