柳園菜館 (Closed)

柳州螺螄粉$78（連三餸）螺螄粉本身已有酸筍、木耳、花生、油炸腐竹、酸豆角、菜脯、炸菜、肉碎、時菜作配料，另外我加左豬肚、藕丸同薯仔，份量頗大，食落都好飽肚，雖然聞落有少少臭，但食左係會上癮😍🤤螺螄粉所用既柳州米粉爽口彈牙，放耐左都唔會變腍，口感一流👍豬肚雖然無話好特別，不過勝在夠入味😋而藕丸味道不錯但有點鬆散，可以加以改善，反而薯仔令我喜出望外，切成粗條狀，口感軟腍，咬落啖啖湯汁，有驚喜😍

同事帶我黎食第一次試中式螺絲粉,食飯時間1pm得幾枱客,心諗仲好唔洗排隊等位叫左個柳州螺絲粉$45,配料：酸筍、木耳、花生、油炸腐竹、酸豆角、菜脯、柞菜、時菜、肉醉；肉類加$10,其他加$6；見到有咁多料就無加餸；同事叮嚀不要辣，因為小辣都好辣，無辣都有胡椒味都辣辣地（我地不太食得辣）5分鐘左右黎到,湯底清如水,超重筍味,粉質地好硬，我食完番到公司一直胃痛，食左2粒胃藥痛住咁即刻要打依篇食評，難怪中午時段尖沙咀都無人食

第一次試螺絲粉,見呢間野環境唔錯,就去試試,今日3點到達,得3枱客,以為晏無咩人好正常...不以為意,行多兩步入到去發覺成間店充滿筍味,真係唔係人人可接受叫左個螺絲粉$45,得配料,肉類加$10,其他加$6,揀左腩肉,碗粉黎到係唔熱,湯底清如水,帶有筍味,肉有3小件,(太餓唔記得影相),豬肉有SO味,粉質地有D似賴粉,煙UN D,唔會吸引你再試...重叫左個午餐,糖醋魚客飯,食完碗粉,等了又等,又吹又剩,最後加埋等左起碼35分鐘,魚塊得5件,咁又$50........真係去食碗雲吞麵無咁嬲,浪費時間,又唔好食

我其實講真之前連柳州係甚麼地方都無聽過，有次同食開素嘅同事lunch hour路過，見到午市餐牌素嘅小菜多，就試一試結果佢地嘅素小菜非常清甜鮮味，好到簡直唔似食素！特別係唔會犯上時下大部分香港中式餐廳無菜味無肉味得個油味嚇死人嘅問題，連湯都唔會太鹹唔會清水灣，今時今日在香港也可算世間少有，於是自此柳園就變成小弟每日中午嘅固定飯堂。而且午市餐平嘅48貴嘅52又唔會斬水準，可謂佛心之極，不似意x屋之流。今日順便和朋友食晚餐，使順便也試了其他菜，特別想提個醉貴妃雞，上灑了桂花，酒香清甜不會澀，可能小弟食得醉雞少，不過呢個都可算係我食過最正嘅醉雞

成日上網見到啲人食「螺絲粉」好似好好食咁🤔所以上星期同 #菜媽媽 同姨姨出尖沙咀，見到香港竟然有得食就試吓！座位幾闊落，坐窗邊比較舒服😆當碗螺絲粉嚟到嘅時候⋯我就已經聞到陣陣腳臭味🤦🏻‍♀️菜媽媽話嗰啲係筍絲嘅味道，此味道純屬正常，而佢都覺得味道唔錯👩🏻‍🌾啱嘅每個人口味都唔一樣😂我自問就唔得啦！但米線的確好爽口！除咗螺絲粉之外仲叫咗個「回鍋肉」+「銀桂燻魚」回鍋肉完全唔香唔辣☹️偏咸所以麻麻哋//銀桂燻魚炸到超透！所以食落去勁鬆脆！但個醬汁好甜，而且完全冇煙熏味🙄但佢個例湯真心唔錯，完全冇味精！.👅請俾分：5/10.🍳YouTube: Happy Amy👉🏻Facebook: Happy Amy👉🏻Instagram: Amylaceous

柳園菜館係一間要上樓嘅中菜館某日經過尖沙咀金馬倫道有店員在地面介紹諗唔到食咩之際 於是不妨試下從地面上一層一進入菜館 覺得裝修格局似cafe西餐菜館走木系 燈光鮮明感覺舒適清新茶壺仲用平時沖花茶個款唔似一般中菜館傳統感覺依度有一個特別嘅粉麵叫柳州螺螄粉其實同食米線差唔多但比一般米線硬身D其實我都唔太清楚螺螄粉有咩特別辣嘅程度可以自己揀配料內原來有筍所以成碗湯都沾有陣筍味個人所以唔太鍾意還是喜歡譚仔三哥農家水餃亦沒有什麼特別不是湯上 所以唔係熱騰騰味道偏淡Openrice評分也不差但整體食物我只覺得麻麻地可能其他菜式會好D卦環境氣氛： ★★★☆☆食物質素： ★★☆☆☆服務態度： ★★★☆☆

香港比較小食到廣西菜，柳園呢度係以廣西菜為主題，其實可能同廣東菜口味差不多，不過都有少少特色嘅。樓上店地方比較寬敞。有個小茶壺，先來杯茶清一清。兩款醉小食，一個係醉豬手、另一個係醉雞。火龍果西瓜汁同提子蘋果汁，香甜嘅果汁味。涼拌茄子， 茄子疊起坐似座小山丘，配上啲汁都幾好味。韮菜炒蝦干，同港式嘅小炒王差不多。呢個比較特別，係柳州螺絲粉，可以自己選擇配對唔同嘅配料，簡簡單單配上豆卜、薄脆、花生、等嘅配料，螺絲粉質感煙煙韌韌，味道都唔錯，亦有一種家鄉風味。龍城燒雞，有少少之風沙雞，炸香咗個雞皮，啲雞肉都算嫩滑。

期待這間螺螄粉好久，然而一點也不正宗亦不好吃，我食得辣，但這碗粉大辣不是紅色而是黃色的，見到個賣相已經知中伏。碗湯有螺味但去唔到腥，個豆卜一點也不入味但卻有濃郁蔥味，炸腐竹也好怪異點浸都不軟，遑論奇怪的辣椒油了。粉質本身ok，酸筍都ok，但放榨菜係錯咗Lor...廣西人表示，這碗粉真係令人失望⋯⋯上淘寶買包裝好的自己煮，仲好食好多。

这家餐厅环境很好，位置也很大，餐具什么的也很美观，所以就餐心情也会很好，价格在尖沙咀也很适宜。螺狮粉的配料很丰富，酸笋气味会有点偏臭，初接触者可能难以适应，但是入口的味道没有很刺激。但是我在上菜之后才知道，螺狮粉（与这家店家无关，基本上大多店家卖的螺狮粉）都是没有螺狮的……简直就是继“没有老婆的老婆饼”“没有狮子的狮子头”“没有夫妻的夫妻肺片”“既没有少女也没有胸的少女的酥胸（马卡龙）”“不卖武汉热干面烤鸭脖的尖沙咀汉口道”之后的又一大惨案

曾吃過螺螄粉 一直很中意酸辣的味道 香港竟然也有 特地來試 人很少 但是環境地段很不錯，味道並不如在柳州吃的重口味，但可以理解或許是為了適應本地口味適當的讓步，畢竟生意還是要靠本地客現在香港周街都是日式台式，想找一些其他特色小食實在困難，這家值得一來，但人流不多，真擔心日後會否因為運營壓力而消失

今晚試左柳園，同我地係柳州食過咁多間大大細細既味道絕對唔同，一啲都唔地道。湯頭唔夠味，無覺有螺絲，酸筍又唔夠酸，叫到中辣都見唔到辣椒油，又多左啲肉碎呀唔係正宗螺絲粉既野係裡面。碗粉唔難食既。但唔係柳州螺絲粉囉。

有很多餐廳都會由朋友中得知，話說去那裡裡去過吃飯，而其中一次訧聽到這餐廳的名字，倒也想去，可是總是湊不著時間，遲遲還未去到，直到今日，才記起了這餐廳，於是去了一趟。看著餐牌，當中還有特色小食，也有午市套餐等，每一項都是想食的，但是始終想吃一下螺螄粉，於是點來一個，或者真的未曾食過這個粉吧。柳州螺螄粉的製作不用多說吧，其他食材包括了蘿蔔、木耳、油炸腐竹、炸菜、菜腩、時菜及肉碎等等，是幾豐富的一碗麪。整碗麵可分大中小辣，食客可按個人口味而選擇，因此每食一口麵，都是有著辛辣的味道。飲品則點來冰糖山揸水，沒有冰在內，只在冰箱裡冷藏過了，喝一口可有冰涼的感覺，亦有微微的山楂味道，然而在下認為，如果山楂味道可以突出的話，我想效果更好。一碗螺螄粉，看起來是大碗的，份量足夠，吃過之後，結賬走人。

螺螄螺螄...螺絲螺絲...中菜館竟然推出西式螺絲?非也非也！原來螺螄粉是廣西柳州的風味小吃，據聞螺螄粉岩豐富碳水化合物同各種維生素,礦物質等...不過對我來說,味道至上，就來試試這碗螺螄粉是不是又健康又美味！餐具做得蠻別緻的，碗碟及杯子上有著雲石般的紋理，再配上一個玻璃茶壺，別具風格餐牌上有主打的螺螄粉，形式跟車仔麵有點相近，可自行揀選配料。另外，亦有多款小吃，小炒，湯羹，砂煲，炒飯麵類以及烤魚等。。。柳州螺螄粉 $45［分數：7.5/10］螺螄粉內已有酸筍,木耳,花生,油炸腐竹,酸豆角,菜脯,榨菜,時菜及肉碎。即使沒有再加配任何配料，配菜已放得滿滿的。湯面上大大片的就是香脆的油炸腐，由於加入酸筍，所以每啖也有著淡淡的酸筍味，不喜歡的可能會用(臭)來形容，而我就正好相反，覺得可以再多放一點，特顯其獨特之處。而螺螄粉的麵質有點像幼版米線，但口感則較有彈性，整體不錯螺螄鴨腳煲 $68［分數：8/10］螺螄鴨腳煲用了石窩盛載，送到時湯底還在沸騰著呢，窩內除了有螺螄及鴨腳外,還有鵪鶉蛋及芽菜。湯頭帶微辣，感覺暖胃。鴨腳煮得夠腍入味，而鵪鶉蛋則帶點口感。至於螺螄的份量就比想像中的多，竟有大半碗

坐底有壺茶，似麥茶又唔係酸酸甜甜既炒椰菜，唔夠咸，所以酸味太出，如果整得重口味啲會欣賞啲，而家有啲不倫不類，口感是脆口的。啲炸腐竹好硬同煙韌，浸到最尾也是韌，啲米粉冇米線咁米，有米味幾爽，湯底有啲螺味但唔算鮮，一般。螺用筍同辣椒炒，有陣筍臭味，細細粒太多，食落有困難。螺肉普通

跟好友聚會約在這間新開的柳州菜, 我只聽過川菜粵菜等等,未聞柳州, 一於試試上過一般大廈的樓梯, 看到的不似印象中的中菜館, 反而有種年輕輕鬆感覺.用的餐具以至水壺, 都是精心選過的: 茶壺是透明玻璃, 予人清新舒服.菜式都是有點混搭風, 既有廣西柳州菜式, 又有果汁調製特飲廣西最出名的街頭小食之一: 螺獅粉, 像香港車仔面般無人不曉, 基本配料有花生、酸豆角、木耳菜脯、炸菜、油炸腐竹、、肉碎等, 當中酸豆角更是廣西家中必備佐料, 螺螄粉口感煙韌, 以前在內地食過的螺獅粉酸辣十足, 面層是厚厚一層辣油, 這裡的版本可能經過改良, 湯底是酸帶微辣, 更加順口, 少了刺激.這裡的烤魚配上芋頭, 魚經先炸再放進湯內邊滾邊吃, 魚皮經炸很香口, 魚肉保持嫩滑, 以酸為主都湯汁令人很開胃, 吃畢魚肉再吃已經煮軟而入味的芋頭, 再飲少少湯, 很滿足，八分飽了.濃味的菜式要配上清淡一點的蔬菜減膩, 在菜單相中了這個名字: 荷塘月色, 來到的真身是一碟清炒蔬菜, 有荷蘭豆, 木耳, 新鮮淮山等口味清淡, 可惜份量略少.冰糖山嵖水超冰凍, 飲得很爽!