羅麥記 (Closed)

新都城的羅麥記，位置唔算大，以中學課室設計為主，小班教學。Signature 係磚頭焗飯，豬扒焗飯同海鮮焗飯都有。我較喜歡豬扒，因為蕃茄汁弄得唔錯。但這個磚頭吃了一半就無以為繼。汁同豬排都焗得入味，全部在頂部，汁連豬連厚厚麵包一同食很正。但食吓食吓得得番下半部的白飯同白麵包。這時侯要叫店員比一碗咖哩汁，送飯送麵包。

難得同個朋友咁啱係同一區遇到，冇可能唔Tea 一Tea既，係商場行左好多間都未揀好食物邊間，一見到個餐牌，茶餐有炸雞脾同西多即決定食呢間，一點餐先知西多太多人叫冇曬，轉左兩個都係炸脾餐，食左個炸脾餐，好滿足。

約咗一段時間終於約到幾個朋友去將軍澳游水，喺體力嚴重消耗下當然要搵嘢食啦。我哋行咗去新都城見呢間餐廳食物款好似幾多，裏面有黑大黑板寫咗好多得意嘅字句，心思思決定試吓。餐廳設計好似學校咁，由枱，櫈，風扇，黑板，壁報板，Locker都有懷舊嘅校園感覺。我哋揀咗一款小食，四款，粉麵類，兩位比較好胃口嘅同學仔揀咗兩款磚頭焗，大家開心Share。蝦多士，圓碌碌幾得意，蝦膠同多士一樣咁厚，蝦膠唔算彈牙，味道可以。磚頭焗咖哩軟殼蟹飯，軟殼蟹有兩件，炸到脆卜卜，咖喱汁唔辣，啱晒我。磚頭焗豬扒飯，豬扒份量算多，味道唔錯。兩款磚頭焗飯包嘅份量比飯多，好乾，要另外問職員拎汁點嚟食，汁有三種味可以揀，分別係白汁，茄汁，咖喱汁。燴牛脷意粉，味道唔錯，牛脷夠淋，不過份量少，得5塊好薄嘅牛脷。避風塘炒麵，海鮮配料算多，朋友話味道唔錯。肉醬意粉，汁好濃，好惹味。豬頸肉炒銀針粉，炒得幾好，顏色均勻，味道唔錯。菠蘿粒粒冰，我覺得係菠蘿肉雪成冰再加冰再加罐頭糖水。3

「羅麥記」三個字，驟眼看好像是老牌茶餐廳的名字，但你如果真的以為「羅麥記」，是一些街坊老牌茶記翻新後開的分店，那麼你今次可能攪錯了。因為根據「維基百科」內有關「羅麥記」的資料，原來「羅麥記」其實是上海菜餐廳「上海X婆」旗下新開的港式餐廳。雖然我沒有試食過「上海X婆」，但是我每次經過「上海X婆」，都或會望過它們店內精緻的裝修一眼。如果不是阿媽最近跟我到將軍澳新都城，逛街和購物的話，她亦未必會偶然遇上這家仿古懷舊，模擬香港本土七十年代的本土文化的港式餐廳。不過，儘管「羅麥記」店舖內的裝修，我一眼就感覺到，是在玩「集體回憶」這一招，模仿昔日校園文化，以校園文化為主題的裝修擺設。但是「羅麥記」的真正身份，都不過是一間仿古模擬懷舊的港式茶餐廳，而且是港式茶餐廳味不夠濃厚的現代化餐廳。想做懷舊茶餐廳，不是單靠一些模擬復古的裝飾和擺設就能做到。就像店內樓面，那些用來分隔座位與座位的鐵框，就有點像舊時學校內的框架欄杆。餐廳走廊擺放着不少學校檯櫈，暫且不提「羅麥記」的食物服務，單純食店樓面設計，心意勉強都可以值得加分的。還有牆壁上的壁報板，貼着模仿學校的貼堂習作和通告啟示，儘管那些東西其實都是假的東西，

去新都城掃完貨，見到羅麥記就試下啦！裝修黑板、木枱、木椅，久違了的中學feel! 見咁多款撈丁，我唸都係主打，就叫左四川口水雞撈丁$65 - 的確幾好食，口水雞夠辣，醬料係靈魂，配合埋出前一丁，撈埋一齊係好夾！因為有小朋友，叫左芝士菠菜吞拿魚焗飯$62 - 重芝士製作，吞拿魚同菠菜唔多，好似食緊芝士焗飯咁，不過不失，小朋友都鐘意食。老公餵食叫埋紅豆西多士+紅豆奶茶！紅豆奶茶 - 的確有d 失望！成$38蚊，但好少紅豆+太濃茶味，要我地後加糖漿先好少少，唔太值$38。紅豆西多士$22 - 驚喜之作！炸得好脆，全件西多搽晒糖漿但唔會太甜，夾心的紅豆好好食！ 我同老公都覺得如果下次再來，應該係為紅豆西多士而來！

今日同班親戚去幫襯，見到個裝修都唔錯。入左去坐，落完單，等左15分鐘左右，野食都未到，催催單，員工樣就串串共。最為深刻係當時我親戚心大心細，想取消剛才點嘅野，有禮貌地同個年輕店員講想取消個order，店員就勁大力咁cha左個order，大力到我以為張紙要穿底。沒有笑容是肯定的。野食質素方面就平平，沒什麼特別，叫左滷水雞翼，雜果賓治，公司三文治同香蕉船。質素麻麻。合共$105。價錢尚可接受。第一次發文，原因卻是該店店員質素。感到十分之失望，絕無下次。

同媽媽兩個人一齊食呢個賣相好靚 期望好高但食完上面果度中間已經無汁 入面既飯乾爭爭好似食緊白飯配麵包咁我地兩個人食一個已經好飽但唔抵食 成差唔多100蚊如果再黎一定唔會再叫

學生既好處就係有學生餐既存在✨佢既用餐環境都不錯，幾大幾舒服😊羅麥記既學生餐～芝士豬頸肉面 hkd42蚊包野飲😊 比起金拇指真係差太遠了..啲豬頸肉一啲味都冇，芝士都係😩啲味完全出唔到，雖然用料都幾足，但味道真係要改善下啦🌚用埋就咁食真係會太膩..另外佢既雞脾撈丁都係hkd42包野飲😏呢個就正常一半啦😂佢啲甜是油撈丁係好好食！甜甜地好容易接受😈不過佢啲雞脾就咸過頭啦⋯⋯下次落醬汁個時輕手啲就好👏🏾

「羅麥記」裝修到好似90年代學校課室咁，好親切。Boar到貼住4大天王、周慧敏相片。仲有黑板，寫嘅都係關於食物，特別嘅裝修，有別於一般茶餐廳。個人認為佢係「美心香港地」，唔係裝修，係菜式，比較一般茶餐廳sharp。味道又差唔多。，價錢平$5-$10。蟲草花茶樹菇湯 - 蟲草花、茶樹菇、豬骨，湯濃、料足，好正。好味到我想返屋企自己試煲。晚飯套餐包埋，但一啲都無馬虎。可以揀湯/飲品，好在兩個都揀晒湯。韓式辣醬椰菜炒豬頸肉 - 好特別，用韓式辣醬炒，味道都好夾。椰菜爽，豬頸肉淋，好入味。又係想要自己試做。咕嚕魚 - 咕嚕肉嘅味道，好惹味，配魚都好夾好好食。

同佢見哩間開放式餐廳咁企理，餐牌定價算是合理，所以今晚喺度試下。食嘢除咗食物要好味，餐廳格局都好重要，呢度設計舊式之餘，配合新式元素，環境舒適又好坐，拍拖喺度食嘢感覺好好！男友叫咗鐵板扒餐，有忌廉粟米湯送，賣相好，味道亦好特別甜得來又不膩唔係普通罐頭湯。鐵板西冷牛扒配薯條，佢揀咗蒜蓉汁牛扒，幾大塊，好軟熟，味道不錯薯條覺得可以炸咗味道更好我叫左無骨海南雞飯，有酸菜，配油飯，略嫌油飯比較硬，唔係咁鍾意米嘅質地，不過男友欣賞，所以因人而異海南雞去骨，味道很好可是份量比較少建議可以多一些二人埋單，男友更點左凍奶茶，都係$160幾價錢合理，不錯

今晚到了新都城找食，被羅麥記的地道撈吸引。其實之前在屯門也食過，紅豆冰奶茶令人難忘！還有他的裝潢都很有心思，這裡像一個班房，環境座位也算舒適。今晚我倆叫了雞柳腐乳撈丁及小菜-茄子牛柳雜菇跟飯。其實賣相沒有什麼特別，畢竟他都是茶餐廳的一種🙃。腐乳汁很夠，果然是中國的芝士！雞有點不像雞肉🤣，但入味。其實很好食，但當然很😈！小菜味道不錯，牛柳好香呢，送飯食真的一流！跟餐叫了美祿，𣎴是經常也有機會飲！但價錢就不算抵食吧。

羅麥記係出名嘅香港茶餐廳，今日終於有機會同朋友來試下。一坐低叫左佢出名嘅番茄豬扒包，炸蝦多士，同埋芝士豬頸肉撈公仔麵。呢啲都係傳統嘅港式嘢食。番茄豬扒包普普通通，賣相就夠吸引，但係個包很乾身，沒有什麼特別。豬頸肉撈公仔麵不錯，芝士味夠濃郁，好惹味，不過份量唔多，一個人都係啱啱好夠飽。豬頸肉都爽口，本身都餣過，所以味道不錯。而我哋最鍾意嘅就係炸蝦多士，鮮蝦炸得好香好脆，一口多士剛剛好放入口中。配上沙律醬能減低佢既油膩感，成晚最好食就係呢個炸蝦多士。

又來新都城搵食之前呢間都幫襯過，覺得環境都算唔錯食物都唔錯星期日，冇餐，散叫左蕃茄煙鴨胸長通粉同埋軟殼蟹磚焗飯前者大大都都幻想到係咩東西後者聽到個名，好似好花臣野咁，其實係一舊四方面包多士， 刮空左中間，塞左啲飯，面頭放左咖哩汁，炸左既軟殼蟹，芝士再焗，簡直係碳水化合物爆炸個焗長通粉都幾好味，不過足長通粉略淋其實呢個金磚都好好味，不過有啲貴，鐘意佢個咖哩汁係平時食茶記咖哩果種味同埋多啲汁就好喇，因為個包食到尾有啲乾，完全冇汁如果佢出埋餐會吸引啲，因為就咁散叫都大概二百蚊，有啲貴

今晚去左羅麥記，入到去得三四檯人，我地大約九點落單，一路等時，幾檯都埋單走人，等左足足二十幾分鐘，遲過我地入來都差唔多食晒，隔離新客落單幾分鐘就來野飲⋯⋯見唔對路，即刻問個侍應，竟然係無幫我地落單！！😡😵老公好火，即刻走人！咁少客都無心做生意，以後好難再入去食😤😡😡

叫左個所謂金牌92蚊嘅磗頭白汁魚鮮飯，大概就係白飯撈麵包，又冇汁，飯又難食，乾啃啃，根本食唔落。大佬你咁大個飯，咁大塊麵包，上面一層薄夠唔夠食？仲要冇咩料，一句講哂：冇料冇腦昆水。