羅麥記 (荃新天地) (Closed)

羅麥記行懷舊風，好多年前係銅鑼灣先開分店，自己食過好多次，都好鐘意☺️特別係今日既香蔥雞扒公仔麵，係d麵濕得濟，好香口。另外，個軟殼蟹炒麵都好好味😋但只係軟殼蟹only😂最後係瑞典汁雞翼～～～好穩陣入味🤩

係荃灣行到累累地，食個下午茶，叫左個必食既流心西多士，好好食又唔太溜👏🏻👏🏻👏🏻👏🏻👏🏻👏🏻👏🏻👏🏻不過唔記得影相😿😿😿😿另外堂食都好乾淨👍🏻👍🏻👍🏻清潔和方面都做得唔錯，見到有噴消毒水抹枱👏🏻👏🏻👏🏻返到屋企見到外賣app 外賣滿$150有50%off！！！外賣左個轉頭焗軟殼蟹咖喱飯今晚宵夜，一送上黎大到嚇親我😹夠兩個人食！50%off完都係50幾蚊！抵！咖喱味濃！再用氣炸鍋返熱，正！可以再叫😻😻😻😻😻

黎到荃新天地，地下嘅餐廳選擇都幾多，午餐時間同埋假期都好熱鬧。羅麥記價錢相宜，而且選擇都幾多，佢哋店舖面積幾大，有好多座位。點左午餐: 雙色鴛鴦焗飯佢中文名同英文名，都冇透露鴛鴦焗飯係用乜嘢配料，英文就有寫tomato sauce & creamy sauce至於中文，「雙色鴛鴦焗飯」⋯⋯係人都知鴛鴦焗飯係兩隻顏色㗎啦⋯😅😅個飯嚟到，外貌係幾精緻幾靚開估啦，白色嗰邊係雞扒，紅色嗰邊係豬扒，至於其他配菜，我食得到嘅係兩細塊洋蔥🧅🤔🤔🤔個飯食到去中段已經覺得好膩飯唔算多，肉最多，除咗肉之外，就剩係得肉，愈食愈咸 好想放棄🤧如果餐牌食物名，可以俾多少少資料，例如叫雞扒豬扒鴛鴦焗飯，我應該唔會叫或者餐廳可以考慮吓一邊係蝦球，或者魚，或者雜菇雜菜🤷🏻‍♀️🤷🏻‍♀️又或者蘑菇腸仔片，雞扒拼豬扒實在太Heavy

今日想食下麵包磚焗飯，就諗起羅麥記，之前食過黑椒雞扒，番茄豬扒都OK，只係感覺非常飽。今日就試吓咖喱軟殼蟹。叫咗呢個咖喱軟殼蟹麵包磚焗飯，來到，軟殼蟹係渣到黑晒，放咗喺上邊，拎開軟殼蟹，下面係芝士咖喱飯，面頭有一堆油。軟殼蟹一拎起脆到腳都斷晒，一切開啲油流晒出嚟。試一啖入口勁腥勁油。之後唯有淨係食個咖喱飯同麵包，咖喱飯味道一般，不過咖喱汁唔多，食晒面頭嘅咖喱汁，下面嘅只係炒底飯。根本唔想食落去所以下次一定唔會叫呢個。

有次叫外賣，夠鐘去拎出示個number俾女職員睇。職員行入去望一望檯上面既外賣之後話未有。等左大約半個鐘之後再上次問該名女職員，態度欠佳，而當時有另一名男職員行出黎，佢望一望檯上既外賣之後就將話本來唔係我果袋外賣交俾我，即係我企係度呆等左半個鐘。當時我叫既係芝士撈丁，開黎食已經凍晒，不過味道都係好食既。希望果位女職員可以留意下自己服務態度。

琴晚開始想食湯爹牛，諗左成晚，公司附近真係無得揀、唯有去羅麥記！今日想讚下佢地，之前食既都係汁還汁，肉還肉，但今日沙爹同牛肉結左婚，個汁辣左DD, , 見到有花生，夠香濃！個炒蛋一如既往咁好食，個蛋係荃灣區食過最好食既，好過洗賢既紅茶，米粉香滑，美中不足係仲幾塊有小小筋！之前幾次都超級勁多筋，今日真係算滿足，希望佢keep 到！環境好過紅茶好多，人唔多，一人坐一卡位，食得安心放心！唯一要彈既係收銀姐姐個態度怪怪地，因為好忙發脾氣，但值得體諒既😀仲有外賣杯一隻加3蚊🤪$45 蚊分早餐有小小貴😁#荃灣#羅麥記

餐廳裝修比較懷舊很特色，中午兩個人食睇佢嘅午餐餐牌價錢並不便宜,所以就索性睇佢大餐牌可以散叫，依家仲有優惠，叫任何粉麵飯，送熱飲一杯。我叫咗1個哈哈哈炒飯同一個海鮮避風塘炒麵，食物份量都很大，炒飯粒粒分明乾身很野味，用蝦頭膏、蝦乾同大蝦去炒，再配上特製醬料炒成，很好味，另外海鮮 避風塘炒麵海鮮份量甚多，麵也是炒得很乾身，很有大排檔的風味。總括嚟講都值得推介。

午餐同老公諗唔到食乜好周圍又人山人海排隊等位羅麥記有位於是就入咗去本來想食飯見個午餐餐牌食好普通嘅快餐都要68蚊😂凍飲仲要加6蚊暗暗覺得好唔抵😅於是轉投常餐懷抱(雖然都唔係平)老公話食過個蕃茄湯底豬扒常餐幾好食於是我就試吓嚟到又真係幾靚仔豬扒大大塊又無乜肥個湯都幾濃味通粉有咬口 唔會煮得太爛杯凍啡都幾香唔係一般茶餐廳嗰種咖啡應該係用creamer去沖至於個雙蛋同牛油多士就無乜特別多士微暖合格貨色老公個叉燒公仔麵望落就削好多😂首先係出錯單初頭俾咗兩個蕃茄豬扒通粉即係又等耐咗嚟到啲叉燒又霉髧墮(霉dum der)咁老公話好似擺咗好幾日😂我食咗一嚿如果個常餐係$38蚊我收貨但依家呢個價錢我就覺得有啲滴汗Umm我諗下次唔係太無得揀我都唔會再食佢😅

叫個炸雞脾茶餐 裡面係生既😳 有冇搞錯 第一次整炸雞脾？真係唔知原來係咁難炸 起碼我未試過 再換一碟黎 可能怕唔熟 結果炸到D肉乾晒硬晒 食咗啖好似牛肉乾咁 反轉睇睇 隻雞髀冇晒肉得返D骨😳我唔敢轉其他野食 走人好D 原本茶餐跟野飲家麻 我叫左杯熱好立克佢話要收返正價 咁我真係飲左杯熱好立克既 好彩冇加錢叫特飲 唔係又收返我正價🙄間餐廳喺大 不過冇職員同客人落order 叫黎叫去都冇人😬上次喺青衣間野都冇咁差 真係唔好彩啦我今次😭

週末訓到晏一晏兩點幾幸福自然醒，最好就係和男友去食個下午茶啦，羅麥記上次都有青衣分店食過，唔係好伏食物正正常常，所以今次再來幫陪襯下。餐廳裝潢以懷舊示人，環境乾淨，門口都有人等位都幾好生意，埋位點餐要等一陣侍應先理，看來侍應人手不足。至於食物方面味道ＯＫ，而價錢都算合理。懷舊西多士 $33西多士炸得金黃四方靚仔，內裡塗了好多花生醬，口感一般欠了蛋香，倒左糖漿食比較美味。脆炸魚柳薯條 $45魚柳厚身又幾慷慨喎，外層炸粉薄咬落脆口，魚柳肉嫩，醮埋酸瓜沙律醬，非常開胃味美。薯條味道一般大小不一又長又短又薄又厚，咬落無咩薯肉沒有驚喜。凍可立克 跟餐餐廳竟然沒有凍華田，我地只好點凍可立克少冰，來到都係咁多冰，而且冰比較大粒，放耐點冰溶掉溝稀了可立克味道不少。

今晚約咗好耐無見嘅親戚食飯，於是來到羅麥記，貪佢人流少。但係千祈唔好以為佢地啲野唔好食，相反佢地嘅食物好有特色，包你一試難忘。由於多人一齊食，所以可以試到多好多野。由於時間久遠，唔記得好多野，所以只講重點。我最想介紹嘅，就係呢款招牌菜喇︰麵包飯。值得食嘅原因唔單止係好味，而且會令到你嘅人生變得精彩。你會發現，原來食野係可以咁攰嘅，食野可以變得咁複雜，食野係可以辛苦過返工呀﹗﹗呢個係另一個口味，都係一樣咁需要默默耕耘。一啖麵包一啖飯，你試過未？我就夠喇。呢個就係麵包飯嘅施工圖，可以見到，成個方包中間包住啲飯，係好豐富嘅澱粉質，睇見到想飽。所以下次三五知己來食飯嘅話，一定要試麵包飯，包你食出友誼嘅味道。

好差好差，叫左蕃茄豬扒炒蛋多士。豬扒un 到無朋友，炒蛋無味，蕃茄通粉淡茂茂，又貴$55，一定無下次。廚房大佬見唔見到d 食物跟本唔洗食落口都知唔好食啦，柴皮豬扒點樣可能好食呢？

久唔久就會想食羅麥記嘅雞翼撈通😋當日同朋友一人一碟羅麥記雞翼撈通佢就要撈麵，再加左個椒鹽魷魚鬚🦑但魷魚鬚無咩味唔會再encore😐瑞士雞翼真係好入味、瑞士汁再配埋撈麵/撈通心粉簡直無得頂👏🏻之後再黎一杯黑牛（可樂+朱古力雪糕）食七即刻覺得好滿足環境乾淨舒適，如果係荃灣想平平地又好坐嘅地方 同朋友傾下計 可以試試啊

早排又同朋友去食飯，我就建議再黎羅麥記喇，水準仍然keep到，相信較早前已經換左班好廚師，依家菜式夠特別，好有風味！（酒樓都未必有咁好食）😄去過幾次都仍然回味，由奇是冰鎮咕嚕肉，真係超值，感覺廚師係用心烹調👍仲有紅豆冰好出色，非常推介。講完食物就要講下啲侍應，令人失望，黑口黑面對住客人，叫佢又好似扮睇唔到，行到埋黎好似未出糧咁既態度，我只係想放工輕鬆黎食飯，唔係黎睇你哋面色！希望上級們會注意下，改善下！

欖角香肉骨： 肉炸得太乾，雪豬味重，結果大部份咬唔盡亦啃唔落。浪費了，罪過罪過，決定冇下次。 套餐加錢選菜只有西生菜或菜心，揀咗蒜蓉菜心，可能夏天唔當造又或者入貨關係，菜質太老了。冇要到例湯所以無得評價。樓面可能太生手，熱飲揀利賓納，佢答冇，要指住餐牌俾佢抄。 請加強員工培訓。