羅麥記 (荃新天地) (Closed)

在荃灣逛街，由於晚上又冇堂食，不如買個下午茶返屋企夜少少當晚餐食便算數。途經荃新天地地下，俾羅麥記個下午茶餐牌吸引住，除我也有人住足望住個餐牌，D下午茶幾吸引。於是叫了兩個餐回家，包裝穩陣，個番茄湯餐肉通粉是分湯，好細心，不過個湯淡了點。而個雞翼撈通卻好正，D汁足夠包曬全個通粉，夠味。雞翼也入味。到個多士雞旦，因為是外賣，多士淋了也是正常事。個蛋就好有雞旦味，陣陣旦香流出，相信是用了靚雞旦，好味。

一早知羅麥記水準愈黎愈參差 不過今日貪方便就俾多次機會佢.點知一放低碟飯 我就知 又！中！伏！喇！我對住碟飯 極度沮喪 $62蚊 咁就無左.個白汁雞皇飯 得火腿絲同白汁 摷勻碟飯 雞碎都無粒.激到死死吓 好聲好氣問個店員啲雞皇去左邊 佢好hea咁答 話「廚房用雞絲 入面應該有架喎」就即刻行走左.人哋話雞碎咁多？我連雞碎都無付上一張摷亂搵雞碎嘅相一張 我就搵到一粒喇 你哋呢？依家疫情無晚市 少人岀街食 生意係難做左但係都要有良心 一碟飯俾返十粒八粒雞碎我掛？☺️

🤴🏻放完大假第一日返工相約食午餐，仲放緊假嘅我梗係搵定位叫定嘢食等🤴🏻啦😊😊～～～肉碎茄子炆鴛鴦米～～～午餐系列，茄子幾大塊，肉碎份量算正常！鴛鴦米顏色吵得幾靚幾均勻！味道幾濃但建議炒熱少少會更好味😋😋～～～厚切午餐肉蕃茄濃湯通粉～～～常餐系列，跟餐配埋羅記炒蛋多士（但唔記得影相！哈哈😆😆）名副其實午餐肉真係厚切正方形一大粒冇呃人，每一面都有煎過，好香午餐肉味！蕃茄湯正常微酸，跟餐嘅炒蛋又滑又厚！😚😚原來🤴🏻得30mins食飯，來回公司都已經15mins，辛苦你啦🤴🏻我就慢慢繼續食埋個lunch啦😁😁

近幾年冰室，茶記越開越多，梗有一間係左近。今日午餐行到去荃新天地一期食一吓茶餐，呢間茶餐廳的套餐尚算合理。要了一個套餐只$55。厚切午餐肉蕃茄湯通心粉午餐肉成粒骰仔，算大粒。蕃茄湯底鮮甜，有新鮮蕃茄，當然有茄膏啦。味道ok嘅。炒蛋厚多士炒蛋滑溜有流心效果。厚多士又幾脆脆。飲品點了茶走，煉奶落多了少少，比較甜膩。茶底尚算濃厚。

又來光顧，今次剛到下午茶時段，點了下午茶的牛肚菌雙扒焗飯和午餐夏威夷汁焗豬扒飯，其中飲品升級即磨咖啡下午茶 vs 午餐份量 - 一樣大小的瓷盤，肉和汁都係鋪滿面價錢 - 下午茶平$10左右味道 - 唔同口味，冇得比較兩份味道各有千秋：下午茶的牛肚菌汁 - 汁的味道比較鹹，豬扒唔夠鬆化，但雞扒幾好食，雞皮有炭燒味午餐的夏威夷汁 - 酸甜美味，豬扒夠厚，仲有菠蘿🍍食物可以，但飲品的話，我覺得唔需要再升級為即磨咖啡，因為四圍都飲得到。

呢間係city walk 商場入面，唯一一間茶餐廳。別無他選之下，下午茶四五十蚊一份左右啦的確比係對面新開既芽莊便宜得多。不過最近食過幾次都覺得麻麻，到底係咪分店嘅問題？真係越食越差。咁咪叫其他炒粉麵飯囉，點知食極都冇樣好食。以前會叫西多士，好厚好靚，不過而家薄左好多。嘗試過好多炒粉麵，味道都係一般般。。。。。。平時唔多食評嘅我，真係食咗幾次忍唔住寫負評。黎呢間食嘢只係為咗填飽個肚既感覺。茶餐廳係香港嘅特色，失望失望失望。

週末同朋友喺荃灣聚餐, 試咗間叫羅麥記餐廳。我地兩個人分別叫左一個小菜,分別係海鮮雜菜煲同鮑魚冬菇雞煲, 兩個煲用料都好豐富 雜菜煲蔬菜種類繁多,分別有娃娃菜、生菜、 粉絲分量多的驚人,海鮮方便有魷魚、花膠,最令我喜出望嘅係鮑魚雞煲真係有鮑魚, 雞件有陣陣檸香味配上汁送飯一流,而飲品係凍奶茶,奶味稍為不足,茶味比較淡。而價錢方面尚算親民,兩樣小菜加埋餐飲都唔使200蚊。總體來說,餐飯都算係中規中矩,不過不失。

今日適逢放假 又有d肚餓 一早出左去食個早餐 早前聽聞朋友説過羅麥記早餐好味, 所以就決定去試吓啦去到時候 真係好多人 差唔多爆滿 快手找個位坐低 都有六款野選擇, 我最後叫了鮑魚火腿通粉 火腿太陽蛋和熱奶茶 而且有跟麵包的 都是有傳統心思等了一陣 就先黎過火腿蛋 隻太陽蛋煎得好靚 火腿味道很好 都是熱辣辣的, 跟住來了鮑魚火腿通粉 好多鮑魚和火腿絲 好爽口 又有口感 通粉都好好味 同様爽口 唔會好似出面有d餐廳咁會食落交住個口 質感相當不錯 最後嘆埋杯熱奶茶 冲得香滑 真係好滿足, 值得再嚟幫襯一下.

今次去左依間懷舊餐廳羅麥記度食野因為係午餐時間所以都等左一陣先入到去入面環境一般 亦有D迫 第一次食叫左避風塘軟殼蟹炒麵好似無咩地方有得食同埋本人偏好軟殼蟹個炒面都等左一段時間先到出餐似乎比較慢講番個炒麵個避風塘味真係好好食不過有D辣 唔係普通避風塘味既辣而隻軟殼蟹就真係幾出色炸得好脆 入面既肉都好食炒麵就無咩特別總括黎講 味道其實係好食既不過唔食得辣既記得叫小辣最後講埋杯奶茶都幾大杯 奶味都算重 幾香不過價錢就真係有點偏貴性價比一般 

點咗枝竹火腩，蒸倉魚火腩又硬又柴仲要好q咸，求其切到大大舊又難放入口，肥豬肉又騷騷地，冇舊擺得入口，原碟黎可以原碟走。倉魚吾新鮮，魚肉霉，一夾即散。連碗白飯都係硬掘掘例湯係一般味精湯凍檸檬茶茶底一般簡單既菜式，surprise既難食。6x蚊既價錢，廚餘級食物。收得呢個價，真係吾該有d誠意啦。

食過屯門分店覺得唔錯今次再食荃灣分店食物質素係唔錯 但環境勁差 真係不得之了下午茶時段2個人坐卡位首先係地下見到隻已經死左既曱甴咁都算啦 當睇佢唔到🙄但食食下野仲有一隻爬緊上枱面跟住同職員要求調位話卡位有曱甴 但職員完全無反應哦 左一句就完左真係唔該曬 無下次‼️

今日下午茶時間經開荃灣，見個肚有啲餓決定食埋個下午茶先返屋企。星期一下午茶時間人唔算多。下午茶時間亦都可以叫午餐。不過我都係食下午茶算。下午茶選擇都算多，有分飯麵類同比較輕食類。最後我揀咗雞髀配薯條加杯凍啡，先講杯凍啡，啡味濃得嚟又唔算甜。而且都幾大杯。炸雞髀可能因為即炸嘅關係，都要等左大約十分鐘。炸雞髀唔算太多油。而且雞髀亦充滿肉汁。唔會炸到乾身。薯條亦都係即炸。上碟嘅時候都係熱辣辣。味道其實都ok嘅，但下午茶嘅價錢都要45好似又貴左少少。

看到這間有特色的懷舊餐廳，於是便排隊一試，排隊時看了看大家的評語，見到大多是不好的經歷，突然感覺不妙，又見雖話有位，但要等執枱，等到佢叫下一張枱都未能安排入座，本想轉另一間，要讚下，待應姐姐反應快，解釋快執好枱，可入座，見佢反應咁快，就俾次機會留低等。入座後，點了午餐夏威夷汁焗豬扒飯和九層塔蝦球意大利粉，餐飲轉了紅豆冰粒粒奶茶：紅豆冰粒粒奶茶：賣相特別，味道唔會太甜，雖然奶茶有别於其他餐廳，不濃味比較清香，但紅豆味唔會搶走奶茶味，上面的粒粒奶茶直接食都好讚，夏天消暑一流夏威夷汁焗豬扒飯：多汁，蕃茄味酸甜，芝士夠多，配上多汁炸豬扒和炒飯，值得一試九層塔蝦球意大利粉：全碟都有九層塔的獨有香味，不過白烚蝦球就唔入味，唔推介仲有其他特色飲品多得大家比佢哋的見意，我哋受惠了

平時番工諗食乜嘢，諗都諗到頭都大埋🥲咁啱想食下焗飯 但係又唔想食大x樂既超級頹焗飯 而附近又冇茶餐廳 所以就OpenRice 睇吓有邊間餐廳有焗飯食 點知遠在天邊近在眼前 原來羅麥記就得食 因為平時都係食佢嘅早餐 冇留意到佢下午有咩食 我係下午茶時段去呢個價錢我覺得就中規中矩啦 但係喺商場裏邊 咁我就覺得可以試下啦😂龍蝦汁煙肉蝦球焗飯+熱檸茶 $48龍蝦汁唔會太過膩 個飯底係炒飯底 呢方便加分👍🏼出奇嘅係個蝦球我以為食落應該會好霉 但係比我想像中更加有口感 彈牙😋整體來講 如果諗唔到食咩 呢個係不二之選

第一次黎呢間分店可能OPEN AREA感覺D位無咁迫今次仲好好彩坐到卡位幾舒服STAFF好主動幫手落單我地見假日都有TEA SET有輕食啦, 湯粉麵啦仲有炒粉麵選擇都幾多總有一款啱呀點左~干燒伊麵~黑椒牛柳絲炒烏冬雖然只係下午茶估唔到係即整(所以要耐心等下大約等左15分鍾)黎到係熱辣辣既幾有穫氣食落味道唔差呀完全唔似一般茶餐廳下午茶咁hea下次可以encore~