知味屋 (Closed)

公司附近雖然有好多餐廳，但係返工要搵飯食嘅人都好多，今日去咗呢間食lunch。知道佢夜晚有個任食牛扒做 gimmick, 但係老實講，腳踏實地食個lunch set仲好啦。午餐大概有六七款選擇，因為佢夜晚做任食牛扒，所以大家都選擇了食扒lunch😋😋set lunch 有餐湯羅宋湯，味道ok，內有椰菜，唔會太酸。左下主菜是$76 ，肉眼扒，size 份量好足夠，叫咗七成熟，七成都唔會太硬，有牛味，以呢個價錢來講，算係好OK ,只係嗰邊位有根，咬唔難。其他三個主菜係牛扒拼豬扒，有啲雜扒feel 牛扒也是一大塊，豬扒一塊（中型），以lunch 而言，分量十足，牛扒味道同肉眼扒其實差唔多，$$錢只需要$72，後悔叫肉眼扒set呢！配菜方面，是一大碟薯條，足夠飽啦，而且有茄子粒丶翠玉瓜粒和豆角，肉肉肉有了中和作用，配搭都好食！美中不足係唔可以跟食客喜愛，把薯條轉做飯或意粉，如果要食飯，就要加＄10。最後有一杯餐飲，食得好飽

今日去食，叫個咖哩牛肋條飯。頂佢個牛肋條，連條狀都冇，我果2粒。之後叫個男仔講啦，佢就話拎返去叫廚房加返，點知加完我再睇睇，多再1粒半，我頂佢個肺，即係62蚊得3粒半肉，最大果粒大約一個5蚊大小，再同個侍應講，佢仲話個餐係咁架喎，因為有3粒薯仔2粒羅白配菜（都係5蚊大小），係得4-5粒，但我點數都得3粒半，佢話咁就算叫有4粒喎，厄錢厄成咁，仲唔認，真係火都黎埋⋯

我敢說這裡的牛扒是灣仔區內的天下第一大塊！這牛扒屋因早前以「牛扒放題」作招來而聲名大噪，可是被食客指服務不周，我決定來一試，為這店平反！周日晚上7時和友人專程來嚐嚐灣仔聞名已久的牛扒。應該是店主的男人為我們介紹了餐牌，我們點了“一公斤！牛扒餐”，食物好快就逐一上枱了。餐飲 - 我點了凍菜蜜，友人點了雜果賓治，心目中應該是橙橙紅紅的飲品，但出來像是凍清水加少許水果。兩杯飲品大大杯，卻淡淡的，沒什麼味道。餐湯 - 細細碗蘿宋湯足料，好多菜，好味道！前菜 - 新鮮生菜沙律和香脆蒜蓉包，前菜有水準，為整個晚餐加分！小食 - 炸薯條夠長夠香脆，必需要趁熱食啊！主菜 - 一公斤牛扒，一上枱就把我們嚇一跳的超大份量，是一人一公斤，多得驚人！牛扒大約5成數，我倒是吃不慣這麼生，每切一刀，大量血水滲出。味道還好，不太咸，但略嫌稍為多筋。友人卻吃得津津有味…甜品 - 飯後來個云呢嗱雪糕清一清吃了一公斤牛扒的味蕾。我覺得服務方面是挺周到的，只見樓面只有兩人為全部食客在奔走，服務熱誠的！食物質素不錯，還會再來，但下次一定不會再點一公斤牛扒了。

本身打算去掃街，經過見到佢仲未執，，98係抵到爛又冇人就入去食，以前都食過一次，好多人，冇乜特別所以冇諗過再返黎，不過既然冇人，粗粗地食下，餐牌換左新既，多左好多散叫的食品，價錢都好經濟，不過我呢d唔細食既，當然都係任食好，我食左三塊，扒都好淋，有牛味，係汁淡，加小小調味就剛好，我認為比花x餐廳同金x餐廳的扒好食，98係咁上下，仲有湯，沙拉同面包，，自己係屋企用98一定整唔到，所以係開心既，連加一都唔使

中伏晚餐，平時都不寫食評，今次真係好火。係網上有介紹，$98任食牛扒，又話好正，又話平。今晚有空去下，點知一座下未開始食，已感想走。係好鬼熱，不知壞左定不開，全餐廳五六枱客，得一部冷氣，還不是開好大，其他就不知壞定係點，無開，大家都熱到死。叫左推薦的任食牛扒餐，先來一個沙律，超小型，但都ok，因係凍，之後來過湯，鹹到想死，個餐包就林啤啤。到主菜，一食！牛無味，還差過大x樂，薯條就翻炸。牛扒得二種味，不是汁味，係雪味及鬆肉粉味。食左半分，已不想食。都比左任食價，就叫多二次沙津，個老闆就眼望望。走時比錢更火。不知收銀這個係老闆定經理，他自己一個就開一部冷氣對自己，其他客就熱，無冷氣。

早幾日同左同事去呢度食lunch，覺得有少少失望。帆立貝蘑菇忌廉意大利飯($65)成個飯都好Dry，唔夠汁，調味亦不夠。帆立貝用牛油煎過，頗為香口，但蘑菇份量都好少呀....如果有多幾舊蘑菇，我都會開心Ｄ 午餐推介E($78)牛扒點了五成熟，沒有嚐過，不方便評論但薯條炸得金黃香脆，不錯！英式貴族常餐($58)見到同事呢個餐，簡直心心眼！比我既飯好得多了，色彩豐富，令人嚐心悅目。蒜蓉包幾香，好夠味～同事不吃茄汁豆，咁我就幫佢清左佢啦　如果我下次再黎，我只會叫呢個常餐，比較岩我口味呢！

係灣仔返工，其實好少可係呢區搵到平嘢食。平時都有經過知味屋不過好多人排隊，今日落大雨竟然有位就同同事入去試路～餐廳size唔大，大概可以坐7-8枱人。我地一共6個人，分別叫左3份吞拿魚忌廉長通粉、1份雙扒餐跟薯條（牛扒+豬扒）、1份龍利魚焗飯同1份番茄焗豬扒飯。啲嘢食都黎得快，價錢平均都係$5X-6X，個雙扒餐貴稍微啲啲不過都算廉價，埋單無加一服務費，食物味道都可以。總括黎講啲嘢中規中矩👌🏻😋

今天下午同同事食lunch , 叫一個'手剁窩蛋免治牛肉飯",點知一哩到，蛋正常，多汁到，好少免治牛。我諗住食左佢，點知一食頭一下，d 汁好奇怪。我就叫人哩，想問下點解咁，講到未講完，果個人成碟攞走左入廚房。之前已經食過知味屋d漢堡都ok,我同佢講想轉餐。佢話我食過碟野，又話唔得，但真心廚房再俾番我，只係加多左好多汁(如圖）。我50蚊食過咁既飯，我好嬲，去大家樂好過。唔好意思都冇，仲叫我取消果餐，要我俾20元去飲佢杯檸茶。我俾，但我真心不滿同失望。

五點幾放工經過，完全無人，膽粗粗入去試吓一坐低就送上沙律，可能連碗雪咗好耐，凍入心湯就熱辣辣，但無乜味道，仲越飲越辣主菜亦好快送上，牛扒無問我要幾成熟，我見張單打咗七成！牛扒無牛味，仲又鞋又靭！豬扒反而好少少！竟然最好食係薯條，又熱又脆因為係任食，當然再order啦！只叫了一塊牛扒，這次有問我要幾成熟，我見之後嗰塊咁靭，所以要五成熟！今次呢塊明顯比第一塊薄好多，可能五成熟而肉質差嘅關係，塊扒係好大朕血腥味最後叫多塊豬扒，總算比牛扒好主打牛扒任食，但牛扒質素相當差，一分錢一分貨，百幾蚊又好難要求太多，但食過一次肯定唔會再幫襯

今日放假 終於有機會去到試吓。畢竟地點問題 唔係咁易遷就到，入到去二話不說試佢158任食set 轉頭就已經上左湯 沙拉同蒜蓉包，湯同沙拉都ok 個包又凍又硬 真係唔俾好過俾。跟著到個扒啦 分別有咩西冷 肉眼同豬扒，講左豬先 豬一大塊，不過點係7-9成都係白色肥肉 真係果吓先發現新年食年糕都唔係咁滯，最後講牛，由於我係牛魔王 所以重點擺響牛果到 佢嘅西冷同肉眼其實係無咩分別 味一般 但食得飽。結論係依個價錢任食俾你，如果你想講質素sorry師兄/師姐 建議你搵過間，求飽肚嘅你啱哂啦 求飽肚就適合你自己睇求咩啦，完。

FB成日都見到介紹，膽粗粗試一次，用whatapp頂位都幾方便~餐廳內座位唔多，坐得唔係幾舒服。揀咗肉眼嗰個set,第一輪就會到齊三款扒，沙律同湯湯味濃，好飲。沙律就無咩特別。焗蠔就你送嘅，都唔錯。第一輪，三款都好食，唔乾，不過就唔太熱。追加嘅肉眼，真係大過埋面，今次又夠熱又好食，正。加多杯飲品，埋單加一都係$144，真係好抵食，值得推介。

知道呢間餐廳係以任食牛扒作為招來，今次就先試試佢既午餐，了解一下。一行兩人，每人一個餐，點左All day breakfast和流心芝士牛肉漢堡🍔配薯條🍟。All day breakfast(＄58)基本的食材，如煎蛋、豬肉腸、煙肉、炒野菌、茄汁豆、薯餅、蒜蓉飽，新鮮沙律菜和烤蕃茄，通通都有。而我認為佢最大的selling point係價錢合理，仲記得All day breakfast的概念剛剛香港出現的時候，定價都只係＄60左右。到依家呢道菜已經成為各大小西式餐廳的必有菜式，食材就算係大同小異，但係價錢已經升左差唔多一個double。有時候覺得，只係食一個比較豐富而材料平實的早餐，要成＄100，真係唔太合理。所以呢間餐廳的All day breakfast，價錢回歸原始，將會是我繼續光顧的原因之一。流心芝士牛肉漢堡配薯條(＄49)牛肉漢堡算係足料，目測都有差不多兩吋厚，除左有肉汁外，仲帶有好重的牛肉味。夾住新鮮生菜同埋蕃茄，質素絕對比得上其他知名的Burger店。唯一需要改善的係食物上菜時唔夠熱，無論係薯條、蒜蓉飽、定係薯餅，都有呢個問題，所以希望店家可以跟進一下。

係Facebook見到＄98任食牛扒豬扒見到咁嘅價錢我哋呢啲窮等人家梗係想去試吓佢有分幾個時段 如果閑日去嘅話過咗九點唔使點book位 餐廳個格局幾好都幾乾淨我哋當晚去係坐滿晒人嘅一入去就可以上菜得四樣嘢簡首先係一個沙律 一個餐湯 同埋一個蒜蓉包 依三樣嘢賣晒就冇架啦個沙律你都幾好可能我鍾意食菜嘅關係個餐湯一般般 蒜蓉包我直頭冇食到好啦之後到重頭戲啦就係牛扒同豬扒其實我都預咗咁嘅價錢好難有燒鵝髀嘅味道 個牛扒同豬扒係冇特別㗎 仲有啲雪味 都幾多油 所以其實係幾難食 埋單位位$98

完全唔明白貨源及煮法，星期六都尚餘座位，吸引程度可想而知。另外，聖誕節亦不例外，人流疏落，如果尚一未试过，建議您千萬不要吃「任食」，小试一個餐就非常夠，牛扒賣相好，但完全無牛味，非常失望

第一次食到咁好味既扒，同d大牌子餐廳有得比一嚟到揀好選邊個放題價錢就即刻好快咁上檯，先嚟沙律，湯，蒜蓉包，之後就係三件扒同薯菜，唔想再食扒都可以叫薯菜，萍果梳打水好好味