法國飯店

Open Now

Now Closed

我指的安靜係間餐廳無咩客人果種靜，星期五晚上靜到嚇親，同一時間的屯門市中心，任何一間餐廳都排晒隊，我覺得如果有揸車的朋友就好適合，又有免費泊車又唔使等位。 講返正題，這間裝潢好有品味的餐廳，食物質素就唔多配合，價錢唔算貴，我覺得算平，可能因為無咩客人，所以起唔到價啦。講真，如果食物唔掂，咁又點會有客呢? 咁落去唔係辦法喎。 前菜揀左焗田螺，點左兩款主菜，一款美國特級西冷，一款寶雲酥羊架。先講牛，質素算不錯，燒得夠香口，特別係脂肪部份，不過略嫌調味不夠，要自己加鹽先得。再講羊，這個就唔得喇，味道ok, 但肉質太粗糙，好多渣，食到一半唔想食喇。 飲品方面，點左款英國手工啤，出面少有，幾好飲。

有咩慶祝事最鍾意黎呢度食, 因為貪佢平日靜靜地.吞拿魚沙律 ~ 沙律菜幾新鮮, 吞拿魚邊煎香左, 唔錯.蘑菇湯 ~ 夠杰, 仲食到一粒粒菇, 我鍾意.燒鴨褪 ~ 外面燒到香香地, D肉唔UN, 配埋個汁好好味.三文魚CREAM汁扁意粉 ~ 意粉唔會太乾, CREAM汁唔會太稀, 好味.心太軟 ~ 焗到好香, 一篤開D朱古力係咁流出黎, 配埋雪糕食, 好正.

同屋企人嚟咗好多次食～平時最鍾意就係食佢係安格斯牛扒嘅dinner set 嘅！凱薩沙律三文魚味道幾好，份量少少，但幾開胃！野菌湯簡係我地my favorite 😍😍😍超多蘑菇，又香又creamy，超好飲！！嚟咁多次都一定要飲！！！今次我食咗野菌忌廉汁扁麵我超鍾意食mushroom！個味道好香😍仲有Daddy Mummy嗌嘅～都不錯呢！Thank you

出師之名: 周末本來就應悠閒飄泊, 飄了半天, 最後落腳黃金看海吃西餐...裝修: 裝修切合主題, 有仿歐石柱加上落地玻璃間隔, 燈光稍暗氣氛不錯, 很適合情侶光顧。 <讚>座位: 坐卡位, 兩邊都是2人沙發, 極寬敞, 沙發材質軟硬適中, 久坐不累!服務: 經理服務及介紹到位, 大部份店員都奉送笑容, 感覺親切, 中價西餐里算是不俗!飲品: 點了BY GLASS波爾多白酒, 份量正路, 口感豐富, 細問下知道他們挑選了較高檔的酒來做餐酒, 誠意可嘉! 另外兩份餐湯, 味濃而有質感, 溫度也適中。<讚>食物: 4人點了4份餐, 兩份SET, 兩份散。((比較一)) SET牛 VS 散叫牛柳, 理所當然地很大差別, 價錢也反映了。 好牛者, 建識散叫, SET牛屬入門, 雖材質及味道也可以, 惟厚度很普通。((比較二)) SET魚 VS 散叫銀雪, 同樣是質感的比拼, SET魚有點干, 但味道尚可, 銀雪則較滑。看圖定奪。總結: 本次晚飯, 最大樂點是酒, 皆因在法國飲食文化里面, 酒是主角之一, 所謂"法菜必飲"。食物方面, 對材質有要求的, 散叫是王道

10月尾某天，和女兒來二人世界，吃the fxxxx 吃到悶悶地，轉下地方，位於黃金海岸商場，唔洗司機自己坐巴士來也很方便。午餐相比蟠龍半島個間，呢到的沙律叫做有點誠意，青蘋果配鴨胸，一個爽甜，一個嫩滑，簡直perfect.仲有黑醋汁，食左一啖先記得影相。個醋係沙律的soul. Yummy.賣飛佛的白汁菇菇扁意粉，個汁唔漏又多汁，簡直食完想encore. 呢到食午餐價格同the fxxxx 差不多，以前無甜品，而家有甜品送。新鮮茄蓉，好清新，唔太酸又唔會太甜，愛吃素也有好選擇。新增的甜品，視覺享受加味覺享受，芒果布丁配紅莓醬。食多幾個都嫌未夠。不用解釋，就是完美句號值得一讚，佢地個洗手間有少許改善，但可以更好

想遠離一下多人既市區，所以揸車去黃金海岸試下d餐廳。宜家黃金海岸裝修緊，所以個view麻麻地。見呢間價錢可以接受，所以就揀呢間。個dinner set $598+10% , 有appetizer, soup, main course, tea or coffee. Appetizer 先有seafood platter, 個生蠔新鮮又大隻，真係鮮味十足。入面好大而weekday又唔多客，唔使等位同服務好好！再點左個黑毛豬沙律同湯，而Foie gras 加芒果好正，好好食！主菜仲出色， grilled us prime rib eye steak 要medium rare，肉汁多而嫩又無乜脂肪，牛扒能夠做到咁鬆軟滑口已經很不錯！再配上薯仔同雜菜都算big portion. 而mustard就揀左有芥辣口味，同牛扒好match!另點了帶子青口意粉，個sauce好creamy,意粉好爽口，青口大隻，好好味！呢個價錢可以有咁好既食物質素值得再來！

2.22係我同男友既Anniversary，男友今日要OT，只可以係食晚飯時見面。我地兩個屯門友又再去屯門既拍拖熱點──黃金海岸食晚餐，不過今次我講到明唔想再食酒店自助餐，所以男友就安排左去法國餐廳食~我地叫左個2人餐，有1個海鮮拼盤、2個前菜（揀左田螺薯蓉&黑毛豬火腿沙律）、2個湯（蜆肉周打魚湯&龍蝦湯）同埋2個主菜（黑牛肉眼扒&帶子青口扁意粉）。首先上既海鮮拼盤，d海鮮好新鮮，原本我都唔太食生蠔（因為之前係某酒店buffet中過伏），不過呢度既生蠔又真係好鮮味 ，但想食多隻都冇呀，1人只得1隻… 之後就到前菜，不得不讚，個田螺薯蓉超好味 ，田螺好有咬口，薯蓉就超香超滑，我忍唔住食左成3分2，只留返1/3比男友，男友只好食黑毛豬火腿沙律（個人覺得呢個味道普通）。到湯，周打魚湯好一般，不過都頗足料。而龍蝦湯味道就好怪 ，我飲左幾啖已經唔想再飲…但待應見未飲哂，就唔會收隻碗，咁即係亦唔會上主菜…為左個主菜同為左唔好做大哂鬼，唯有飲埋佢…終於捱到飲哂d湯，等到最令人期待既主菜上喇！黑牛肉眼扒好入味又鬆軟，推介 ！而帶子青口扁意粉就好失望，帶子竟然有陣酸”叔”味 ，但我地費事叫佢

同老公結婚前黎過，今次結婚週年再來懷緬一番.叫了之前都會叫的兩人餐.餐湯- 周打魚湯  味道都唔錯既餐湯- 蘑菇湯 呢個一般海鮮拼盤 - 得好少(2隻蝦.2隻翡翠螺.2隻蠔). 有一隻蠔仲要好細隻添  前菜 - 焗田螺 用個裝餐湯既碗裝住.賣相 前菜 - 鴨絲沙律 賣相好過田螺主菜 - 肉眼(好像是)   質素只係俾大家樂好少少..唔掂主菜- 蝦意大利飯 一般2杯飲品TOTAL: $598+10%呢個價錢食以上既菜式真係有好多更好既選擇!無下次啦!

由於太肚餓嘅關係喺屯門出巿區時已經忍唔住跳左落車去搵食，行左三個圈都無間合心意之際見到呢間法國餐廳有out door所以就敵不過肚仔呼叫坐低左喇！例牌叫枝唔太貴嘅餐酒飲返杯先🍷🍸先講餐包雖然係普通嘅法包但起碼係熱嘅所以我覺得都ok嘅！之後就自己去揀生蠔啦！食生嘢我一向相信平嘢係無好嘅所以揀曬啲貴嘅所以一定無問題喇😂😂到煙鰻喇好耐無食過啦！自從上環Latata close左之後出面已經好少見到、仲份量十足添😅唔通佢知我好肚餓😂！至於田螺就咸左少少啦可以輕手啲🙏跟住到鴨腿都ok吖反而個海鮮天使麵我覺得太多汁而且掛名法國菜放花甲好似怪怪地喎😂雖然我好like食蜆但享受食物係先視覺後味覺架嘛希望餐廳留意下！之後到個湯喇反而見到隻大蜆感覺好啲無不良感覺喎！最後食埋個焦糖燉蛋就飽飽啦！<img id="10" class="importImage" src="/var/mobile/Applications/1AF18C81-1555-4EEB-872B-AC8CA24ADAEF/Documents/photo546.png?t=8549">總括而然如果飲埋酒每人幾百蚊又唔洗自己整

一直以來，黃金海岸都有一種地中海式的風情，但其實商場四周的餐廳中，有不少是港式風味。Le Bristol還以為是一間西餐廳，而事實上，都有港式早餐提供，餐廳原來另布2 間比較裝潢典雅一點的房間，可能是前身留下的而沒作改動；特惠早餐來了份紫菜鮮牛肉麻辣公仔麵，而湯粉及麻油包另上，大家可自行決定落唔落；至於火腿奄列餡料不多，方包反而幾軟熟。連凍飲都不到$30，幾平民化的價錢。

真係一肚氣，本人下午打黎book左晚上7：30黎食飯，由於來的途中前面發生車禍，結果我7：43分先到，黎到時該員工話我知我張枱已經比左原本book左8點嘅客人，我話我都唔想，來嘅時候前面發生交通車禍，該員工話：咁你可以打黎比我地。我聽到之後真係好嬲，我問佢點解你將我張枱比其他客人之前唔打電話通知我？係咪應該問一問我係唔係on the way 呢？該員工態度囂張咁話：唔覺得係我地嘅問題囉。未入到去食態度已經咁差，我而家係來消費，並唔係來返工，我係消費者，我唔明點解要受到咁嘅服務態度。。

今次係我第一次寫食評，我想分享一次係黃金海岸法國飯店所遇到的不愉快經歷。今年五月，我的太太其實一直都好想寫意地享受早餐，於是在星期日早上，到黃金海岸法國飯店。我鍾意既係對住海境，當時唔太熱，好舒服。去到早上10:40，唔駛等位，而門口亦沒有侍應，可能佢岩岩行開左，我們便坐在門口的露天座位，首先我唔欣賞的，是侍應表現出港式茶餐廳的工作態度。我舉舉手望住一個後生既男侍應，示意佢拎餐牌過黎點菜，他懶懶咁行過黎，好似唔知我要咩，又無問我想要咩，我重申：「唔該想要餐牌」佢諗左一陣，我差Ｄ想問佢明唔明我想要咩，不過佢就行番入餐廳。我點完菜之後，又係無神既一句：「‧‧‧哦」都算數，我覺得香港好多人都係咁，並唔係個別例子，沒辦法。最有效率的，就是這裡的「收錢方式」。其他沒有快，最快就是一點完早餐，未送上橙汁，就一句：「多謝您$120」，都無所謂，早埋單和遲埋單，理應也是一樣。可是我遇到的情況就比較特別。我當日只有一張$500紙幣，我便給他找贖，然後就繼續食早餐。大約早上11:30左右食完早餐，我們趕緊到附近marketplaxx買野，先發覺剛才原來一直都未找番錢！於是我們立即到餐廳理論。今次有侍應係門

我對屯門完全不熟悉，難得今晚可在黃金海岸酒店過夜，便趁機在鄰近的商場找餐廳吃頓晚餐。黃金海岸商場的餐廳也算幾多元化，週末晚遊人多的是，我和朋友最終選了法國飯店Le Bristol，但要等超過30分鐘才可入座。選擇Le Bristol，是被它門口掛著的$488 六道菜二人餐所吸引，那就看看質量是否超值啦。如果餐飲也計算在內，這套餐共有七道菜。打頭陣的是「海鮮拼盤」（Seafood Platter)，有生蠔、海蝦、青口各兩隻  據店員說，生蠔是南非的，尚算新鮮和多汁，也沒有很重的腥味。而青口也很厚肉和鮮味。但海蝦就相對太細隻了。前菜一： 「香煎法國鵝肝」(Pan-Fried Goose Liver)兩百多元的套餐，不能期望有頂級鵝肝吃，但這塊鵝肝確是水準之上，入口軟綿綿兼滑溜，只嫌味道不夠香濃。 前菜二： 「煙三文魚凱撒沙律」(Caesar Salad with Smoked Salmon)這沙律的菜顯然不夠豐富，沒有一般的沙律菜，三文魚只得一塊，芝士也少得可憐，唯一最讚的是生菜，好爽好新鮮。餐湯：「蜆肉周打湯」(Clams Chowder)湯很香滑，很Creamy，味道適中，但蜆肉就

和朋友一行四人遊車河....既然有車，當然要遠離市區，我們便選擇了黃金海岸為晚飯地點。可能是平日，整間餐廳客人不多，所以坐得很舒服，也很寧靜，我們靜靜地聊天很不錯 (ps餐廳氣氛很好，如果二個人來浪漫一下也不錯)由於我們也不太肚餓，所以只點了兩個set，另外幾款食物。先來兩份跟餐的頭盤，很有誠意脆炸波士頓軟殼蟹配黑松露黑醋汁我們看到賣相太興奮了，忘記拍照便開動。因為這是原隻大蟹，一人是吃一啖是足夠，相信一個人是沒可能吃得下。巴瑪火腿蜜瓜伴沙律因為和蟹同步上，繼續忘記拍照蜜瓜很甜，清清的，我喜歡煙三文魚他伴牛油果配紅梅汁是整晚最失望的，因為只有很少的三文魚跟餐主菜：羊鞍不"騷"，也不乾身，不錯跟餐主菜：要大讚這個扁意粉，一來三文魚份量足夠，二來cream的份量剛剛好，又不膩另外散點的鴨腿，紅酒汁很香，滲入鴨腿，加倍美味甜品芒果夠多，又鮮甜

嘩！天有不測之風雲，突然落大雨，慶幸由停車場行上黃金海岸商場路程不算太遙遠，沒有怎樣被淋雨。被安排於長檯，牆邊有個採摘生果的美人。近窗的一面就可以望出去看到海景，不過今日下雨，窗外變得很矇矓。今次終於有時間細心看看餐牌，其實呢度係叫法國飯店 (Le Bristol)。其實這裡的 Set Lunch 不是日日轉，又不是月月轉，所以今次仍然是我們上次來食的午餐選擇。午餐餐牌內相對便宜的是粉麵類，而最貴的就是扒類。頭盤的選擇有凱撒沙律，香脆炸大蝦伴沙律，煙鴨肉火箭菜沙律，是日餐湯 (蕃茄忌廉湯)，而我依然叫了香脆炸大蝦伴沙律，因為凱撒沙律又好像普通了一點，又唔想食鴨肉，至於今日餐廳就係蕃茄忌廉湯，感覺總是怪怪的，其實我自己也學過煮西餐，而且都煮過不同口味的忌廉湯，忌廉湯的製作也略知一二，所以平時我外出很少選擇忌廉湯架。至於主菜呢，今次諗咗好耐，最後就是茄茸芝士焗美國豬柳配紅酒汁，個名好長呀，今次就試下豬柳啦！牛油麵包 (Butter & Bread)牛油和小法包，我每一次都要勁揸牛油，因為牛油和麵包真是最佳的配搭。麵包外脆內軟，再加上牛油，已經食到停唔到口，今次我們仲要添食，我一共食了四小件